الشاب القطري والبناء ودور التخطيط

[Engineer CA]

الشاب القطري والبناء ودور التخطيط

ماراي الشباب في الخدمات الموجوده

وخصوصا توفير الارضي

للشباب الذين يرغبون بالبناء

هل في رايكم ان هذا الامر سهل

لماذا لايكون هناك توفير سريع للارض والخدمات للشباب الراغبين

بالبناء

كثير من الخريجين عندهم الاراضي او بانتظار الاراضي

وفي كل الحالتين هم على نفس الحال

لان اللي عنده ارض ماعنده خدمات

ليش ماتكون هناك حمله

وتوعيه وتشجيع على بذل اقصى الجهود

للتطوير

وتشجيع الشباب

هالشي يساعد على الاستقرارا الاجتماعي

ويساعد على حل كثير من المشاكل المستقبليه

اتمنى لوتكون هناك حمله قويه يوصل صداها للمسولين

ومطالبه بهذا الشي

لابد من حل سريع

وحاب اسمع اراء الشباب في هذا الموضوع وسامحوني على الصياغه السريعه

[مناحي السادس عشر]

كل شي حبه حبه يا كبتن يعني شوي شوي وتقدر تقول الخير جاي ان شاء الله
خلــــــــــــــــــــــك متفائـــــــــــــــــــــــــــــــــــــــــــــ ـــــــــــــــــــــــــــــــــــــــــــــل

:):):)

[Engineer CA]

كل شي حبه حبه يا كبتن يعني شوي شوي وتقدر تقول الخير جاي ان شاء الله
خلــــــــــــــــــــــك متفائـــــــــــــــــــــــــــــــــــــــــــــ ـــــــــــــــــــــــــــــــــــــــــــــل

:):):)

حياك الله

بس اخوي متفائلين والحمدلله


بس حابين انشوف الحلول تتنفذ ونسمع عنها وتكون فيه مصارحه

واذا عندك شي تعرفه علمنا فيه

بس ترا معظم كبار الموظفين يا انه شرا ارض او فيلا

والارض الحكوميه مازالت سند ملكيه لا اكثر ولا اقل

والله يكتب الخير للجميع ان شاء الله

[hamoor4ever]

اخوي فيه مشاريع اهم من المواطن اللي راح ترفع اسم قطر بكل مكان احنا مانبي لا ارض ولا بيت كل اللي نبيه ان احنا نفتخر بأسم قطر بالخارج والمقيم والاجنبي يمدح فينا من الخير اللي شافه اما ارض او بيت هاذي اخر الاهتمامات ، ومشاريع بروه وديار اللي هدفها الربح المادي اهم من هالشي

وسلامتكم

[Engineer CA]

اخوي فيه مشاريع اهم من المواطن اللي راح ترفع اسم قطر بكل مكان احنا مانبي لا ارض ولا بيت كل اللي نبيه ان احنا نفتخر بأسم قطر بالخارج والمقيم والاجنبي يمدح فينا من الخير اللي شافه اما ارض او بيت هاذي اخر الاهتمامات ، ومشاريع بروه وديار اللي هدفها الربح المادي اهم من هالشي

وسلامتكم

ما اتوقع انك جدي بردك

مافي شي اهم المواطن

[hamoor4ever]

ما اتوقع انك جدي بردك

مافي شي اهم المواطن

طبعا مب جدي يااخوي ، بس هاذي اهتمامات الدوله والمسؤولين يهتمون ويسمعون لشكاوي المقيمين اكثر من المواطنين ، والدليل اراضي صار لها سنين وبنين وباقي لها سنوات بعد علشان توصل لها الخدمات اما المشاريع اللي مخصصه للاجانب تكون مدروسه اكثر ومحدد لها وقت معين للانتهاء ، وتقدر تمر على اشغال او التخطيط وتسألهم عن وصول بعض الخدمات لبعض المناطق واتحداك اذا لقيت جواب شافي ، اما مشاريع بروه وغيرهم وخاصه اللي مخصصه للاجانب فيتم الاعلان عنها بالجرايد ومستعدين يمددون لهم كامل الخدمات من طرق وغيره في اسرع وقت ، بأختصار المواطن اخر الاهتمامات عند المسؤولين المحترمين

[Engineer CA]

طبعا مب جدي يااخوي ، بس هاذي اهتمامات الدوله والمسؤولين يهتمون ويسمعون لشكاوي المقيمين اكثر من المواطنين ، والدليل اراضي صار لها سنين وبنين وباقي لها سنوات بعد علشان توصل لها الخدمات اما المشاريع اللي مخصصه للاجانب تكون مدروسه اكثر ومحدد لها وقت معين للانتهاء ، وتقدر تمر على اشغال او التخطيط وتسألهم عن وصول بعض الخدمات لبعض المناطق واتحداك اذا لقيت جواب شافي ، اما مشاريع بروه وغيرهم وخاصه اللي مخصصه للاجانب فيتم الاعلان عنها بالجرايد ومستعدين يمددون لهم كامل الخدمات من طرق وغيره في اسرع وقت ، بأختصار المواطن اخر الاهتمامات عند المسؤولين المحترمين

بيض الله ويهك

والله يسمع منك

وكل المطلوب مناطق يتم انشاؤها بخدمات على الخط السريع

لاهل قطر

ايش ممكن راح يكلف الموضوع

غير الدقه والاهتمام لا اقل

الله يكتب الخير لاهل قطر ان شاء الله

[hamoor4ever]

بيض الله ويهك

والله يسمع منك

وكل المطلوب مناطق يتم انشاؤها بخدمات على الخط السريع

لاهل قطر

ايش ممكن راح يكلف الموضوع

غير الدقه والاهتمام لا اقل

الله يكتب الخير لاهل قطر ان شاء الله

اعتقد الموضوع ماراح يكلف الشي الكثير ، كل المطلوب هو شويه اهتمام من قبل اشغال والكهرباء والتخطيط لمد على الاقل خدمه الكهرباء لمناطق البلاد ولا المسؤولين والتجار عاجبهم الوضع من ارتفاع الاراضي بسبب ان المناطق خارج الدوله كلها من دون خدمات مع العلم ان اغلب المواطنين يفضلون عدم السكن بالدوحه والتوجه للمناطق التابعه لبلديات الريان والشمال والوكره وغيرهم هربا من الزحمه واعتقد الاف الاراضي من غير خدمات بالمناطق هاذي واذا مريت يقولون لك لانعلم ، مع العلم ان الخبر عندهم ان مد الخدمات بياخذ مالايقل عن 4 سنوات ، يعني بيروح اوباما وبيجي غيره واحنا محلك سر ( اعذرني على التشبيه الطريف )

سلام عليكم

[Engineer CA]

اعتقد الموضوع ماراح يكلف الشي الكثير ، كل المطلوب هو شويه اهتمام من قبل اشغال والكهرباء والتخطيط لمد على الاقل خدمه الكهرباء لمناطق البلاد ولا المسؤولين والتجار عاجبهم الوضع من ارتفاع الاراضي بسبب ان المناطق خارج الدوله كلها من دون خدمات مع العلم ان اغلب المواطنين يفضلون عدم السكن بالدوحه والتوجه للمناطق التابعه لبلديات الريان والشمال والوكره وغيرهم هربا من الزحمه واعتقد الاف الاراضي من غير خدمات بالمناطق هاذي واذا مريت يقولون لك لانعلم ، مع العلم ان الخبر عندهم ان مد الخدمات بياخذ مالايقل عن 4 سنوات ، يعني بيروح اوباما وبيجي غيره واحنا محلك سر ( اعذرني على التشبيه الطريف )

سلام عليكم

حياك الله

وخذراحتك

وياليت تكون هناك مناشده قويه

وعلى اساسها تنحل المشكله

وين الشباب

ولا المنتدى كله شياب