للبيع ارض في الخريطيات

[مجرد وهم]

للبيع ارض في الخريطيات 555 متر .. مخططها فلتين متلاصقتين .. محفوره وخالصه من الاساسات (القواعد) .. مطلوب الفوت 200 ريال
يمتنع الوسطاء :nice:

[بوعتقه]

وين مكانها بالضبط في الخريطيات

150 الفوت يمشي؟؟

[مجرد وهم]

وين مكانها بالضبط في الخريطيات

150 الفوت يمشي؟؟

ودي ارد عليك ياخوي بس في النهايه انا فاهم انك تلعب ومهب شاري لانه الي يشتري يسال عن مواصفات الارض وموقعها وعن السعر النهائي وبعدها يبدا يفاصل .. على العموم شكرا على المرور

[الوعد2016]

بالتوفيق

[ماجستك]

ودي ارد عليك ياخوي بس في النهايه انا فاهم انك تلعب ومهب شاري لانه الي يشتري يسال عن مواصفات الارض وموقعها وعن السعر النهائي وبعدها يبدا يفاصل .. على العموم شكرا على المرور

لا اعتقد ان الاراضي لها مواصفات

وسعر 150 للفوت في الخريطيات مناسب هذه الايام

بالتوفيق للجميع

[مطراش]

لا اعتقد ان الاراضي لها مواصفات

وسعر 150 للفوت في الخريطيات مناسب هذه الايام

بالتوفيق للجميع

وانا نفس رايك بضبط بعدين اش بتكون المواصفات يعني ارض سكنيه يعني لا تجاريه ولا ارض على البحر مثلا بعدين انت اتقول عليها رخصة فلتين متلاصقتين يعني اكيد راح يكون العرض الي على الشارع اكثر من 20 متر

[مجرد وهم]

لا اعتقد ان الاراضي لها مواصفات

وسعر 150 للفوت في الخريطيات مناسب هذه الايام

بالتوفيق للجميع


وانا نفس رايك بضبط بعدين اش بتكون المواصفات يعني ارض سكنيه يعني لا تجاريه ولا ارض على البحر مثلا بعدين انت اتقول عليها رخصة فلتين متلاصقتين يعني اكيد راح يكون العرض الي على الشارع اكثر من 20 متر

يا جماعة الخيرانا احترم رايكم بس ممكن تفهمون شوي وخلكم معاي .. اول شي انتو اشلون قيمتوها على 150 ريال في الخريطيات قولولي لانه ريال موصيني يبي ارض في الخريطيات واذا عندكم شي ب 150 للفوت تسون خير لانه تعبت وانا ادور .. انا مب عارف انا عندكم حسبه خاصه تقيمون من خلالها الاراضي .. وترا انا مب زعلان انا اكثر منكم متشفق على النزول وودي يستوي الفوت ب 10 ريال بعد .. اذا كانت بو هامور وعين خالد انباع فيها قريب ال 180 ريال وهاذول المناطق تقريبا متساويه معى ازغوى والخريطيات في السعر ايام الطلووع غير كذا الارض مقسمه فلتين متلاصقتين على صغر حجمها يعني فيها طول مثل ما ذكرتم على الشارع وانتو عارفين انه الي فيها طول على الشارع اتقسم لاكثر من فيلا حسب طولها وتنشرى اغلى من العاديه وانا واحد من الي شريت مثل هاذي الارض ايام الغلى واعرف انه اغلى وانتو عارفين هالشي اذا كانت لكم خبره في الاراضي.. ثالثا الارض خالصه من كل شي تخطيط واستشاري وبلديه وخلافه وانتو عارفين هالشي ولعوزته وكم ياخذون منك .. رابعا الرجال حفر وصب القواعد ..الي بيشتريها بيصب الجسور وبيكمل لا خسر وقت ولا خسر افلوس.. وخامسا الاخ الي فوق عطاني قيمه بدون ما يشوف الارض انت اشلون تشتري شي بدون لا تشوفه يمكن ماتعجبه الارض .. واذا ما تعرفون انه الاراضي تختلف وكل وحده لها مواصفات ( كم متر الطول وكم متر العمق ) وعلى كم شارع .. ولها شارع قار ولا لا .. واصله الخدمات ولا لا .. واذا ما تعرفون هالاشياء وجالسين اتناقشون في اسعار الاراضي فعلى الدنيا السلام .. على العموم انا احترم رايكم جميعا بس ياليت تطلعون على اسعار السوق

[ماجستك]

اخوي الله يرضى عليك...انت اتقول بنفسك ان في ازغوى انباعت على 180



الشيخ على حد علمي في ام عبيريه ما بين 60 - 70 ريال للفوت وفي عين خالد على 160 ريال للفوت وفي معيذر وفي ازغوى على 180 ريال وانباعت ارض تجاريه عندنا في شارع ام الدوم ب 500 ريال من عقب 1200 ريال للفوت هاذا على حد علمي الغالي والجاي اعظم


يعني طبيعي في الخريطيات 150

اذا انت تاكل التمر ..غيرك ايعد الطعام


الله ايوفق الجميع

[مجرد وهم]

اخوي الله يرضى عليك...انت اتقول بنفسك ان في ازغوى انباعت على 180





يعني طبيعي في الخريطيات 150

اذا انت تاكل التمر ..غيرك ايعد الطعام


الله ايوفق الجميع
اول شي الغالي هاذا ردي يوم 29 / 12 /2008 وقلت لك فيه على حد علمي

خذ الرد الي من يومين في نفس الموضوع الي اقتبسته منه ردي القديم

ام صلال محمد 100 ريال للفوت
ام صلال علي 60 ريال للفوت
الخيسه 140 ريال للفوت
الرويس 45 ريال للفوت
الخور 80 ريال للفوت
هاذي افضل اسعار استطعت استخلاصها اليوم من وسيط الشرق وللعلم فيه معروض اغلى منها في نفس المناطق لاكن كانت هاذي افضلها
وبعض الوسطاء من خلال سؤالي لهم عن بعض متوسط الاسعار في بعض المناطق افادوني ب
سميسمه 65 ريال للفوت
الخريطيات وازغوى 200 ريال
وعند سوالي لهم عن الاراضي التجاريه داخل الدوحه اجابوني بان البيع متوقف تماما ولا توجد هناك اي عمليات بيع الي من خلالها ممكن يبني الشخص اقيام الاراضي والعقارات لاكن هناك الكثير من العقارات الموجوده للبيع لاكن ليس لها اي طلب في السوق ولا حتى حد يسال عنها .. واكثر الشغل الان في المناطق السكنيه الاقل قيمه .. وبالتوفيق للجميع

هاذا اول شي

ثانيا براويويك موضوعك والي الاشياء الي انت بنيتها عليه

من خلال مراقبتي للسوق في منطقتي الرويس والخريطيات ارى ان السعرالمناسب في الوقت الحالي للمنطقتين هو :
الخريطيات 150 للفوت
الرويس 30 للفوت

وطبعا كلن ايطبل على الي له..امس شريطي (دلال) عارض على ارض في رويس مساحتها 500 ب خممسميه الف..ولما سالته عن الفوت بكم يطلع ..قال مادري ؟؟؟؟؟؟؟؟؟وكثير مثله من الدلالوه ايظنون ان الناس مغفلين...ياسبحان الله..وقلت له ان هذا يعني ان الفوت ب100 ريال وهو اصلا حاليا مايتعدى 40 ريال في هالمنطقه....قالي خلاص باشوفلك غيرها ولا عاد اتصلي..؟؟ّّّ!!!!

خوش دلال..عيني عينك...لامصداقيه ولا بلاليط..والمشكله انه معانا في المنتدى

طيب اذا انت صحيح تراقب السوق على ما تقول وينهي الاراضي ذي الي ب 150 ريال للفوت ولا ب 30 ريال برهن لنى وجيب لنا شي منها وحطها في المنتدى على الاقل ارضين بس وخل الاسعار تنزل واذا تعرف الطريقه الي من خلالها تجيب اسعار ارخص علمني بساعدك .. واتقولي السعر المناسب للمنطقتين في الوقت الحالي .. اذا تبي اتعرف اشلون اطلع السعر المناسب للمناطق انا بعلمك اشلون الغالي وبعلمك انه الاراضي من بعد شهر 9/2007 ما تسوى قيمتها على انه الاجار كان مرتفع بس لما اتجي تحسبها كمستثمر عقاري تحسب قيمة الارض وتكلفة البناء وهل الاجار يغطي 10 في الميه سنويا من قيمة العقار ولا لا وبتعرف بعدها تناسب او لا .. واذا انت اتعد الطعام وراي زين والله على الاقل احصل من ينتقدني بس ياليت يكون انتقادك بناء عشان اقدر استفيد منه لانه انا ما عندي مشكله في التعلم ولا انا اناحس لما اشوف نفسي غلط او اذا الشي ما جاء على كيفي بالعكس اقول للانسان الي يعلمني مشكور وما قصرت .. وبعدين انت ليش تنتقد الوسطاء .. ترا الوسيط ماله ذنب في السعر من مصلحته انه يبيع ويشتري لك واهو يبي يمشي حاله خصوصا في هالايام الي فيها السوق شبه واقف والناس كلها متخوفه من الشراء .. وقلت لك وبرد اعيد عليك انا والله وهاذا احلف لك اتمنى ترجع الاراضي مثل ما كانت لاكن اسمحلي هاذي ذمه وانا ما اقدر اقول من خلال مراقبتي للسوق انا احط اقل الاسعار في السوق الي ممكن الناس من خلالها تستفيد على ارض الواقع مش على ارض مراقبتي لانه فيه ناس ممكن تضرر من كلامي .. قياليت كانت مراقبتك او رويتك تنفع في السوق كان على الاقل نزل السوق مره وحده وافتكينى .. فحاول ياخوي اتفرق بين التحليل والرقابه .. واتمنى ما تزعل من كلامي او تشيل في خاطرك

[طبـ الود ـعي]

ممكن سعر الأرض أخوي على الخاص :)

[مجرد وهم]

ممكن سعر الأرض أخوي على الخاص :) الغالي كلمت راعي الارض ويقول مسيومه ب 190 الفوت عند دلال ويقول اذا ما جابت ال 200 ببيعها بهالسعر .. والله يقدم الي فيه الخير

[N7eEeS]

ماعليك امر طرش لي رقمك على الخاص

[بوحارب]

الله يوفقك حبي الوحيد ولا تهتهم بكلام العذّال ^ ــ *

[BoFahed]

ابي اشوف الارض طرشلي رقمك على الخاص اخوي لاهنت

[حقاني]

ياخوي لاتعرض ارضك هنيه الي يسوى والي مايسوى يدخل عليك وغلب الموجودين لايشترون ولاشي بس بقعدون يطيحون بسعر ارضك على الفاضي ولو مشيت معاهم بعد مب شاريين منك لاترد احسلك هذي نصيحتي

[الولهان قطر]

بالتوفيق

[مجرد وهم]

ممكن سعر الأرض أخوي على الخاص :)
الارض انباعت الغالي