شلون كانت ذكرياتكم مع " العنقز " ..؟؟ .. :)

[شاي كرك]

http://www3.0zz0.com/2009/02/03/04/914697480.jpg
••••••••••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••

بعيد الشر عنكم .. " يقال ان العنقز مثل " الحُب لا يترك أحداً إلا ويُصيبُه " .. :)

ممكن تذكر لنا حالتك يوم صادك " العنقز" .. ؟؟ وهل جاك هالمرض وانت في المدرسة والا قبل والا عقب .؟؟ وكم تم وياك .؟؟ .. :)

وش كانت أمك تنصحك ؟؟ ومنهو الشخص اللي كنت ترتاح له إنه يحط لك الدوا على جسمك ؟؟

( إذا انت متزوج وعندك عيال ) عيالك صادهم العنقز ؟؟ وشلون تصرفت معاه ؟؟...







لحد يتقيد بالأسئلة ، ويكتبها على شكل سؤال وجواب ..:)

[سداوي&مدريدي]

أسمح لي أخوي ماتذكر

:telephone:

[ALKUWARI-90]

انا ماتذكر انه صادني بس يوم سألت قالو لي صادك وانت صغيير يعني قبل الروضه :)

[مناحي السادس عشر]

اللي يصيده عنقز عزل لمدة اسبوع :)

[بو الجوري]

شاي كرك .. شخبارك ؟

انا صادني وانا في الابتدائي .. :nice:

بس صراحه ماتذكر شي :shy:

اللي اتذكره ان امي اللي كانت تحطلي الدوا ..

تحياتي :victory:

[بنت المنتدى]

هههههههههههههههه

ذكرتني بواحد قبل عرسه بيوم صاده الحمدلله والشكر مسكين :funny:



وآنا ما اتذكر متى بصراحه :unsure:



يسلموووو مستر كرك :rolleyes:

[ابوالجازي]

:weeping::weeping:

كنت في صف رابع ابتدائي والوالده كانت تلوني بالدوا الازرق :weeping:

بعدين حرام عليك ليش مخرب ويه البنت بالعنجز :anger1:

[شاي كرك]

أسمح لي أخوي ماتذكر

:telephone:


سدمد .. تدل الباب ؟؟ :sneaky:

[شاي كرك]

انا ماتذكر انه صادني بس يوم سألت قالو لي صادك وانت صغيير يعني قبل الروضه :)


الله رحمك منه .. وما حسيت بالمعاناة .. :)

[شاي كرك]

اللي يصيده عنقز عزل لمدة اسبوع :)


إي والله صدقت .. والحمد لله " أزمة وعدت " .. :)

[شاي كرك]

شاي كرك .. شخبارك ؟

انا صادني وانا في الابتدائي .. :nice:

بس صراحه ماتذكر شي :shy:

اللي اتذكره ان امي اللي كانت تحطلي الدوا ..

تحياتي :victory:

تمام .. :)


اي والله الوحيد اللي تقدر ترتاح له وتخليه يحط لك الدوا هي " الغالية ".. :) الله لا يحرمك منها ..

[ابوعلي]

الحمدلله ان صادني وانا صغير يمكن في الثالث
ولما شفت ولد اخوي صاده خليت اعيالي معاه وصادهم وافتكوا الحمدلله وهم صغار احسن انهم يتلعوزون وهم كبار

[شاي كرك]

هههههههههههههههه

ذكرتني بواحد قبل عرسه بيوم صاده الحمدلله والشكر مسكين :funny:



وآنا ما اتذكر متى بصراحه :unsure:



يسلموووو مستر كرك :rolleyes:





ما تتذكرين ؟؟ " crazy

وعرّس وإلا عرّس .. ؟؟ :whistling: ..

[شاي كرك]

:weeping::weeping:

كنت في صف رابع ابتدائي والوالده كانت تلوني بالدوا الازرق :weeping:

بعدين حرام عليك ليش مخرب ويه البنت بالعنجز :anger1:



آسف .. يه .. :unsure:

[البيت القديم]

""

خلال امتحانات اخر السنه "ثاني ثانوي"

:omen2:

بس الحمدلله نجحت:)

.......

شكراً شاي كرك على الموضوع المميز

.،

[حسين بن عاقول]

انه قصتي قصه خخخخ

صادني في اخر يوم من ايام الاسياد في قطر يوم فاز منتخبنا بالمباراة النهائية وكانت بداية المرض الي استمر اسبوعين خخخخخ

وطبعا انا اكبير مب اصغير خخخخ ولين رجعت من اجازة المرض وقدمت الاجازة الطبية مديري الله يذكره بالخير ضحك علي وقالي افا طلعت بزر وتوه صايدك العنقز ... وبعدها بسنة صاد مديري العنقز خخخخخ ولين رجع قلت له افا طلعت بزر ياحضرة المدير خخخخخ وضحكنا على بعض..

[بوخالد911]

هلا

؛؛؛


ما أتذكررر ان العنقز صادني !!

آنا اللي صدته !!!!
:omg::eek5::eek5::omg:


؛؛؛

مسيوو/ بوخالد911

[شاي كرك]

هههههههههههههههه

ذكرتني بواحد قبل عرسه بيوم صاده الحمدلله والشكر مسكين :funny:



وآنا ما اتذكر متى بصراحه :unsure:



يسلموووو مستر كرك :rolleyes:


بنت المنتدى ( Banned)

:eek5:

لييييييش ؟؟

[بوخالد911]

بنت المنتدى ( Banned)

:eek5:

اوووف !!

خيير !!

وشوو السبب؟

Who knows

!!

:rolleyes2::rolleyes2::rolleyes2:

[nor85]

انا جاني في الصف الثاني ابتدائي واتذكر رحت المدرسه ورجعتني الفراشه البيت :(

[شاي كرك]

اوووف !!

خيير !!

وشوو السبب؟

Who knows

!!

:rolleyes2::rolleyes2::rolleyes2:

Who knows?????

[شمعة الدوحه]

انا صادني وانا برابع ابتدائي على مااعتقد

وعطوني اجازه اسبوع ونص

واللي كانت تداويني امي

^_^

يعطيك الف عافيه اخوي على هالموضوع

[شاي كرك]

الحمدلله ان صادني وانا صغير يمكن في الثالث
ولما شفت ولد اخوي صاده خليت اعيالي معاه وصادهم وافتكوا الحمدلله وهم صغار احسن انهم يتلعوزون وهم كبار


وهذا هو التصرف المناسب .. يعني لو الواحد يصيده وهو صغير ابرك له .. ومنور الموضوع اخوي بو علي ..:)

[شاي كرك]

""

خلال امتحانات اخر السنه "ثاني ثانوي"

:omen2:

بس الحمدلله نجحت:)

.......

شكراً شاي كرك على الموضوع المميز

.،


الحمد لله على سلامتك .. والحمد لله ان المرض ما اثر على نتيجتك .. :)

[شاي كرك]

انه قصتي قصه خخخخ

صادني في اخر يوم من ايام الاسياد في قطر يوم فاز منتخبنا بالمباراة النهائية وكانت بداية المرض الي استمر اسبوعين خخخخخ

وطبعا انا اكبير مب اصغير خخخخ ولين رجعت من اجازة المرض وقدمت الاجازة الطبية مديري الله يذكره بالخير ضحك علي وقالي افا طلعت بزر وتوه صايدك العنقز ... وبعدها بسنة صاد مديري العنقز خخخخخ ولين رجع قلت له افا طلعت بزر ياحضرة المدير خخخخخ وضحكنا على بعض..



اسبوعين .. ؟؟ !! انا اسبوع وبغيت انتحر استغفر الله ... الحمد لله على سلامتك ..:)

[شاي كرك]

انا جاني في الصف الثاني ابتدائي واتذكر رحت المدرسه ورجعتني الفراشه البيت :(


في باص المدرسة العنابي ؟؟ :whistling:

[شاي كرك]

انا صادني وانا برابع ابتدائي على مااعتقد

وعطوني اجازه اسبوع ونص

واللي كانت تداويني امي

^_^

يعطيك الف عافيه اخوي على هالموضوع


الله يعافيج ..:)

[بوعلي2]

انا صادني وانا بالصف الخامس وكنت بنفسي احط الدواء

تم سبوعين فيني

كان ايام متحانات :weeping:

يوم يصيدني العنقز اخبر كان غزوا الكويت سنة 1990 كنت مريض وقاعد اشوف غزوا الكويت

وكنت اكل بسكوت مالح مع شاي وعازليني بروحي قاعد بالغرفه :weeping:

ايام راحت :rolleyes:

مواضيع جميله من شخص مميز عسانا ماننحرم منك شاي كرك

اشكرك على الموضوع

[متفائله]

شايله هم العنقز لما يصيد عيالي

[OTOsan]

""

خلال امتحانات اخر السنه "ثاني ثانوي"

:omen2:

بس الحمدلله نجحت:)

.......

شكراً شاي كرك على الموضوع المميز

.،


مثلي مثلك :)

شكلك عديتني يا اما انا عديتك هههههههههههههه

شكرا شاي كرك ،،----> شكل بنت المنتدى خذت باند من ورا العنقز مالك :tease:

[صمت القلوب]

انا صادني قبل ٣ اشهر ... وعذاااااااااب ....:weeping:
والله تعبت حدي ... وغبت اسبوع من الدوام والمحاظرات ...:weeping:
لاارقد .. ولااكل ... ولا اسولف ... ولاشي ...:(:(:(
طبعا تجربتي الحين مو مثل اللي صادهم وهم صغار ...وكل ماكبر الانسان كان اخبث واشد ...
الله يجيركم منه ...

اشكرك اخوي شاي كرك ...
تحياتي لكــ

[بنت ذياب]

خرعتوووني .. :( .. لانه انا للحين ماصادني .. :(

انا عبالي خلاص ماراح يصيدني لاني كبرت .. :weeping:



اخبر يوم كنت بالابتدائي كانت وحده فيها العنقز .. وانا قاعده بالساحه بروحي

يات عندي .. هي بصفي.. بس اناااا مب وياها وايد ..

قالت : فلانه شرايج تاكلين معااي؟؟؟؟؟؟؟ ( مادري شسالفتهااا !! شكلها تبي تنقل لي المرض :( )

قلت لها : ها لالالالالالالالالا مااابي :weeping:

قالت : كلي كلي.. وتقط السندويجه بحلجي.. قمت اصرخ .. مااااااااابي مااااااااابي

مب عشان شي:( .. لاني كنت خايفه من شكلها

رديت البيت اصيييييييييييح .. قلت حق امي : يمه في وحده ويهها كله ليتات مابي اداوم !!

جان تتصل ف المديرة.. تقولها: بنتي مب راضيه تداوم شايفه وحده ويهها كله ليتات ع قولتها

عقب قالوا لي ان هاي مرض :shy:

لكن كله اقول جان زين صادني .. لاني لين يومكم هاي اذا شفت وحده فيها العنقز

ماارقد الليل .. آتم اطالع ويهي طول اليوم وارجف من الخوف .. :secret:

مشكور اخوي كرك عالموضوع ..:)

[شاي كرك]

انا صادني وانا بالصف الخامس وكنت بنفسي احط الدواء

تم سبوعين فيني

كان ايام متحانات :weeping:

يوم يصيدني العنقز اخبر كان غزوا الكويت سنة 1990 كنت مريض وقاعد اشوف غزوا الكويت

وكنت اكل بسكوت مالح مع شاي وعازليني بروحي قاعد بالغرفه :weeping:

ايام راحت :rolleyes:

مواضيع جميله من شخص مميز عسانا ماننحرم منك شاي كرك

اشكرك على الموضوع


ويارب من له حبيب لا تحرمه من حبيبه :shy:...

منور الموضوع .:)


شايله هم العنقز لما يصيد عيالي


عندي واحد مستعد ينقل لهم العدوى ..بس كم تدفعين ..؟؟ :whistling:



مثلي مثلك :)

شكلك عديتني يا اما انا عديتك هههههههههههههه

شكرا شاي كرك ،،----> شكل بنت المنتدى خذت باند من ورا العنقز مالك :tease:


انا بصراحة تفاجأت ومحد كان متوقعها .. بس إن شاء الله خير .. :)



انا صادني قبل ٣ اشهر ... وعذاااااااااب ....:weeping:
والله تعبت حدي ... وغبت اسبوع من الدوام والمحاظرات ...:weeping:
لاارقد .. ولااكل ... ولا اسولف ... ولاشي ...:(:(:(
طبعا تجربتي الحين مو مثل اللي صادهم وهم صغار ...وكل ماكبر الانسان كان اخبث واشد ...
الله يجيركم منه ...

اشكرك اخوي شاي كرك ...
تحياتي لكــ



العفو .. أجر وعافية .. :)

[Bo3oof_80]

اخخخخخخخخخخخخخخخخخخخخخخخخخخخخخخخخخخخخخخخخي

[شاي كرك]

خرعتوووني .. :( .. لانه انا للحين ماصادني .. :(

انا عبالي خلاص ماراح يصيدني لاني كبرت .. :weeping:

اخبر يوم كنت بالابتدائي كانت وحده فيها العنقز .. وانا قاعده بالساحه بروحي

يات عندي .. هي بصفي.. بس اناااا مب وياها وايد ..

قالت : فلانه شرايج تاكلين معااي؟؟؟؟؟؟؟ ( مادري شسالفتهااا !! شكلها تبي تنقل لي المرض :( )

قلت لها : ها لالالالالالالالالا مااابي :weeping:

قالت : كلي كلي.. وتقط السندويجه بحلجي.. قمت اصرخ .. مااااااااابي مااااااااابي

مب عشان شي:( .. لاني كنت خايفه من شكلها

رديت البيت اصيييييييييييح .. قلت حق امي : يمه في وحده ويهها كله ليتات مابي اداوم !!

جان تتصل ف المديرة.. تقولها: بنتي مب راضيه تداوم شايفه وحده ويهها كله ليتات ع قولتها

عقب قالوا لي ان هاي مرض :shy:

لكن كله اقول جان زين صادني .. لاني لين يومكم هاي اذا شفت وحده فيها العنقز

ماارقد الليل .. آتم اطالع ويهي طول اليوم وارجف من الخوف .. :secret:

مشكور اخوي كرك عالموضوع ..:)





ياويلج .. هذا ويهي ان ما تميتي تدعين حق البنية وتقولين يا ليتني كليت وياها .. هييييّن .. :sneaky:

وتقولين كرك قال ..

[ورقــة أمــل]

صادني قبل ثلاث سنين

ذبحني

تميت 10 ايام واكثر ماطلع برى البيت من البقع اللي في ويهي

اول ثلاث ايام كله انام 24 ساعه وكله مصخنه اقوم اكل خافض حراري وارد انام :weeping:

واكل بس رووتي مع حليب :(

ويوم جفت الحبوب صادتني حكه والمفروض ماحك جسمي عشان ماتطيح القشرة و تستوي حفرة محله ،، والله كان عذااب

بس الحمدلله عدا على خيررر وان شاء الله مايرد مرة ثانيه

[بوحارب]

عليك مواضيع مشكله @@

[شاي كرك]

هلا

؛؛؛

ما أتذكررر ان العتقز صادني !!

آنا اللي صدته !!!!
:omg::eek5::eek5::omg:

؛؛؛
مسيوو/ بوخالد911



سوري يابوخالد ... ماشفت مشاركتك ..:whistling:

[قطر 95]

والاحلى الاجازة

[شاي كرك]

اخخخخخخخخخخخخخخخخخخخخخخخخخخخخخخخخخخخخخخخخي


تنديل .. لا تحط حرتك فـ موضوعي ليش ان الشباب ما يابو طاريك في موضوع ( أملأ الفراغ بالعضو المناسب ) .. :whistling:


صادني قبل ثلاث سنين

ذبحني

تميت 10 ايام واكثر ماطلع برى البيت من البقع اللي في ويهي

اول ثلاث ايام كله انام 24 ساعه وكله مصخنه اقوم اكل خافض حراري وارد انام :weeping:

واكل بس رووتي مع حليب :(

ويوم جفت الحبوب صادتني حكه والمفروض ماحك جسمي عشان ماتطيح القشرة و تستوي حفرة محله ،، والله كان عذااب

بس الحمدلله عدا على خيررر وان شاء الله مايرد مرة ثانيه


على مااظن ان المرض يجي مرة وحده بس .. :)


عليك مواضيع مشكله @@





يبي لك باند مؤقت مثل بنت المنتدى .. :whistling:

[pure]

خرعتوووني .. :( .. لانه انا للحين ماصادني .. :(

انا عبالي خلاص ماراح يصيدني لاني كبرت .. :weeping:



اخبر يوم كنت بالابتدائي كانت وحده فيها العنقز .. وانا قاعده بالساحه بروحي

يات عندي .. هي بصفي.. بس اناااا مب وياها وايد ..

قالت : فلانه شرايج تاكلين معااي؟؟؟؟؟؟؟ ( مادري شسالفتهااا !! شكلها تبي تنقل لي المرض :( )

قلت لها : ها لالالالالالالالالا مااابي :weeping:

قالت : كلي كلي.. وتقط السندويجه بحلجي.. قمت اصرخ .. مااااااااابي مااااااااابي

مب عشان شي:( .. لاني كنت خايفه من شكلها

رديت البيت اصيييييييييييح .. قلت حق امي : يمه في وحده ويهها كله ليتات مابي اداوم !!

جان تتصل ف المديرة.. تقولها: بنتي مب راضيه تداوم شايفه وحده ويهها كله ليتات ع قولتها

عقب قالوا لي ان هاي مرض :shy:

لكن كله اقول جان زين صادني .. لاني لين يومكم هاي اذا شفت وحده فيها العنقز

ماارقد الليل .. آتم اطالع ويهي طول اليوم وارجف من الخوف .. :secret:

مشكور اخوي كرك عالموضوع ..:)

ليتااااااااات هاااه :anger1:

أنتي ليش ماتراعين مشاعر الناس المعنقزه :weeping:

انا اذكر صادني يوم كنت صف رابع عاد اول شي كان يطلع حب بويهي وصخنت

ودوني المستشفى والقووا علي الخبر القنبله وانا اعيييط عنقز :weeping:

ليش ياربي ليش :weeping:

عاد ابوي بيراضيني ودااني الدكان بس انا وين وهو وين تميت بالسياره اصيح :weeping:


وبس عاد عقب رحت المدرسه كانت ايام امتحانات وكانت فيه وحده من ستايلج بنت ذياااب :anger1:

تقول حق رفيجاتي لا تمشوون وياها هاي فيه عنقز بتعديكم وتضحك

وانا ماتحملت الصدمه النفسيه وتمييت اعييط :anger1:


وبالمدرسه الابلات يسألون وينها ام عنقز :eek5:

وانا اتخشش يازعم عشان مايصيدوني .. صج ماكان فيه احترام لمشاعر الطلاب


شعووور خاااااااايس

[شاهيناز]

عندي صورتي وانا صغيره كان وجهي كله عنقز

سداوي صاير:anger1:

اقدر احط صورتي و لا في كلام ثاني

[الغريبة]

بصراحة موضوعك أخوي ذكرني معسكر بغوانتنامو اللي انا كنت فيه أثناء إصابتي بالعنجز قبل كم شهر تعذيب نفسي وبدني وعزل ومنع بعض الاطعمة ولبس قفازات وعدم اللمس اي شخص طبعا بعد أخذ كل هذه الاحتياطات وسياسة التعسفية اتجاهي لم يصيب احد من المنزل والله الحمد حتى عيالي حرموني منهم:weeping:
كنت أشوفهم بس:weeping: ما أقدر ألمس صج تعذيب ما في احسن من الواحد يصيده وهو صغير ما يتذكر حتى

[الغريبة]

وطبعا أنا بعد إستعملت كا احتياطات وما صابيتني الا حفرة بسيطة في وجه كنت قبل ما تفكر تطلع حبة أصكها بمرهم ومراقبة قدام المراية طبعا فاضية ما عندي شغل بعد العزل حتى المراقبين هنئوني بإنتصاري لمحاربتي حفر العنقز

[شاي كرك]

ليتااااااااات هاااه :anger1:

أنتي ليش ماتراعين مشاعر الناس المعنقزه :weeping:

انا اذكر صادني يوم كنت صف رابع عاد اول شي كان يطلع حب بويهي وصخنت

ودوني المستشفى والقووا علي الخبر القنبله وانا اعيييط عنقز :weeping:

ليش ياربي ليش :weeping:

عاد ابوي بيراضيني ودااني الدكان بس انا وين وهو وين تميت بالسياره اصيح :weeping:


وبس عاد عقب رحت المدرسه كانت ايام امتحانات وكانت فيه وحده من ستايلج بنت ذياااب :anger1:

تقول حق رفيجاتي لا تمشوون وياها هاي فيه عنقز بتعديكم وتضحك

وانا ماتحملت الصدمه النفسيه وتمييت اعييط :anger1:


وبالمدرسه الابلات يسألون وينها ام عنقز :eek5:

وانا اتخشش يازعم عشان مايصيدوني .. صج ماكان فيه احترام لمشاعر الطلاب


شعووور خاااااااايس


.... :sneaky:

[شاي كرك]

عندي صورتي وانا صغيره كان وجهي كله عنقز

سداوي صاير:anger1:

اقدر احط صورتي و لا في كلام ثاني





لا مافيه داعي اتعبين نفسج .. لان الصورة اوردي منتشرة ..


.
.
.
.

http://www.cbhi.org/content/images/1/cp_0304_chickenpox_002.jpg

[شاي كرك]

بصراحة موضوعك أخوي ذكرني معسكر بغوانتنامو اللي انا كنت فيه أثناء إصابتي بالعنجز قبل كم شهر تعذيب نفسي وبدني وعزل ومنع بعض الاطعمة ولبس قفازات وعدم اللمس اي شخص طبعا بعد أخذ كل هذه الاحتياطات وسياسة التعسفية اتجاهي لم يصيب احد من المنزل والله الحمد حتى عيالي حرموني منهم:weeping:
كنت أشوفهم بس:weeping: ما أقدر ألمس صج تعذيب ما في احسن من الواحد يصيده وهو صغير ما يتذكر حتى


وطبعا أنا بعد إستعملت كا احتياطات وما صابيتني الا حفرة بسيطة في وجه كنت قبل ما تفكر تطلع حبة أصكها بمرهم ومراقبة قدام المراية طبعا فاضية ما عندي شغل بعد العزل حتى المراقبين هنئوني بإنتصاري لمحاربتي حفر العنقز



فيه جزء ثالث لردج والا خلاص نعتمد اجزاء الحلقة الماضية .. ؟؟ :sneaky:

[شاهيناز]

لا مافيه داعي اتعبين نفسج .. لان الصورة اوردي منتشرة ..


.
.
.
.

http://www.cbhi.org/content/images/1/cp_0304_chickenpox_002.jpg




هذي صوره اختي الي شعرها اشقر

احط صورتي
ولا فيه شئ يبين من وجهي


كله نقط
الحمدلله ماكان على زمن النقاط المروريه

ولا كان سحبوا مني المكياج

[الغريبة]

فيه جزء ثالث لردج والا خلاص نعتمد اجزاء الحلقة الماضية .. ؟؟ :sneaky:


:shy:لا خلاص مافي بس ليش معصب

[عـيـون قـطـر]

انا عن نفسي يوم كنت صغير مدري اي صف بس اذكر جاني في اجازه 15 ماجاني وقت المدارس جان اخذت اجازه اسبوع الوالده الله يخليها لنا هي الي كانت تحط لي المرهم

[المهندي911]

انا جاني على كبر كان عمري يمكن 20 سنه اوف صج ايام ماتنسي وكلها عذاب جاني اسوأ عنقز في تاريخ البشريه ماظني جا حق حد غيري بهالطريقه تصدقون طلع العنقز في كل مكان يخطر على بالكم داخل اذني اطراف عيني داخل حلجي داخل خشمي وما خفي كان اعظم كرهت حياتي وطول وايد 3 اسابيع كل يوم تلاقيني فاليل تحت الدوش مشغل الماي الحار وقاعد ينصلخ جلدي بس ارتاح من الحكه حتى الدكتور تخرع وكتب لي غير دوى العنقز مضاد لأن وايهي ماينشاهد مافي مكان في ويهي مافيه حرار كنت فلم رعب بس سبحان الله الي الله مب كاتب له مايجيه ماعاديت احد ابد وكنت اقعد واكل واشرب معاهم ولا صادهم ايام الله لا يعودها انا انقرفت من نفسي شلون الناس

بس لا تحاتون الجيل الجديد لأنهم من مواليد 1998 خذو تطعيم ضد العنقز والي ماجاه يروح يطعم ابرك له
عادي تروح الصحه الوقائيه او عياده خاصه ويطعمونك كبار او صغار

[امل الحب]

:rolleyes2:

انا كنت في صف خااامس :weeping:

كنا رايحين بيت يدتي و كانوا عيال خالتي فيهم وانا تلزق فيهم محد قالي ان شي يعادي :weeping:

المهم قمت يوم ثاني من الرقاد اتحكك :eek5:شالسالفة شوي الا (طنق) طالعة حبة ووراها الثانية .. الخ

ودوني المستشفى وطلع ان هذا هو العنقز "الجدري المائي"<<< مثقفة

وخذت اجازة من المدرسة 10 ايام :nice:

وعاديت البقية ال3 الاصغر مني :D

انا اي وهم لا مايصير :secret:

انا كنت احط الدوا حق نفسي:shy: .. بس البقية امي وابوي يحطون لهم

ثنكيو مسيو

[بويوسف]

:rolleyes2:

انا كنت في صف خااامس :weeping:

كنا رايحين بيت يدتي و كانوا عيال خالتي فيهم وانا تلزق فيهم محد قالي ان شي يعادي :weeping:

المهم قمت يوم ثاني من الرقاد اتحكك :eek5:شالسالفة شوي الا (طنق) طالعة حبة ووراها الثانية .. الخ

ودوني المستشفى وطلع ان هذا هو العنقز "الجدري المائي"<<< مثقفة

وخذت اجازة من المدرسة 10 ايام :nice:

وعاديت البقية ال3 الاصغر مني :D

انا اي وهم لا مايصير :secret:

انا كنت احط الدوا حق نفسي:shy: .. بس البقية امي وابوي يحطون لهم

ثنكيو مسيو


ههههههههه مستانسة انج عاديت اخوانج الصغار يالشرية

[بنت ذياب]

ليتااااااااات هاااه :anger1:

أنتي ليش ماتراعين مشاعر الناس المعنقزه :weeping:

انا اذكر صادني يوم كنت صف رابع عاد اول شي كان يطلع حب بويهي وصخنت

ودوني المستشفى والقووا علي الخبر القنبله وانا اعيييط عنقز :weeping:

ليش ياربي ليش :weeping:

عاد ابوي بيراضيني ودااني الدكان بس انا وين وهو وين تميت بالسياره اصيح :weeping:


وبس عاد عقب رحت المدرسه كانت ايام امتحانات وكانت فيه وحده من ستايلج بنت ذياااب :anger1:

تقول حق رفيجاتي لا تمشوون وياها هاي فيه عنقز بتعديكم وتضحك

وانا ماتحملت الصدمه النفسيه وتمييت اعييط :anger1:


وبالمدرسه الابلات يسألون وينها ام عنقز :eek5:

وانا اتخشش يازعم عشان مايصيدوني .. صج ماكان فيه احترام لمشاعر الطلاب


شعووور خاااااااايس

بيور انا شدراني ان هاي

عنقز .. بالعكس كنت ميته من الخوف .. حتى من جم شهر .. بالسوق شفت وحده فيها العنقز

بالمصلى .. ماقدرت اصلي من الخوف.. كنت لاصقه بالطوفه .. ولامه نفسي .. من الخرعه

:rolleyes2:

والله هالموضوع سبب لي عقده .. اطالب باغلاقه :tease:

اكتشفت واااايد ناس صادهم عنقز وهم اكباار

:weeping:

[heavy duty q]

خخخخخخخخخخخخ مأساااااااااااااااااه

[شاي كرك]

:shy:لا خلاص مافي بس ليش معصب


من قال اني معصب ؟؟ :sneaky:

انا عن نفسي يوم كنت صغير مدري اي صف بس اذكر جاني في اجازه 15 ماجاني وقت المدارس جان اخذت اجازه اسبوع الوالده الله يخليها لنا هي الي كانت تحط لي المرهم


الله يحفظ لك الغالية .. :)


انا جاني على كبر كان عمري يمكن 20 سنه اوف صج ايام ماتنسي وكلها عذاب جاني اسوأ عنقز في تاريخ البشريه ماظني جا حق حد غيري بهالطريقه تصدقون طلع العنقز في كل مكان يخطر على بالكم داخل اذني اطراف عيني داخل حلجي داخل خشمي وما خفي كان اعظم كرهت حياتي وطول وايد 3 اسابيع كل يوم تلاقيني فاليل تحت الدوش مشغل الماي الحار وقاعد ينصلخ جلدي بس ارتاح من الحكه حتى الدكتور تخرع وكتب لي غير دوى العنقز مضاد لأن وايهي ماينشاهد مافي مكان في ويهي مافيه حرار كنت فلم رعب بس سبحان الله الي الله مب كاتب له مايجيه ماعاديت احد ابد وكنت اقعد واكل واشرب معاهم ولا صادهم ايام الله لا يعودها انا انقرفت من نفسي شلون الناس

بس لا تحاتون الجيل الجديد لأنهم من مواليد 1998 خذو تطعيم ضد العنقز والي ماجاه يروح يطعم ابرك له
عادي تروح الصحه الوقائيه او عياده خاصه ويطعمونك كبار او صغار


استمتعت بمشاركتك اخوي .. والحمد لله على سلامتك .. بس ثلاث اسابيع وايد .. :)

:rolleyes2:

انا كنت في صف خااامس :weeping:

كنا رايحين بيت يدتي و كانوا عيال خالتي فيهم وانا تلزق فيهم محد قالي ان شي يعادي :weeping:

المهم قمت يوم ثاني من الرقاد اتحكك :eek5:شالسالفة شوي الا (طنق) طالعة حبة ووراها الثانية .. الخ

ودوني المستشفى وطلع ان هذا هو العنقز "الجدري المائي"<<< مثقفة

وخذت اجازة من المدرسة 10 ايام :nice:

وعاديت البقية ال3 الاصغر مني :D

انا اي وهم لا مايصير :secret:

انا كنت احط الدوا حق نفسي:shy: .. بس البقية امي وابوي يحطون لهم

ثنكيو مسيو


ولكم امالماي .. :)

خخخخخخخخخخخخ مأساااااااااااااااااه

من قلب .. والله يستر ..

[ضوى]

مممممممممممم ماتذكر انه صادني

ولله الحمد ولا احد من عيالي للحين

بس صاد واحدة من الاهل على كبر كانت تكسر الخاطر صج اللي يجيه وهو كبير يتبهدل شهر كامل طايحة بالفراش

الله لا يكتب هالمرض على احد

[جلمود]

بااااااااااااااااااال:omg:

أذكر كله مرخا بالدوه الابيض هذا اقولك والجسم تقول ملاس كله حبوب

احسن شي الاجازه :rolleyes2:

[شاي كرك]

بيور انا شدراني ان هاي

عنقز .. بالعكس كنت ميته من الخوف .. حتى من جم شهر .. بالسوق شفت وحده فيها العنقز

بالمصلى .. ماقدرت اصلي من الخوف.. كنت لاصقه بالطوفه .. ولامه نفسي .. من الخرعه

:rolleyes2:

والله هالموضوع سبب لي عقده .. اطالب باغلاقه :tease:

اكتشفت واااايد ناس صادهم عنقز وهم اكباار

:weeping:


ياويلج يا nothing أقري شقالت ضوى تحت ..




مممممممممممم ماتذكر انه صادني

ولله الحمد ولا احد من عيالي للحين

بس صاد واحدة من الاهل على كبر كانت تكسر الخاطر صج اللي يجيه وهو كبير يتبهدل شهر كامل طايحة بالفراش
الله لا يكتب هالمرض على احد



هع هع هع هع هع هع ..

[شاي كرك]

بااااااااااااااااااال:omg:

أذكر كله مرخا بالدوه الابيض هذا اقولك والجسم تقول ملاس كله حبوب

احسن شي الاجازه :rolleyes2:


اي اجازه الله يهديك .. كلها عزل في عزل .. :rolleyes2:

[بندرصالحي]

انا صادني العام الماضي بس انتقل لولدي الكبير
بس ماطول رحنا لطبيب لبناني في مجمع المنصور واخر الايام كله في البحر

[بنت ذياب]

ياويلج يا nothing أقري شقالت ضوى تحت ..







هع هع هع هع هع هع ..



شالاجراااام .. انا ماانتبهت عالرد.. ليش خليتني اقرى :weeping:

الحين شلون ارقد !!

يدتي ذيج المرة صارلها ساعه تقنعني ان اللي بعد ال16 مايصيدهم العنقز خلالالاص

لين ماهديت ..

يعني هالمعلومة خاطئة .. :(

ضوى شسوي الحين .. بييني ولالا :rolleyes2:؟؟

[شاي كرك]

انا صادني العام الماضي بس انتقل لولدي الكبير
بس ماطول رحنا لطبيب لبناني في مجمع المنصور واخر الايام كله في البحر



هلا بولد " الصالحي" .. وكلامك صحيح البعض يستعينون بعد الله سبحانه وتعالى بماي البحر .. وأجر وعافية ..:)

[بندرصالحي]

هلا بولد " الصالحي" .. وكلامك صحيح البعض يستعينون بعد الله سبحانه وتعالى بماي البحر .. وأجر وعافية ..:)

ربي يعافيك
كنت ايام العنقز احاول اسلم علا الكل كنت احاول يصيدهم
طبعا بعد السلام اقولهم فيني عنقز :omen2:صج ضار

[بويوسف]

شالاجراااام .. انا ماانتبهت عالرد.. ليش خليتني اقرى :weeping:

الحين شلون ارقد !!

يدتي ذيج المرة صارلها ساعه تقنعني ان اللي بعد ال16 مايصيدهم العنقز خلالالاص

لين ماهديت ..

يعني هالمعلومة خاطئة .. :(

ضوى شسوي الحين .. بييني ولالا :rolleyes2:؟؟



من قال مايجي .. يجي على كبر وايد ناس صادهم .. الله يعينج اذا ماصادج وانتي زغطوطة

خصوصا وحدة اسمها السابق كان نثنك :discuss:

[سداوي&مدريدي]

سدمد .. تدل الباب ؟؟ :sneaky:

:weeping: :weeping:

لا مادله

:shy:

[بوخالد911]

:weeping: :weeping:

لا مادله

:shy:

افااا عليييك


بادليييك اياااه !!!

:omg::eek5::omg:

[سداوي&مدريدي]

افااا عليييك


بادليييك اياااه !!!

:omg::eek5::omg:

بوخلودي

انت وشاي كروكي

http://www.3deeel.com/vb/images/threadbag/co06.gif

:court::court:

[saif-q6r]

السلام عليكم ,,

ابد اسبوع في البيت ^_^ ,,

علي - saif-q6r .

[شاي كرك]

:weeping: :weeping:

لا مادله

:shy:


عيل خلك هني .. :shy: جنبي

[شاي كرك]

ربي يعافيك
كنت ايام العنقز احاول اسلم علا الكل كنت احاول يصيدهم
طبعا بعد السلام اقولهم فيني عنقز :omen2:صج ضار


ههههههه ... مره واحد سواها فيني .. خلا عياله الاثنينه يسلمون علي ، وعقبها علمني ان فيهم عنقز جان ابقق عيوني :eek5: ..

[ذهـب]

أنا ماجاني بس لما ادري انه في عائلتي احد فيه , انا اعزل نفسي عنهم في كل شي
لانه لو جاني وانا كبيرة بيطبع وماتروح الحبوب بسرعة

[نبـــــراس]

جاني وانا في الصف الاول او الثاني وصاد العائله الكريمه كلها طبعا الاطفال :telephone:
وكنت اخرع الطالبات في المدرسه يركضون عني وانا اركض وراهم خخخخ :rolleyes2:
عندي صوره لي وانا معنقزه .. :shy:
وووووووووووبس

[قطري مغترب]

http://www3.0zz0.com/2009/02/03/04/914697480.jpg
••••••••••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••
•••••••••••••••••••••

بعيد الشر عنكم .. " يقال ان العنقز مثل " الحُب لا يترك أحداً إلا ويُصيبُه " .. :)

ممكن تذكر لنا حالتك يوم صادك " العنقز" .. ؟؟ وهل جاك هالمرض وانت في المدرسة والا قبل والا عقب .؟؟ وكم تم وياك .؟؟ .. :)

وش كانت أمك تنصحك ؟؟ ومنهو الشخص اللي كنت ترتاح له إنه يحط لك الدوا على جسمك ؟؟

( إذا انت متزوج وعندك عيال ) عيالك صادهم العنقز ؟؟ وشلون تصرفت معاه ؟؟...







لحد يتقيد بالأسئلة ، ويكتبها على شكل سؤال وجواب ..:)






ياخوي شنو هالمواضيع من وين تجيبها ولا من الي يختارها لك ؟؟:rolleyes2::rolleyes2:


على العموم بشاركك في الموضوع ولا تزعل:victory:

انا يوم جاني العنقز كنت صغير اعتقد في اول اعدادي يمكن سنة98 او 99

من يحط لي الدواء انا واخوي الله يرحمه كلنا يحط للثاني لان كلنا جانا العنقز مع بعض

ياليت تعرفه لانه في اعضاء مايعرفونه :discuss:

[بنت^البحرين1]

هههههههههههههههههه مواقفكم حلووووووووة

انا امي تقول صادني يوم كنت صغيرة وخفيف حده

ومعلومة اضافيه ، العنقز ونسميه عندنا ( بوشنيتر او جيكن بوكس ) مب شرط اللي يصيده مره مايرد له ، انا بنت عمي صايدها ثلاث مرات وكل مرة يصيدها قوي وايد

وحده اعرفها تأجلت خطوبتها لان صادها بوشنيتر خخخخخخخخخخخخخخخخ لين يروح عنها

بس بسألكم ، البعض كاتب ان اللي يصيده على كبر مايروح اثره بسرعه، انا اعيال اخوي صادهم وصاد بنت اخوي وعمرها سنتين ولليوم الحين هي خمس سنوات ظهرها فيه مبقع شوي أثاره ماراحت وحتى في بطنها ويدها، كل فتره انا اجيك ماشوفه راح مثل ماهو !!

انا يقهروني اللي فيهم شنيتر ويستخفون بدمهم يقولون عادي خل يصيدكم ويجون يقعدون عادي ولاكأن صاير شي.. بصراحه انا اموت من الخوف من اشوف وحده فيها شنيتر اشرد عنها، حتى مساكين اعيال اخوي يوم صادهم من اشوفهم يايين صوبي اشرد اخاف منهم، لان فضيحه شكبري وفيني شنيتر ههههههههههههههههههههههههههههههههههههه


تسلمون كلكم

[قطريه ماركه]

باااااااااال أيااااام مع العنقز :(

[شاي كرك]

ما تشوفون شر .. :)

[GOOKLUCK]

جاني وانا في الصف الاول او الثاني وصاد العائله الكريمه كلها طبعا الاطفال :telephone:
وكنت اخرع الطالبات في المدرسه يركضون عني وانا اركض وراهم خخخخ :rolleyes2:
عندي صوره لي وانا معنقزه .. :shy:
وووووووووووبس

ههههههههههههههههههههههههههه

احتفظي بالصوره للذكريات .. (( احلى شي الذكريات الحلوه ))

[بنت ذياب]

بس خلاص درينا ان اييي على كبر :weeping:

والله قمت احكك جسمي.. ..:rolleyes2:

يعني ماتعرفون ان عندي فوبيا من الامراض :waiting:

[بورصجي_جديد]

خخخخخ انا اتذكر انه صادني وانا في اول ابتدائي في مدرسة الشروق النموذجيه في الوكره من زماااااااان وانا عمري 6 سنين تقريبا :) صادتني المدرسه طبعا كاانو حريم يدرسونا اتذكر اسمها للحين الله يذكرها بالخير لو كانت عايشه

المهم اتذكر وانا في الطابور :) الصبح تقولي فيك عنقز !!! قلتها ما ادري :) وفعلا طلع صايدني عنقز وقعدت في البيت ماتذكر بس تقريبا اسبح واتذكر الدوه مرهم لونه ابيض كان بارد على الجسم خخخخخخخ

والله ذكريات


مشكورين على الموضوع