فتحوا عيونكم عدل !!!!!!!!!!!!!!!!

[a.a.a.qatar]

خواتي واخواني
صار لي هالموقف قبل ساعه تقريباً رحت اصب بترول في محطة سدره وقفت السياره الا الي يشتغل يقولي جدمي السياره اشوي المهم جدمتها الا يقولي بعد جدمي ... بعد جدمت وكل اشوي قال جدمي المهم في النهاية سفهت وقلت له صب سوبر فوووول ....
وانا قاعده اشوف الشاشه مالت البترول اول ما بدأ يصب الا اشوف العداد صار 10 استغربت الا اناديه قلت له رفيق رفيق تعال ... قال مدام وات هابند (واهني بدأ الحجي الانجليزي يطلع عاد :)) المهم قلت له انت توك بادي تصب اشلون العداد يصير 10 قالي لا مدام انا من مساعه اصب قلت له اوكي من مساعه تصب الحين 3 ليتر يصير 10 ريال .... الريال يوم قلت له جذي شفته تغير ما يعرف شيسوي يبي يرقع السالفه قلت له استوب لا تصب وين مديرك الا يقولي باي مستيك مدام بليززززززززز باي مستيك قلت له باي مستيك ان يور آيز زين شايفني وحده قلت اقص عليها (طبعاَ كله بالانجليزي الي ما يطلع الا حزة الحزة) وانا اشوف كل اشوي قلت لي جدمي السياره اقول ياربي محد وراي ليش يبيني اجدم السياره ......... ما كان يبيني اشوف الشاشه مالت العداد !!!!!!!!!!!
المهم قعد يعتذر ويترجاني ما اخبر المدير قلت له احمد ربك مزاج رايق اليوم والا جان سويتها سالفه لك (بس ما راح اسكت بكلم المدير وانا طالعه من بيت ابوي برجع لهم مره ثانيه)
الزبده من الموضوع ....
انتبهوا وانتوا تصبون بترول تأكدوا عدل من العداد لان اكيد هالحركه سواها من قبل مع وايد ناس وما كانوا منتبهين ...
وسلامتكم .

[الرايــق]

أهم شي والبنغالي يقول جدم شوي

شوي بعد

بعد شوي

كل مرة ما اجدم عناد بس
ارفع الهاند واقوله فل سوبر واسكر الجامة

وقبل 5 سنين وصلتها للمدير وقالي معاك حق ومن حقك تشوف العداد وهالكلام في محطة بترول الصقر

والله يعينك: )

[ولد الخال]

مشكورة على التنبيه

[بومحمد911]

مشكورة على التنبيه اختي امينه

وانا بعد صار معاي موقف قبل كم شهر

شوفو النصب

قلت له عبي ب30

المهم بعد ما خلص الا عيني تمر صوب العداد

والا احصله معبي 29

قلت تعال رفيق ليش ما يعبي 30

ارتبك وقال سوري بابا

قلت له سوري في عينك ليش انت حرامي المهم كنت مستعيل وحركت وما طولت معاه

[العقل الحر]

هذا الموقف صاد واحد في محطه الوجبه الريان

ولكن الهندي كله ضرب لين قال بس وبعدين صاروا ملتزمين الحين

[a.a.a.qatar]

الرايق/ولد الخال/بو محمد 911/ العقل الحر
شاكره لكم تعليقاتكم على الموضوع والظاهر يبي الواحد يقعد لهم قعده على اقل شي صار الواحد يشك اذا انقص عليه والا لا من كثرة ما يشوف من هالبلاوي

[swedan_qatar]

وصلنا لهلمرحله؟ كل التقدير للتنبيه تصوري ان مدير محطة البترول شاف هالموضوع على المنتدى شبيكون موقفه يا ترى؟؟؟

[Suhaib]

المصيبه يكون متفق مع مديره

[عيون أصايل]

النصب مش في محطات البترول وبس الحين حتى عند التاشير ببعض المحلات
المشهوره في المجمعات تصير مرات يعطونا الفاتوره والمبلغ ساحبينه مرتين
والا يعطونج الخرده نااقصه !!
والواحد مرات من الربشه والزحمه ماينتبه ومصيبه لا انصبوا على الحريم الكبار بالسن
والا البنات الصغار تروح عليهم ومااظن كل مره بيكون عن سوء قصد منهم !!

يعطيج العافيه بس عجبتني باي مستيك ان يور آيز ههههه

[النجلا]

النصب مش في محطات البترول وبس الحين حتى عند التاشير ببعض المحلات
المشهوره في المجمعات تصير مرات يعطونا الفاتوره والمبلغ ساحبينه مرتين
والا يعطونج الخرده نااقصه !!
والواحد مرات من الربشه والزحمه ماينتبه ومصيبه لا انصبوا على الحريم الكبار بالسن
والا البنات الصغار تروح عليهم ومااظن كل مره بيكون عن سوء قصد منهم !!

يعطيج العافيه بس عجبتني باي مستيك ان يور آيز ههههه

مممممممم شكلي انصبوا علي وااايد لأني وحدة مااشوف الفاتورة لما اسحب بالبطاقة :tease: ومااعد الخردة لما يردونها اقطهم في الشنطة وخلاص......

بالنسبة حق البترول صج دايما يقولون لنا جدموا بنبه زوجي لهالموضوع ..

تسلمين حبيبتي عالتنبيه

[بنت الدوحه]

النصب شغال بكل مكان مو بمحطة البترول بس

حتى كروه يبدا لج العداد ب 4 ريال :)

والليموزين يبدا ب 15 ريال

الله يرحم زمان اول

كنت اروح مكان ب 10 ريال الحين صار التوصيل 22 ريال لنفس المكان :(

يا جماعه اكتبوا كل شي في المنتدى خلو المسؤولين يشوفون لا يقصون علينا الهنود

[الفارس]

السلام عليكم ورحمة الله وبركاته

اذا موظف المحطه يقولكم قدموا ترى عشان ماتصير زحمه لان اغلب المحطات فيها ثلاث مكاين للتعبئه واذا انت ماقدمت سيارتك عند اول مكينه معناته ان السيد كله بيوقف عشان حضرك .

[a.a.a.qatar]

swedan_qatar/suhaib/maha-qa/النجلا/بنت الدوحة
شاكره لكم مروركم ومثل ماقالت بنت الدوحة لازم انبه بعض بكل شي نشوفه غير طبيعي

[a.a.a.qatar]

السلام عليكم ورحمة الله وبركاته

اذا موظف المحطه يقولكم قدموا ترى عشان ماتصير زحمه لان اغلب المحطات فيها ثلاث مكاين للتعبئه واذا انت ماقدمت سيارتك عند اول مكينه معناته ان السيد كله بيوقف عشان حضرك .

معاك اخوي الفارس لازم نجدم عشان ما تصير زحمه اذا في حد ورانا بس اذا انت بروحك في السيد على شنو يبيك تجدم!!!!!!!!!!!!!!!!!!!!!!!!!!!!!!!!!!!!!!!!!!!!!! !!!
شاكره لك مداخلتك

[ولد الخال]

هل أرباح شركة قطر للوقود التي وصلت إلى 23% لها دخل في ذلك

[a.a.a.qatar]

هل أرباح شركة قطر للوقود التي وصلت إلى 23% لها دخل في ذلك

والله سؤال منطقي !!!!!!!!!!!!!!!!!!!
بس وين الي بيجاوب عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[qatar lady]

والله من عرفت السالفه رحت صبيت بترول عندهم <<< متحلفة فيهم خخخ وفجيت عيوني عدل عالعداد لان بالعاده متعوده عليهم يسوون فيني نفس الحركة حتى لو كنت بروحي بالمحطه
بس افا عليج ... سديت نفسه وراويته العين الحمرة وخليته يصب بذمة وضمير وعطيته41 ريال بالضبط
:)

بس ترى حتى الجمعية اللي هناك صايرين اخر فترة مو مضمونين .. بصراحه ماكنت احاسب لما اشتري من عندهم . .الين مرة شريت لبن من ضمن الاغراض ورديت البيت الا الشغاله تقول لي مدام هاي لبن منتهي !! ها منتهي؟ متى وشلون؟ اللبن اللي شريته من عندهم كان منتهي بتاريخ يومين قبل .. وللاسف هي غلطتي اني ماشيكت من قبل .. بس لاني وثقت فيهم قلت بالعاده يعني مستحيل مكان راقي مثل ذي وخاصة ان بضايعهم محدوده بالعرض.. يعني مو بكميات كبيرة.. فمعقولة مايشيكون على المنتوجات؟
بس سويتها سالفة لهم واتصلت وقلتلهم اني خاشة اللبن وعندي الفاتورة ومكتوب فيه التاريخ ورقم المنتج الي شريته.. طبعا تخسبق وخذا رقمي ..كان صعب علي ارجع عندهم في نفس اليوم ثاني مرة.. وحياتج عقب يومين رجعت رحتلهم .. وطلبت المسؤول وقلتله السالفه..تخرع وقال انه بيتصرف@@ بس لين الحين مارجعوا فلوسي خخخ
وبس طنشت الموضوع عقبها.. قلت هاي غلطتي وخل اتعلم من اغلاطي

بس مثل ماقلتي .. فتحوا عيونكم .. ترى الكل صاير يلهف بحق وبدون حق !! كنه فلوسنا حق من حقوقهم مالك حق انك تجادلهم فيه في حال باقوك !!

اسمحولي عالاطاله :) ويسلموا عالتنبيه <<< ماصدقت تسكت !!:)

[a.a.a.qatar]

والله من عرفت السالفه رحت صبيت بترول عندهم <<< متحلفة فيهم خخخ وفجيت عيوني عدل عالعداد لان بالعاده متعوده عليهم يسوون فيني نفس الحركة حتى لو كنت بروحي بالمحطه
بس افا عليج ... سديت نفسه وراويته العين الحمرة وخليته يصب بذمة وضمير وعطيته41 ريال بالضبط
:)

بس ترى حتى الجمعية اللي هناك صايرين اخر فترة مو مضمونين .. بصراحه ماكنت احاسب لما اشتري من عندهم . .الين مرة شريت لبن من ضمن الاغراض ورديت البيت الا الشغاله تقول لي مدام هاي لبن منتهي !! ها منتهي؟ متى وشلون؟ اللبن اللي شريته من عندهم كان منتهي بتاريخ يومين قبل .. وللاسف هي غلطتي اني ماشيكت من قبل .. بس لاني وثقت فيهم قلت بالعاده يعني مستحيل مكان راقي مثل ذي وخاصة ان بضايعهم محدوده بالعرض.. يعني مو بكميات كبيرة.. فمعقولة مايشيكون على المنتوجات؟
بس سويتها سالفة لهم واتصلت وقلتلهم اني خاشة اللبن وعندي الفاتورة ومكتوب فيه التاريخ ورقم المنتج الي شريته.. طبعا تخسبق وخذا رقمي ..كان صعب علي ارجع عندهم في نفس اليوم ثاني مرة.. وحياتج عقب يومين رجعت رحتلهم .. وطلبت المسؤول وقلتله السالفه..تخرع وقال انه بيتصرف@@ بس لين الحين مارجعوا فلوسي خخخ
وبس طنشت الموضوع عقبها.. قلت هاي غلطتي وخل اتعلم من اغلاطي

بس مثل ماقلتي .. فتحوا عيونكم .. ترى الكل صاير يلهف بحق وبدون حق !! كنه فلوسنا حق من حقوقهم مالك حق انك تجادلهم فيه في حال باقوك !!

اسمحولي عالاطاله :) ويسلموا عالتنبيه <<< ماصدقت تسكت !!:)

مرسي على المرور يا قطر ليدي .... بس حلاته انتي يخسسون فيج وانتي شاريه عبايه !!!!!!!!!!!!!!!!!!!!!!!!!!! ياهوووووووووووو بتعصبين :tease:

[جرير]

فعلا موضوع مهم الواحد مفروض يفتح عينه عدل لانه صار لي هالموقف قبل . . . مره قلت

له 60 ريال سوبر ويوم خلص مشيت لا شعوريا المهم يوم وصلت عند جسر راس بوعبود

تذكرت اني ما عطيته فلوسه . . . ويوم رديت له لقيت ربعه مسكين متجمعين حوله كنوع

من المواسه. . . . مسكين يوم شافني جاء يركض صوبي . . . مسكين كسر خاطري كان

رجال شيبه .

[مستثمر 999]

اعتقد ان الوسواس مرض العصر

الي يحاول يسرق ما يقدر يخدع العداد

والله انا واعوذ بالله من كلمة انا

دايما اعطيهم اكثر من العداد ويشكرني واقول له الشكر لله

الله انعم علينا عشان نساعدكم ورزقكم من خيرنا وهكذا الدنيا تدور

ولكن للاسف الشكاك دايما يحس ان الناس يخدعونه وان كل الناس حراميه ونصابين

اذا مثلا اعطيته 500 ريال وما رجع لك الباقي او رجع لك اقل بحجة انك عطيته 100 ريال
اصدق واقول يستاهل الضرب اما العداد يحاسب عليه كل نهاية شفت

ان بعد الظن اثم

[مستثمر 999]

وعلى فكره

الي يصب البترول مستحيل يبدا الصب والعداد 10 ريالات لان العداد يصفر اوتوماتيكيا ويبدأ من الصفر

ان بعد الظن اثم

[عضو قديم]

خواتي واخواني
صار لي هالموقف قبل ساعه تقريباً رحت اصب بترول في محطة سدره وقفت السياره الا الي يشتغل يقولي جدمي السياره اشوي المهم جدمتها الا يقولي بعد جدمي ... بعد جدمت وكل اشوي قال جدمي المهم في النهاية سفهت وقلت له صب سوبر فوووول ....
وانا قاعده اشوف الشاشه مالت البترول اول ما بدأ يصب الا اشوف العداد صار 10 استغربت الا اناديه قلت له رفيق رفيق تعال ... قال مدام وات هابند (واهني بدأ الحجي الانجليزي يطلع عاد :)) المهم قلت له انت توك بادي تصب اشلون العداد يصير 10 قالي لا مدام انا من مساعه اصب قلت له اوكي من مساعه تصب الحين 3 ليتر يصير 10 ريال .... الريال يوم قلت له جذي شفته تغير ما يعرف شيسوي يبي يرقع السالفه قلت له استوب لا تصب وين مديرك الا يقولي باي مستيك مدام بليززززززززز باي مستيك قلت له باي مستيك ان يور آيز زين شايفني وحده قلت اقص عليها (طبعاَ كله بالانجليزي الي ما يطلع الا حزة الحزة) وانا اشوف كل اشوي قلت لي جدمي السياره اقول ياربي محد وراي ليش يبيني اجدم السياره ......... ما كان يبيني اشوف الشاشه مالت العداد !!!!!!!!!!!
المهم قعد يعتذر ويترجاني ما اخبر المدير قلت له احمد ربك مزاج رايق اليوم والا جان سويتها سالفه لك (بس ما راح اسكت بكلم المدير وانا طالعه من بيت ابوي برجع لهم مره ثانيه)
الزبده من الموضوع ....
انتبهوا وانتوا تصبون بترول تأكدوا عدل من العداد لان اكيد هالحركه سواها من قبل مع وايد ناس وما كانوا منتبهين ...
وسلامتكم .

هو مزاج من اللي كان رايق؟

[a.a.a.qatar]

جرير شاكره لك مرورك وفعلاً لازم احنا نفتح عيونا عدل في حقوق الناس بعد لان احنا مش معصومين من الغلط معاك حق




اعتقد ان الوسواس مرض العصر

الي يحاول يسرق ما يقدر يخدع العداد

والله انا واعوذ بالله من كلمة انا

دايما اعطيهم اكثر من العداد ويشكرني واقول له الشكر لله

الله انعم علينا عشان نساعدكم ورزقكم من خيرنا وهكذا الدنيا تدور

ولكن للاسف الشكاك دايما يحس ان الناس يخدعونه وان كل الناس حراميه ونصابين

اذا مثلا اعطيته 500 ريال وما رجع لك الباقي او رجع لك اقل بحجة انك عطيته 100 ريال
اصدق واقول يستاهل الضرب اما العداد يحاسب عليه كل نهاية شفت

ان بعد الظن اثم

مشكور على المداخله اخوي بس حبيت اوضح لك شغله ان يصير يصفر العداد لانه لو ما يصير جان ماقعد يعتذر ويقولي خلاص مدام بالغلط وما ادري شنو .... واتصور اكثر من ثلاثة ارباع الاخوان والخوات مثلك يعطون الي يصب اكثر من الي يطلع في العداد لان الكل الحمدلله في خير ونعمه وترى مب عيب الواحد يشك ان فلوسه واصله له والا لا لانه هو تعبان في فلوسه ما جايته مني والدرب ومن كثرة ما نشوف من بلاوي لازم نخاف على حلالنا ..
وان كنت تقصد اخوي ان بعض الظن اثم انا بعد معاك في هالجمله بس صدقني لو ما كان اعتذر وخاف من الي صار جان انا حبيته على راسه لاني ظلمته بس شاسوي اخوي شكيت انه كان قاعد يقص علي عشان جذي حبيت انبه خواتي واخواني وان شاء الله ما تتعرض لموقف مثل هالموقف يارب وشاكرة لك مرورك اخوي وتقبل تعقيبي على كلامك بصدر رحب

[a.a.a.qatar]

هو مزاج من اللي كان رايق؟

لازم الاحراج يعني ساقطه في العربي اخوي
اقصد مزاجي انا

[المهلهل]

مب المهم ننتبه وبس لازم مانسكت ولا نستحي من حقنا
شفتوهم يسوونها مع الاجانب .. طبعا لا
لانهم يعرفون الاجنبي ما يتحرك من مكانه لين يجيبلهم مصيبة

مشكورة اختي على التنبيه

[doha1]

بارك الله فيج ع التنبيه

بيني وبينكم توقعت افتكينا من هالطبايع بس اظاهر نو واي

يزاج الله خير

[التيما]

انا ان قالي جدمي يركبني عفريت ولا احرك ومره صارت لي ولا حركت جان يجيني يقولي ما يوصل للسياره اعنبو ما يوصل ليش وين واقفه انا ولا عبرته وصكرت الدريشه ولا صب بترول يناحسني جان امسك الهرن ولا اهده والله سندرت الي في المحطه كلهم رجع عندي ويصب بترول ولمن جا ياخذ الفلوس ما فتحت الدريشه واهرن حق رفيجه عشان يجيني ويأشر لي اني اعطي الي عندي الفلوس وطبعا مسكت الهرن مره ثانية ولا هديته جان يجيني يركض وياخذ الفلوس واحرك .. هالاشكال ما تستاهل الواحد يحترمها .. قال جدمي قال لو في سبب اوكي بس عشان ما نشوف العداد ليش ؟ يستهبلون علينا

[التيما]

اعتقد ان الوسواس مرض العصر

الي يحاول يسرق ما يقدر يخدع العداد

والله انا واعوذ بالله من كلمة انا

دايما اعطيهم اكثر من العداد ويشكرني واقول له الشكر لله

الله انعم علينا عشان نساعدكم ورزقكم من خيرنا وهكذا الدنيا تدور

ولكن للاسف الشكاك دايما يحس ان الناس يخدعونه وان كل الناس حراميه ونصابين

اذا مثلا اعطيته 500 ريال وما رجع لك الباقي او رجع لك اقل بحجة انك عطيته 100 ريال
اصدق واقول يستاهل الضرب اما العداد يحاسب عليه كل نهاية شفت

ان بعد الظن اثم

صدقني اخوي مب ظن .. سالفه صارت حق اختي والله اني استغربتها واختي روتنا شلون سوا فيها الحركه .. اختي عطته 500 والمفروض يرجع لها 450 والهيس شسوا ؟ لف كل اميه بروحها وعطاها 250 بس تخيل مشفوسين الميتين على بعضهم داخل العشرات والخمسات طالعه جنهم 400 ولو انها ما عدتهم لمن حركت جان راحت عليها 200 ريال مب حرام هاي ؟ اشكره بوقه ؟ اوكي احنا بنعطيهم لوجه الله لكن مو يبوقونا ؟ احنا ما نعمم ولا اظن الاخت تعمم بس الموضوع تحذير للتنبيه ما يضر ..




وعلى فكره

الي يصب البترول مستحيل يبدا الصب والعداد 10 ريالات لان العداد يصفر اوتوماتيكيا ويبدأ من الصفر

ان بعد الظن اثم


تدري مره شوفه عيني سيارة فيها ريال ومرته ومدودهين بعيالهم والريال بينزل بيروح صوب السوبر ماركت صف سيارته صوب البنزين ونزل شوفه عيني العامل لمن خلص من السياره الي عاليمين حط البتول في سياره هالعايلة من غير ما يصفرها شووووووووفه عيني وسكت عنه ولمن طلع الريال من السوبر ماركت ومر صوب سيارته هرنت له وقلت له وتصير هووووشه لان الريال سيارته صالون صغيره والمفروض 40 تفولها والظاهر الشيخ حتى النص ما وصلت فانكشفت السالفه .. عن نفسي ما اخون في العمال بس بعد ما اامن صوبهم ..

[ســـهم]

انا ان قالي جدمي يركبني عفريت ولا احرك ومره صارت لي ولا حركت جان يجيني يقولي ما يوصل للسياره اعنبو ما يوصل ليش وين واقفه انا ولا عبرته وصكرت الدريشه ولا صب بترول يناحسني جان امسك الهرن ولا اهده والله سندرت الي في المحطه كلهم رجع عندي ويصب بترول ولمن جا ياخذ الفلوس ما فتحت الدريشه واهرن حق رفيجه عشان يجيني ويأشر لي اني اعطي الي عندي الفلوس وطبعا مسكت الهرن مره ثانية ولا هديته جان يجيني يركض وياخذ الفلوس واحرك .. هالاشكال ما تستاهل الواحد يحترمها .. قال جدمي قال لو في سبب اوكي بس عشان ما نشوف العداد ليش ؟ يستهبلون علينا

:rolleyes2:

[غناتي1]

وش رايكم في اللي دريولهم ينصب عليهم واذا عطوه 20ريال

عشرين صب ب 15 ريال 000 وهكذا كل يوميا َ 00000

[جوال 11]

في كل محطات البترول
حصل لي نفس الموقف في المحطة على الكورنيش بجانب البلدية جدم شوي وفي النهاية اذا ما تتاكد وتنزل من السيارة راحت عليك، وأحيانا تصب نفس الكمية بالمبلغ فمثلا 50 ريال ولكن عدد اللترات يختلف بين المحطات ، قبل وزارة الأقتصاد عندهم مقاس ويمرون على المحطات للتأكد من العدادات .
لكن لو خليت خربت يلعبون على كيفهم لا رقيب .

[ذيبه مزاجيه]

كل مكان ينصبون علينا واغلب الاحيان احنا ما ننتبه .. صارت لعبتهم الظاهر !!

[a.a.a.qatar]

المهلهل / doha 1/ التيما / سهم / غناتي 1 / جوال 11

شاكرة لكم مروركم ومداخلتكم وانا اشوف ان اقل فايده من هالمنتدى ان الواحد يستفيد من تجارب ومواقف الغير بالذات من هالعمال الي يستغفلون الواحد

[a.a.a.qatar]

كل مكان ينصبون علينا واغلب الاحيان احنا ما ننتبه .. صارت لعبتهم الظاهر !!

بس لعبتهم ...... محترفين بعضهم
شاكرة لج مداخلتج يالذيبة

[العقل الحر]

وش رايكم في اللي دريولهم ينصب عليهم واذا عطوه 20ريال

عشرين صب ب 15 ريال 000 وهكذا كل يوميا َ 00000


خلهم يطلبون منه فاتوره من المحطه كل مره يصب لازم يجيب الفاتوره بكم صب

هم في المحطه حاطين فواتير حق السايقين البيوت او اي حد يبي فاتوره لشغله او ماشابه

[VIPLady]

ثانكيو حياتي على التنبيه
لان عمري ماشفت العداد كم.. بس يقولي وادفع :(

استغلال

[a.a.a.qatar]

ثانكيو حياتي على التنبيه
لان عمري ماشفت العداد كم.. بس يقولي وادفع :(

استغلال

شاكره لج المرور والتعقيب يالغاليه