تكفوووووووووووووون يالأخوان المساعده ...............؟؟؟

[الكاسر99]

السلام عليكم ورحمة الله وبركاته

يالأخوان هل من مساعده إذا تعرفون للمشكلة


أنا عندي جي أكس آر V8 2009 قير أوتوماتيك


في صوت طقة تطلع عندي عند قومة الموتر من 1 إلى 2 ومن 2 إلى 3الصوت اللي يطلع

عندي في قومة الموتر كان موجود عندي بعد ما مشى الموتر 4000 كيلو وتم تشحيم عمود

الشفت الخلفي والأمامي ولكن صوت الطقة موجود ولم يتغير شي حتى بعد التشحيم

وعند تشييكة الموتر في 5000 كيلو قلت للشركة عن الطقة قالوا لي من عمود الشفت الخلفي

وتم تغييره على الضمان وأول وما خذت الموتر كانت الطقة غير موجودة وفرحت وايد ولكن

رجعت الطقة مره ثانية مثل ما كانت في عمود الشفت القديم الذي تم أستبداله

والله أني كرهت الموتر من هذه الطقة ماأدري وش الحل حتى ما تطلع عندي الطقة في قومة

الموتراللي عنده الحل تكفون يا شباب لا يبخل علينا به ...............؟؟؟

نصحني العضو / مسفر 2 الله يجزاه خير أني أروح كراج الرميلة وهو يعرف يحل مشكلة الطقة

وفعلاً رحت الكاراج وأشتغل في الموتر الطقة خفت ولكن ما راحت طبعاً ما أدري وش اللي

سواه في الموتر


هل من حل للطقة أنها تروح ................؟؟؟

وهل عليها خطر أنها ممكن تأثر على القير أو أي شي ثاني ...............؟؟؟


والله عنده حل للطقة لا يبخل علي

بارك الله فيكم وآسف على إزعاجكم

أنتظر الرد منكم

[bus3od]

اخوي الكاسر هالطقه موجوده حتى فال2006 و عادي ماتأثر عالموتر حتى لو شحمت عمود الشفت بترجع بعد فتره و أنا موتري 2006 و يوم فصلت الشفت راح الصوت نهائيا بس ما أنصحك تفصله

اتمنى الاخوان يفيدونك أكثر

[الكاسر99]

اخوي الكاسر هالطقه موجوده حتى فال2006 و عادي ماتأثر عالموتر حتى لو شحمت عمود الشفت بترجع بعد فتره و أنا موتري 2006 و يوم فصلت الشفت راح الصوت نهائيا بس ما أنصحك تفصله

اتمنى الاخوان يفيدونك أكثر

تسم أخوي على مرورك

اليوم رحت كراج العبيدلي في واحد أسمه / أمتياز فنان وجربته في كذا شغله في موتر ثاني


قلت له عن الطقة عند قومة الموتر قال هذه الطقة عادية لأن الموتر دفع رباعي قالت له

أخوي موتره الطقة غير موجودة عنده

قال هذه الطقة موجودة في الفي أكس آر من 98 لأنه دفع رباعي وليس لها حل


وتقريباً 95 % موجودة في موتر الدفع الرباعي

[ام الجماجم]

كل المواتر الي فيها دفع رباعي (تيوتا ) فيها طقه عادي انا تعوت عليها واول ماسمعتها استانست لانها بينتلي ان موتري طبيعي

[الكاسر99]

كل المواتر الي فيها دفع رباعي (تيوتا ) فيها طقه عادي انا تعوت عليها واول ماسمعتها استانست لانها بينتلي ان موتري طبيعي

حلوه منك أخي تقول أنك أستانست لكن أنا ما ستانست موتر جديد وفيه طقة قهر

[زمن الغدر]

خوووووش موتر ماشي 5 الاف وفيه طقه وصوت بالقومه امحق تويوتا
الكاسر حذفه على الشركه قول لهم يالطقه تروح ولا دبروا روحكم
ولا بدلو الموتر
وانا اعلمك شي ههههههههههههههه
واحد من الربع كره موتره وهو على الضمان كسر القير مرتين وخلهم يبدلونه
تدري والله الحين يدخل عندهم الشركه يشتغلون بالموتر بذمه وضمير
يبه ذول مصاروه تجمعهم الطبله وتفرقهم العصى
وشغلهم والله اي كلام

[zeknon]

اخوي روح للتيسير اللي في شارع سلوى وخلهم يشحمون الشفت وبتدعيلي والسعر بس 10 ريال

[الكاسر99]

أخوي رحت أكثر من مره التيسير وخليتهم يترسونه قريز ولا راح الصوت

[kakashi]

يا الغالي هذي الطقه عاااااااديه جدا ومواترنا كلها فيها هالطقه
وانا موتري vx-r 2009 وفيه هالطقه ولا فكرت حتى اني اقرز الشفت
لانها طقه عاديه ومتعود عليها حتى في النيسان الفتك موجود التوماتيك طبعا


من الاخر " رييييييح بالك يا الغالي لان الموضوع مايستاهل كل هذا "

وتحياتي لكم

[الكاسر99]

يا الغالي هذي الطقه عاااااااديه جدا ومواترنا كلها فيها هالطقه
وانا موتري vx-r 2009 وفيه هالطقه ولا فكرت حتى اني اقرز الشفت
لانها طقه عاديه ومتعود عليها حتى في النيسان الفتك موجود التوماتيك طبعا


من الاخر " رييييييح بالك يا الغالي لان الموضوع مايستاهل كل هذا "

وتحياتي لكم

بردت قلبي الله يبرد قلبك

بس أخوي موتر أخوي جي أكس آر 8 سلندر وما في هذه الطقة ما أدري مواتر ومواتر