إتحبني وأحبك ..بس ما ادري ..؟؟؟

[تحداني]

السلام عليكم ورحمه الله

أصبحنا وأصبح الملك لله :)..اشوفك كل يوم ..ابتسم لك من بعيد ..يمكن اتشوفني وتتجاهلني ..ويمكن تبتسم لي ..ابي اسألك بس أخاف من ردك ..وتبي تسألني بس تقول ساعات مالي شغل ..نتكلم مع بعض عن كل الناس الا عن نفسنا ..اتألم وانت ما اتعرف ..وتتألم وانا اخر من يعلم ..ساعات يوعان ويمكن ما اتقول لي ..وأوقات خاطري اتمشى معاك واستحي اقول لك ..ابي آخذ رآيك وهم انت تبي تآخذ رايي بس تبعد خطوه ..وابعد عنك خطوتين ..

لا تستغرب لو قلت لك اني أحبك ..وما راح استغرب لو غرت علي وتحبني ..

بس للاسف ( البعض منا ) يخاف يطلع مشاعره ..وكالعاده أحزمه العادات والتقاليد ...تربيه من الصغر ..إحساس الرجوله الي يطغى على احساس الاخوه ..

ودكم اتعرفون عن من اتكلم صح ...اتكلم عن ( بعض من )
( ذاك الاخو مع اخته ) ( والاخت مع اخوها )

عندنا اخوان ..وعندكم خوات ..بس للاسف ( البعض منهم ) مشاعرهم المحسوسه ابعيده كل البعد عن المشاعر الملموسه ..راح تقولون مو مهم الاحساس ..راح اقول لكم لا .لانه وجهه نظري انا محتاج انسان يبادلني معنويا خاصه اذا كان اخوي ..محتاجه اتكلم معاه بدون قيود ..محتاجه اطلع معاه مكان ما اقدر اروح فيه ابروحي ..محتاجته لانه جزء مني ...

الله ما يحرمكم غالي ..

[سلفي]

السلام عليكم ورحمه الله

أصبحنا وأصبح الملك لله :)..اشوفك كل يوم ..ابتسم لك من بعيد ..يمكن اتشوفني وتتجاهلني ..ويمكن تبتسم لي ..ابي اسألك بس أخاف من ردك ..وتبي تسألني بس تقول ساعات مالي شغل ..نتكلم مع بعض عن كل الناس الا عن نفسنا ..اتألم وانت ما اتعرف ..وتتألم وانا اخر من يعلم ..ساعات يوعان ويمكن ما اتقول لي ..وأوقات خاطري اتمشى معاك واستحي اقول لك ..ابي آخذ رآيك وهم انت تبي تآخذ رايي بس تبعد خطوه ..وابعد عنك خطوتين ..

لا تستغرب لو قلت لك اني أحبك ..وما راح استغرب لو غرت علي وتحبني ..

بس للاسف ( البعض منا ) يخاف يطلع مشاعره ..وكالعاده أحزمه العادات والتقاليد ...تربيه من الصغر ..إحساس الرجوله الي يطغى على احساس الاخوه ..

ودكم اتعرفون عن من اتكلم صح ...اتكلم عن ( بعض من )
( ذاك الاخو مع اخته ) ( والاخت مع اخوها )

عندنا اخوان ..وعندكم خوات ..بس للاسف ( البعض منهم ) مشاعرهم المحسوسه ابعيده كل البعد عن المشاعر الملموسه ..راح تقولون مو مهم الاحساس ..راح اقول لكم لا .لانه وجهه نظري انا محتاج انسان يبادلني معنويا خاصه اذا كان اخوي ..محتاجه اتكلم معاه بدون قيود ..محتاجه اطلع معاه مكان ما اقدر اروح فيه ابروحي ..محتاجته لانه جزء مني ...

الله ما يحرمكم غالي ..

والله العظيم انك صادق

[هتـان قطر]

ما ادري كيف ابدا ..دايما رابط الاخوة يشعرني بالحزن

اتذكر وحنا صغار اكلنا مع بعض ..يضمنا بيت واحد

يظلنا سقف واحد..قريبين جدا من بعض..

ولكن ما ادري ليش البعد ..مع اننا مع بعض ..!!!



كبرنا وكثرت مشاغلنا...والتهينا مع ازواجنا وعيالنا..

ولكن يبقى الاخو ..غيييير..مكانته مستحيل احد يستحلها


صحيح ما بيننا الا سلام عليكم..عليكم السلام..

ولكن اللي في القلب ..في القلب


طبعا ما فهمتوا وش ابي اقول بالضبط..:(

لاني مثل ما قلت من اتذكر اخواني الله يحفظهم

احس بالحزن..ان حنا بعيد عن بعض مع اننا

نعيش في نفس البلد..

[بنـ الدحيل ـت]

إخواني اخواتي


لماذ لا يكون هناك لقاء أسري في الأسبوع

مثلا اجتماع الأهل يوم الخميس أو يو الجمعة

حتى لا تكون قطيعة رحم

جزكم الله خيرا

[تحداني]

سلفي / اشكر الكتابه العريضة بالخط الأحمر ..واذا اكدت كلامي فأتمنى انك اتغيره وتفتح قلبك لاخوانك لانه عمر الظفر ما يطلع من اللحم ..ومهما جفى او غلط يبقى اخوك وتبقى اختك ..والقرب منهم يبعدنا كل البعد عن الي يستغلونا ... الله يسعدك يارب

هتان قطر / فهمنا لو شئ بسيط من الي تبي تقوله او خاطرك اتعبر فيه ..كبرنا ..تزوجنا ..انشغلنا ..هاذي اعذارنا الي نتعذر فيها ..وهاذي مبرراتنا الي تزرع البعد أكثر من القرب ..في وقت احنه إبأمس الحاجه لبعض ..صار الصديق حلم اشبه بالمستحيل ..هم الاخو والأخت أخاف يكون شئ من المستحيلات ( عند البعض ) ..الله لا يبعدنا عن بعض ويحنن اقلوبهم وتكبر مساحات الحب والود يارب ..

[تحداني]

بنت الدحيل / سيدتي الفاضله ..نجتمع نقعد مع بعض ..كل الطقوس انمارسها والعائليه دائما تحيط فينا ..لكن احساس الحب والاخوه
( عند البعض ) مفقوده ..احساس الصمت سائد وموجود ( عند البعض ) هذا الي محيرنه ...

[بنت ذياب]

اي والله صاادقه :(

مادري ليش جي !!!

حتى والله كله اقول : اصلا مافي اخو يحب اخته


ذكرتيني باخوي .. كان رايح ينام قلت له : نوم العوافي..!!

استغرب .. قالي انتي من متى اتحبين اخووج !!! :eek5:

شي غريب والله

مشكورة اختي تحداني زماني عالموضوع

[تحداني]

بنت ذياب / الله يسعدج يارب ..ولو تعودنا على الكلمات الحلوه مع اخوانا ما راح يكون في شئ غريب علينا ..بس كثر الجفى المعنوى ..وقله الكلمات الحلوه تخلي الواحد لما يرددها او يقولها يحس انه شئ غريب عليه ..بس ما اعتقد ولا اتصور في احد منا يكره الثاني (اخوان ولا خوات) ..بس عاده وكبرنا عليها ...عن نفسي دائما اردد الكلمات الحلوه مع اخواني لدرجه انه لما ما يسمعونها مني يستغربون يقولون عسى ما شر اتنادينه بدون مقدمات ..الله يسعدج يارب ..

[ROSE]

الحمدلله رب العالمين كبرنا مع بعض وتزوجنا واشتغلنا وافترقنا ولكن روابطنا موجوده

وعميقه ولله الحمد نتقابل كل اسبوع في بيت الوالده ويوميا اتصال ببعض كل واحد يسال عن الثاني

الله يديمها علينا وان حد زعل على الثاني فيه طرف ثالث يحاول يحل المشكله

[صوت الحب]

مشكووووووووووووووور

[تحداني]

Rose / الحمد لله يارب ..والله يديم هالاخوه والمحبه دائما ..والاخو ماله بد من إخته والعكس صحيح.. اذا خلت اقلوبنا من كل العلاقات ...الا علاقات الاخوه مانبيها تختفي من حياتنا ..الله لا يحرمنا منهم

صوت الحب / العفو ... :)

[ذهـب]

.نجتمع نقعد مع بعض ..كل الطقوس انمارسها والعائليه دائما تحيط فينا ..لكن احساس الحب والاخوه
( عند البعض ) مفقوده ..احساس الصمت سائد وموجود ( عند البعض ) هذا الي محيرنه ...


:weeping:

[تحداني]

ذهب / لا تزعل وامسح هالحزن وابتسم ..وحاول ..وبادر ..هي بس مبادره والمشكله من يبدأ فيها ..يمكن تكون بدايتها صعبه ..بس راح تشوف نفسك بعدها سعيد ...

الله لا يفرقكم ..ويسعدك يارب

[ودي أكون]

فديت اخواني والله .. صج انهم متزوجين بس مايمر يوم الا ونشوفهم فيه او نتصل كلنا حق بعض وكل واحد يستعبط مع الثاني ..

وذكرتيني بالاونو يوم لعبنى احنا البنات (( خواتي واخواتي )) ع شرووووط اتموت ضحك يبلى هالجمعه في راسي طلبات اتجيب لهم العيد :taunt:

ودوم نلعب بدون فلوس لان حرام .. بس شروط مثل الضغط واللي اتسوي لنا اكله واللي اتغسل الحمام فليل واللي يغسل السيارة وطلبااات مالها اول ولا تالي هههههه ..

الله لا يحرمني من اخواااني واخواااتي يارب .. ولا من امي ..

هم فرحتنا في هالدنياا ..

ولمة الاخوان في اعتقادي اتكون غريسه يغرسها الابو والام من الصغر ..

[تحداني]

بنت المرحوم / الله يسعدكم يارب ..وما يفرقم عن بعض أحد ويجمع شملكم على الحب والود ..مافي احلى ولا اروع من لمه الاخوان ..ووجودهم بالدنيا ..

[م. عبدالعزيز]

السلام عليكم.. الله يعطيكم العافية...

المشكلة ما صارت هالتفرقه بين الاهل الا من شيئين.. الفلوس.. والحسد.. الله يبعدنا عنهم

مثلا واحد شايف روحه على الثاني لانه عنده فلوس اكثر وراتب .. ومثلا واحد عياله فاشلين دراسيا مقارنه مع عيال اخوه .. وجي يعني

[تحداني]

م . عبد العزيز / هاذي المشكله ..ليه تنزرع هالاشياء بين الاخوان ..في وقت احنه نبي كل اخو يساند اخوه ..وكل اخت تنصح اخوها ..في وقت احنه ابامس الحاجه لاقرب الناس لنا من دمنا ولحمنا ينصحونه ويوقفون معانا بدون ما يضرونه ..بدون ما ينتضرون مقابل ..بدون ما يشمتون ..
الافلوس والحسد ..ما ودتنا الا في مليون داهيه ..راح انودع الحياه هاذي وحنه ما ماخذين منها شئ ..ما راح ناخذ منها الا ذكره طيبه ..الله يهديهم يارب ..

[م. عبدالعزيز]

م . عبد العزيز / هاذي المشكله ..ليه تنزرع هالاشياء بين الاخوان ..في وقت احنه نبي كل اخو يساند اخوه ..وكل اخت تنصح اخوها ..في وقت احنه ابامس الحاجه لاقرب الناس لنا من دمنا ولحمنا ينصحونه ويوقفون معانا بدون ما يضرونه ..بدون ما ينتضرون مقابل ..بدون ما يشمتون ..
الافلوس والحسد ..ما ودتنا الا في مليون داهيه ..راح انودع الحياه هاذي وحنه ما ماخذين منها شئ ..ما راح ناخذ منها الا ذكره طيبه ..الله يهديهم يارب ..

ياخوك.. الشعور متبادل.. نفسي اعرف ليش الناس تشوف نفسها بالفلوس.. ماتدري انه بالنهايه مصيرنا واحد،، ليش اذا واحد طلب مساعده يقعدون يذلونه على كيفهم؟ وليش اذا ولدك فاشل ماتشوف شالمشكله،، وتحاول تساعده لانه بالنهايه هذي ولدك ،، بدل ما الواحد يقعد يقول ليش وليش فلان احسن من ولدي وليش عنده شهادة وعنده خير وو .. بسكم حسد ترا الحسد ياكل وياكل ومايجيب منه شي..

والمشكله هالحسد يجيلك من اهلك اكثر من ربعك او من الغريب،، اقرب مثال، يوم كنت بالثانوية.. كنت شطور ومتفوق ،، ولد خالتي كان بنفس الصف،، يقولي انت ليش تجيب أعلى مني انا احسن منك.. والغريب اللي من عايله وساكن في بيئة ثانية وانا من عايلة ثانيه يقولي مبروك وتستاهل والله تلاقيه فرحان لي أكثر من نفسه،،

يمكن السبب مو بس من العيال .. احيانا من الاب او الام يكون عندهم مثل هالصفات ويزرعونها في عيالهم.. عموما ما اطول ما اقول الا الله كريم ،، وعايلتنا صغيره حاليا (من الوالدين) ان شاء الله نكون تحت مظلة وحده تجمعنا وتجمع عيالنا بالمستقبل..

[تحداني]

م . عبد العزيز : يا اخوي لاني اختك ...انا كنت افسر شعورك ..لما تنوجد كل المشاعر من حسد واهانه ونظره الواحد بصوره مو حلوه للثاني اهني اتحس ان الموضوع في قمه الغرابه ..تقول انا بين اخواني ولا بين ناس ما اعرفهم ...انا بين اعدائي ولا بين احبابي ..وقتها تحس ابحسره وابألم ..ويجي في بالك مليون سؤال ..واولهم انا عارف انك اتحبني وانت متأكد اني احبك بس ليش كل هذا ..والواحد منا كم مره يعيش ابهالحياه ..

[شاهيناز]

توصيل المشاعر مايكون بالكلام فقط,,,,, امور كثيره توصل المشاعر لطرف الاخر والاخوان مايستخدمون الكلام لتوصيل المشاعر,,,, اخوي الله يخليه سؤاله عني اتصالاته تعني انه مهتم فيني يكفي حد من الاخوان والاخوات يعرفون اني مريضه حتى لو شئ طارئ تتشفيني اتصالاتهم,,, المسجات بين الاخوان توصل المشاعر,,,
لكن المفروض ماننتظر المبادره منهم لماذا نحن لانبادر,,,,

[سهم مديون]

تحداني الزمن موضوع رائع طبتي وطاب حضورك

[!الشايمه!]

موضوع.......رائع بكل معنى الكلمة.....يدعونا للتفكير
اكثر من الكتابة.......وما اكثر ما تعجزنا الكتابة......

................:)

تحية

[أم حمد]

اخوي ياعزوتي ياضحكتي وبكاي ..
يامن على فزعتي يمينه في يمناي ..
من لي سواك اللي على اكتافه ارتكي ..
انت العضيد اللي اشد فيك الظهر ياخوي ..


الحمدالله

عن نفسي عندي اخو

جعلني قبله لو بدقيقه

غير عن كل الاخوااااااااااان

غير ومن خلال شوفي لصديقاتي واخوانهم ومعاملتهم لهم عرفت انه غيييييير

كل اوامرنا ملباه يسفرناا يطلعنا يقعد معنا يشتري لنا يسمع لنا نشكي له من كل حاجه !

واثق عمره ماشك فينا وامور كثيره !

مرات يضيق بسرعه لكن دمعته قريبه !

متحمل مسؤوليتنا ولايشتكي حتى بعد ماتزوجنا !

اااااه فديت روحه وبس هذا اللي بقوله

موضوع مميز !

لاهنتي

[تحداني]

شاهيناز: يسعدني مرورج وتعليقج ..صحيح ان الاخ موقف وفعل وتصرفات ..وليس بالضروره ان تكون هناك كلمات جميله وحلوه ..يس في ناس لا موقف ولا كلمه ..بالرغم ان المشاعر والموده موجود لكن كل منا يكابر على الثاني ..الله يخليج لهم وعسى الله يجمعكم دائما ...

سهم مديون : الله يسعدك ويسعد ايامك وقرائتكم لما اكتب هذا ابحد ذاته وسام على صدري ..

الشايمه : حضوركم الرائع يضيف لاي موضوع قيمه ووزن ..وليس بالضروره ان يكون لكل موضوع عدد كبير من الردود ولكن قرائته ..والوقوف عند بعض من مفرداته هو ابحد ذاته فخر لكاتب المقاله ..واضافه ان شاء الله لقارئه ...الله يسعدج يارب

ام حمد : ما شاء الله ..وعسى الله ايحفظكم يارب ..ويقر عينكم في اخوانج ..والاخوان الي مواقفهم تسبق كلماتهم ..وكلماتهم تسعد الخاطر ..قد تكون عمله نادره ..لان ظروف الحياه والروتين ..والايام الي تطوي بعضها نست الواحد حتى اهله واقرب الناس له ..الروعه والتميز هو ردج وحضورج ..الله يسعدج

[pure]

مجتمعاتنا صحراويه ويابت التصحر حتى لعواطفنا ومشاعرنااا

واهو عل البيت نفسه يعني لو متعوده تقعدين ويا اخوانج وتسولفين وياهم وجي

من نفسهم يصيرون ايون ويسلفوون

اممم عن نفسي احاول ويا اخواني الصغار اني ابوسهم والمهم وجي واسولف وياهم عشان باجر لا كبروا

ما يستغربون ويستحون مني بس اخوي الكبير انووااااااااع الحواجز بيني وبينه والسلام من بعيد

ولا فيه سالفه مشتركه

[تحداني]

pure : للاسف هذا هو الي حاصل في معظم ابيوتنا ...حاولي معاه ..وبادري انتي وصدقيني راح تشوفين الامور راح تتغير ان شاء الله ..اما خطوه اخوانج الاصغار وايد حلوه ..وعسى الله لا يفرقكم يارب..