ايصير ولا ما يصير ؟؟

[miss-qatr]

السلام عليكم ورحمة الله وبركاتة ..


لاحظت بعدة موضوعات طرحتها بردود تظن ان نقلي لموضوع معين أو حدث (برأيي الشخصي) يهم كثيرين , يعتبر تعدي على الحرية الشخصية ( فلكل شخص حرية رأي ويعرف يختار الصح من الخطأ).


ووضحت أكثر من مره ان طرحنا لأي موضوع الغرض منه المناقشة. يمكن أكون غلطانة فتصلحون لي ويمكن تكون وجهة نظري صحيحة واقنع فيها من يخالفني ..

واللي يشوف ان كل شخص يعرف الصح من الخطأ اقوله لو مثل ماتقول( فالحياة بين فئتين إما مثاليين أو منحطين )
وطبعاً هذا خطأ


ولو كلامك صحيح ما الرسول عليه افضل الصلاه والسلام أمر بالمعروف والنهي عن المنكر وطبعاً مب شرط منكر لكن احنا انقيس هالشي على كل شي بالحياه

وطبعاً هذا ماهو موضوعنا :)


من يومين استوقني بأحد المجمعات ماراح أقول مشهد ولكن عدة مشاهد لنفس القصة ولكن بإختلاف الأبطال



أب يلعب عياله الصغار بجهه الألعاب ------------> طبعاً مافيها شي:)


لكن اللي استغربتة وجود الخدامة معاه ...


لوحدهم !!!!!!!!!!!!!!!!!!!!!!!!!


والله ثم والله رجعت ولفيت راسي وبعد دقايق اشوف المشهد يتكرر

أب قاعد يركب ولده الصغير في اللعبة والخدامة اتركب الطفل الثاني !!!!!!!!!!!!!!!!!!


يوم رجعت وتناقشت مع وحدة من الأهل ذكرت لي ان عادي ودايماً اتشوف هالشي يعني لاتستغربين :eek5:..



ياجماعة يمكن محد لحد الحين فهم انا وش اقصد...


خوااااتي... يا أمهات يا فاضلات...


مخلية زوجك مع عيالك والخدامة ليــــــــــــش؟؟؟

ماراح اقول انه رجال واهي مره غريبة ووجودها معاه لوحدهم مايجوز


لكن راح اذكرك بشكل زوجك وعيالك والخدامة ... شكل يدل على التخلف



وين دور الأم ؟؟؟؟؟؟؟؟؟؟؟؟؟؟؟

عايلة تتكون من أب

وأولاد


وخادمة ؟؟؟




حتى لو كانت الأم مشغولة ماتقدر تجي معاهم .. ممكن ياخذ الأب عياله ولا الأخ لازم الخدامة هي اللي تشوف الصغار والهانم تسوي شوبينج !!!


انا مااقول ان الخادمة وجودها مب مهم لكن وجودها مهم لو عندك عيال صغار وانتي معاهم



ليش الام قامت تستعر من انها اتشيل واتحط عيالها؟؟؟

ليش قامت تستكثر اتشاركهم بلحظات فرحهم؟؟ وحتى لو جات اتلعبهم تتركهم مع الخادمة ؟؟؟

ليش صارت علاقتها بعيالها مرتبطة بالمقام الاول ( بالخادمة ) !!!



يعني موضوع كبير وممكن اخذه من عده جوانب


بس اللوم بكل الجوانب على المره


والله عيب

والله عيب





موضوعي يعبر عن وجهة نظر شخصية ومااقدر افرضها على حد ولا اطلب من حد انه ياخذها

لكن رأيي بنيته على دين وعادات وتقاليد

[lalamar]

شدرانا انه مب متزوج الخدامه:nice:

[سعــــــــود]

هذا الكلام يرجع لجمال الخادمه ماتدرين يمكن اللي في البيت شيفه ونكديه والخدامه اسلوبها عكس راعية البيت .

انا سبق شفت خدامات اجمل من عماتهم !! وهذا الشي مب في صالحهم !! على بالهم شوفوا ياناس خداماتي وش زينهم وش حلاتهم وش ملحهم !
فيه خدامات قليلات ادب في لبسهم وكله عشان كاميرا كرت هلا يعني تعرف تصرف عمرها !

[غزلان]

المنظر غلط لكن مانعرف الظروف يمكن الزوجه بالمستشفى او توها والده والأعيال صغار محتاجين لخدامه ....وانا بعد امس كنت واقفه عند محل انتظر غرض مكلمه راعي المحل يجيبله لي بالسياره من المحل احذاي سياره فيها قطري والكراسي الى ورى ولدين وخدامه ركزت يمكن الأم جالسه قدام مافي حد خذ اغراض من السوبر ماركت وراح

[!قطريـة بنت القمـر!]

هــذول رياييــلهم معطيــنهم ويــه والشرهــة عليهم :) .... لو الريــال يفـرض شخصيتـه ورجولتـه ويوريها العيـن الحمــرا ويأدبهــا صدقـوني مب كفــو تقول له اطلع مع اليهال وانا بروح عند فلانه وعلانه ولا حق اهلي .... بس اللي ملاحظته بعض الرياييل (مب الكل؟؟) مخلين الحبـل على الغـارب لزوجاتهم ومخلينهم يركبون فوق روسهم والمفروض الرياييل ما يتساهلون في بعـض الامــور اللي مثـل هذي ....طبعا مع افتـراض ان بعض الحريـم معذورات في بعض الاحيـان فقط لمرض او شي يمنع اما البقيــة طبعا لا ..... لا بد من نقطـة نظــام وكل واحد يعرف حدوده و واجباته وحقوقه وترجع الامــــــــور لنصابها كما السابــــــــق :) .....


يعطيج الف عافيه ع الطـرح المميـز كالعاده اختــي ميس تعجبنــي وجهة نظــرج في غالبيــة الامــور اختــي عساج ع القـوه :nice:.....

[miss-qatr]

شدرانا انه مب متزوج الخدامه:nice:


اول شي ولكم خيو لالاماااار وش هالغيبة؟؟؟



اشدعوة متزوجها ملبسها يوني فورم؟؟؟ :sneaky:

[سعــــــــود]

المنظر غلط لكن مانعرف الظروف يمكن الزوجه بالمستشفى او توها والده والأعيال صغار محتاجين لخدامه ....وانا بعد امس كنت واقفه عند محل انتظر غرض مكلمه راعي المحل يجيبله لي بالسياره من المحل احذاي سياره فيها قطري والكراسي الى ورى ولدين وخدامه ركزت يمكن الأم جالسه قدام مافي حد خذ اغراض من السوبر ماركت وراح


غزلان متسامحه وايد دايم تعطي لعذار !

[miss-qatr]

هذا الكلام يرجع لجمال الخادمه ماتدرين يمكن اللي في البيت شيفه ونكديه والخدامه اسلوبها عكس راعية البيت .

انا سبق شفت خدامات اجمل من عماتهم !! وهذا الشي مب في صالحهم !! هم على بالها شوفوا ياناس خداماتي وش زينهم وش حلاتهم وش ملحهم !
فيه خدامات قليلات ادب في لبسهم وكله عشان كاميرا كرت هلا يعني تعرف تصرف عمرها !





والله ياخوي سعود اللي بيحط عينة على خدامة فأقوله


قدر وجهه


لأن الواحد المفروض ماينزل نفسه لهدرجة


وثاني شي بعد الرجال اللي فيه خير ماراح يطالع لا الخدامة ولا غيرها :omen2:


وبغض النظر عن شكل الخدامة ... أنا اسأل وينك يا أم؟؟؟ :anger1:



يعطيك العااافية اخوي سعود :)

[بيسان]

اخ يا قلبي

[العقل الحر]

اي الام مشغوله ؟ الام راقده !!!:omg:

واذا انشغلت راحت بيت اهلها او جمعه البنات او عرس او كوفير

هذا شي معروف


:secret:

[المهلهل]

miss- qatr
اتقف معاج في الي قلتيه
اسعد اللحظات الواحد يلاعب عياله ويشف الفرحة في وجيهم
وتكون زوجتة جنبة - تتحنطم وتحن شوي وتضحك شوي

[العـوا]

بدت الخدامه تلعب دور الام في المجتمع

[lalamar]

اول شي ولكم خيو لالاماااار وش هالغيبة؟؟؟



اشدعوة متزوجها ملبسها يوني فورم؟؟؟ :sneaky:

كنت في السجن :secret:

[رأس بروق]

والله ياأختي ماتقدرين تحكمين من اول نظره على اي شخص .. اذا الكل راح يفكر تفكير سلبي على اي شي يشاهده قدامه هاي مشكله كبرى لابد اي واحد يفكر بشي الاجابي ويترك عنه السلبيات .. تخيلي انا قلت شفت وحده مع ادرويل يمشون بسياره عند السوق ؟؟ ليش هي مع الادريول وين ريلها ليش ماطلعت وياه اكيد عنده شي طالع البروحه ؟؟ وشو هو ردج علي راح يكون ؟

الله يعطيج العافيه.. اختي شوفي الدنيا بعيونج لاتشوفينها بنظره !!

[a.a.a.qatar]

كلامج كله صح اختي ميه بالميه ومفروض الام يكون لها دور اكبر من الاب في هالناحية وتلغي شي اسمه خدامه اذا كانت ظروفها تساعدها ... بس في نفس الوقت مرات الوحده تكون لها ظروفها الي تمنعها من الطلعة عشان تلعب اليهال لأي سبب كان .... بس بعد عندي الأب يوديهم بروحه احسن من انه ياخذ الخدامه معاه ... انا احياناً اودي بنتي ومااحصل حد يلعب معاها وانجبر العب معاها الالعاب وتعالي عاد يا دوارة الراس من هالالعاب والناس تعلق !!!!!!!!!!!!! وانا ولا مفتكره ايش فيها يعني لما العب بنتي ايش يفرقون الاجانب عنا!!!!!!!!!!! تشوفينهم ماسكين عيالهم وهم على اللعبة وعيالهم مستانسين ... حلال عليهم وحرام علينا ... بس طبعا مش كل الالعاب (الالعاب المعقولة الي تطلب اني امسكها او اني اوقف بجانبها يعني مش اركب الطيارة او السياره ..... للحين لما وزني يصير 45 كيلو يمكن افكر العب معاها هالالعاب )
وتسلمين اختي على الموضوع
على فكره بداية موضوع قمه في الروعه وجان زين الكل يتفق ويمشي على الشي الي قلتيه ولج كل التحيه

[التيما]

ااااخ يا قلبي .. انا لين شفت هالمنظر ويا كثر ما اشووفه يرتفع الضغط عندي واقول اخس عليك من أب ومن أم .. بس تدرين وين الغلط ولا وشو السبب ؟؟
السبب إن الأب للأسف تنازل عن المسؤولية للأم .. والأم ما قصرت رضت تاخذها بشرط الريال ما يسألها ولا يحقق معاها ويخليها على راحتها .. وشسوت الأم ؟؟؟ عطت هالمسؤولية لمن !!!

" للخـــدامة "

وآآآه عليك يا زمن .. ناس ما تستاهل كلمة " أب " ولا " أم "

[miss-qatr]

المنظر غلط لكن مانعرف الظروف يمكن الزوجه بالمستشفى او توها والده والأعيال صغار محتاجين لخدامه ....وانا بعد امس كنت واقفه عند محل انتظر غرض مكلمه راعي المحل يجيبله لي بالسياره من المحل احذاي سياره فيها قطري والكراسي الى ورى ولدين وخدامه ركزت يمكن الأم جالسه قدام مافي حد خذ اغراض من السوبر ماركت وراح

هلااا وغلا بأختي غزلان

يا غزلان انا مااقول ان الدنيا تخلى من الظروف اللي تجبر الانسان يسوي اشياء مايبغيها

لكن انا اتكلم عن شريحة كبيرة بدت تاخذ هالموقف عاده..


لاتنكرين ان كثير من الحريم تعلمت اتّسوق بالمجمع والأب مع الخدامة بجهة الالعاب !!!


هذا غير اللي يطلع الأب معاهم طلعة جماعية والأم بمكان مااا :rolleyes2:


انا اتكلم عن هذا الشي اللي يخلي منظرهم كأسرة وحده( أب + اولاد+ خادمة !!!!)


تسلمين على مرورك الحلو :)

[miss-qatr]

هــذول رياييــلهم معطيــنهم ويــه والشرهــة عليهم :) .... لو الريــال يفـرض شخصيتـه ورجولتـه ويوريها العيـن الحمــرا ويأدبهــا صدقـوني مب كفــو تقول له اطلع مع اليهال وانا بروح عند فلانه وعلانه ولا حق اهلي .... بس اللي ملاحظته بعض الرياييل (مب الكل؟؟) مخلين الحبـل على الغـارب لزوجاتهم ومخلينهم يركبون فوق روسهم والمفروض الرياييل ما يتساهلون في بعـض الامــور اللي مثـل هذي ....طبعا مع افتـراض ان بعض الحريـم معذورات في بعض الاحيـان فقط لمرض او شي يمنع اما البقيــة طبعا لا ..... لا بد من نقطـة نظــام وكل واحد يعرف حدوده و واجباته وحقوقه وترجع الامــــــــور لنصابها كما السابــــــــق :) .....


يعطيج الف عافيه ع الطـرح المميـز كالعاده اختــي ميس تعجبنــي وجهة نظــرج في غالبيــة الامــور اختــي عساج ع القـوه :nice:.....


الله يعااافيك يا الغالية

وانتي تعجبني بصمتك بأي موضوع اطرحه :)


تسلمين ياقطرية على مرورك

[miss-qatr]

اخ يا قلبي


:secret:




اي الام مشغوله ؟ الام راقده !!!:omg:

واذا انشغلت راحت بيت اهلها او جمعه البنات او عرس او كوفير

هذا شي معروف


:secret:


ماتبي انعم ياخوي

فيه أمهات ونعم الأمهات بس احنا انسلط الضوء على الفئة اللي نشوف منها التقصير لجل كل انسان يعيد ترتيب اموره وحياته( ومحد معصوم من الخطأ ) :)

تسلم عالمرور

[OutLaw]

اللحظات هذي ما ينساها الطفل لما يكون مع امه وأبوه سواء كانوا يقضونه بالالعاب أو للتسوق أو السفر بالاخص السفر عن طريق البر وأنا لي اليوم اذكر سفرتنا مع امي وابوي وخصوصا عن طريق البر واللحظات الحلوه هذي أتم في الذاكرة واقعد اقلب في الالبومات والصور ما اشوف وجود خادمه امبينا .
لكن هل اللحظات هذي ما بتكون موجوده في ذاكرة الاجيال القدامة وما في اي عذر يبرر غياب الأم أو الاب ، ومثل هذا المنظر انا شفته لكن مختلف من ناحية غياب الاب يعني تلاقي الأم وأولادها والخادمه . أما الاب الله يعلم في شنو لاهي .

واشكرج أختي مس قطر على الطريح .

[Only Me]

شدرانا انه مب متزوج الخدامه:nice:

هههههههههههههههههههههههه :nice:

زين يمكن منفصل او ارمل

[تحداني]

السلام عليكم ورحمه الله

الخادمه صارت مثل ذاك الوباء المنتشر في كل بيت ..انا ساعات اسميها قنبله نوويه :) لما تنوجد تتشوه كل الاشياء ..اذا المرأه تسمح ان الخدامه تروح مع زوجها والاعيال اسمحوا لي هاذي خساره يسمونها زوجه ...لو يسمونها أبجوره يكون افضل ...

[مالي ومال الناس]

كلامج عين العقل واتفق معاج في كل النقاط

وجود الأب والأم اثناء مشاركتهم فرحة الأبناء ولعبهم لاتقدر بثمن

موضوع رائع ويعطيج العافية

[miss-qatr]

miss- qatr
اتقف معاج في الي قلتيه
اسعد اللحظات الواحد يلاعب عياله ويشف الفرحة في وجيهم
وتكون زوجتة جنبة - تتحنطم وتحن شوي وتضحك شوي

كلامك صحيح ياخوي

تحن ؟؟؟:secret:


يعطيك العااافية :)


بدت الخدامه تلعب دور الام في المجتمع

مب كل الأمهات ياخوي :)

يعطيك العااافية


كنت في السجن :secret:

:sneaky:

[miss-qatr]

والله ياأختي ماتقدرين تحكمين من اول نظره على اي شخص .. اذا الكل راح يفكر تفكير سلبي على اي شي يشاهده قدامه هاي مشكله كبرى لابد اي واحد يفكر بشي الاجابي ويترك عنه السلبيات .. تخيلي انا قلت شفت وحده مع ادرويل يمشون بسياره عند السوق ؟؟ ليش هي مع الادريول وين ريلها ليش ماطلعت وياه اكيد عنده شي طالع البروحه ؟؟ وشو هو ردج علي راح يكون ؟

الله يعطيج العافيه.. اختي شوفي الدنيا بعيونج لاتشوفينها بنظره !!

الله يعااافيك ياخوي


أشوفها بعيوني بس مايمنع ان بعض النظرات ماتعجبني فأنقلها لكم :)

وانا ذكرت اني ما كنت اقصد اللي تقصده يوم اتقول المره مع السايق !!!


انا اذكر ان بعض الأمهات اوكلت الخادمة بكل شي حتى بمشاركتها فرحة ابنائها


وثاني شي ...

هل اتشوف ياخوي قعده الزوج مع الخادمة مع العيال حلوه ؟؟؟؟؟؟؟؟؟؟؟؟؟؟؟؟؟؟؟

شاكرة لك وجهة نظرك :)

[هتـان قطر]

ايصير والا ما يصير....ايوارج والا ما يوارج..الله يذكرك بالخير يا حسن المهندي..:nice:


صباح الخير مسّوه

انا معك في كل اللي قلتيه..واصبح الامر عادي ان احنا نشوف الاب والعيال والخدامات ..ايه الخدامات..مهب خدامة

وحده بعد..والله شوف عيني بالاب ومعه 4 عيال و3 خدامات..!!!:eek5:

والله استغربت..معه بنت وولد شوي كبار يعني اشحقه مسحب كل هالخدامات معك..

لا وكاشخات كشخة عجييبه..

مساكين عيالهم..كيف ينفكون من كل هالقيود اللي مفروضه عليهم..

الخدامه وراهم وراهم حتى في اللعب..!!!

متى الطفل بياخذ راحته ومتى بيفكر هو بنفسه..ليش كل هالصك..

خايفين عليه من انه يتعور او خايفين عليه من الموت..؟ اللي بيصير

له من رب العالمين محد يقدر يرده..<<< كني غيرت الموضوع..؟:secret:


بالنسبة للامهات..الله يهديهم ما ادري بالضبط وش هو العذر

ولكن يمكن برستيجها ما يسمح لها انها تزور هالاماكن..:eek5:

[miss-qatr]

كلامج كله صح اختي ميه بالميه ومفروض الام يكون لها دور اكبر من الاب في هالناحية وتلغي شي اسمه خدامه اذا كانت ظروفها تساعدها ... بس في نفس الوقت مرات الوحده تكون لها ظروفها الي تمنعها من الطلعة عشان تلعب اليهال لأي سبب كان .... بس بعد عندي الأب يوديهم بروحه احسن من انه ياخذ الخدامه معاه ... انا احياناً اودي بنتي ومااحصل حد يلعب معاها وانجبر العب معاها الالعاب وتعالي عاد يا دوارة الراس من هالالعاب والناس تعلق !!!!!!!!!!!!! وانا ولا مفتكره ايش فيها يعني لما العب بنتي ايش يفرقون الاجانب عنا!!!!!!!!!!! تشوفينهم ماسكين عيالهم وهم على اللعبة وعيالهم مستانسين ... حلال عليهم وحرام علينا ... بس طبعا مش كل الالعاب (الالعاب المعقولة الي تطلب اني امسكها او اني اوقف بجانبها يعني مش اركب الطيارة او السياره ..... للحين لما وزني يصير 45 كيلو يمكن افكر العب معاها هالالعاب )
وتسلمين اختي على الموضوع
على فكره بداية موضوع قمه في الروعه وجان زين الكل يتفق ويمشي على الشي الي قلتيه ولج كل التحيه


ولك التحية موصولة اختي امينة :)

وكنك تقرين افكاري عن سالفة الجاانب وكنت حاسبة باكتبها بس خبرك اعرف سوالف اخوانا وخواتنا بالمنتدى بيطلع من الموضوع ويمسك لي (( انتي تذكرين مزايا الغرب واحنا مسلمين وباصير مع بنت أل سعد :rolleyes2:)


شكراً



ااااخ يا قلبي .. انا لين شفت هالمنظر ويا كثر ما اشووفه يرتفع الضغط عندي واقول اخس عليك من أب ومن أم .. بس تدرين وين الغلط ولا وشو السبب ؟؟
السبب إن الأب للأسف تنازل عن المسؤولية للأم .. والأم ما قصرت رضت تاخذها بشرط الريال ما يسألها ولا يحقق معاها ويخليها على راحتها .. وشسوت الأم ؟؟؟ عطت هالمسؤولية لمن !!!

" للخـــدامة "

وآآآه عليك يا زمن .. ناس ما تستاهل كلمة " أب " ولا " أم "

هلاااا بالتميا.. مطول الغيبات :telephone:
وين عسى ماشر كل هالغيبة ؟؟؟

كلامك عدل اختي

وولكم بااااااااك نور المنتدى :nice:

[miss-qatr]

اللحظات هذي ما ينساها الطفل لما يكون مع امه وأبوه سواء كانوا يقضونه بالالعاب أو للتسوق أو السفر بالاخص السفر عن طريق البر وأنا لي اليوم اذكر سفرتنا مع امي وابوي وخصوصا عن طريق البر واللحظات الحلوه هذي أتم في الذاكرة واقعد اقلب في الالبومات والصور ما اشوف وجود خادمه امبينا .
لكن هل اللحظات هذي ما بتكون موجوده في ذاكرة الاجيال القدامة وما في اي عذر يبرر غياب الأم أو الاب ، ومثل هذا المنظر انا شفته لكن مختلف من ناحية غياب الاب يعني تلاقي الأم وأولادها والخادمه . أما الاب الله يعلم في شنو لاهي .

واشكرج أختي مس قطر على الطريح .


العفو اختي وشاكره لك هالتعليق :)


هههههههههههههههههههههههه :nice:

زين يمكن منفصل او ارمل

:rolleyes2:



السلام عليكم ورحمه الله

الخادمه صارت مثل ذاك الوباء المنتشر في كل بيت ..انا ساعات اسميها قنبله نوويه :) لما تنوجد تتشوه كل الاشياء ..اذا المرأه تسمح ان الخدامه تروح مع زوجها والاعيال اسمحوا لي هاذي خساره يسمونها زوجه ...لو يسمونها أبجوره يكون افضل ...

هههههههههه

تسلمين على مرورك :)


كلامج عين العقل واتفق معاج في كل النقاط

وجود الأب والأم اثناء مشاركتهم فرحة الأبناء ولعبهم لاتقدر بثمن

موضوع رائع ويعطيج العافية


الله يعاااافيك

وتسلمين عالمرور :)


ايصير والا ما يصير....ايوارج والا ما يوارج..الله يذكرك بالخير يا حسن المهندي..:nice:


صباح الخير مسّوه

انا معك في كل اللي قلتيه..واصبح الامر عادي ان احنا نشوف الاب والعيال والخدامات ..ايه الخدامات..مهب خدامة

وحده بعد..والله شوف عيني بالاب ومعه 4 عيال و3 خدامات..!!!:eek5:

والله استغربت..معه بنت وولد شوي كبار يعني اشحقه مسحب كل هالخدامات معك..

لا وكاشخات كشخة عجييبه..

مساكين عيالهم..كيف ينفكون من كل هالقيود اللي مفروضه عليهم..

الخدامه وراهم وراهم حتى في اللعب..!!!

متى الطفل بياخذ راحته ومتى بيفكر هو بنفسه..ليش كل هالصك..

خايفين عليه من انه يتعور او خايفين عليه من الموت..؟ اللي بيصير

له من رب العالمين محد يقدر يرده..<<< كني غيرت الموضوع..؟:secret:


بالنسبة للامهات..الله يهديهم ما ادري بالضبط وش هو العذر

ولكن يمكن برستيجها ما يسمح لها انها تزور هالاماكن..:eek5:

ياهلااا براعية الالعاب الاولمبية :secret:


اي والله قلتيها بعضهم يمنعهم البرستيج

خبرك هذا ما كنه ولدها ولد البطة السودا :omen2:


شرفتيني بمرورك الغااالية ربي لايحرمني منك ولا من مرورك الحلو :)

[بو الجوري]

صباح الخير ..

والله ماقريت كل الردود ..

بس موضوع حلو صراحه ..

بشرب الشاي مع بسكوت دايجستف .. وعقب لي عوده :nice:

[بو الجوري]

الحمدلله :)

المهم ..

أنا باتكلم عن نفسي .. :rolleyes:

صراحه اول ما قريت الموضوع .. قلت ليكون شافتني :secret:

شوفي انا بكون صريح معاج .. :)

انا صارلي اسبوعين .. أروح أودي بنتيني مع الخدامه ألعاب اللاند .. وأتم معاهم وألعبهم ..

وزرجتي .. :eek5:

تسألون وين زوجتي .. اهاااا

زوجتي مسافره مع هلي .. عشان جي بتشوفوني بدون ام العيال .. :(

لكن اذا هي موجوده نكون مع بعض وتلعبهم :)


صراحه في اسباب وايد انج ماتشوفين ام العيال مع عيالها .. وانا عطيتج سببي ..

وفي اسباب مثلا الرجل ارمل او مطلق .. :weeping:

لكن السبب اللي قلتيه انها يمكن تسوي شوبنج والا مب فاضيتلهم ..
:anger1:
هذا انا اشوفه صراحه ,, وااااايد حريمم يسوونه .. (البعض) :secret:

وصج أكره هالحريم .. يقطون عيالهم ولاااا .. حزات الدريول يرجع ياخذهم .. :anger1:

أنا وام العيال صج حزات نخليهم ..:) لكن اذا الطلعه ساعتين ..

أقعد ألعبهم وعقب اغيب عنهم نص ساعه نلف على كم محل:rolleyes2:

وارجع العبهم .. ونروح البيت .. وهم يصيحون ماشبعوا:eek3:

صراحه واللي يقهرني ان مثل ما قالت هتان قطر .. وحده عندها ولدين بخدامتين :anger1:

ماعلينا .. تقبلوا مروري وتعليقي :cool: