كفاية استغلال حسبي الله عليكم [الأرشيف] - منتديات شبكة الأسهم القطرية

miss-qatr

31-01-2009, 09:23 AM

السلام عليكم ورحمة الله وبركاااتة

تمر علينا مواقف كثيرة في الحياه بعضها نتجاهله وبعضها انحاول نعرف اسبابه وبعضها تكون مواقف نادرة وتحدث بسبب خطأ لا أكثر ...

ولكن اذا تكررت هذه المواقف لتصبح عادة عند البعض عندها نقف وقفة واااحده وبصوت واااحد

كفاااااية

موضوعي هذا مشابه لأختي الراقية واقولها ألف الحمدلله عالسلاااامة وحشتينا ونور المنتدى بوجودك :)

لكن للأسف المشكلة مب خارج الدوحة لاااا بل داخلها ..

أكيد كلكم شفتو الإعلان من كم يوم اللي هو (( دروة تدريب للمكياج في صالون لادوريه)) وطبعاً انا اتعمد وأكتب الاسماء علشان الكل يتأدب ويعرف حدوده

هالدورة لخبير التجميل ( احمد قبيسي) وطبعاً أحمد قبيسي مشهور سواء على مستوى لبنان أو الوطن العربي أو حتى المستوى العالمي وما يحتاج شهادتي

لكن المشكلة وين!!!

المشكلة إن الدورة مدتها 3 أيام ----> اوكي

وقيمتها 5 ألاف ريال قطري

لا وليس للتدريب :rolleyes2:

بل للمشاهده !!!!!!!!!!!!!!!!!!!!!!!!

يعني اللي تدفع هال5 ألاف تشاهد فقط وممكن بآخر يوم انها اطبق مره

يعني هال5 ألاف كنك راميتها ) اعزكم الله) بالزبالة وماننسى فيه ناس هال5 ممكن تكون راتب لأسره كاملة لمده شهر

ممكن البعض بيقول ان اللي عندها فلوس مب مشكله... وانا مب ضد هالمبدأ

لكن هم قاعدين يغشونكم

3 أيام ودورة و5 ألاف وأخر شي اتشوفين بس !!!

طبعاً انا ماكتبت هالكلام إلا بعد ما تأكدت من اللي كتبته

ياناااس وين صارت ؟؟ ولا في أي بلاد صارت !!!

انا ماراح الوم خبير التجميل لكن الوم الصالون نفسه الإستغلالي .. يعني كفاية انه صالون قسم لمتحجبات فيه مايتعدى غرفه صغيره ( كنه الوحده منبوذه )

وفوق هذا بتعدونا احنا يالقطريات غبيات !!!

ناقشت هالموضوع مع اكثر من وحده والحمدلله كان ردهم مثل ردي والكل قال محد بيروح يسجل

بس طبعاً انا مااقدر اعم واقول بتكون الدورة فاضية من ( السطحيات من النساء )

الزبده من الكلام ..

من يوقف هالناس الجشعين عند حدهم؟؟؟

يعني لو الشي يسوى والله ماقلت هالكلام لكن حرام واستغلال وخبير التجميل له برنامج ويذكر فيه كل صغيره وكبيره عن المكياج

يعني الصالون هو المستفيد الوحيد واستغلال جشع

الصراحة شي ينرفز في كل مكان مستغلينا حسبي الله ونعم الوكيل عليهم

اللهم اني بلغت

بالول

31-01-2009, 09:32 AM

مشكورة اختي ....

انتي تشوفين هذا الشي حرام ... لكن غيرج مايهمهم خاصة القطريات صار ينقص عليهم من اصحاب هالجنسية بالذات .....

((مدام فيكي تعملي هيك ........ فيكي تزبطي هيك ..... فينا نوعمل هيك ))

والمدام ماتقصر الشنطة ماركة ومليانة .....

والمثل يقول رزق ال......على ........

وسلامتك

حبر سري

31-01-2009, 09:32 AM

وعليكم السلام ورحمة الله وبركاته

ياهلا ميس قطر
من طوّل الغيبات جاب الغنايم

اول شي :
اختي شوفي لو كانت الرسوم خمسين الف , للاسف في ناس راح يسجلون , والله عالفاضي , وللاسف احنا عارفين هالشي

ثاني شي : من هالفئة اللي ذكرتهم في اول نقطة , الكل صار عارف لمجتمعنا للاسف الشديد, والكل عارف ان كل مارفعوا الاسعار في اي شي , الناس كلها راح تراكض ورا هالشي , وعلى فكرة هذا واحد من اسباب التضخم عندنا , لان الشي مهما غلى فالكل يبي يشتريه حتى لو كان من كماليات كماليات الكماليات

ثالث شي : والله جزاج الله خير اذا انج اقنعتي ناس انهم مايسجلون , لانها فعلا مهزلة والله

رابع شي : من اللي يوقف هالاستغلاليين عند حدهم؟؟؟ اختي احنا اللي نقدر , لو كان في تكاتف بين افراده على مقاطعة مثل هالامور الجشعة

عاد مادري وشرايكم , في تكاتف ولا لا؟؟؟؟؟؟؟؟؟؟؟؟

بنتكم

31-01-2009, 09:34 AM

حسبي الله عليهمـ حسبي الله عليهمـ حسبي الله عليهمـ

الشرهـ اللي معطيهم هالصلاحيه واللي بيطاوعهمـ

ناس تدورهـ الخمسه وناس .......لاحوله ولاقوة الابالله

الله يجزيج اختي الف خير ع التبليغ

والله يهدي اللي بيتبعهمـ

ابن السادة

31-01-2009, 09:38 AM

مشكورة اختي ....

انتي تشوفين هذا الشي حرام ... لكن غيرج مايهمهم خاصة القطريات صار ينقص عليهم من اصحاب هالجنسية بالذات .....

((مدام فيكي تعملي هيك ........ فيكي تزبطي هيك ..... فينا نوعمل هيك ))

والمدام ماتقصر الشنطة ماركة ومليانة .....

والمثل يقول رزق ال......على ........

وسلامتك

هههههههههههه شكلك ملدوغ منهم من قلب

miss-qatr

31-01-2009, 09:40 AM

مشكورة اختي ....

انتي تشوفين هذا الشي حرام ... لكن غيرج مايهمهم خاصة القطريات صار ينقص عليهم من اصحاب هالجنسية بالذات .....

((مدام فيكي تعملي هيك ........ فيكي تزبطي هيك ..... فينا نوعمل هيك ))

والمدام ماتقصر الشنطة ماركة ومليانة .....

والمثل يقول رزق ال......على ........

وسلامتك

العفوو ياخوي

وانا والله ماكتبت هالموضوع الا من حرقة قلبي .. اللي عندها ربي يزيدها لكن ان حد يستغلها !!!

الله يسلمك وشاكره لك ردك

miss-qatr

31-01-2009, 09:46 AM

وعليكم السلام ورحمة الله وبركاته

ياهلا ميس قطر
من طوّل الغيبات جاب الغنايم

اول شي :
اختي شوفي لو كانت الرسوم خمسين الف , للاسف في ناس راح يسجلون , والله عالفاضي , وللاسف احنا عارفين هالشي

ثاني شي : من هالفئة اللي ذكرتهم في اول نقطة , الكل صار عارف لمجتمعنا للاسف الشديد, والكل عارف ان كل مارفعوا الاسعار في اي شي , الناس كلها راح تراكض ورا هالشي , وعلى فكرة هذا واحد من اسباب التضخم عندنا , لان الشي مهما غلى فالكل يبي يشتريه حتى لو كان من كماليات كماليات الكماليات

ثالث شي : والله جزاج الله خير اذا انج اقنعتي ناس انهم مايسجلون , لانها فعلا مهزلة والله

رابع شي : من اللي يوقف هالاستغلاليين عند حدهم؟؟؟ اختي احنا اللي نقدر , لو كان في تكاتف بين افراده على مقاطعة مثل هالامور الجشعة

عاد مادري وشرايكم , في تكاتف ولا لا؟؟؟؟؟؟؟؟؟؟؟؟

هلا فيك ياخوي .. ودام رديت السلام لك الاجر بعد :p

كلامك كله صح ياخوي وانا معاك اللي عندها مايهمها يمكن الالف عندها 10 ريال

لكن ياخوي قهر .. انا عندي تشتري بهال5 آالاف مكياج وتقعد تستخدمه فالبيت ولا انها تقط هال5 حق ناس استغلاليين ماراح تستفيد من هالدورة شي

ياجماااعة المشكلة ان مب حاس بنعمة الفلوس الا اللي محتاجها .. حتى لو عندك اختي ربي بيسألك يوم القيامة (( مالك فيما انفقتيه )) !!!

انا مااقول اني انسانة كاملة ... لا والله انا بنت حالي حال غيري من البنات لنا اهتماماتنا

لكن مارضى حد يستغلنا

في السفر مستغلينا وفي بلادنا بعد مستغلينا !!!

وعن سؤالك الاخير

اقولك اي نعم نقدر وهذا عشمي والله في بنات ديرتي

انوقف كلنا وانقول

كفااااية استغلاااااااااااااااااااااااااال

ربي يجزيك بأحسن منه ياخوي واسعدني ردك :)

!قطريـة بنت القمـر!

31-01-2009, 09:55 AM

ما ينشـره عليهم الا ينشــره على (المدمغــات) اللي بكلمتيـن ينقـص عليهم :) ....

miss-qatr

31-01-2009, 10:25 AM

حسبي الله عليهمـ حسبي الله عليهمـ حسبي الله عليهمـ

الشرهـ اللي معطيهم هالصلاحيه واللي بيطاوعهمـ

ناس تدورهـ الخمسه وناس .......لاحوله ولاقوة الابالله

الله يجزيج اختي الف خير ع التبليغ

والله يهدي اللي بيتبعهمـ

ربي يجزيك اختي بمثله:)

عضو قديم

31-01-2009, 10:44 AM

( احمد قبيسي) شنو؟ شيطلع ذي؟ يروح العديد؟
اكيد فنان كبير .......................

hemoud123

31-01-2009, 10:55 AM

شلون يا جماعة رجال يعلم النساء المكياج ؟يصير هالشكل ؟
مب كنه ممنوع

عضو قديم

31-01-2009, 11:01 AM

شلون يا جماعة رجال يعلم النساء المكياج ؟يصير هالشكل ؟
مب كنه ممنوع

ما اقولك فنان كبير

واقع

31-01-2009, 11:16 AM

انا اشووووف ان الموضووع عاادي ان شاء الله ب100 الف
كل واحد عقله براسه ويعرف خلاصه
البنت النبيهه ممكن تشتري دي في دي تدريبي وتشووووفه عشرين مره باليووم بدال 3 ايام
سوق ويحكمه عرض وطلب ماله علاقه بالاستغلال تبي تشتركين دفعي ماتبي عادي الموضوع بسيط

وجهه نظر

pure

31-01-2009, 11:37 AM

شهاال

قمة الغباء لو حد بيشارك

وقمة الاستغلالييه منهم

زين واحمد القبيسي خير ياطير ؟

فيه ناس تعلم ميك اب بمستواه اذا مب احلى منه

بنت مريخ

31-01-2009, 11:37 AM

السوق عرض وطلب
وهو عرض اللي عنده وفيه ناس بطرانه وماتعرف وين تحذف فلوسها فبتروح وبتسجل
ولاتنسين ان بكره بتقول لصديقاتها واهلها انها ماخذه دوره مكياج عند قبيسي يعني فشخره
قمه التفاهه
لاحول ولاقوه الابالله
ناس تموت من الجوع وناس عندها فلوس وماتدري شتسوي بها

ضناني الشوق

31-01-2009, 11:41 AM

طلعتي اللي بخاطري يا مس قطر ،،

فعلاً استغلال واضح من إدارة الصالون ،،

والدليل على هالشي انه بيوم ما نزل الاعلان بالجرايد، جاني خبر بنفس اليوم من واحد من الأهل،، وهوو شخص مسؤول له مكانته في البلديه ،،

بأنهم اتصلوا على خبير التجميل هذا، يستفسرون عن الدوره، وكان بلبنان، تخيلي انه يومها اهو الشخص نفسه ما يعرف متى موعد الدوره ولا جم يوم مدة الدوره،،

كل اللي كان يعرفه انه المسجلات بالدوره هذي من فئة الVIP اللي ما تهمها جم راح تقط في سبيل انها تاخذ دوره عند هالشخص المهم ،، هذي نقطه ،،

والنقطه الثانيه حبيت اذكرها للبنات،، عرفت انه فيه قانون جديد مطبق من فتره، انه يمنع شغل الرجاجييل بالصالونات، الا اذا كان شغلهم بالفنادق والنوادي ،،

الا هالصالون أخذ التصريح بالقوو ومحد يقدر يتكلم لانه تبع فلان الفلاني ومحد يقدر يسوي شي :secret:

ويوم جاته الشكاوي من فتره عن المسخره اللي قاعده تصير هناك، سكروا لهم الصالون، وهم بقدرة قادر ردوه وافتحوه لهم بنفس اليوم:rolleyes2:

فاللي حابه اوصله من هالكلام، هل بعد هالشغلات كلها نقدر نسال ونقول منو اللي اعطى الصلاحيه؟ ومنو اللي يقدر يوقف هالنوعية من الاستغلاليين؟؟؟؟ للأسف ما اعتقد ،،

البختري

31-01-2009, 11:49 AM

يليت كل وحده تقول انا غنيه بس مش غبيه حق هل الأشكال

الشيماء

31-01-2009, 11:52 AM

فعلاً .. كلامك صحيح أختي

الدورة 3 ايام بقيمة 5000 ريال ..

واستغلال واضح ..

بس اللي عرفته ان الأماكن فاضية يعني مو وايد اللي سجلوا في الدورة العجيبة

واذا اتصلتي تبين تسجلين يدلعونك عشان يشفطون منك الفلوس

ورقــة أمــل

31-01-2009, 11:59 AM

اول شي المدرب رجال
يعني شيوديكم له حتى لو الدورة ببلاش لانها دورة مكياج مب محاضرة دينية او دورة طبخ :omen2:

ثانيا تبونه يعلمكم عملي مب نظري لانكم دافعين مبلغ وقدره شلون تركب هاي بعد :rolleyes2:

وثالثا السعر مبالغ فيه على دورة طحين وصبغ في الويه :tease:

السالفه كلها غلط بغلط

قطري33

31-01-2009, 11:59 AM

وعليكم السلام ورحمة الله وبركاته
الف شكر لج اختي ميس قطر ... والف الحمدلله على السلامة برجعتج للمنتدى
موضوع قوي ورجعه قويه للمنتدى ..وجزاج الله الف خير على هالتنبيه وجزاها الله الف خير بعد اللي مابتحجز ولا بتروح هالصالون ..
اولا : لانه خبير مش خبيره .. وبعدين هالخبير شيفرق عن بنات هالبلد اللي نسمع عنهم كل خير وانهم ينظمون دورات في المكياج
ثانيا : لانه المبلغ المطلوب كبير بالنسبه لدورة نظريه ولمدة 3 ايام فقط ويعتبر تبذير للمال وضحك على العقول
اتمنى من الله سبحانه يجد هالموضوع صدى كبير عند اخواتنا من داخل المنتدى وخارجه ويكونون في ميزان حسناتج كلهم
واخيرا تقبلي مروري المتواضع وفي انتظار ابداعات اخرى

miss-qatr

31-01-2009, 12:10 PM

ما ينشـره عليهم الا ينشــره على (المدمغــات) اللي بكلمتيـن ينقـص عليهم :) ....

بس فيه البعض يا اختي مايدرون وين الله قاطهم

كلمة توديهم وكلمة اتجيبهم عل وعسى هالاستنكار يأثر في رايهم

تسلمين قطرية قمر :)

( احمد قبيسي) شنو؟ شيطلع ذي؟ يروح العديد؟
اكيد فنان كبير.................

هذا خبير مكياج وانكتب مره عنه موضوع بالمنتدى وعن برنامجه بقناه قطر

miss-qatr

31-01-2009, 12:18 PM

شلون يا جماعة رجال يعلم النساء المكياج ؟يصير هالشكل ؟
مب كنه ممنوع

ماعندي فكره ياخوي

بس احد الردود كان يتضمن رد لسؤالك

انا اشووووف ان الموضووع عاادي ان شاء الله ب100 الف
كل واحد عقله براسه ويعرف خلاصه
البنت النبيهه ممكن تشتري دي في دي تدريبي وتشووووفه عشرين مره باليووم بدال 3 ايام
سوق ويحكمه عرض وطلب ماله علاقه بالاستغلال تبي تشتركين دفعي ماتبي عادي الموضوع بسيط

وجهه نظر

لا الشيخ غلطان .. اذا اتسمي هذا عرض وطلب !!!:rolleyes2:

وش معنى ان حتى العبايات اللي يجيبونها من دول خليجية تنباع عندهم ب500 ريال و600 ولين جات عندها تنقز بقدرة قادر 2000

والله انها انقالت لي من احد الخليجيات ان صاحبه احد هالمحلات اتقول ( والله ان هالعباية اللي بهالقيمة نوديها قطر وبناتهم ياخذونها ب 3 أضعافها ) والمشكلة ان عادينا عديمات ذوق حتى بالعبايات

حتى هذا اتسميه عرض وطلب!!!!

الا المفروض انبين لهم ان احنا مب غبيات وكلمن عرض لنا شي قلنا يالله.

- وين الغلط اني احط موضوع ممكن كثيرات مايعرفونه او كانو ينظرون للموضوع من وجهه نظر ( خطأ)

- وين الغلط لين شفت الغلط واستنكرته

- وين الغلط اني استفيد من تسجيلي كعضوه بهالمنتدى وانقل استنكار الزوار!!!!

انا ذكرت بالموضوع ان انا مب ضد مبدأ اللي عندها تدفع.... بس ضد مبدأ الاستغلال وان هالاشكال تنظر لنا (( ان احنا شنط للدفع نفتقر للرأي وتخشى الاستنكار))

وانا بعد اقولك

هذي وجهه نظري :)

miss-qatr

31-01-2009, 12:51 PM

شهاال

قمة الغباء لو حد بيشارك

وقمة الاستغلالييه منهم

زين واحمد القبيسي خير ياطير ؟

فيه ناس تعلم ميك اب بمستواه اذا مب احلى منه

قلتيها في خبيرات تجميل عندنا بقطر يعطون دورات

لكن في بعضهم لازم بالطيب بالقوه لازم اتعرف اتمكيج مايدرون ان المكياج فن وموهبة

شكراً:)

السوق عرض وطلب
وهو عرض اللي عنده وفيه ناس بطرانه وماتعرف وين تحذف فلوسها فبتروح وبتسجل
ولاتنسين ان بكره بتقول لصديقاتها واهلها انها ماخذه دوره مكياج عند قبيسي يعني فشخره
قمه التفاهه
لاحول ولاقوه الابالله
ناس تموت من الجوع وناس عندها فلوس وماتدري شتسوي بها

تقريباً نفس الرد اللي رديته على اخوي الواقع :)

شاكره لك مرورك

بومحمد911

31-01-2009, 12:58 PM

احمد قبيسي

انا يوم سمعت هل اسم قلت يمكن يطلع شاعر او كاتب

يوم سألت اخرتها طلع ( عندكم الخبر)

يا حبهم للمظاهر بعض الحريم

الله يهديهم

ANONYMOUS

31-01-2009, 01:27 PM

استغفال واستهبال في كل المحلات والمجالات..

جت ع الصالون

:)

miss-qatr

31-01-2009, 01:30 PM

طلعتي اللي بخاطري يا مس قطر ،،

فعلاً استغلال واضح من إدارة الصالون ،،

والدليل على هالشي انه بيوم ما نزل الاعلان بالجرايد، جاني خبر بنفس اليوم من واحد من الأهل،، وهوو شخص مسؤول له مكانته في البلديه ،،

بأنهم اتصلوا على خبير التجميل هذا، يستفسرون عن الدوره، وكان بلبنان، تخيلي انه يومها اهو الشخص نفسه ما يعرف متى موعد الدوره ولا جم يوم مدة الدوره،،

كل اللي كان يعرفه انه المسجلات بالدوره هذي من فئة الVIP اللي ما تهمها جم راح تقط في سبيل انها تاخذ دوره عند هالشخص المهم ،، هذي نقطه ،،

والنقطه الثانيه حبيت اذكرها للبنات،، عرفت انه فيه قانون جديد مطبق من فتره، انه يمنع شغل الرجاجييل بالصالونات، الا اذا كان شغلهم بالفنادق والنوادي ،،

الا هالصالون أخذ التصريح بالقوو ومحد يقدر يتكلم لانه تبع فلان الفلاني ومحد يقدر يسوي شي :secret:

ويوم جاته الشكاوي من فتره عن المسخره اللي قاعده تصير هناك، سكروا لهم الصالون، وهم بقدرة قادر ردوه وافتحوه لهم بنفس اليوم:rolleyes2:

فاللي حابه اوصله من هالكلام، هل بعد هالشغلات كلها نقدر نسال ونقول منو اللي اعطى الصلاحيه؟ ومنو اللي يقدر يوقف هالنوعية من الاستغلاليين؟؟؟؟ للأسف ما اعتقد ،،

صادقة ياختي

شي ينرفز وربي حسبي الله عليهم وعلى من يكون ظهر لهم

شاكره لك ردك ومرورك الحلو :)
يليت كل وحده تقول انا غنيه بس مش غبيه حق هل الأشكال

وانت صح :)

تسلم عالمرو

وثيقة قطرية

31-01-2009, 01:32 PM

أحمد قبيسي هذا مدعوم وعايش أحسن مني ومنج وغير وغير
خلنا ساكتين

miss-qatr

31-01-2009, 01:33 PM

فعلاً .. كلامك صحيح أختي

الدورة 3 ايام بقيمة 5000 ريال ..

واستغلال واضح ..

بس اللي عرفته ان الأماكن فاضية يعني مو وايد اللي سجلوا في الدورة العجيبة

واذا اتصلتي تبين تسجلين يدلعونك عشان يشفطون منك الفلوس

الله يبشرك بالخير

وخلهم يجتمعون ويشوفون سطحيتهم بهالدورة

تسلمين :)

اول شي المدرب رجال
يعني شيوديكم له حتى لو الدورة ببلاش لانها دورة مكياج مب محاضرة دينية او دورة طبخ :omen2:

ثانيا تبونه يعلمكم عملي مب نظري لانكم دافعين مبلغ وقدره شلون تركب هاي بعد :rolleyes2:

وثالثا السعر مبالغ فيه على دورة طحين وصبغ في الويه :tease:

السالفه كلها غلط بغلط

القصد يا كيو عملي مب ان هو اللي يمكيجهم الله يهداك

بس القصد انهم يشوفون برنامج قطر ببلاش ونفس اللي راح يقوله بالبرنامج بيقوله لمده 3 ايام لمده 3 ساعات باليوم ب 5 ألاف ريال

هذا هو الاستغلال

تسلمين عالمرور:)

miss-qatr

31-01-2009, 01:35 PM

وعليكم السلام ورحمة الله وبركاته
الف شكر لج اختي ميس قطر ... والف الحمدلله على السلامة برجعتج للمنتدى
موضوع قوي ورجعه قويه للمنتدى ..وجزاج الله الف خير على هالتنبيه وجزاها الله الف خير بعد اللي مابتحجز ولا بتروح هالصالون ..
اولا : لانه خبير مش خبيره .. وبعدين هالخبير شيفرق عن بنات هالبلد اللي نسمع عنهم كل خير وانهم ينظمون دورات في المكياج
ثانيا : لانه المبلغ المطلوب كبير بالنسبه لدورة نظريه ولمدة 3 ايام فقط ويعتبر تبذير للمال وضحك على العقول
اتمنى من الله سبحانه يجد هالموضوع صدى كبير عند اخواتنا من داخل المنتدى وخارجه ويكونون في ميزان حسناتج كلهم
واخيرا تقبلي مروري المتواضع وفي انتظار ابداعات اخرى

ربي يجزيك بأحسن منه ياخوي وربي يسلمك

مرورك يشرفنا ياخوي وكل الشكر لك :)

miss-qatr

31-01-2009, 08:27 PM

احمد قبيسي

انا يوم سمعت هل اسم قلت يمكن يطلع شاعر او كاتب

يوم سألت اخرتها طلع ( عندكم الخبر)

يا حبهم للمظاهر بعض الحريم

الله يهديهم

يهدي الجميع يارب

جزاك الله خير

استغفال واستهبال في كل المحلات والمجالات..

جت ع الصالون

:)

مجهول :sneaky:

بدل لاتقول لا للإستغلال ؟؟

شاكرة لك مرورك :)

miss-qatr

31-01-2009, 08:56 PM

أحمد قبيسي هذا مدعوم وعايش أحسن مني ومنج وغير وغير
خلنا ساكتين

هلا فيك اختي وثيقة وعاش من شافك :)

يالله معلية خله يندعم بس ما يستغلونا :anger1:

شاكرة لك مرورك :)

عيون أصايل

31-01-2009, 08:56 PM

تدرين ليش حطوا هالأعلان وبذي القيمه ومن غير تردد ..؟
لأن في نااس عاادي ينقص عليهم وبكل سهوله لو مشروع خيري على الاقل ابرك تنحط فيه هال 5000
دورات المكياج انتشرت مؤخراً بشكل كبير وتقريبا حتى اللي تدريبها مش ولا بد تبي 3000
والله حاااله ..!

يعطيج العاافيه حبوووبه

!الشايمه!

01-02-2009, 02:34 AM

ما ينشـره عليهم الا ينشــره على (المدمغــات) اللي بكلمتيـن ينقـص عليهم :) ....

وياكثرهن ..........للأسف
.....

وعوداً حميده مس......وحشتينا :)

تحية

ورده

01-02-2009, 02:36 AM

وياكثرهن ..........للأسف
.....

وعوداً حميده مس......وحشتينا :)

تحية

كيف تنعرب هذي ؟؟؟

اي نسيت ......... تحية :)

miss-qatr

01-02-2009, 05:49 AM

تدرين ليش حطوا هالأعلان وبذي القيمه ومن غير تردد ..؟
لأن في نااس عاادي ينقص عليهم وبكل سهوله لو مشروع خيري على الاقل ابرك تنحط فيه هال 5000
دورات المكياج انتشرت مؤخراً بشكل كبير وتقريبا حتى اللي تدريبها مش ولا بد تبي 3000
والله حاااله ..!

يعطيج العاافيه حبوووبه

هلا فيك اختي

بالعكس يامها انا اللي اعرفه ان دورات المكياج اتكون أقل شي لمده شهر واتفاوت اسعارهم فيه منهم ب2000 ومنهم ب 1500

الله يعااافيك وشاكره لك هالمرور :)

وياكثرهن ..........للأسف
.....

وعوداً حميده مس......وحشتينا :)

تحية

ياهلاااا ومرحباااااااا

وانتي بعد لك وحشة الغلاااا ياجعل ربي يسلمك ويسلمك تحاياك :p

شكراً على هالمرور :)

كيف تنعرب هذي ؟؟؟

اي نسيت ......... تحية :)

تنعرب اعراب محبة واخوه مرفوع بيني وبين اختي الشايمة :)

شكراً

a.a.a.qatar

01-02-2009, 09:05 AM

يعطيج العافية على الموضوع ومعاج حق بالي كتبتيه بس المشكله اختي فينا احنا هالفئة الي صارت تحب تفوشر حتى بالاشياء التافه .... تمكيجت عند فلان ... تسريحتي فلان مسويها لي ... خذت دورة مكياج عند فلان .. والمشكله كلهم ريايل !!!!!!!!!!! استغرب والله بنات عوائل لهم ثقلهم في الديره (الله يهديهم) تجيج تقولج تمكيجت عند احمد قبيسي بـ 7000 ريال !!!!!!!!!!!!!!!!! لا تشوفين الرقم ............. شوفي من الي مكيجها !!!!!!!!!!!!!! الحين من احمد قبيسي والا غيره عشان صرنا نتفاخر بـ ان هالشخص تمكيجنا عنده ... للاسف عقول البعض منا صارت صغيره لدرجة ما صرنا نعرف من يبي مصلحتنا والا من الي يقص علينا ... الله يهدي الكل وتسلمين اختي

jassim_007

01-02-2009, 10:29 AM

بدون ما ادخل في التفاصيل....

بقول شي و بمشي ...

لو البنت محترمة ما ترضى تروح تتعلم فنون المكياج على يد رجال ! سواءً كان خبير ولا سفير !

الخارجية

01-02-2009, 10:32 AM

المفروض اتكون الدورة عملي مش نظري و3 أيام اشوي الصراحة مبلغ كبير

&بوشهد&

01-02-2009, 10:40 AM

الشره على اللي يروح عنده ويدفع 5 الاف
غير انه اللي يدربهم جنسه؟؟؟ ( ذكر ) الله المستعان

هتـان قطر

01-02-2009, 11:00 AM

الشره على اللي يروح عنده ويدفع 5 الاف
غير انه اللي يدربهم جنسه؟؟؟ ( ذكر ) الله المستعان

استغفر الله العظيم..الجنس ذكر..لكن ما اعتقد انه رجل!!!

الله لا يبلينا واللهم لا شماته كأنه مرة من ميوعته..

مس قطر فعلا فيه ناس مغفلين لان الفلوس ما تساوي شي عندهم

كأنها حفنة تراب ..لكن استغرب وين القيم وين الدين ..وين الحيا ؟

على فكرة اليوم فيه أمسية للدكتور يوسف البدر خاصة للنساء ومجانية

وبنشوف مدى الحضور..

مسوة تسلمين يالغالية على الموضوع

:)

المــستشار

01-02-2009, 11:07 AM

قال تعالى (( وإذا أردنا أن نهلك قرية أمرنا مترفيها ففسقوا فيها ))

المهلهل

01-02-2009, 11:20 AM

زين وين دور حماية التاجر
اسف اقصد حماية المستهلك

miss-qatr

01-02-2009, 02:27 PM

يعطيج العافية على الموضوع ومعاج حق بالي كتبتيه بس المشكله اختي فينا احنا هالفئة الي صارت تحب تفوشر حتى بالاشياء التافه .... تمكيجت عند فلان ... تسريحتي فلان مسويها لي ... خذت دورة مكياج عند فلان .. والمشكله كلهم ريايل !!!!!!!!!!! استغرب والله بنات عوائل لهم ثقلهم في الديره (الله يهديهم) تجيج تقولج تمكيجت عند احمد قبيسي بـ 7000 ريال !!!!!!!!!!!!!!!!! لا تشوفين الرقم ............. شوفي من الي مكيجها !!!!!!!!!!!!!! الحين من احمد قبيسي والا غيره عشان صرنا نتفاخر بـ ان هالشخص تمكيجنا عنده ... للاسف عقول البعض منا صارت صغيره لدرجة ما صرنا نعرف من يبي مصلحتنا والا من الي يقص علينا ... الله يهدي الكل وتسلمين اختي

الله يعااافيك

كلامك صحيح اختي

بدون ما ادخل في التفاصيل....

بقول شي و بمشي ...

لو البنت محترمة ما ترضى تروح تتعلم فنون المكياج على يد رجال ! سواءً كان خبير ولا سفير !

المفروض اتكون الدورة عملي مش نظري و3 أيام اشوي الصراحة مبلغ كبير

شاكرة لكم مشاركتكم برايكم

تسلمون :)

miss-qatr

01-02-2009, 02:30 PM

الشره على اللي يروح عنده ويدفع 5 الاف
غير انه اللي يدربهم جنسه؟؟؟ ( ذكر ) الله المستعان

شكراً عالمرور

استغفر الله العظيم..الجنس ذكر..لكن ما اعتقد انه رجل!!!

الله لا يبلينا واللهم لا شماته كأنه مرة من ميوعته..

مس قطر فعلا فيه ناس مغفلين لان الفلوس ما تساوي شي عندهم

كأنها حفنة تراب ..لكن استغرب وين القيم وين الدين ..وين الحيا ؟

على فكرة اليوم فيه أمسية للدكتور يوسف البدر خاصة للنساء ومجانية

وبنشوف مدى الحضور..

مسوة تسلمين يالغالية على الموضوع

:)

الله يسلمك يا هتان

وصدقتي السالفة سالفة مبدأ وقيم

الله المستعان يا خويتي وش بيدنا نسوي غير ان نحاول نبين وجهة نظرنا بالموضوع

يمكن نفيد ونستفيد احنا بنفس الوقت :)

كل التقدير والاحترام لك :)

miss-qatr

01-02-2009, 02:39 PM

قال تعالى (( وإذا أردنا أن نهلك قرية أمرنا مترفيها ففسقوا فيها ))

زين وين دور حماية التاجر
اسف اقصد حماية المستهلك

شاكرة لكم ردودكم

يعطيكم العاافية :)