طبيب جلدية لأ زالة الشعر نهائيا [الأرشيف] - منتديات شبكة الأسهم القطرية

PRINCESS

02-02-2009, 03:56 PM

حبيبتي اكو مجمع طبي اسمه مجمع الدكتور حسن عبدالله قريب من كوافير المشاطه اذا تعرفي
هذا هو تخصص علاج ليزر لكل المشاكل الجلديه من شعر الوجه الى الجسم الى الكلف والاشياء الثانيه...انا بصراحه ماجربت سالفه الليزر للشعر بس اخذت جلسات ليزر لتوحيد لون البشره بسبب تأثير الشمس ..بس انشالله تروحين وتستفادين.

الدم البنفسجي

02-02-2009, 03:57 PM

دكتور فهد الباكر عن تجربه وعندج دكتوره عايدة بعد اوكي وبعد دكتور اياد اوكي والله يعينج على الجهازلانه موت يعور

وثيقة قطرية

02-02-2009, 04:08 PM

ولا واحد منهم أوكي

استغلالين بس يبون افلوس روحي شوفي اي دكتوره او دكتور في السعودية
أبركلج
عن تجربة

ورقــة أمــل

02-02-2009, 05:13 PM

في البحرين احسن لج يقولون ارخص وايد

بس ماعندي فكرة

اللي يعرف يفيدني ويفيدها :(

الطيبة كلها

02-02-2009, 05:21 PM

دكتورة عايدة زينه بس الاستغلال ذابحنا بقطر محد يحمينا

ورقــة أمــل

02-02-2009, 05:35 PM

دكتورة عايدة زينه بس الاستغلال ذابحنا بقطر محد يحمينا

عايده احرقت ويه وحده من البنات سوت لها بقعة :rolleyes2:

وفوق ذي متكبرة

روح الاطلس

02-02-2009, 05:38 PM

محد يمدح عايده

عـيـون قـطـر

02-02-2009, 05:40 PM

اقول مافي فايده ليزر انا مسوي كل ثلاث شهور يطلع شعر

pure

02-02-2009, 05:51 PM

مب بس متكبره بعد ماتبي تعالج يعني جنه بالغصب

بس فيه مجمع نسيت اسمه والله احذا المول رفيجاتي دايما يروحون له يقولون اوكييه

وحيد-الشوق

02-02-2009, 05:58 PM

حاسبي على روحج اختي

الواحد مايضمن شيء عندنا كل شيء كجره وخصوصا المستشفيات :weeping:

هبة ريح

02-02-2009, 09:05 PM

اختي المشكله في العيادات اللي عندنا انهم يدفعونا وايد .. واذا انتي حابه في قطر عندج في مجمع الكندي عيادة / عايدة الصالح و في مجمع حسن العبدالله

بنت مريخ

02-02-2009, 10:48 PM

سمعت في البحرين ارخص
عندج عايده والله يعينج
لاتروحين عند الما الرفاعي خير شر تعاملها مب شي

مستثمره جديده

02-02-2009, 11:52 PM

اذا تقدرين روحي البحرين ارخص لج ومايعور عند دكتور العريضي في مجمع الخليج الطبي

Bu Rashid

02-02-2009, 11:58 PM

الناس يدفعووون فلوس علشان يزرعوووون الشعر
وانتم تدفعوووون فلوس علشان اشلونه وباليزر ...:anger1:

طير شلـوى

03-02-2009, 01:06 AM

الناس يدفعووون فلوس علشان يزرعوووون الشعر
وانتم تدفعوووون فلوس علشان اشلونه وباليزر ...:anger1:

:funny::funny::funny::funny:

المسا

03-02-2009, 07:43 AM

عندج الدكتور رضا بمركز الصحة والجمال اللي قريب من المول الدكتور مش مادي وعنده ضمير

جـــــراح

03-02-2009, 07:58 AM

عيادة د.حسن عبدالله
ومركز جراحة التجميل

هو المعروف عن شعر الوجه انه ما يختفي تماماً

ومن الافضل انك تسألين اذا ينفع معاك ولا لا

خاصه اذا كان الشعر من النوع الوبري اللي هو ناعم

شاي كرك

03-02-2009, 08:25 AM

بلا ليزر بلا وجع قلب .. ومش كل واحد يصلح له الليزر ... والعيادات الخاصة همها الفلوس وما راح تفتكر في الاعراض الناتجة عن الجلسات المطولة ..

واللي من الله حياه الله .. :) وفي طرق أسلم من الليزر ..

بنت المنتدى

03-02-2009, 08:27 AM

البحرين وبس ..

قطر 95

03-02-2009, 08:44 AM

هلا اختي

انا سويت عندي الدكتور طارق في البحرين جلسه واحده بس بعدها ماطلع الشعر
اذ تبين الرقم بطرشه لج

Bo3oof_80

03-02-2009, 09:06 AM

الناس يدفعووون فلوس علشان يزرعوووون الشعر
وانتم تدفعوووون فلوس علشان اشلونه وباليزر ...:anger1:

:nice::nice::nice:

shagrh

03-02-2009, 09:30 AM

مافى احسن من الدكتور طارق سعيد بالبحرين

بدوور

03-02-2009, 09:55 AM

هلا اختي

انا سويت عندي الدكتور طارق في البحرين جلسه واحده بس بعدها ماطلع الشعر
اذ تبين الرقم بطرشه لج

ممكن الرقم مع خالص شكري وتقديري

بدوور

03-02-2009, 09:56 AM

Roo7_Qtr

03-02-2009, 12:37 PM

اختي Pure قصدج مركز جراحة التجميل

يا أعضاء تحملو من دكتورة عايده

احرقت ويهه امي شهر 2 السنه الماضيه و لين اليوم و احنا نعالجها و مافي فايده

آثار الحروق واضحه على ويهها

اختكم

Roo7

STAR

03-02-2009, 01:44 PM

هلا اختي

انا سويت عندي الدكتور طارق في البحرين جلسه واحده بس بعدها ماطلع الشعر
اذ تبين الرقم بطرشه لج

اي انا بعد ابي الرقم واسم العيادة والمكان اذا ممكن؟

وبعد اذن صاحبة الموضوع حبيت اسأل بنات وين احسن مكان وسعره حلو لازالة (آثار وبقع ) حب الشباب على الظهر؟؟؟ كم يكلف؟؟؟ وهل يزيل الاثار نهائيا؟؟ومدة العلاج؟؟؟

انا ابي اسرع مدة..

وشكرا

صوت الحب

03-02-2009, 02:10 PM

عندنا بالبحرين الدكتورة سميرة المتروك والدكتور طارق سعيد

السديم

03-02-2009, 02:23 PM

حبوبة عندنا بقطر وايد اطباء ممتازين لليزر بس سبحان الله احنا هل قطر جذي عمرنا مامدحنا شي في بلادنا :rolleyes2:

الدكتورة سناء في عيادة حسن العبدالله ممتازة وتنصحج اذا تحتاجين ولا لا مش مادية ..
الدكتورة مروة في مركز عيادة التجميل جيدة ..
الدكتورة حصة البوعينين ماجربتها بس اسمع وايد يمدحونها ..في المرخية
الدكتورة شيرين في مركز قطر الطبي ممتازة وعن تجربة ..
الدكتورة بدرية المحمود في عيادة خاصة مقابلة فيلاجيو استشارية وممتازة عن تجربة .

هذي بالنسبة للحريم اما الاطباء الرجال .

إياد الشكرجي في مركز قطر الطبي ممتاز
رضا في مركز جراحة التجميل

:nice:

السديم

03-02-2009, 02:26 PM

وحبيت انبهج حبوبة لشي ..

ترا نتيجة الليزر تختلف من شخص لآخر يعني ممكن تشوفين غيرج استفاد وانتي كلش ما استفدتي لان مدى نجاح اللليزر يعتمد على عدة عوامل منها ..

1/ خلل في الهرمونات وتكييس المباييض هذي لو تسويين الليزر مليون مره مابتشوفين نتيجة مرضية .
2/ نوعية الشعره وسماكتها .. يعني الشعرة السودا تستجيب للعلاج اكثر من الشعرة الفاتحة
3/ لون البشرة كل ماكنتي فاتحة كل مانجح العلاج اكثر .
4/انتظامج على العلاج يعني تلتزمين انج تسوينه كل شهر او شهرين على حسب كلام الدكتور وماتشيلين الشعره بالنزع لازم حلق عشان لاتقوى البويصله مرة ثانية ..

اتمنى اني اكون افدتج :nice:

القناعة كنز

03-02-2009, 05:44 PM

اي انا بعد ابي الرقم واسم العيادة والمكان اذا ممكن؟

وبعد اذن صاحبة الموضوع حبيت اسأل بنات وين احسن مكان وسعره حلو لازالة (آثار وبقع ) حب الشباب على الظهر؟؟؟ كم يكلف؟؟؟ وهل يزيل الاثار نهائيا؟؟ومدة العلاج؟؟؟

انا ابي اسرع مدة..

وشكرا

اختي عندج الدكتورة حصة البوعينين تسوي ليزر الفراكسل fraxel وهو مخصص لازاله اثار الحبوب
والجلسة الوحده ب3000 ريال مادري اذا الحين زادت
عدد الجلسات تعتمد على عمق الاثار ممكن من 3 -5 جلسه

STAR

03-02-2009, 07:33 PM

اختي عندج الدكتورة حصة البوعينين تسوي ليزر الفراكسل fraxel وهو مخصص لازاله اثار الحبوب
والجلسة الوحده ب3000 ريال مادري اذا الحين زادت
عدد الجلسات تعتمد على عمق الاثار ممكن من 3 -5 جلسه

شكرا عالرد
3000*3=9000 ر.ق
3000*5= 15000 ر.ق ..!!

اوووف العلاج غالي

هاي يبيلها وحدة موظفة عندها راتب... يلا مب مشكلة .. مشكووورة اختي القناعة ^_^

واعتذر لصاحبة الموضوع في التداخل...