شباب يرجى المساعدة لخبراء النيسان باترول

[ابو يامن]

شباب سيارة نيسان باترول ستيشن سوبر سفاري 1998

اللون ابيض ماشي 250 الف تقريبا // صبغ و كالة -خطوط الشركة

تومتتيك فتحه كراسي جلد كهرباء

و الفحص الالماني ماتور ممتاز جير ممتاز ما في دعمات نظيفة

كم سعرها

صاحبها ينتظر خبر

مشكورين

[..er..]

والله يالغالي ماعندي اي خلفيه بأسعار النيسان ..

والشباب ماراح يقصرون وياك والله يوفقكم ان شاء الله :)

[ابو يامن]

مشكور يا الطيب على المرور

الشباب ما يقصرون انشاء الله

[bnb]

من 25 الى 28 الف

يعتمد على النظافة والموديل قديم شوي

والنياسين قرقاشه خاصه في 98

يسمونه الشباب بقره يصرف بترول بشكل عجيب وبدون سحبيه

[ابو يامن]

مشكور bnb

ما خاب من استشار

[ابو يامن]

^
^
^
^
^
^

[بن درويش]

اسعارهم فى المعارض من 35 لين 45

[فتك العديد]

اسعارهم فى المعارض من 35 لين 45

كلام اخوي صحيح والسعر يعتمد على النظافه واللون وفي مجال يوصل 50 اذا السياره بحاله ممتازه جدا وفول ابشن وممشاها قليل جدا يعني 100 الف كيلو وتحت وهي شي نادر طبعا

[فتك العديد]

بالتوفيق

[ابو يامن]

مشكورين يا اخوان

هو نظيف جدا

ماشي 250 الف

صاحبه طالب فيه 43

ايش رأيكم

[لاداعي]

بالتوفيق

[زمن الغدر]

اخوي انا اعلمك قبل سنتين انا شاري نيسان سوبر سفارري
ورررده كان ماشي 140 الف قير عادي وطبعا القير العادي ارغب
خذته ب42 مع المعرض
اولا مايطوف حاليا 37 الف وخاصه السوق ميت
ثاني شي توماتيك مب مرغوب
ثالث شي الموتر صار له 11 سنه
رابعا يخوي زيد 8 الاف ولا 10 الف وخذلك فيتك موديل 2002 اساعرهم ب50 لين 55
والله يوفقك

[ابو يامن]

مشكور اخوي زمن الغدر

بس و ين اتحصل فتك الحين ب 50

اللي عنده يساعدنا

[فتك العديد]

مشكور اخوي زمن الغدر

بس و ين اتحصل فتك الحين ب 50

اللي عنده يساعدنا

اخوي صعبه تحصل شي نظيف ب 50 الا اذا كانت حالته يرثى لها او كان GL يعني شبه ستاندر لكن سوبر سفاري او سفاري نظيف اغسل يدك تحصل وعلى فكره الموتر الي عرضته عليك راح امس ب 70 وانت جرب وروح المعارض وشوف اسعارهم شلون طايره ومعليك من كلام الناس اذا قالولك ازمه اقتصاديه والسوق تعبان لانه هي الكلام بس حق السيارات الغاليه والجديده لكن السيارات المستعمله والي قيمتها تحت 100 الف للحين مثل ماهي ولا تغير فيها شي وعلى فكره في سوبر سفاري 2002 نظيف في معرض الشاهين شوف كم سعره