المساعد الشخصي الرقمي

مشاهدة النسخة كاملة : سؤال للجميع بخصوص مطار الدوحة


بـن عدوان
30-01-2009, 07:00 PM
السلام عليكم ورحمة الله وبركاته

مساكم الله بالخير جميعا ..

اليوم رحت المطار عشان اوصل الأهل كانوا مسافرين

المهم

جيت ابي اخلص البوردينغ كارد

قلت حق أهلي نطروا شوي


ويــــن الكراسي اللي كانت موجودة ؟

الحين الواحد اذا يسافر مع اهله وين يقعّــد أهلــه ؟

او اذا عندك رجال كبير مثلا

والله شفت منظر يفشل

عيوز مسكينه قاعدة تحت ع الحديد !

وفي غيرها واايد نفس الشي !


طبعا مثل مانتوا عارفين الواحد مب على طول يدخل لازم يجيك التذاكر .. الخ

وساعات تحصل طابور وكل واحد ينطر دوره


هالسؤال أوجــه الى ادارة المطار

وفي مطار القادمون:




طيب يالغالي كذلك في صالة القادمون مافيه كراسي


يعني لما المسافر يجي يبي ينطر حد لازم يوقف برع

ساعات في مطر وساعات رطوبة ومووت حر

شيسوي ؟؟


تحياتي
بويوسف
30-01-2009, 07:03 PM
اكبر الباكر يقول محد يقعد .. القطريين يقعدين ليش .. لا مش معقولة خلهم واقفين .. حامل ولا مرة عيوز والا رجال .. والا اطفال ..

والله انه مرة رحت وقعدنا كلنا واقفين والاهل والحريم واقفين للاسف !!

مادري اش المنطق في عدم وجود كراسي !!
Abu Deeb
30-01-2009, 07:04 PM
أخوي مافي مكان بعض الأحيان للناس اللي واقفين فصعب تحصلهم حاطين كراسي زين انه يمشي الوضع هالمطار لين يخلص المطار الجديد
بـن عدوان
30-01-2009, 07:07 PM
أخوي مافي مكان بعض الأحيان للناس اللي واقفين فصعب تحصلهم حاطين كراسي زين انه يمشي الوضع هالمطار لين يخلص المطار الجديد

لا من قال

والله في مكان وكبير بعد

احنا الشباب مو مشكلة بنوقف

بس الحريم وكبار السن شيسوون ؟

والله اذكر بعد لما سافرت مع ربعي

واحد من ربعي جدته كانت معاه

ونفس الحالة والله ع الحديد
hemoud123
30-01-2009, 08:07 PM
الله يعين على هذا المطار لين يخلص المطار الجديد, انا اليوم موصل ناس رايحين على الطياره اليمنيه ,والقانون مايسمح لاكثر من 32 كيلو لكل شنطه وناس جايبه شناط الوحده اكثر من خمسين كيلو , تخيلوا المنظر الناس تفتح الشنط وتعبي منها الى الكراتين والى الشراشف وتربطها ومنظر عجيب والله والاجانب يصورون , والفوضى بصوره مش طبيعيه ما تقول ابدا انا في قطر
جوال 11
30-01-2009, 08:13 PM
صحيح هذه غلطة منهم ولابد من توفير المقاعد للمسافرين
ولكن يا أخي تستطيع أن تسجل وتأخذ بطاقة دخول الطائرة ورقم المقعد من الأنترنت وعند وصولك المطار ما عليك الا أن تضع الحقيبة فقط وتوفر وقت من الأنتظار .
وبالنسبة 32 كيلو تطبق في كل مطارات العالم .
جرير
30-01-2009, 08:34 PM
صحيح هذه غلطة منهم ولابد من توفير المقاعد للمسافرين
ولكن يا أخي تستطيع أن تسجل وتأخذ بطاقة دخول الطائرة ورقم المقعد من الأنترنت وعند وصولك المطار ما عليك الا أن تضع الحقيبة فقط وتوفر وقت من الأنتظار .
وبالنسبة 32 كيلو تطبق في كل مطارات العالم .



اخوي جوال ترى حتى لو تسوي chick in عن طريق النت نفس العمليه تتنقع نفس اللي

ما سوى شي وانا مجرب كذا مره احس انها على الفاضي . .. بس مجرد انك تحجز لك كرسي

على الطياره اما التنقيعه موجوده . . . اما مساله 32 كيلو على قولتك صج في كل مطارات

العالم تستوي هالمواقف في الوزن وانت تكون مو متوقع ان وزنها يطلع فوق ال32 كيلو

بس زين احيانا انه يصادف وجود حد وياك من الربع عشان تستغل الوزن اللي وياه

(استغلالي ) ههههههههههههه
ANONYMOUS
30-01-2009, 08:43 PM
نطالب بالمسؤولين في المطار يكثرون حدايد عشان القعده..
ALRAYYAN
30-01-2009, 09:21 PM
بسم الله

اخواني قبل لا اقول اي كلمه انا داومت في مطار الدوحه
من 98 لين 2003 ومن 2007 لين 9/2008
يعني اعرف كل اوضاع المطار واللي يصير فيه

انتوا على بالكم لو حطوا كراسي بتلقون مكان تقعدون فيه من الهنود واهلهم
انتوا تعرفون ان الهندي اذا مسافر او السوداني او المصري يجون معاه اقل شي 5 افراد يودعونه
تم منعهم من دخول قاعه المغادرين ولكن المسافرن نفسهم مب شوي

للعلم قبل كان في كراسي بس شالوها لأن الطياره تطير عنهم وهم قاعدين على هالكراسي يهذرون
وخصوصاً الجنسيات اللي ذكرتها مع احترامي لهم

لذلك انا دائما انزل من الموتر وانزل شناطي واخلص كل شي وعقب انزل هلي من الموتر وندخل قاعه الترانزيت على طول
او
اجي على وقت البوردنج على طول اخلص وادخل الترانزيت خلال ربع ساعه بالكثير

اما بخصوص الوزن فمثل ماقالوا الاخوان 32 كيلو هو الوزن المعتمد في مطارات العالم

وتم التعميم في موقع القطريه ع النت وعن الوزن المسموح
ونزلوا الخبر في الجرايد أكثر من مره .. وحاطين لافته كبيره في مدخل قاعة المغادرين
ولكن عمك اصمخ .. يجي يدحب شنطته بوزن زايد ويستعبط ويعطل اللي وراه ولين شاف مافي فايده
فرش شنطته ع الارض تقول في سوق الخميس والجمعه وقعد يفلت في هالاغراض يمين ويسار
لين يخلي وزنها مثلاً 40 كيلو ويجي يستهبل مره ثانيه ويعيد الكره وهلم مجره

اتمنى اني وضحت لكم بعض الامور وان كانت سالفه الكراسي مو الحل الامثل لكن هذا الحل بنظر ادارة الطيران المدني

ودمتم بخير
Qtr Denver
30-01-2009, 10:27 PM
ماقصرت يالريان

طيب يالغالي كذلك في صالة القادمون مافيه كراسي
Gold Boy
30-01-2009, 10:56 PM
مهزله!!
عضو قديم
30-01-2009, 10:58 PM
اكبر الباكر يقول محد يقعد .. القطريين يقعدين ليش .. لا مش معقولة خلهم واقفين .. حامل ولا مرة عيوز والا رجال .. والا اطفال ..

والله انه مرة رحت وقعدنا كلنا واقفين والاهل والحريم واقفين للاسف !!

مادري اش المنطق في عدم وجود كراسي !!


خاطري افهمها
Gold Boy
30-01-2009, 11:00 PM
خاطري افهمها

يعني قاعد بطريقه وقافيه هههههههههههه
عـيـون قـطـر
30-01-2009, 11:07 PM
وش تبونا نقول غير حسبي الله ونعم والوكيل
بـن عدوان
30-01-2009, 11:40 PM
طيب يالغالي كذلك في صالة القادمون مافيه كراسي


نقطة مهمة

وبعد اذنك بضيفها في المووضوع
الواعد
31-01-2009, 12:09 AM
اكبر الباكر يقول محد يقعد .. القطريين يقعدين ليش .. لا مش معقولة خلهم واقفين .. حامل ولا مرة عيوز والا رجال .. والا اطفال ..

والله انه مرة رحت وقعدنا كلنا واقفين والاهل والحريم واقفين للاسف !!

مادري اش المنطق في عدم وجود كراسي !!




خاطري افهمها

يقصد بـ قعدنا يعني بالعربي اصبحنا أو صرنا ودائما يستخدمونها الناس ، اعطيك مثال :

لما واحد ينتظر واحد والواحد الثاني تأخر على الواحد الأول هههههه شوف وقاله :-

# قاعد من الصبح انتظرك ليش تأخرت ( هل معقولة من الصبح وهو جالس :) ماقام ابدا ؟؟؟ )

الكلمة مش مقصود بها حرفيا انهم جالسين هذا اللي حبيت اوضحه

هذا والله اعلم :)
ALRAYYAN
31-01-2009, 12:49 AM
نقطة مهمة

وبعد اذنك بضيفها في المووضوع

قاعة القادمون فيها كراسي بالهبل عند كونترات الجوازات من الداخل
واذا تقصد قاعه وصول العفش او السير بعد في كراسي اخوي بعد السوق الحره ع اليسار

هذا بالنسبه لصاله وصول المسافرين

اما اذا تقصد القاعه الخارجيه .. الاستقبال .. صحيح مافي كراسي
لأن أكثر لهنود يرقدون على هالكراسي لين يجي الكفيل ويستلمه
واذا كفيله شركه تخليه باليوم واليومين .. لذلك شالوهم
زقرتي ومزاجي
31-01-2009, 12:52 AM
:( :(
بويوسف
31-01-2009, 01:28 AM
يقصد بـ قعدنا يعني بالعربي اصبحنا أو صرنا ودائما يستخدمونها الناس ، اعطيك مثال :

لما واحد ينتظر واحد والواحد الثاني تأخر على الواحد الأول هههههه شوف وقاله :-

# قاعد من الصبح انتظرك ليش تأخرت ( هل معقولة من الصبح وهو جالس :) ماقام ابدا ؟؟؟ )

الكلمة مش مقصود بها حرفيا انهم جالسين هذا اللي حبيت اوضحه

هذا والله اعلم :)

جزاك الله خير اخوي .....

ههههههه نعم صحيح قعدنا اقصد فيها تمينا .. صرنا - واعتقد مفهمومة بس هي صارت جذيه

واسمحوا لي يا اخوان
eastqatar
31-01-2009, 01:36 AM
http://www.arb-up.com/files/arb-up-2008-6/pTR54945.jpg

طيب اذا معاك يهال

او

الله يبعد الشر انت او اللي معاك فيه مرض او صحته قليله

لازم ايراعون الناس

مع احترامي للاخ الريان اذا الهندي ذابحته السوالف ( هدده بالغرامات اذا تاخر )
tajirqatari
31-01-2009, 02:28 AM
الكراسي اللي كانت موجوده في صالة المغادرين وصالة القادمين كلهم ودوهم صالة الترانزيت لان عدد المسافرين بالترانزيت وايد ففي اقتراح ليش نشتري كراسي جديده فشالوا الكراسي الموجوده فالمغادرين والقادمين توفييييييييييييييييييييييير
عضو قديم
31-01-2009, 10:25 AM
يقصد بـ قعدنا يعني بالعربي اصبحنا أو صرنا ودائما يستخدمونها الناس ، اعطيك مثال :

لما واحد ينتظر واحد والواحد الثاني تأخر على الواحد الأول هههههه شوف وقاله :-

# قاعد من الصبح انتظرك ليش تأخرت ( هل معقولة من الصبح وهو جالس :) ماقام ابدا ؟؟؟ )

الكلمة مش مقصود بها حرفيا انهم جالسين هذا اللي حبيت اوضحه

هذا والله اعلم :)

أأأأأأأأأأهاااااااااااااااااااا
يعني روح جاي ؟
ههههههههههههه


جزاك الله خير اخوي .....

ههههههه نعم صحيح قعدنا اقصد فيها تمينا .. صرنا - واعتقد مفهمومة بس هي صارت جذيه

واسمحوا لي يا اخوان

ادري فديتك شتقصد بس حبيت اضيف شويه مرح على الموضوع
تحياتي لكم
بويوسف
31-01-2009, 12:05 PM
أأأأأأأأأأهاااااااااااااااااااا
يعني روح جاي ؟
ههههههههههههه



ادري فديتك شتقصد بس حبيت اضيف شويه مرح على الموضوع
تحياتي لكم

بيني وبينك انه لاحظت ان شكلها غلط بس مشيتها قلت بتطوف عليكم
:shy:
بنت^البحرين1
31-01-2009, 01:02 PM
:yes: صح كلامكم

اذكر يوم كنت في الدوحة وبنرجع البحرين رحنا بسرعه وللأسف صارت لخبطه في الحجز واضطرينا نتأخر لموعد طيارة الساعه 4 بدل من الساعه 2 !! تخيلوا؟؟ ولاااااااااااااااا كرسي موجود بس في حدايد مادري شقصتهم اشوف الناس تقعد عليهم او انك ترجع ورى بتلقى كم كرسي عند البوابة ، واحنا كابرنا لكن عقب من التعب اضطرينا رحنا الكوفي شوب مب ذاكرة هو كوستا او واحد ثاني ، كلنا خفايف وتمينا قاعدين لي اربع ثلاث ونص تقريبا نبي نضيع الوقت لان داخل مافي كراسي

وان شاءالله يحطون كراسي لان صراحه وايد تعذيب الوقفه خاصه للحريم الكبار والشياب واليهال:rolleyes2:

تسلمون على الموضوع
ALRAYYAN
31-01-2009, 02:23 PM
http://www.arb-up.com/files/arb-up-2008-6/pTR54945.jpg

طيب اذا معاك يهال

او

الله يبعد الشر انت او اللي معاك فيه مرض او صحته قليله

لازم ايراعون الناس

مع احترامي للاخ الريان اذا الهندي ذابحته السوالف ( هدده بالغرامات اذا تاخر )

والله انا هني يالغالي لا انا محامي عن مطار الدوحه ولا اتكلم باسمهم
انا كنت موظف في هالمطار والحمد لله اني طلعت منه لأني ماقدرت استحمل كثير من السلبيات فيه
وانا شخص ماعرف اسكت عن الغلط لذلك ماصلحت لهم ولا صلحولي

والحين الحمد لله مرتاح ولا افكر ارجع للمطار

تقدر توجه اي ملاحظه او شكوى لأدارة الطيران المدني ومكتب في الطابق العلوي بالمغادرون

يعطيك العافيه
العـوا
31-01-2009, 02:53 PM
نوع من تشجيع للرياضه
بومحمد911
31-01-2009, 06:35 PM
انزين يحطون على الاقل قواطي نيدو علشان القعده
شيزكيك
31-01-2009, 07:18 PM
ساعات ننضطر نقعد على الحدايد عاد لا يهمنا برستيج ولا خرابيط لين نخلص الشيكنق الصراحه عذاب