ماهو افضل تخصص جامعي ينفع بقطر

[المــستشار]

ماهو افضل تخصص جامعي ينفع بقطر


انا راح ادرس جامعة بالاردن ان شاء الله

ولكن ماهو افضل تخصص ينفع في دولتنا قطر


نسبتي 76% أدبي علوم رياضيات


ناس قالوا ادرس
كلية العلوم الإدارية والمالية ( إدارة الأعمال )

وناس قالوا
كلية العلوم الإدارية والمالية (الإدارة الفندقية والسياحية)


انتم وش رايكم..... المساعدة المساعدة؟؟؟

[جوال 11]

بالتوفيق
قبل الدراسة والتخصص تأكد من المجلس الأعلى عن الجامعة التي تود الدراسة فيها هل معترف فيها من قبلهم ، حيث لا تعادل الشهادة من أي جامعة غير معترف بها
والتخصص الأول كلية العلوم الإدارية والمالية جيد .
بالتوفيق

[المــستشار]

اشكرك على النصيحة بخصوص المعترف بها

واشكرك ع رآيك

[المــستشار]

(25) مشاهد للموضوع


ورد واحد (جزاه الله الف خير راعيه)

[PoBox]

ماهو افضل تخصص جامعي ينفع بقطر


انا راح ادرس جامعة بالاردن ان شاء الله

ولكن ماهو افضل تخصص ينفع في دولتنا قطر


نسبتي 76% أدبي علوم رياضيات


ناس قالوا ادرس
كلية العلوم الإدارية والمالية ( إدارة الأعمال )

وناس قالوا
كلية العلوم الإدارية والمالية (الإدارة الفندقية والسياحية)


انتم وش رايكم..... المساعدة المساعدة؟؟؟



وانت شتحب اخوي المستشار ؟؟
مااحبذ الادارة الفندقية والسياحية لانك بتكون حصرت نفسك في مجال ضيق مستقبلا
ياليت يكون المجال شوي اوسع من اجل حرية لك في تغيير وظيفتك لو حبيت او التقديم في اكثر من مكان

انا مع الخيار الاول ( ادارة ، مالية ، تسويق ، ) ولو حددنا بقولك محاسبة او مالية وخل الادارة العامة
والثاني ماانصح فيه

بس 76% اخوي تدخلك جامعة قطر كلية الادارة

لو قلتلي قطر وامريكا بقولك الفرق كبير من ناحية التعقيدات وسهولة النظام والتعلم الذاتي

لكن قطر والاردن :discuss:، الصراحة اشوف افضلية لجامعة قطر

ولو على التوفل وغيره ، تقدمهم 5-6 مرات وتجيب لك مدرس وراح تجيبهم وانت تضحك

[THE END]

السلام عليكم

اخي الحبيب من وجهة نظري الاداره الماليه ( التحليل المالي - ادارة المخاطر)
الدراسات القانونيه

والله يوفقك اخوي

[بويوسف]

ادرس اسهل شي وشي يمشي سريع سريع .. بس حاول تجيب معدل فوق الجيد

[المــستشار]

وانت شتحب اخوي المستشار ؟؟
مااحبذ الادارة الفندقية والسياحية لانك بتكون حصرت نفسك في مجال ضيق مستقبلا
ياليت يكون المجال شوي اوسع من اجل حرية لك في تغيير وظيفتك لو حبيت او التقديم في اكثر من مكان

انا مع الخيار الاول ( ادارة ، مالية ، تسويق ، ) ولو حددنا بقولك محاسبة او مالية وخل الادارة العامة
والثاني ماانصح فيه

بس 76% اخوي تدخلك جامعة قطر كلية الادارة

لو قلتلي قطر وامريكا بقولك الفرق كبير من ناحية التعقيدات وسهولة النظام والتعلم الذاتي

لكن قطر والاردن :discuss:، الصراحة اشوف افضلية لجامعة قطر

ولو على التوفل وغيره ، تقدمهم 5-6 مرات وتجيب لك مدرس وراح تجيبهم وانت تضحك




بيض الله وجهك

[المــستشار]

السلام عليكم

اخي الحبيب من وجهة نظري الاداره الماليه ( التحليل المالي - ادارة المخاطر)
الدراسات القانونيه

والله يوفقك اخوي


بيض الله وجهك

وهذي راح استفسر عنها اكثر

[المــستشار]

ادرس اسهل شي وشي يمشي سريع سريع .. بس حاول تجيب معدل فوق الجيد

بيض الله وجهك

لكن ماقلت لي وشو السهل

[pure]

اخوي حسب نوع الدراسه مثلا اذا تحب الحفظ وهالنظام دش قانووون

بخصوص البزنس لو تدش مثل ماقالوا الاخوان جامعة قطر

نظامهم اوكييه واشوفه انا سهل مايبيله ذاك التعقيييد والصعووبه

والتوفل مقدور عليه لو حتى دشيت تأسيسي سنه وحده بيقلل التوفل من 500 الى 450

وهاي ان شاءالله مقدور عليييه

والله يوفقكك يارب

[تحداني]

السلام عليكم ورحمه الله

أتصور لو تدرس اما ( قانون - او اداره واقتصاد ) لانها من التخصصات الي جدا مرغوبه في البلد ..مهما كان التخصص صعب ..دائما شوف مستقبله المهني بكره ..لانك بس اتشد حيلك بإذن الله مافي شئ صعب صدقني وبخصوص ( اداره واقتصاد ) ادرس محاسبة / ماليه / تسويق

( القانون ) وايد مرغوب في البلد وجامعه قطر قويه جدا في القانون وفي الادراه والاقتصاد ...

الله يوفقك يارب ..

[المــستشار]

اخوي حسب نوع الدراسه مثلا اذا تحب الحفظ وهالنظام دش قانووون

بخصوص البزنس لو تدش مثل ماقالوا الاخوان جامعة قطر

نظامهم اوكييه واشوفه انا سهل مايبيله ذاك التعقيييد والصعووبه

والتوفل مقدور عليه لو حتى دشيت تأسيسي سنه وحده بيقلل التوفل من 500 الى 450

وهاي ان شاءالله مقدور عليييه

والله يوفقكك يارب



اللحين جامعة قطر افضل في الدراسة ... لكن التوفل سنتين والتخصص 4 سنوات يعني (6 سنوات)

لكن الاردن ( 4 سنوات بس)

جزاك الله الف خير

[المــستشار]

السلام عليكم ورحمه الله

أتصور لو تدرس اما ( قانون - او اداره واقتصاد ) لانها من التخصصات الي جدا مرغوبه في البلد ..مهما كان التخصص صعب ..دائما شوف مستقبله المهني بكره ..لانك بس اتشد حيلك بإذن الله مافي شئ صعب صدقني وبخصوص ( اداره واقتصاد ) ادرس محاسبة / ماليه / تسويق

( القانون ) وايد مرغوب في البلد وجامعه قطر قويه جدا في القانون وفي الادراه والاقتصاد ...

الله يوفقك يارب ..


بيض الله وجهك

وجزاك الله الف خير

[معيذر جنوب]

بيض الله وجهك

وجزاك الله الف خير

تأكد من المجلس الأعلى للتعليم
اذا كنت حاليا لا تعمل
لأن لازم الجامعة يكون معترف فيها من
قبل المجلس الأعلى للتعليم

[pure]

اللحين جامعة قطر افضل في الدراسة ... لكن التوفل سنتين والتخصص 4 سنوات يعني (6 سنوات)

لكن الاردن ( 4 سنوات بس)

جزاك الله الف خير

ليش 2 لو تيب التوفل ترا مب صعب كلش ابتدي من احين

حاول اتيبه اما توفل او ايلز... الايلز يقولون اسهل

بدال التغربل والغربه ومادري اخوي انت ابخص

[الخارجية]

أخوي الكريم عليك بالقانون صدقني ماراح تخسر القانون مطلوب في كل مكان

[مصراوية]

اللحين جامعة قطر افضل في الدراسة ... لكن التوفل سنتين والتخصص 4 سنوات يعني (6 سنوات)

لكن الاردن ( 4 سنوات بس)

جزاك الله الف خير



هنا في جامعة قطر

لازم تدرس التويفل في سنتين قبل ما تبدا تدرس 4 سنين تانيين دراستك العادية؟؟؟

[جوال 11]

اللحين جامعة قطر افضل في الدراسة ... لكن التوفل سنتين والتخصص 4 سنوات يعني (6 سنوات)

لكن الاردن ( 4 سنوات بس)

جزاك الله الف خير

تبغي نصيحة لا تقرب جامعة قطر على طول، الأنذارات شغاله والطرد وما يسوى عليك وأسأل كم طالب وطالبة أنطردوا من الجامعة، اذا عندك لغة سافر بريطانيا او أمريكا مرونة في الدراسة
ونا س متفهمة وتقدر الطلبة .

[أمة الله]

هالأيام أيام المهندسين.....لو رجع فيني الوقت كنت بختار يا هندسة أو شبكات

[المــستشار]

تأكد من المجلس الأعلى للتعليم
اذا كنت حاليا لا تعمل
لأن لازم الجامعة يكون معترف فيها من
قبل المجلس الأعلى للتعليم


اشكرك على التذكير

[المــستشار]

ليش 2 لو تيب التوفل ترا مب صعب كلش ابتدي من احين

حاول اتيبه اما توفل او ايلز... الايلز يقولون اسهل

بدال التغربل والغربه ومادري اخوي انت ابخص


والله مو ذابحني غير التوفل

الله يعطيكِ العافية

[المــستشار]

أخوي الكريم عليك بالقانون صدقني ماراح تخسر القانون مطلوب في كل مكان


بس القانون جميع الشباب نفس التخصص

والله يعطيكِ العافية على المشاركة وعلى موضوعك اللي طرحتية للنقاش

[المــستشار]

هنا في جامعة قطر

لازم تدرس التويفل في سنتين قبل ما تبدا تدرس 4 سنين تانيين دراستك العادية؟؟؟

للأسف ايوا

[المــستشار]

تبغي نصيحة لا تقرب جامعة قطر على طول، الأنذارات شغاله والطرد وما يسوى عليك وأسأل كم طالب وطالبة أنطردوا من الجامعة، اذا عندك لغة سافر بريطانيا او أمريكا مرونة في الدراسة
ونا س متفهمة وتقدر الطلبة .

والله نفس وجهة النظر ... جامعة قطر ... معقده حدها

واللغة يعني ...


انا افكر في الاردن ولا مصر

[المــستشار]

هالأيام أيام المهندسين.....لو رجع فيني الوقت كنت بختار يا هندسة أو شبكات


والمهندس .... لازم علمي و80%

يعني راحت علي


والله هذا مهنة العصر .... وتفع الواحد يفتح لنفسة شركة خاصة

[Affable Lady]

التخصص الأول هوالأحسن لو كان في الإدارة المالية أو الاقتصاد

هالتخصصات صايرة.. جوكر .. هي المطلوبة وهي الغالبة :victory:

وبالتوفيق ،،،

[STAR]

تخصص ادارة واقصااااد

اممم حتى تخصص الاعلام مطلووب

[خنور]

ياخوي ارجوك لاتتحطم ربعنا مايفرقون اداره ماليه ولاحتى تربيه رياضيه خلص دراستك لو من الصومال,

اهم شي شهاده . اعرف ناس تخصصاتهم استحى اقولها مدراء ادارات ورؤساء مجالس اداره .

خلها على ربك ياخوك بس .:anger1:

بس احنا يالمساكين دائما نتعشم بالمثل اللي يقول لايصح الا الصحيح عشنا ونموت عليه .:rolleyes2:

[الاستثمار]

علوم مصرفيه الصراحه تخصص قوي اخوي

[eastqatar]

عندي لك اقتراح

الاطلنطي سنتين ولا ثلاث وبعدين جيب معدل وخذ بعثه برع الدوحه ( اوروبا او امريكا الشماليه )

منها تاخذ لغه وبعدين تطور الموضوع ( حسب الرغبه ) وتاخذ البالكريوس من لندن على سبيل المثال

واذا تبي البزنس في تخصص محاسبه , تسويق , موارد بشريه , و تخصص توه جديد اداره بنكيه

وعلى فكره اذا كان معدلك 3,5 من 4 و فوق تقدر تكمل في جامعه قطر

[سهم مديون]

احسن تخصص عندنا الواسطة اذا توفرت لديك كل امورك طيبة !!

[_بوشهاب_]

والله ياخوي كليه شمال الاطلنطي قويه وايد واسال الي متخرجين منها وكملوا البكالوريس
كنت اعرف واحد خذ الدبلوم من الكليه وكمل البكالوريس في لندن في 9 شهور يقول كل الي يعطوني اياه في لندن خذته في الكليه
وفي الاخير الشور شورك

[المهلهل]

السلام عليكم
محاسبة وقانون
لا وزارة ولامؤسسة ولا تاجير
يقدرون يستغنون عنهم

[حبر سري]

اخوي تدري لو يرد عليك ثلاثين عضو مثلا؟
راح تشوف ثلاثين تخصص!!

انت استخير ربك وتوكل عليه

[::محمد::]

بداية أتمنى لك التوفيق يالطيب ..
ثانياً قطر ليست فقط عبارة عن بنوك وسوق مالي وفنادق ..
قطر دولة متكاملة .. جميع التخصصات مطلوبة فيها ..
ثانياً نقطة مهمة عشان لا تتعب ..
لو بتختار تخصص عشان الفلوس .. راح تتعب ..
بتخصصك راح تجيب الفلوس ..
لاحظ إن التخصص بمخباك .. والفلوس راح تجيك ..

لكن تروح تختار تخصص .. عشان سمعت إنه مطلوب إنت هالشكل صفر ..
لأن لا الفلوس ضامنها .. والتخصص بعد انت منت حابه .. يعني ما عندك شي ..

اختار تخصص تحبه وتميل له .. عشان حتى لو دار عليك الزمان .. أقل شي عندك شي تحبه ملك لك ..


بالتوفِيق .. ،

[بوسعود180]

الموارد البشريه

[استغفرالله]

شوف ميولك واللي تحبه ادرسة

ولو انت قطري ليش تروح الاردن

ثرى الدراسة صعبة هناك

ادرس جامعة قطر

بدون تأسيسي

بس ادرس توفل او ايلس

قوو نفسك من احين

وانشاء الله على السنة الجاية تكون يايب الدرجة المطلوبة

[اروع سهم]

اكثر تخصص مطلوب محاسبة ويبيلك تسأل ادارة القوى العاملة الوطنية في وزارة العمل بفيدونك اكثر

[اكسجين]

ادرس اسهل شي وشي يمشي سريع سريع .. بس حاول تجيب معدل فوق الجيد

:nice:


و بعد التخرج شوفلك واسطه .

و الواسطة اهم من الشهادة .:victory:

[جرير]

نصيحتي لك ونصيحه اخويه ثمينه اذا تقدر وعند عزيمه

هندسه ميكانيكيه او هندسه كهربائيه

امورك ما تتعطل في اي مكان في العالم

من اهم التخصصات

[noor qatar]

السلام عليكم
اخوي انا مشاركاتي قليلة بالمنتدى لكن لفت انتباهي الموضوع وحبيت اشارك
اذا تتقبل نصيحة من اختك فعليك بتخصص يوافق ميولك واهتماماتك يعني تخصص انت حابه عشان تبدع فيه

وشي ثاني اليوم على قناة ابوظبي الساعة 8 بتوقيت الدوحة بيعرضون برنامج خطوة يتكلم عن احتياجات سوق العمل وان شاء الله يفيدك
ولاتنسى الاستخارة ............ وبالتوفيق ان شاء الله

[المــستشار]

التخصص الأول هوالأحسن لو كان في الإدارة المالية أو الاقتصاد

هالتخصصات صايرة.. جوكر .. هي المطلوبة وهي الغالبة :victory:

وبالتوفيق ،،،

:nice::nice:


الله يعطيك العافية

[المــستشار]

تخصص ادارة واقصااااد

اممم حتى تخصص الاعلام مطلووب



كثير من الشباب يقولون روح لتخصص الاعلام ( محتاج تفكير عميق )


الله يعطيك العافية

[المــستشار]

ياخوي ارجوك لاتتحطم ربعنا مايفرقون اداره ماليه ولاحتى تربيه رياضيه خلص دراستك لو من الصومال,

اهم شي شهاده . اعرف ناس تخصصاتهم استحى اقولها مدراء ادارات ورؤساء مجالس اداره .

خلها على ربك ياخوك بس .:anger1:

بس احنا يالمساكين دائما نتعشم بالمثل اللي يقول لايصح الا الصحيح عشنا ونموت عليه .:rolleyes2:



:telephone:


خلها على الله

[المــستشار]

علوم مصرفيه الصراحه تخصص قوي اخوي

يعني مجال المالية والاقتصاد والمصرفية

هي الاقوى عروض

[المــستشار]

عندي لك اقتراح

الاطلنطي سنتين ولا ثلاث وبعدين جيب معدل وخذ بعثه برع الدوحه ( اوروبا او امريكا الشماليه )

منها تاخذ لغه وبعدين تطور الموضوع ( حسب الرغبه ) وتاخذ البالكريوس من لندن على سبيل المثال

واذا تبي البزنس في تخصص محاسبه , تسويق , موارد بشريه , و تخصص توه جديد اداره بنكيه

وعلى فكره اذا كان معدلك 3,5 من 4 و فوق تقدر تكمل في جامعه قطر


الله يعطيك العافية

وهذا معلومات جديدة

[المــستشار]

احسن تخصص عندنا الواسطة اذا توفرت لديك كل امورك طيبة !!

:telephone:


اجل راحت علينا

[المــستشار]

والله ياخوي كليه شمال الاطلنطي قويه وايد واسال الي متخرجين منها وكملوا البكالوريس
كنت اعرف واحد خذ الدبلوم من الكليه وكمل البكالوريس في لندن في 9 شهور يقول كل الي يعطوني اياه في لندن خذته في الكليه
وفي الاخير الشور شورك

ماقصرت يابوشهاب

والله يعطيك العافية

[المــستشار]

السلام عليكم
محاسبة وقانون
لا وزارة ولامؤسسة ولا تاجير
يقدرون يستغنون عنهم

الله يعطيك العافية اخوي

[المــستشار]

اخوي تدري لو يرد عليك ثلاثين عضو مثلا؟
راح تشوف ثلاثين تخصص!!

انت استخير ربك وتوكل عليه


اكيد كلامك صحيح بس راح يكون هناك استفاده 100% من نصائحهم كامجربين


الله يعطيك العافية

[المــستشار]

بداية أتمنى لك التوفيق يالطيب ..
ثانياً قطر ليست فقط عبارة عن بنوك وسوق مالي وفنادق ..
قطر دولة متكاملة .. جميع التخصصات مطلوبة فيها ..
ثانياً نقطة مهمة عشان لا تتعب ..
لو بتختار تخصص عشان الفلوس .. راح تتعب ..
بتخصصك راح تجيب الفلوس ..
لاحظ إن التخصص بمخباك .. والفلوس راح تجيك ..

لكن تروح تختار تخصص .. عشان سمعت إنه مطلوب إنت هالشكل صفر ..
لأن لا الفلوس ضامنها .. والتخصص بعد انت منت حابه .. يعني ما عندك شي ..

اختار تخصص تحبه وتميل له .. عشان حتى لو دار عليك الزمان .. أقل شي عندك شي تحبه ملك لك ..


بالتوفِيق .. ،

اشكرك كل الشكر على هذه النصيحه الطيبة

[المــستشار]

الموارد البشريه

:nice::nice:

في كل المجالات

[المــستشار]

شوف ميولك واللي تحبه ادرسة

ولو انت قطري ليش تروح الاردن

ثرى الدراسة صعبة هناك

ادرس جامعة قطر

بدون تأسيسي

بس ادرس توفل او ايلس

قوو نفسك من احين

وانشاء الله على السنة الجاية تكون يايب الدرجة المطلوبة

اشكرك على النصيحة

[مصراوية]

طيب ينفع تدرس انت التويفل في اي مركز خاص... وهما يعملو لك الأختبار في الجامعة والا لازم تدرس التويفل في الجامعة ؟؟؟

[فهد قطر]

اخوووي الغالي مساء الخير

اشوف اخووي انا واحد مخلص قانون من جامعة قطر واذا انت انسان فيك شده على الحفظ بشكل كبير وعلى الفهم توكل على الله ودش قانون..... لان الصراحه تخصص القانون لك مفيد في حياتك اليوميه وتستطيع تاكل من ورى ها الشهاده يوم تفتح مكتب وتصير محامي وهي مهنه شريفه..... ولو تروح اي ادرة حكوميه لابد فيها شؤون قانونيه يعني الوظيفه متوفره ولاتنسى ان التخصص مرغوب وهناك دعم كبير لكلية القانون والقانون في الاردن قوووي لاني جربت الدراسه اهناك. وشد حيلك وشوف ميولك ولاتنظر الى ميول الغير يعني حتى انا مو لازم تاخذ في كلام .

[rashid700]

دش قانون
وتوكل على الله
أما تحصل وظيفه سنعه
أو تفتح مكتب وتحصل منه خير
واليوم أغنى الناس في قطر ( المحامي--- والطبيب اللي فاتح عياده خاصه)