شلون كنت تتصرف مع هالموقف ؟؟؟ .. :)

[شاي كرك]

http://www9.0zz0.com/2009/02/01/06/767604688.jpg
.
.
.
.
.
.
.


أحد فيكم صاده هالموقف عن الإشارات أو في أي مكان انتظار( أطفال يسوون لك حركات ) ..؟؟؟ وشلون كنت تتصرف معاهم ..؟؟




:) تعويض عن الموضوع اللي " ذهب مع الريح "..



ملاحظة : الصورة مفبركة بس المقصد اني امثل لكم الحركات المضحكة اللي تصير من الاطفال في الكرسي الخلفي .. :

[ناصر العمادي]

هههههههههههههههههههه وايد يصيدني هالموقف وأتم أضحك وسويله نفس الحركات ..:tease::tease::tease:
أحب براءة الأطفال وكلامهم وأسلوبهم الحلو ..:nice::nice::nice:

موضوع خفيف يصلح للفطور ..:tease::tease:

يعطيك الصحه والعافيه

الله يوفقك ويسعد أيامك ودنياك بالخير والمحبه أن شاء الله

كل الشكر والتحيه والتقدير والأحترام لك

[ANONYMOUS]

شتقصد..

لو في طفل فعليا يسوي كذا.. ولا صوره..

--

لو طفل صدقي.... الصراحه انا دائما ابدأ مع الاطفال واتحرش فيهم..

اما لو صوره.. ف بكبر دماغي..

[شاي كرك]

شتقصد..

لو في طفل فعليا يسوي كذا.. ولا صوره..

--

لو طفل صدقي.... الصراحه انا دائما ابدأ مع الاطفال واتحرش فيهم..

اما لو صوره.. ف بكبر دماغي..


أقصد لو في طفل يسوي لك مثل هالحركات مش صورة .. والصورة انا مضبطها لاني ما حصلت صورة مشابهه تعبر عن الموضوع ...

وشلون كنت اتحرش فيهم ؟؟ .:whistling:

[بوخالد911]

هلا

بس هذا ستيكرر

مب ياهل صجي


بقعد اناظره وبس
!!


؛؛؛

مسيووو/ بوخالد911

[pure]

اسوووي نفسي ما اجوف

لاني ماحب اليهال اللي جي احسهم ملااقيف احب الياهل المؤدب

[ANONYMOUS]

وشلون كنت اتحرش فيهم ؟؟ .:whistling:



انا اللي ابدأ هالحركات :)

قبلها طبعا اسوي دراسه عن السياره واللي فيها واتوقع ردة فعلهم..

والحمدلله دائما دراستي تكون ناجحه والكل يتقبل

[VIPLady]

يازينهم

اعطيهم بوسه بالهوى من بعيد ينحرجون ويتخشون ...مع ابتسامه خفيفه منهم

الله يحفظهم

[بوعلي2]

ههههههههههه

باسوي له مثل مايسوي لي


يازين اليهال وبرائتهم

[عـيـون قـطـر]

اسوي له نفسي الطريقه
مره استوت معاي طلعت له حلاوه قام يصيح يبي الحلاوه انفقعت من الضحك

[PRINCESS]

ههههههههههههههههههه
والله ضحكت ضحك موطبيعي لما قريت الموضوع تذكرت موقف حصل لي قبل فتره
كنت اسوق وجنبي بنت عمي ووره اختي وابني الصغير...عند الاشاره واقفين كان بيدنه قهوه كنا نشرب لما وقفت بديت اشرب ..... مااعرف شلون صدفه التفت لقيت سياره جنبي صافه فيها رجال يسوق وجنبه اظن زوجته ووره فيلق مال جهال مااعرف كم عددهم...:omg:
عادي وانا شلي دخل بيهم؟؟ شفت المره تطالعنه وفاطسه ضحك وتأشر على القهوه اللي بيدي..هاي شبيهه شنو يضحك بالموضوع؟؟ سألت اختي وبنت عمي...قعدو يطالعوهه وهم يضحكون قالو بدل ماتضحك علينه خلي تضحك عالفيلق اللي وره تشوفهم شقاعدين يسوون..التفت لقيت الربع ناس تمشط وناس تظفر شعرهه وناس تجر بطارف غتره ابوهم يمسحون بي قزاز السياره:tease:
منظر يفطس ضحك ضحكت ضحك مو طبيعي والله ساعتها..
القصد انو الكبار تصدر منهم حركات غريبه لاعتب على الصغار..
بس اذا صادف هيج موقف دائما ابني الصغير يتكفل الرد لانه دائما جالس وره.
شكرا عالموضوع الحلو.:victory:

[سلامي للكل]

مساء الخير اخوي "شاي كرك"

خخخخخخخخخخخخ

الصراحة اسوي له نفس الحركات او مشابه للحركات اللي يسويها :nice:

وبعض الاوقات اذا الياهل ساكت, انا اللي اتحرش :shy:

على فكرة مواضيعك كلها حلــوة :)

تسلم يـ الغالــي, وفاااااااااالك التوفيــق :victory:

[PRINCESS]

مساء الخير اخوي "شاي كرك"

خخخخخخخخخخخخ

الصراحة اسوي له نفس الحركات او مشابه للحركات اللي يسويها :nice:

وبعض الاوقات اذا الياهل ساكت, انا اللي اتحرش :shy:

على فكرة مواضيعك كلها حلــوة :)

تسلم يـ الغالــي, وفاااااااااالك التوفيــق :victory:

شفت توقيعك توقعت اليوم عيد ميلادك
كل عام وانت بالف خير
ياسلامي للكل
انشالله 1000 سنه
سوري شاي كرك بس حبيت اهني :shy:

[شاي كرك]

هههههههههههههههههههه وايد يصيدني هالموقف وأتم أضحك وسويله نفس الحركات ..:tease::tease::tease:
أحب براءة الأطفال وكلامهم وأسلوبهم الحلو ..:nice::nice::nice:

موضوع خفيف يصلح للفطور ..:tease::tease:

يعطيك الصحه والعافيه

الله يوفقك ويسعد أيامك ودنياك بالخير والمحبه أن شاء الله

كل الشكر والتحيه والتقدير والأحترام لك


عاد بو عبدالله لا تملق عليهم .. عشان ابوهم او امهم ما يسوون لك حركة مرعبة .. :whistling: وعقبها اتحرم تسوي هالحركة ..

بس تعال .. هل صادف انه محد تقبل منك هالحركة ؟؟

[شاي كرك]

هلا

بس هذا ستيكرر
مب ياهل صجي
بقعد اناظره وبس
!!
؛؛؛
مسيووو/ بوخالد911




اذا مافهمتني يا بوخالد من بيفهمني ؟؟ اقرا الموضوع عدل .. :sneaky:

[شاي كرك]

اسوووي نفسي ما اجوف

لاني ماحب اليهال اللي جي احسهم ملااقيف احب الياهل المؤدب




مشكله اللي قلبه قاسي .. :nea: وبعدين انتي شسالفتج مع اللقافة .. هااه ؟؟؟

[شاي كرك]

انا اللي ابدأ هالحركات :)

قبلها طبعا اسوي دراسه عن السياره واللي فيها واتوقع ردة فعلهم..

والحمدلله دائما دراستي تكون ناجحه والكل يتقبل


دائماً ؟؟ :whistling:

[سلامي للكل]

شفت توقيعك توقعت اليوم عيد ميلادك
كل عام وانت بالف خير
ياسلامي للكل
انشالله 1000 سنه
سوري شاي كرك بس حبيت اهني :shy:

فديت خشمك يـ الغالي :nice:

وانت بصحة وسلامة اخوي

تسلم لي, ومشكــور :)

السموحــة من صاحب الموضــوع :shy:

[شاي كرك]

يازينهم

اعطيهم بوسه بالهوى من بعيد ينحرجون ويتخشون ...مع ابتسامه خفيفه منهم

الله يحفظهم




عاد في اطفال يبلغون عند سن العاشرة .. فأخاف ان هالتبوس يسوي لهم أزمة عاطفية مبكرة .. :whistling:

وكله ولا الأزمات العاطفية ..

[ورقــة أمــل]

i will do

:tease:

:tease:

:tease:

[شاي كرك]

ههههههههههه

باسوي له مثل مايسوي لي


يازين اليهال وبرائتهم


يازينهم زيناه .. :)

[شاي كرك]

اسوي له نفسي الطريقه
مره استوت معاي طلعت له حلاوه قام يصيح يبي الحلاوه انفقعت من الضحك


أحد اساليب التعذيب عند اليهال .. يبيله .. :)

[ALRAYYAN]

هم موقفين ما انساهم

مره وانا واقف في اشارة لقيت سياره فيها واحد وزوجته وياهل حليو قاد على الكرسي الخلفي يطالعني
عاد انا لعبتي هالسوالف وانا اول من يبديها قلت اتحرش فيه دام الاشاره مطوله وخصوصاً ان احنا اول موترين في الاشاره توها محووومره
قمت اطلع له لساني واسويله حركات وقام يرد عليه بنفس الحركات واندمجنا انا معاه لين قلنا بس ( صرنا ربع )

يوم التفت على ابوه الا يطالعني وميت من الضحك علي هو وزوجته :shy::shy::shy:<<< بغت اطلع والاشاره حمره من الفشله :rolleyes2:
قمت اتصدد لين شبت الاشاره .. ويوم شبت الاشاره تميت واقف عشان هو يروح الا اللي وراي يقول طيييييييييييييييط crazy

موقف ثاني عند سوبر ماركت في الريان

لقيت ياهل قاعد نفس القعده اللي في صورتك بالضبط ويطالع المواتر اللي وراه وانا جيت وطلبت غرض من
السوبر ماركت وقاعد انتظر واشوفه قلت اسويله نفس الحركات القرعه اللي اسويها ;)

قمت اطلع لساني واشر له و و و و وهو مكتفي بالفرجه على .. قلت شالبزر مثقل دمه .. قلت الا اضحكه :dance

كثرت من الحركات الا يأشر لي بيده ( اشاره المجانين ) يفر يده عند اذنه .. يقولي شفيك مجنون :oops:

تعرف شنو كرهته هالياهل :anger3:

موضوع طريف وان شاء الله ماطولت عليكم

يعطيك العافيه كرووووك .. :)

[شيزكيك]

يا زين اليهال لو حد سوا لي هالشكل بسوي له بباي

وذاك الاسبوع وحده تطالع سيارتنا وقلت حق بنتي سوي لها بباي ومسكينه سوت لها

وذيك ما ردت على بنتي هيئ هيئ هيئ

[وحيد-الشوق]

على حسب مزاجي :nice:

وايد صادني هالموقف حزات اضحك وحزات ودي انزل اضربهم :anger1: << شرير

يعطيك العافية

[ANONYMOUS]

يا زين اليهال لو حد سوا لي هالشكل بسوي له بباي

وذاك الاسبوع وحده تطالع سيارتنا وقلت حق بنتي سوي لها بباي ومسكينه سوت لها

وذيك ما ردت على بنتي هيئ هيئ هيئ


اسوووي نفسي ما اجوف

لاني ماحب اليهال اللي جي احسهم ملااقيف احب الياهل المؤدب



الظاهر يا جيزكيك ان بنتج مسويه حق بيور....

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه

[أمير المحبه]

http://www9.0zz0.com/2009/02/01/06/767604688.jpg
.
.
.
.
.
.
.


أحد فيكم صاده هالموقف عن الإشارات أو في أي مكان انتظار( أطفال يسوون لك حركات ) ..؟؟؟ وشلون كنت تتصرف معاهم ..؟؟




:) تعويض عن الموضوع اللي " ذهب مع الريح "..



ملاحظة : الصورة مفبركة بس المقصد اني امثل لكم الحركات المضحكة اللي تصير من الاطفال في الكرسي الخلفي .. :


اوووووووووووووووو والله وناسه كم مره سوولي هالحركه اليهال ونا بروحي
وبعد مرات مع الاهل
مع الاهل ساكت ههههه جني ماجوف
لاكن بروحي اوووووووو اسوله باي باي وضحك معاه واشرله :tease:
ومره واحد عود ماشي جدام السياره ونا امعلق سلسله على المرايه
اللي جدام داخل السياره لما يمر واحد بالبطييئ تخيل معاي افتح كفي
وهو يمشي جدامي وفتح كفي وجني بقوله تعال ومسك السلسه
ههههههههههههههههههههههههههههه :tease: يتلعوز مسكين :(
جاي كرك موضوع وااايد حلو بس بعد ازياده شكر الله يخليك:)

[>>> غــمـــوض <<<]

موضوعـك عجيب والله
انــه ارد عليهم بنفس الحركـــه :tease:

واحيانا انه اللي ابتدي والعوزهــم واخرتها يستحون وينخشوف ويقطون عمرهم على الكرسي ههههههههههه
فديتهم اليهال على كثر شطانتهم بس يهبلونــــ وفيهم برائــه من طبيعيه

اختيار عجيييييييييييب

[الشيماء]

موضوع حلو :)
شكرا كرك

اسويلهم نفس الحركه احيانا بس الصراحة يضحكوني ..
وفي ياهال يسوون حركات غريبة ماقدر اقلدهم :secret:

[شيزكيك]

الظاهر يا جيزكيك ان بنتج مسويه حق بيور....

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه

ههههههههههه

لا بنتي مسويه بباي حق وحده صغيره وذيك فشلت بنتي

[أمير المحبه]

موضوع حلو :)
شكرا كرك

اسويلهم نفس الحركه احيانا بس الصراحة يضحكوني ..
وفي ياهال يسوون حركات غريبة ماقدر اقلدهم :secret:

شنووو يعني يحطون صبعهم في خشمهم ههههههههههههه:tease:

[pure]

ههههههههههه

لا بنتي مسويه بباي حق وحده صغيره وذيك فشلت بنتي

غير جي انا ماطلعت باليوم المذكور اعلاه يعني طلعت براءه :nice:

[بوحارب]

انزل من موتري واروح للموتر اللي في الياهل واعطيه كف على وجهة

واقولها مرة ثانية لما تشوف الشيخ بوحارب يتمشى احترم نفسك يا قليل الأدب


:unsure:

[امل الحب]

ابتسم وبس ..

ماعندي استعداد لل :shy:

[سلامي للكل]

انزل من موتري واروح للموتر اللي في الياهل واعطيه كف على وجهة

واقولها مرة ثانية لما تشوف الشيخ بوحارب يتمشى احترم نفسك يا قليل الأدب

:unsure:

ايش فيه الشيـخ بوحارب...

:tease:

[الشيماء]

شنووو يعني يحطون صبعهم في خشمهم ههههههههههههه:tease:


ههههه
لا مو بس جذي حركااااات غريبة

[هام السحاب]

لعبتي اتحرش فاليهال

[شاي كرك]

ههههههههههههههههههه
والله ضحكت ضحك موطبيعي لما قريت الموضوع تذكرت موقف حصل لي قبل فتره
كنت اسوق وجنبي بنت عمي ووره اختي وابني الصغير...عند الاشاره واقفين كان بيدنه قهوه كنا نشرب لما وقفت بديت اشرب ..... مااعرف شلون صدفه التفت لقيت سياره جنبي صافه فيها رجال يسوق وجنبه اظن زوجته ووره فيلق مال جهال مااعرف كم عددهم...:omg:
عادي وانا شلي دخل بيهم؟؟ شفت المره تطالعنه وفاطسه ضحك وتأشر على القهوه اللي بيدي..هاي شبيهه شنو يضحك بالموضوع؟؟ سألت اختي وبنت عمي...قعدو يطالعوهه وهم يضحكون قالو بدل ماتضحك علينه خلي تضحك عالفيلق اللي وره تشوفهم شقاعدين يسوون..التفت لقيت الربع ناس تمشط وناس تظفر شعرهه وناس تجر بطارف غتره ابوهم يمسحون بي قزاز السياره:tease:
منظر يفطس ضحك ضحكت ضحك مو طبيعي والله ساعتها..
القصد انو الكبار تصدر منهم حركات غريبه لاعتب على الصغار..
بس اذا صادف هيج موقف دائما ابني الصغير يتكفل الرد لانه دائما جالس وره.
شكرا عالموضوع الحلو.:victory:


مبين ان الموضوع اخرج بعض الناس عن صمتهم .. :whistling:

وبعدين انتي متأكدة انج شفتي سيارة و إلا باص ..؟؟ :secret:

[PRINCESS]

:rolleyes2:

مبين ان الموضوع اخرج بعض الناس عن صمتهم .. :whistling:

وبعدين انتي متأكدة انج شفتي سيارة و إلا باص ..؟؟ :secret:

لا
شفت يوكن

[شاي كرك]

مساء الخير اخوي "شاي كرك"

خخخخخخخخخخخخ

الصراحة اسوي له نفس الحركات او مشابه للحركات اللي يسويها :nice:

وبعض الاوقات اذا الياهل ساكت, انا اللي اتحرش :shy:

على فكرة مواضيعك كلها حلــوة :)

تسلم يـ الغالــي, وفاااااااااالك التوفيــق :victory:


لحد يتحرش وويخرب على نفسه دخوله الخمسة وعشرين سنه .. :whistling:

[سداوي&مدريدي]

صارت لي من فتره ورديت عليهم بنفس الحركه :tease:

بعدها خذو علي وقامو يضحكون بس والله اني استانست يوم اضحكو


انزل من موتري واروح للموتر اللي في الياهل واعطيه كف على وجهة

واقولها مرة ثانية لما تشوف الشيخ بوحارب يتمشى احترم نفسك يا قليل الأدب


:unsure:

هههههههههههههههههههههههههه
ههههههههههههههههههههههههههه
ههههههههههههههههههههههههههه
ههههههههههههههههههههههه
هههههههههههههههههههه يامجرم :(

[شاي كرك]

شفت توقيعك توقعت اليوم عيد ميلادك
كل عام وانت بالف خير
ياسلامي للكل
انشالله 1000 سنه
سوري شاي كرك بس حبيت اهني :shy:







فديت خشمك يـ الغالي :nice:

وانت بصحة وسلامة اخوي

تسلم لي, ومشكــور :)

السموحــة من صاحب الموضــوع :shy:


سلامي .. البرنسيسة .. يمدحون قسم الترحيب والاهدائات ..:sneaky:

[PRINCESS]

سلامي .. البرنسيسة .. يمدحون قسم الترحيب والاهدائات ..:sneaky:

سوري:shy::shy:

[شاي كرك]

i will do

:tease:

:tease:

:tease:


شلون ما فهمت .. :whistling: ممكن تعيدين ..

[البرونزي]

مره رديت على الياهل بنفس الحركه
وصادني ابوه ويفتكر اسوي له ونحرجت بصراحه :shy:

[شاي كرك]

هم موقفين ما انساهم

مره وانا واقف في اشارة لقيت سياره فيها واحد وزوجته وياهل حليو قاد على الكرسي الخلفي يطالعني
عاد انا لعبتي هالسوالف وانا اول من يبديها قلت اتحرش فيه دام الاشاره مطوله وخصوصاً ان احنا اول موترين في الاشاره توها محووومره
قمت اطلع له لساني واسويله حركات وقام يرد عليه بنفس الحركات واندمجنا انا معاه لين قلنا بس ( صرنا ربع )

يوم التفت على ابوه الا يطالعني وميت من الضحك علي هو وزوجته :shy::shy::shy:<<< بغت اطلع والاشاره حمره من الفشله :rolleyes2:
قمت اتصدد لين شبت الاشاره .. ويوم شبت الاشاره تميت واقف عشان هو يروح الا اللي وراي يقول طيييييييييييييييط crazy

موقف ثاني عند سوبر ماركت في الريان

لقيت ياهل قاعد نفس القعده اللي في صورتك بالضبط ويطالع المواتر اللي وراه وانا جيت وطلبت غرض من
السوبر ماركت وقاعد انتظر واشوفه قلت اسويله نفس الحركات القرعه اللي اسويها ;)

قمت اطلع لساني واشر له و و و و وهو مكتفي بالفرجه على .. قلت شالبزر مثقل دمه .. قلت الا اضحكه :dance

كثرت من الحركات الا يأشر لي بيده ( اشاره المجانين ) يفر يده عند اذنه .. يقولي شفيك مجنون :oops:

تعرف شنو كرهته هالياهل :anger3:

موضوع طريف وان شاء الله ماطولت عليكم

يعطيك العافيه كرووووك .. :)


بصراحة متعتني بردك .. وين كنت مختفي ..؟؟

بس اشارة المجانين مالها حل :taunt:

[شاي كرك]

يا زين اليهال لو حد سوا لي هالشكل بسوي له بباي

وذاك الاسبوع وحده تطالع سيارتنا وقلت حق بنتي سوي لها بباي ومسكينه سوت لها

وذيك ما ردت على بنتي هيئ هيئ هيئ


يمكن بنتج ملقت عليها بالرد .. عشان جي ما ردت عليها " البيباي " .. وصورة الكيكة اللي نزلتي صورتها من كم يوم مش حلوة ..:whistling:

[شاي كرك]

على حسب مزاجي :nice:

وايد صادني هالموقف حزات اضحك وحزات ودي انزل اضربهم :anger1: << شرير

يعطيك العافية


منور يالشرير .. :whistling: .. وشو جديدك في التصوير ؟؟ :)

[شاي كرك]

اوووووووووووووووو والله وناسه كم مره سوولي هالحركه اليهال ونا بروحي
وبعد مرات مع الاهل
مع الاهل ساكت ههههه جني ماجوف
لاكن بروحي اوووووووو اسوله باي باي وضحك معاه واشرله :tease:
ومره واحد عود ماشي جدام السياره ونا امعلق سلسله على المرايه
اللي جدام داخل السياره لما يمر واحد بالبطييئ تخيل معاي افتح كفي
وهو يمشي جدامي وفتح كفي وجني بقوله تعال ومسك السلسه
ههههههههههههههههههههههههههههه :tease: يتلعوز مسكين :(
جاي كرك موضوع وااايد حلو بس بعد ازياده شكر الله يخليك:)


ويخليك .. :shy: .. بس سالفة السلسة ما فهمتها ممكن تعيدها باسلوب اسهل لاني بعيد الشر عنك عندي فوبيا من الكلمات اللي فيها حرف السييييييين متكرر بكثره ؟ :rolleyes2:

[شاي كرك]

موضوعـك عجيب والله
انــه ارد عليهم بنفس الحركـــه :tease:

واحيانا انه اللي ابتدي والعوزهــم واخرتها يستحون وينخشوف ويقطون عمرهم على الكرسي ههههههههههه
فديتهم اليهال على كثر شطانتهم بس يهبلونــــ وفيهم برائــه من طبيعيه

اختيار عجيييييييييييب



يعني نضمج للستة اللي يبدون التحرش باليهال ؟؟ :whistling:

منورة الموضوع .. :)

[شاي كرك]

موضوع حلو :)
شكرا كرك

اسويلهم نفس الحركه احيانا بس الصراحة يضحكوني ..
وفي ياهال يسوون حركات غريبة ماقدر اقلدهم :secret:



مثل شنو ؟؟ :eek5:

[شاي كرك]

انزل من موتري واروح للموتر اللي في الياهل واعطيه كف على وجهة

واقولها مرة ثانية لما تشوف الشيخ بوحارب يتمشى احترم نفسك يا قليل الأدب


:unsure:


وابوه شيسوي فيك .. :whistling:

[ورقــة أمــل]

شلون ما فهمت .. :whistling: ممكن تعيدين ..

يعني بسوي جي

:tease:


:tease:

[GOOKLUCK]

موضوعك فله ياخوي ..

ذكرتي ياكثر ماتحرش باليهــال .. والعوزهم ..

بس اخر مره فقعت فيها من الضحك ..

السياره واقفه حذاي والياهل قاعد ورى وكل ما التفت صوبي قمت اخرعه .. اللي ضحكني ان كل ما تخرع قام يجر غترة ابوهـ يبي يعلمه عــاد ابوه يلتفت يشوف الوضع طبيعي .. واول مايـرد الابو مكانه ارد واخـــرع الصبي .. 3 او 4 مرات .. واول ما فتحـــت الشاره الا مـــــيت من الضحك ..

:tease:



تحياتي للجميع

[بنت المنتدى]

على حسب مزاجي ..

يا اني أسفهم (.") .. أو أني أقلدهم &_&


تسلم ع هالموضوع

[قطري مغترب]

هههههههههههههههههه انا مره سويتها لياهل الا اخوها يطالعني بعين حمراء اللووووووووووووووووووووووووووون ركز على حمراء اللووووووون والا العاده اسويها مع اليهال وعادي
اخوي هنيء في بريطانيا موب صاحين الكبار يسون موب الاطفال شيء غريب جدا

[شاي كرك]

ابتسم وبس ..

ماعندي استعداد لل :shy:


للإيش .. ؟؟ :eek5: لحد يتهور بس ..

[شاي كرك]

لعبتي اتحرش فاليهال


بس حاسب من لا تطيح مع يهال ما يعرفون الغشمرة ..:secret:


صارت لي من فتره ورديت عليهم بنفس الحركه :tease:



بعدها خذو علي وقامو يضحكون بس والله اني استانست يوم اضحكو



هههههههههههههههههههههههههه
ههههههههههههههههههههههههههه
ههههههههههههههههههههههههههه
ههههههههههههههههههههههه
هههههههههههههههههههه يامجرم :(



اي حركة .. ممكن تراوينا ... :shy:



مره رديت على الياهل بنفس الحركه
وصادني ابوه ويفتكر اسوي له ونحرجت بصراحه :shy:


احرااااااااااااااااااج .. :whistling:

[شاي كرك]

يعني بسوي جي

:tease:


:tease:


بعد مافهمت .. :whistling:

[امل الحب]

للإيش .. ؟؟ :eek5: لحد يتهور بس ..

هههههههههههههههههههه

صبااحك ورد اخوي ..

القصد ماعندي استعداد للااحرااج لا مع اهلهم لو شافوني او مع الي حولي فالسيارات :shy:

[شاي كرك]

موضوعك فله ياخوي ..

ذكرتي ياكثر ماتحرش باليهــال .. والعوزهم ..

بس اخر مره فقعت فيها من الضحك ..

السياره واقفه حذاي والياهل قاعد ورى وكل ما التفت صوبي قمت اخرعه .. اللي ضحكني ان كل ما تخرع قام يجر غترة ابوهـ يبي يعلمه عــاد ابوه يلتفت يشوف الوضع طبيعي .. واول مايـرد الابو مكانه ارد واخـــرع الصبي .. 3 او 4 مرات .. واول ما فتحـــت الشاره الا مـــــيت من الضحك ..

:tease:

تحياتي للجميع


شكلك حريييييف والا ما كنت ضبطت السالفة3 أربع مرات .. الله يعين عيالك وعيال اخوانك عليك شكلك متعبهم .. :whistling:

[شاي كرك]

على حسب مزاجي ..

يا اني أسفهم (.") .. أو أني أقلدهم &_&


تسلم ع هالموضوع




حياج الله اختي وما تشوفين شر من سالفة الصداع ..:)

[شاي كرك]

هههههههههههههههههه انا مره سويتها لياهل الا اخوها يطالعني بعين حمراء اللووووووووووووووووووووووووووون ركز على حمراء اللووووووون والا العاده اسويها مع اليهال وعادي
اخوي هنيء في بريطانيا موب صاحين الكبار يسون موب الاطفال شيء غريب جدا


وبعد العين الحمراء طلع الدم الاحمر ..؟؟

الله يرجعك للبلاد سالم غانم .. :)

[شاي كرك]

هههههههههههههههههههه

صبااحك ورد اخوي ..

القصد ماعندي استعداد للااحرااج لا مع اهلهم لو شافوني او مع الي حولي فالسيارات :shy:




صباح النور .. :) شكلج من النوع الطفولي العصبي ..شلون؟؟ ما أدري .. :whistling:

[بنت المنتدى]

حياج الله اختي وما تشوفين شر من سالفة الصداع ..:)





الشر ما يجيك :)

[بنت ذياب]

هههههههههههههههههه وناااسة

ساعات اذا شفت ياهل بروووحه ويتامل ويطالع

ابتسم له واسوي له حركات

وساعات اتهور وانسى نفسي

عقب اكتشف ان الكل يطالعني :( واتفشل عدل:(