ضيــف ثقيــــــــل دمـــــ [الأرشيف] - منتديات شبكة الأسهم القطرية

غزلان

30-01-2009, 11:22 PM

http://www.lakii.com/vb/smile/12-14.gif

ضيف ثقيل دم دائما مايصادف ان تتعرض لهذا النوع من الضيوف سواء في منزلك او عند احد من أصدقائك ..هل صادف ان زارك ضيف فجأة من دون موعد، أو ربما بموعد مسبق، و«تسمر» عندك طوال اليوم..
وحاولت بجميع الطرق اخراجه من دون جدوى، فتارة تتركه لتجول وتصول داخل بيتك، وتارة تنفخ وتنفث..http://www.lakii.com/vb/smile/19_48.gifولاحياة لمن تنادي.
تحاول ايجاد الاعذار التي ربما تكون سبيلا لاخراجه ويأبى عقله الاستيعاب.. فبعد كل عذر تكتشف ثقل طينته ووجهه المكشوف.. حتى ترغب بعد كل الاعذار والحيل التي قدمتها له، ولم تمس احساسه المتجمد، في قتله أو طرده دون اسف على صحبته، فالاعذار كلها لم تحرك ساكنا لديه.. وكأن لسان حاله يقول: «افعل ما شئت انا باقٍ على قلبك»، فاخونا لا يريد ان يفك اسرك من قيد زيارته ثقيلة الدم.

‘‘‘إإإإ‘‘‘

هل صادف وان زاركم أو قابلتم ضيف ثقيل دم؟؟ وكيف تصرفتم للفكاك من أسره؟

فهد111

30-01-2009, 11:27 PM

المجلس مفتوح حق الي بيدش حياه الله ثقيل دم ولا خفيف دم بس في بيتنا القدييم كانت جارتنا كل يوم تجي بدون سابق انذاار وتطق باب غرفه النووووووم اذا محد طلع او تأخرو عليها وتسأل عن امي وتحط دلتها في الصاله وتصب لها وتفر القنوات واذا محد طلع لهاا تشيل دلالها وتجي اليوم الثاني على نفس الطريقه
ومانقدر نقولها لاتدشين ولا نطردها هههههههههههه

غزلان

30-01-2009, 11:33 PM

المجلس مفتوح حق الي بيدش حياه الله ثقيل دم ولا خفيف دم بس في بيتنا القدييم كانت جارتنا كل يوم تجي بدون سابق انذاار وتطق باب غرفه النووووووم اذا محد طلع او تأخرو عليها وتسأل عن امي وتحط دلتها في الصاله وتصب لها وتفر القنوات واذا محد طلع لهاا تشيل دلالها وتجي اليوم الثاني على نفس الطريقه
ومانقدر نقولها لاتدشين ولا نطردها هههههههههههه

--

هههه

ماشاء الله عليها فلته:secret:

المشكله اذا مرتبط او متوقع زياره قصيره وتطووول وانت مب مستعد خاصه اذا خلطت كل السوالف..

شكرا

بوعلي2

30-01-2009, 11:39 PM

بل وايد مرت علينا هالسوالف من كثرهم ماتذكر شي لانهم يوميا موجودين بمجتمعنا وكل تدرعم بالصاله ويتشكون مالهم حل ويجون مرات الساعه 11 بالليل مايخلون الواحد يرتاح ومرات يجون الصبح ومايطلعون الا 12 واااااايد تصير معانا

خصوصا الثقيل يكون ملغ اووووف

بصراحه الموضوع عجيييييب

اشكرج غزلان على طرح مثل هالمواضيع الجميله

Mo0o0oM

30-01-2009, 11:40 PM

انا الحمدالله ماصادفت مثل هالنوعية من البشر . . لكن لو انا مكانج بقول لها اسمحيلي انا

مرتبطه بوعد ولازم اطلع الحين . . ترى مراعاة مشاعر هالنوعيه من الناس ماتفع !!

تحياتي لج . .
:)

Gold Boy

30-01-2009, 11:44 PM

يووووووووووه ياغزلان ذكرتيني في واحد ماحب زياراته تثقييييييييييييل دم من قلب

تخيلي يجلس من العصر ولا يطلع الى الساعه 12 الليل مت قهر منه مضيع وقتي ابي اطلع ابي اروح مع اصدقائي ابي اتمشى وقت العصريات وهو جالس ويبيك تقابله طول اليوم المشكله انه متزوج وتارك بيته وجالس في المجلس

بعد ماشفته عديم احساس صرت اجلس عنده نص ساعه بعدين اقول عن اذنك بطلع عندي شغل مع الاهل

تصدقين اذا رديت للبيت متأخر احصله جالس يتعشاء مع اخواني الصغار في المجلس ههههههههههههههههههههههههههههه

ناصر العمادي

30-01-2009, 11:53 PM

اممممممم ..في الدوحه ماذكر ...
لكن أتذكر في الأردن جاني ضيف وكنت متواعد مع ناس وهالضيف ضابط في الكليه معاي وأول مره يزورني وقلت مب مشكله بيجلس ربع ولا نص ساعه وبيمشي ..المهم الرجال تم جالس ويسولف وبعدها قال تدري حاس بتعب ولازم أرجع البيت << بيته بعيد نوعا ما ....
المهم جيت أجامله وقلت له أرتاح شوي عندي وبعدها روح << ولا أشوف الرجال يفصخ القميص ويتمدد على الكنب ..<<< حسيت بموت من القهر ومب قادر أقوله بطلع وتميت جالس لين صحى من النوم وراح <<< طبعا موعدي راح ..:weeping::weeping:

وصارلي موقف مشابه تقريبا في مصر وحسيت بنفجر من القهر ورفيجي القطري اللي معاي قام بالواجب وتصرف مع الضيف وتهاوش معاه ..:secret::secret::secret:

يعطيك الصحه والعافيه على الموضوع الثقيل :nice::nice:

الله يوفقك ويسعدك وينور دربك وييسر أمرك دنيا وأخره أن شاء الله

كل التحيه والشكر والتقدير والأحترام لك

قطريه ماركه

31-01-2009, 12:06 AM

متابعه لقراءة قصص ثقااااااال الدم *__^

أكيد مروا علي بس ما اذكر الحين قصه معينه ^__^

قطري مغترب

31-01-2009, 12:27 AM

ههههههههههه انا مره واحد ثقيل دم من قلب ويقول الجار للجار واحاول اصرفه وهو قال بالحرف الواحد" انت تبي تصرفني يعني ؟ " مافيه احنا جيرا ن ومالنا فكه من بعض خخخخخخخخخخخخخخخخ

قال لا تحاول تصرفني عندك موعد وامتحان وبتسافر وبتزور فلان بالمستشفى مافيه

انا قاعد روح سوي الي بتسويه وانا انطرك خخخخخخخخخخخخخ وعلى قولة داوود حسين

ماكو ماكو ماكو فكه هههههههههههههه

صمت القلوب

31-01-2009, 12:46 AM

http://www.lakii.com/vb/smile/12-14.gif

ضيف ثقيل دم دائما مايصادف ان تتعرض لهذا النوع من الضيوف سواء في منزلك او عند احد من أصدقائك ..هل صادف ان زارك ضيف فجأة من دون موعد، أو ربما بموعد مسبق، و«تسمر» عندك طوال اليوم..
وحاولت بجميع الطرق اخراجه من دون جدوى، فتارة تتركه لتجول وتصول داخل بيتك، وتارة تنفخ وتنفث..http://www.lakii.com/vb/smile/19_48.gifولاحياة لمن تنادي.
تحاول ايجاد الاعذار التي ربما تكون سبيلا لاخراجه ويأبى عقله الاستيعاب.. فبعد كل عذر تكتشف ثقل طينته ووجهه المكشوف.. حتى ترغب بعد كل الاعذار والحيل التي قدمتها له، ولم تمس احساسه المتجمد، في قتله أو طرده دون اسف على صحبته، فالاعذار كلها لم تحرك ساكنا لديه.. وكأن لسان حاله يقول: «افعل ما شئت انا باقٍ على قلبك»، فاخونا لا يريد ان يفك اسرك من قيد زيارته ثقيلة الدم.

‘‘‘إإإإ‘‘‘

هل صادف وان زاركم أو قابلتم ضيف ثقيل دم؟؟ وكيف تصرفتم للفكاك من أسره؟

الله يسلج اختي غزلان ....والله عندنا ضيفه ...دووووم تسوي فينا هالشي ....
وتقعد باربع وخمس ساعات ... وهم بعد ماتقعد الا بالتعليقات عالخلق والبيت !!!!
وامي واحنا نحاول نلمح ...مافي فايده ...
وبصراحه مالقينا طريقه .... باخراجها ... وانا نفسج بانتظر ردود الاعضاء وخبرتهم...

لاهنتي يالغلااا

بوخالد911

31-01-2009, 01:23 AM

متااابع للموضوع ...........

PRINCESS

31-01-2009, 01:36 AM

في اختراع اسمه موبايل
اللي يريد يجي يتكلم تلفون الاول وحسب وقتي وظرفي يا (أي) يا (لا")
لان اذا سمحت بالزيارات معناها ضاع نظام حياتك وضاعت خصوصيتك..
كنت اعاني فتره من سالفه المكالمات اللي مو بوقتها وتجي فجأه وممكن تطول ومرات الواحد ماله مزاج يكلم حد...لكن حتى هاذي حطيت لها حد..بدو اليعرفوني يعرفون الاوقات اللي ممكن يكلموني فيها وأرد لان اذا الوقت ماعجبني ابد ومستحيل ارد

ثانكس عالموضوع اللي يعاني منه الكثيررررر:victory:

مالي ومال الناس

31-01-2009, 04:58 AM

مااتذكر مرت علي هالحالة يمكن لأن اخواني موجودين يقومون بالواجب لو عندي ظرف طارئ :)

لكن اللي دمه ثقيل على التلفون شنو الحل معاه :rolleyes2:

يسوووولف ويسوووولف لين اتملل بعدها اقوله خلاص يابوفلان بخليك الحين عندي شغلة وبينا تلفون بكرة

يقول انا متملل لاتسكر سولف معاي شوي .. واستحي منه :(

لدرجة اني احط التلفون سبيكر فوق الطاولة وهو يهذر وبعدها يقول انت معاي ؟ اقرب التلفون ايه وياك .. ويكمممل :eek5:

شنو الحل معاه :telephone:

قطري مغترب

31-01-2009, 05:18 AM

مااتذكر مرت علي هالحالة يمكن لأن اخواني موجودين يقومون بالواجب لو عندي ظرف طارئ :)

لكن اللي دمه ثقيل على التلفون شنو الحل معاه :rolleyes2:

يسوووولف ويسوووولف لين اتملل بعدها اقوله خلاص يابوفلان بخليك الحين عندي شغلة وبينا تلفون بكرة

يقول انا متملل لاتسكر سولف معاي شوي .. واستحي منه :(

لدرجة اني احط التلفون سبيكر فوق الطاولة وهو يهذر وبعدها يقول انت معاي ؟ اقرب التلفون ايه وياك .. ويكمممل :eek5:

شنو الحل معاه :telephone:

تسمعه رنة القطار:nice::nice: طوط طوط طوط طوط

مالي ومال الناس

31-01-2009, 08:38 AM

تسمعه رنة القطار:nice::nice: طوط طوط طوط طوط

مب لهدرجة عاد :shy:

غزلان

31-01-2009, 02:24 PM

بل وايد مرت علينا هالسوالف من كثرهم ماتذكر شي لانهم يوميا موجودين بمجتمعنا وكل تدرعم بالصاله ويتشكون مالهم حل ويجون مرات الساعه 11 بالليل مايخلون الواحد يرتاح ومرات يجون الصبح ومايطلعون الا 12 واااااايد تصير معانا

خصوصا الثقيل يكون ملغ اووووف

بصراحه الموضوع عجيييييب

اشكرج غزلان على طرح مثل هالمواضيع الجميله

--

ماعاد فيه خصوصيه بوجودهم خاصه ان الحياه تغيرت عن قبل واوقات الزياره مزعجه خاصه ان كل الأبناء يدرسون ويحتاجون للراحه والتفرغ

العفوا وياهلا

غزلان

31-01-2009, 02:27 PM

انا الحمدالله ماصادفت مثل هالنوعية من البشر . . لكن لو انا مكانج بقول لها اسمحيلي انا

مرتبطه بوعد ولازم اطلع الحين . . ترى مراعاة مشاعر هالنوعيه من الناس ماتفع !!

تحياتي لج . .
:)

مهما تقولين وتعتذرين يطبق سياسة لأأسمع ولا أري هاها

ذكرتيني مره زارتنا وحده مع عيالها كلمت 4ساعات ولا عندها نيه تقوم صرنا تنتاوب عندها انا وامي وخواتي ههههه

ياهلا وغلا

غزلان

31-01-2009, 02:30 PM

يووووووووووه ياغزلان ذكرتيني في واحد ماحب زياراته تثقييييييييييييل دم من قلب

تخيلي يجلس من العصر ولا يطلع الى الساعه 12 الليل مت قهر منه مضيع وقتي ابي اطلع ابي اروح مع اصدقائي ابي اتمشى وقت العصريات وهو جالس ويبيك تقابله طول اليوم المشكله انه متزوج وتارك بيته وجالس في المجلس

بعد ماشفته عديم احساس صرت اجلس عنده نص ساعه بعدين اقول عن اذنك بطلع عندي شغل مع الاهل

تصدقين اذا رديت للبيت متأخر احصله جالس يتعشاء مع اخواني الصغار في المجلس ههههههههههههههههههههههههههههه

--

هاها لزقه مب ضيف لو ماكنك اغير بيتنا:secret:
هذا وهو متزوج شكله مخلي بيتكم استراحه

ماشاء الله ماخذ راحته يتعشى ويتوكل

غزلان

31-01-2009, 02:39 PM

اممممممم ..في الدوحه ماذكر ...
لكن أتذكر في الأردن جاني ضيف وكنت متواعد مع ناس وهالضيف ضابط في الكليه معاي وأول مره يزورني وقلت مب مشكله بيجلس ربع ولا نص ساعه وبيمشي ..المهم الرجال تم جالس ويسولف وبعدها قال تدري حاس بتعب ولازم أرجع البيت << بيته بعيد نوعا ما ....
المهم جيت أجامله وقلت له أرتاح شوي عندي وبعدها روح << ولا أشوف الرجال يفصخ القميص ويتمدد على الكنب ..<<< حسيت بموت من القهر ومب قادر أقوله بطلع وتميت جالس لين صحى من النوم وراح <<< طبعا موعدي راح ..:weeping::weeping:

وصارلي موقف مشابه تقريبا في مصر وحسيت بنفجر من القهر ورفيجي القطري اللي معاي قام بالواجب وتصرف مع الضيف وتهاوش معاه ..:secret::secret::secret:

يعطيك الصحه والعافيه على الموضوع الثقيل :nice::nice:

الله يوفقك ويسعدك وينور دربك وييسر أمرك دنيا وأخره أن شاء الله

كل التحيه والشكر والتقدير والأحترام لك

--

لا اخوي لاتجامل مره ثانيه قالت بروح البيت لو بيته بدوله ثانيه قوله مع السلامه والقلب داعيلك:tease:

ياكثرهم مسلوخين من الأحساس وراك وراك

شكرا

غزلان

31-01-2009, 02:40 PM

متابعه لقراءة قصص ثقااااااال الدم *__^

أكيد مروا علي بس ما اذكر الحين قصه معينه ^__^

ياهلا والموضوع موضوعك:)

غزلان

31-01-2009, 02:41 PM

ههههههههههه انا مره واحد ثقيل دم من قلب ويقول الجار للجار واحاول اصرفه وهو قال بالحرف الواحد" انت تبي تصرفني يعني ؟ " مافيه احنا جيرا ن ومالنا فكه من بعض خخخخخخخخخخخخخخخخ

قال لا تحاول تصرفني عندك موعد وامتحان وبتسافر وبتزور فلان بالمستشفى مافيه

انا قاعد روح سوي الي بتسويه وانا انطرك خخخخخخخخخخخخخ وعلى قولة داوود حسين

ماكو ماكو ماكو فكه هههههههههههههه

يماما ماثقل دمه وانا بيت اخوي استحى اجلس اذا اخوي موجود من الفشيله:secret:

مافيا قطر

31-01-2009, 03:12 PM

عن نفسى ما احب اجامل عندى شغل وما ابى اقعد معاه اقوله عندى شغل واسمحلى هو بيحس ويروح

او ممكن استاذن منه واذا ماشفت فايده اخليه واروح عنه لانه فى اشكال ما تنعطى ويه

بابا ناصر لاتنحرج مره ثانيه خلك حرش وياهم وانت ظابط

قلتك انت اكبر منى ماتسمع الكلام (يا الشيبه)

!الشايمه!

31-01-2009, 03:52 PM

والله ياكثر الغثيثين......بس اللي عندنا هذي بلوى

عادي تدخل الساعه 11 فالليل ...
عادي تدخل لا تضرب جرس ولا اتطق الباب......مانوعى الا هي فوق روسنا في الصاله
تشوفنا متفاجئين ولا تستحي .....
وسوالفها كله عقار في الناس....هذي تطلقت وهذي زوجها تزوج عليها
وتحاول تحاول تاخذ منا اخبار الناس....وتساءل عن آدم وحواء
حتى اخبار الخدامات تبي تعرفها .....وعادي وهي طالعه او داخله
تمسك لهاوحده من الخدامات او حد من الجهال اللي عندنا وتسوي لهم تحقيق ......

اكرهها ........ جنها شيطان قدام عيني ......شريره وخبيثه

بس الحمدلله خفت جياتها ...الظاهر لقت ناس ثانين تغثهم هههههه

تحية

أمير المحبه

31-01-2009, 04:51 PM

لييييييييييييييييييييييييييييييييي عوده الموضوع حلو ويبيني اتفلسف اشوي +_+

بنت^البحرين1

31-01-2009, 05:54 PM

ههههههههههههههههههههههههههههههههههههههههههه والله سوالفكم فله

احنا الحمدلله في البيت ماعندنا هالسالفة من ناحية الجيران، لان بيتنا من اربع الجهات مافيه حد لاصق فينا وفي جيرانا جمبنا بس بينا وبينهم تقريبا 40 متر فمالنا علاقه قوية وياهم يعني زيارات خفيفة جدا في مناسبات وبس

عندي طبع مب قادره اتخلص منه، احب العزايم والقعدات وايد وايد ، واعزم بس مشكلتي ماطيق الوحده تطول في قعدتها خاصه لين كنت اعرفها من قبل يعني مب اول مرة تلوع جبدي، بس يات تغدت نص ساعه خلاص ابيها تروح، بس وحده ابلشتني بيتهم بعيد عنا ويات من الساعه 1.30 الظهر لي المغرب هي قاعده( انا فوحت انا دخنت انا انبطيت ) والبنت قاعده لي اذان المغرب يالله يالله قامت وراحت

swedan_qatar

31-01-2009, 07:34 PM

تعالوا عندي الحل :victory: الله يسلمكم اكيد الا ما يكون في عندك ضيف ثقيل لكن دووم اسوي هالحركه اذا عرفت طبعا ان هو الضيف الثقيل اول شي لو لي خاطر استضيفه عادي يدش وياخذ راحته واستأذن منه شوي واكلم الأهل اقول لهم عقب عشر دقايق اتصلوا وطبعا يوم يتصلون اقول اي لا ان شاء الله ربع ساعه بكون عندكم طبعا ذاك بيفهمها واقوله السموحه مضطر اني اطلع جاني ظرف وبيحرك طبعا عقب ربع ساعه من انك قلتله انك بتطلع :eek5: الحركه الاولى طبعا :omen2: الحركه الثانيه اكون عاده مجهز نفسي يعني بالثوب والعقال إذا حصلته من النوع الثقيل اقوله شخبار شعلوم وينك يا شيخ ما تبين ما ادري شاقول تصدق توني طالع بروح عندي شغل طبعا بيحرك وهو :( لكن الحركات مب دايما اسويها كل فتره وفتره

غزلان

31-01-2009, 07:48 PM

الله يسلج اختي غزلان ....والله عندنا ضيفه ...دووووم تسوي فينا هالشي ....
وتقعد باربع وخمس ساعات ... وهم بعد ماتقعد الا بالتعليقات عالخلق والبيت !!!!
وامي واحنا نحاول نلمح ...مافي فايده ...
وبصراحه مالقينا طريقه .... باخراجها ... وانا نفسج بانتظر ردود الاعضاء وخبرتهم...

لاهنتي يالغلااا

هاهاها بصراحه ضيوف تحفه

خاصه ان الناس اصبحوا بيتوتيين مب مثل قبل كل شي عادي صاروا الأهل يحبون يجلسون لوحدهم يتكلمون براحتهم..
ومعاج حق البعض مافيه فايده معاه قاعد يعني قاعد:(

ياهلا وغلا

غزلان

31-01-2009, 07:52 PM

متااابع للموضوع ...........

-
ممنوع المتابعه لازم تشارك بموقف:sneaky:

غزلان

31-01-2009, 07:54 PM

في اختراع اسمه موبايل
اللي يريد يجي يتكلم تلفون الاول وحسب وقتي وظرفي يا (أي) يا (لا")
لان اذا سمحت بالزيارات معناها ضاع نظام حياتك وضاعت خصوصيتك..
كنت اعاني فتره من سالفه المكالمات اللي مو بوقتها وتجي فجأه وممكن تطول ومرات الواحد ماله مزاج يكلم حد...لكن حتى هاذي حطيت لها حد..بدو اليعرفوني يعرفون الاوقات اللي ممكن يكلموني فيها وأرد لان اذا الوقت ماعجبني ابد ومستحيل ارد

ثانكس عالموضوع اللي يعاني منه الكثيررررر:victory:

-
حل مريح جدا

المفروض لكل شي حدود لكن احيانا لو جات لك ضيفه صعبه تحددين معاها وقت انتهاء الزياره

العفوا ياحلوه

غزلان

31-01-2009, 07:58 PM

مااتذكر مرت علي هالحالة يمكن لأن اخواني موجودين يقومون بالواجب لو عندي ظرف طارئ :)

لكن اللي دمه ثقيل على التلفون شنو الحل معاه :rolleyes2:

يسوووولف ويسوووولف لين اتملل بعدها اقوله خلاص يابوفلان بخليك الحين عندي شغلة وبينا تلفون بكرة

يقول انا متملل لاتسكر سولف معاي شوي .. واستحي منه :(

لدرجة اني احط التلفون سبيكر فوق الطاولة وهو يهذر وبعدها يقول انت معاي ؟ اقرب التلفون ايه وياك .. ويكمممل :eek5:

شنو الحل معاه :telephone:

فعلا هذي مشكله اعاني منها عندي صديقه من اول ماتقول ألو لين تسكر وهي تتكلم عن مشاكلها وانا بصراحه ما احب المشاكل يعني طول المكالمه من مشكله الى مشكله اخرى مااحسن اني استفدت شي الا الصداع:rolleyes2:هي تهذر وانا اتابع فلم بالتلفزيون ولي قالت لي معاي قلت اي معاج
صرت كل ما اشوف رقمها ما أرد خلاص ما استحمل شكاوي

غزلان

31-01-2009, 07:58 PM

تسمعه رنة القطار:nice::nice: طوط طوط طوط طوط

:omg::secret:

غزلان

31-01-2009, 08:00 PM

عن نفسى ما احب اجامل عندى شغل وما ابى اقعد معاه اقوله عندى شغل واسمحلى هو بيحس ويروح

او ممكن استاذن منه واذا ماشفت فايده اخليه واروح عنه لانه فى اشكال ما تنعطى ويه

بابا ناصر لاتنحرج مره ثانيه خلك حرش وياهم وانت ظابط

قلتك انت اكبر منى ماتسمع الكلام (يا الشيبه)

--

اعتقد بعضهم ماينفع معاهم الا هالطريقه حتى لو كانت فشيله شوي

غزلان

31-01-2009, 08:22 PM

والله ياكثر الغثيثين......بس اللي عندنا هذي بلوى

عادي تدخل الساعه 11 فالليل ...
عادي تدخل لا تضرب جرس ولا اتطق الباب......مانوعى الا هي فوق روسنا في الصاله
تشوفنا متفاجئين ولا تستحي .....
وسوالفها كله عقار في الناس....هذي تطلقت وهذي زوجها تزوج عليها
وتحاول تحاول تاخذ منا اخبار الناس....وتساءل عن آدم وحواء
حتى اخبار الخدامات تبي تعرفها .....وعادي وهي طالعه او داخله
تمسك لهاوحده من الخدامات او حد من الجهال اللي عندنا وتسوي لهم تحقيق ......

اكرهها ........ جنها شيطان قدام عيني ......شريره وخبيثه

بس الحمدلله خفت جياتها ...الظاهر لقت ناس ثانين تغثهم هههههه

تحية

افف غثيثه من قلب

الواحد ماله خلق لسوالف الناس يادوب يعرف عن هله وياريت اخبارهم صح اغلبها تأليف

بس جريئه بزياده ضيفتكم الله يعينكم عليها

ياهلا:)

غزلان

31-01-2009, 08:22 PM

لييييييييييييييييييييييييييييييييي عوده الموضوع حلو ويبيني اتفلسف اشوي +_+

حياك الله بس ترى 3 ايام وبنسكر الموضوع:)

ناصر العمادي

31-01-2009, 08:24 PM

عن نفسى ما احب اجامل عندى شغل وما ابى اقعد معاه اقوله عندى شغل واسمحلى هو بيحس ويروح

او ممكن استاذن منه واذا ماشفت فايده اخليه واروح عنه لانه فى اشكال ما تنعطى ويه

بابا ناصر لاتنحرج مره ثانيه خلك حرش وياهم وانت ظابط

قلتك انت اكبر منى ماتسمع الكلام (يا الشيبه)

أستحي ياولدي شاسوي ...:shy::shy::shy::shy::shy::shy::shy:

بعدين مهما كان فهو ضيف وأحترام الضيف واجب ..:nice::nice::nice:

شاهيناز

31-01-2009, 09:05 PM

صادفني اكثر من مره بس الحمدلله انا ماعرف اجامل وايداخلي امي واخواتي يدبسون واتسلل بدون ماحد يحس من المجلس,,,
في ناس ماتحس وبعد مثل مايقولون السالفه تجر السالفه
المشكله الضيف الثقيل لما يجي المكتب مايحس انه مكان عمل يتم يسولف ,, بدون مايحسون
هنيه صح اتورط انتظر التلفون يرن عشان ابين اني مشغوله

بس انصح الي يجامل على حساب اعصابه ووقته ان يقرى كتاب لاتكن لطيفا
فيه نصايح وايد مفيده

موجود في جرير

تسلمين غلان موضوع خفيف عن ضييف ثقيل

غزلان

01-02-2009, 02:36 PM

ههههههههههههههههههههههههههههههههههههههههههه والله سوالفكم فله

احنا الحمدلله في البيت ماعندنا هالسالفة من ناحية الجيران، لان بيتنا من اربع الجهات مافيه حد لاصق فينا وفي جيرانا جمبنا بس بينا وبينهم تقريبا 40 متر فمالنا علاقه قوية وياهم يعني زيارات خفيفة جدا في مناسبات وبس

عندي طبع مب قادره اتخلص منه، احب العزايم والقعدات وايد وايد ، واعزم بس مشكلتي ماطيق الوحده تطول في قعدتها خاصه لين كنت اعرفها من قبل يعني مب اول مرة تلوع جبدي، بس يات تغدت نص ساعه خلاص ابيها تروح، بس وحده ابلشتني بيتهم بعيد عنا ويات من الساعه 1.30 الظهر لي المغرب هي قاعده( انا فوحت انا دخنت انا انبطيت ) والبنت قاعده لي اذان المغرب يالله يالله قامت وراحت

هههههههههههههههه

هذي المشكله خاصه وقت العزيمه تكونين في قمى التعب من الصبح تجهيزات وترتيب ووو والضيفه طبعا مرتاحه وقت العزيمه بتوصل وماوراها شي فالأخت ماخذه راحتها

تسلمين ياحلوه

غزلان

01-02-2009, 07:32 PM

تعالوا عندي الحل :victory: الله يسلمكم اكيد الا ما يكون في عندك ضيف ثقيل لكن دووم اسوي هالحركه اذا عرفت طبعا ان هو الضيف الثقيل اول شي لو لي خاطر استضيفه عادي يدش وياخذ راحته واستأذن منه شوي واكلم الأهل اقول لهم عقب عشر دقايق اتصلوا وطبعا يوم يتصلون اقول اي لا ان شاء الله ربع ساعه بكون عندكم طبعا ذاك بيفهمها واقوله السموحه مضطر اني اطلع جاني ظرف وبيحرك طبعا عقب ربع ساعه من انك قلتله انك بتطلع :eek5: الحركه الاولى طبعا :omen2: الحركه الثانيه اكون عاده مجهز نفسي يعني بالثوب والعقال إذا حصلته من النوع الثقيل اقوله شخبار شعلوم وينك يا شيخ ما تبين ما ادري شاقول تصدق توني طالع بروح عندي شغل طبعا بيحرك وهو :( لكن الحركات مب دايما اسويها كل فتره وفتره

--
ماشاء الله جاهزة بالحلول للطواريء:nice:

احيانا ولاشي ينفع معاهم كانهم ينسون انهم عند ناس يمكن تعبانيين اومشغولين

شكرا

غزلان

01-02-2009, 07:40 PM

صادفني اكثر من مره بس الحمدلله انا ماعرف اجامل وايداخلي امي واخواتي يدبسون واتسلل بدون ماحد يحس من المجلس,,,
في ناس ماتحس وبعد مثل مايقولون السالفه تجر السالفه
المشكله الضيف الثقيل لما يجي المكتب مايحس انه مكان عمل يتم يسولف ,, بدون مايحسون
هنيه صح اتورط انتظر التلفون يرن عشان ابين اني مشغوله

بس انصح الي يجامل على حساب اعصابه ووقته ان يقرى كتاب لاتكن لطيفا
فيه نصايح وايد مفيده

موجود في جرير

تسلمين غلان موضوع خفيف عن ضييف ثقيل

--

والله معاج حق في ناس ماتحس البعض عنده ظروف او مشاغل مايحب السهر او الجلسه كثير حتى السوالف تخلص

والله باين عليه حلو ان شاء الله نمر وناخذ لنا

تسلمين

بوخالد911

01-02-2009, 07:42 PM

-
ممنوع المتابعه لازم تشارك بموقف:sneaky:

هلا

تذكررت

كنت اتملل من ضيف ثقيل لما يجيني الشغل

يتم مدة طويلة عندي !!

عبالة جاي المجلس !!!

المهم فاتفقت ويه 1 من الموظفين انه يتصلي كل اشوي ويذكرني بان عندي اجتماع !!!

والضيف الثقيل قاعد !!!
:anger1::anger1::anger1:

ولا يحس !!!

:rolleyes2::rolleyes2::rolleyes2:

فقمت من كرسيي وقلت عندي اجتمااع !!!

:omg::eek5::omg:

مسيوو/ بوخالد911