بويوسف
31-01-2009, 03:34 PM
احبتي .. هذي حلقات مسلسة نشرت حلقة منها منذ زمن مضى .. وأقوم بنشر الحلقة الثانية لكم وعسى ان تقبلوها مني وتكون خفيفة عليكم ..
سلوم هو شاب قطري .. يبغي يبني بيته بس كاي شخص ماعنده خبرة ولا هب عارف شيسوي ووين يروح .. يعني تجربة جديدة وشي جديد .. وهو مثله مثل اي واحد معلوماته لاتتعدى الاهل والاقارب وتجارب المحيطين حولة ..
ملاحظة: فطيم زوجة سالم
حنان صديقة مقربة جدا لفاطمة (فطيم)
بعد أن قام سلوم وزوجته باختيار اهم احتياجاتهم من الغرف وحصر الاحتياجات الثانوية والتي لا اهمية كبيرة لوجودها وحتى لايكون هناك خللا في الميزانية التي قدرها سلوم وتلك كانت اهم وصايا حنان صديقة فطيم.
- ممممممممم الحين شاسوي ؟
حمود يتقلب على السرير يمين ويسار ويرجع ينقلب يسار لي يمين ويرجع مرة ثانية ينقلب يمين.
- شتسوي يا سلوم يا ولد امك وابوك مممم مافي الا اكلم حمود يعرف بهالسوالف.
طرباااااخ بالمخدة على راس فطوم الي راقدة وفي سابع نومة.
- سلووووم شفيك ليش تطق؟
- مافيني شي قومي بسج رقاد يادب الكوالا ياحبج للنوم ! قومي جيبي لي الموبايل بكلم حمود.
- اووف انزين.. تقوم فطيم وهي متعيزة وتعطيه التلفون وتحذفه قريب منه.
- الو نصووور شحالك يالحلو اقول لك بغيت مكتب يصمم لي خريطة بيتي.
- افا عليك يا سلوم عندي لك واحد عجيب مسوي حق الوالد كل الفلل الي بانيها.
- انزين الله يخليك الحقني فيه.
- تم سجل الرقم عندك 76543210
- اشكر حياته والله خطير رقم سبيشل !!
المهم من بعد مالبس سلوم ثيابه راح قعد بالصالة وجهزت له فطيم ذاك الكرك العجيب معا قطعة كيكة مسويتها ميري قام سلوم واتصل على الرقم اللي عطاه نصور.
[RIGHT]- الو السلام عليكم.
- الو عليكم السلام منو يبي.
- شنو منو يبي طالب دكان غلوم انه. انت منو.
- انا خان عبدالسميع انتا بغيت منو.
- خان انه صديق ناصر يعطيني رقم مال انت يقول في نفر يسوي ديزاين زين.
- ايوااااا صديق انه في ان شالله شغل مزبوط انت بس شنو يبي انه في يسوي. انه في خبرة تصميم عشرين سنة شغال في بلدية هذي بيوت كلا انه يسوي. شغل مال حكومة انه في كلة مسئول.
سلوم يقول في قلبه اي امحق والله عشان جذيه مباني الحكومة كانها سكن عمال ممر طويل وغرف يمين ويسار. في نهاية الحديث تم الاتفاق مع خان على لقاءه في سوق الحراج قدام مفروشات نصابكو للسجاد والزل الاصلي على وعد من حان عبدالسميع بأن يجلب معه مئة سكتش يختار منهم سلوم مايشاء مع مقدم ٥٠٠ ريال وعند الاختيار دفع ١٥٠٠ ريال.
شي... مب شي .. شي مب شي .. حلو .. مش بطال .. يفشل .. ممكن .. مقبول..
اوف سلوم كل هاي تصاميم ولا واحد منها فيه شي عدل !!
- عاد شنسوي يافطيم تتوقعين المصمم العالمي خان فاضي حق يصمم بيوت .. اصلا مشاريعه كلها ابراج ومدن.
- هع هع هع دمك ثقيل يا سلومي.
- اااه عورني ظهري .. فطوم ال ٥٠٠ ريال دافعة بلا. هاج خذي ال ١٠٠ تصميم وحذفيهم بالزبالة.
سلوم هو شاب قطري .. يبغي يبني بيته بس كاي شخص ماعنده خبرة ولا هب عارف شيسوي ووين يروح .. يعني تجربة جديدة وشي جديد .. وهو مثله مثل اي واحد معلوماته لاتتعدى الاهل والاقارب وتجارب المحيطين حولة ..
ملاحظة: فطيم زوجة سالم
حنان صديقة مقربة جدا لفاطمة (فطيم)
بعد أن قام سلوم وزوجته باختيار اهم احتياجاتهم من الغرف وحصر الاحتياجات الثانوية والتي لا اهمية كبيرة لوجودها وحتى لايكون هناك خللا في الميزانية التي قدرها سلوم وتلك كانت اهم وصايا حنان صديقة فطيم.
- ممممممممم الحين شاسوي ؟
حمود يتقلب على السرير يمين ويسار ويرجع ينقلب يسار لي يمين ويرجع مرة ثانية ينقلب يمين.
- شتسوي يا سلوم يا ولد امك وابوك مممم مافي الا اكلم حمود يعرف بهالسوالف.
طرباااااخ بالمخدة على راس فطوم الي راقدة وفي سابع نومة.
- سلووووم شفيك ليش تطق؟
- مافيني شي قومي بسج رقاد يادب الكوالا ياحبج للنوم ! قومي جيبي لي الموبايل بكلم حمود.
- اووف انزين.. تقوم فطيم وهي متعيزة وتعطيه التلفون وتحذفه قريب منه.
- الو نصووور شحالك يالحلو اقول لك بغيت مكتب يصمم لي خريطة بيتي.
- افا عليك يا سلوم عندي لك واحد عجيب مسوي حق الوالد كل الفلل الي بانيها.
- انزين الله يخليك الحقني فيه.
- تم سجل الرقم عندك 76543210
- اشكر حياته والله خطير رقم سبيشل !!
المهم من بعد مالبس سلوم ثيابه راح قعد بالصالة وجهزت له فطيم ذاك الكرك العجيب معا قطعة كيكة مسويتها ميري قام سلوم واتصل على الرقم اللي عطاه نصور.
[RIGHT]- الو السلام عليكم.
- الو عليكم السلام منو يبي.
- شنو منو يبي طالب دكان غلوم انه. انت منو.
- انا خان عبدالسميع انتا بغيت منو.
- خان انه صديق ناصر يعطيني رقم مال انت يقول في نفر يسوي ديزاين زين.
- ايوااااا صديق انه في ان شالله شغل مزبوط انت بس شنو يبي انه في يسوي. انه في خبرة تصميم عشرين سنة شغال في بلدية هذي بيوت كلا انه يسوي. شغل مال حكومة انه في كلة مسئول.
سلوم يقول في قلبه اي امحق والله عشان جذيه مباني الحكومة كانها سكن عمال ممر طويل وغرف يمين ويسار. في نهاية الحديث تم الاتفاق مع خان على لقاءه في سوق الحراج قدام مفروشات نصابكو للسجاد والزل الاصلي على وعد من حان عبدالسميع بأن يجلب معه مئة سكتش يختار منهم سلوم مايشاء مع مقدم ٥٠٠ ريال وعند الاختيار دفع ١٥٠٠ ريال.
شي... مب شي .. شي مب شي .. حلو .. مش بطال .. يفشل .. ممكن .. مقبول..
اوف سلوم كل هاي تصاميم ولا واحد منها فيه شي عدل !!
- عاد شنسوي يافطيم تتوقعين المصمم العالمي خان فاضي حق يصمم بيوت .. اصلا مشاريعه كلها ابراج ومدن.
- هع هع هع دمك ثقيل يا سلومي.
- اااه عورني ظهري .. فطوم ال ٥٠٠ ريال دافعة بلا. هاج خذي ال ١٠٠ تصميم وحذفيهم بالزبالة.