عفوا ً يالمجلس الأعلى للتعليم وين تبون !!

[أم حمد]

؟؟

نعم وين تبون ؟!!

عايشين في تخبط ومدهورين التعليم وساكتين !

بعد تبون ادهورون بناتنا ؟!

ايش تقولون حق البنات يسافرون لأمريكا عشان يحضرون دورات بدون محرم ؟!

بدون محرم !!!!!!!

:omg:

وبعد على حسابهم ؟!

؟!!

اللي بقوله

حسبي الله ونعم الوكيل كان هذا مطلبكم

:anger1:

[سهوم المنايا]

يا ام حمد ياختي العزيزة


لازم تفهمون وتعيشون بان كل واحد حر دام تبون ديمقراطية لاتحسبين كل هل قطر انهم يرفضون ارسال بناتهم بدون محرم للبعثات الدراسية


بعضهم مؤيد وبعضهم مش مؤيد والكل حر

المجلس الاعلى شرع ليس كما تحبين انتي وانما كي يحب ويخدم الطرف الاخر

[أم حمد]

يا ام حمد ياختي العزيزة


لازم تفهمون وتعيشون بان كل واحد حر دام تبون ديمقراطية لاتحسبين كل هل قطر انهم يرفضون ارسال بناتهم بدون محرم للبعثات الدراسية


بعضهم مؤيد وبعضهم مش مؤيد والكل حر

المجلس الاعلى شرع ليس كما تحبين انتي وانما كي يحب ويخدم الطرف الاخر


هل هذه هي الديمقراطيه ؟!

انسلخ عن الدين واقول ديمقراطيه !

وبعد اسكت !

اشوف اجل الديمقراطيه شغاله بس على تحرر المرأه !

مااشوفها في امور اخرى !!

لا حول ولا قوة الا بالله

[سهم المراقيب]

مرحبا أم حمد ,,

معظمنا ضد سفر المرأه من غير محرم ,, لكن هذا شأن شخصي ,,
ايش دخل المجلس الأعلى في الموضوع ؟

البنت تسافر وأهلها المسؤولين عنها ,,
وبعدين بنات قطر من زمان يسافرون من غير محرم ,, من أيام السبيعي وكافود ,,

[مالي ومال الناس]

اذا ردود عيال بلادي يقولون من زمان وشي عادي لاحول ولاقوة الا بالله

لا مب عادي .. ليش من الديمقراطية مايقولون اللي تبي معاها محرم نتحمل مصاريفة واللي ماتبي بكيفها ؟؟

ولا لهم مآرب أخرى وأهداف سامة تحت راية المجلس الأعلى للتعليم ؟؟

مب منهم من مؤسسة راند اللي مديرتها يهودية :)

اقترح نسوي يالمواطنين (كذا مدرسة خاصة) مطابقة للشروط العامة لكن تدرس عيالنا اللي نبيه من ناحية الدين والقيم الإجتماعية والعلوم التكنولوجية الهامة .. والله بنشوف الفرق بعدين :)

[..الاميرة..]

شوفي يا أم حمد ..

المعروف في المهمات الرسمية الخارجية لحضور دورات تدريبية
او مؤتمرات دولية تخص مجال عمل الموظف او الوفد الممثل لأي جهة عمل
تكون تكاليف الوفد من تذاكر وبدل تمثيل وحجوزات للفنادق على حساب جهة العمل ..

لكن في حال كان هناك طلب من إحدى المرشحات بأن يكون معها محرم لا مانع من حضورة
بشرط يكون على حسابه الشخصي وهذا هو المتعارف عليه منذُ مبطي ..

هذا بشكل عام وينطبق على أغلب الوزارات والمؤسسات ..

يعني فديتج ما يصير المرشح والمحرم او المرافق يكون على حساب جهة العمل ماصارت ..:shy:

وطبعاً اي مرشح يتم ترشيحة من جهة عمله يكون بعد موافقته الشخصية (أي اختياري)
يعني غير مجبر عليها .. :p

[مناحي السادس عشر]

شوفي يا أم حمد ..

المعروف في المهمات الرسمية الخارجية لحضور دورات تدريبية
او مؤتمرات دولية تخص مجال عمل الموظف او الوفد الممثل لأي جهة عمل
تكون تكاليف الوفد من تذاكر وبدل تمثيل وحجوزات للفنادق على حساب جهة العمل ..

لكن في حال كان هناك طلب من إحدى المرشحات بأن يكون معها محرم لا مانع من حضورة
بشرط يكون على حسابه الشخصي وهذا هو المتعارف عليه منذُ مبطي ..

هذا بشكل عام وينطبق على أغلب الوزارات والمؤسسات ..

يعني فديتج ما يصير المرشح والمحرم او المرافق يكون على حساب جهة العمل ماصارت ..:shy:

وطبعاً اي مرشح يتم ترشيحة من جهة عمله يكون بعد موافقته الشخصية (أي اختياري)
يعني غير مجبر عليها .. :p

مع كلام الاخت امبيره
يعني الحمدالله للحين ماصار هالشي غصب كلن وخاطره
كلامج صح

[بالول]

يا أم حمد ذاك الزمان راااااااااح

الحين يبون البنات يخلعون حجابهم ويتنازلون عن دينهم وقيمهم

تعالي شوفي الحكومة ..... المنقبة والمحتشمة مالها فرصة الحين في التوظيف بسبب نقابها

واذا تبي تتوظف لازم تخلع نقابها

في السابق كان للموظفات اماكن ولفتات خاصة فيهم اما الحين فقد صدرت تعليمات

بازالة الحواجز واصبحت الموظفة مخيرة اما بالعمل في بيئة مختلطة واما تجلس في بيتها

وبسبب ذلك فضل البعض الجلوس في البيت وتقديم استقالاتهم اما المحتاجة للوظيفة صارت مجبورة على الانصياع لهذه الاوامر ولاحول ولا قوة الابالله


تغريب هذا المجتمع ماشي بحسب ماهو مخطط له بداية بالتعليم والقيام بالغاء مادتي التربية الاسلامية واللغة العربية وفتح الجامعات الاجنبية وتشجيع الاختلاط فيها .... والي ماتبي .... او تعارض ... تقعد في بيت اهلها

اصبري بس 4 سنوات ورايحة تشوفين نتائج ومخرجات هذه الخطط وانحلال كامل للمجتمع

الله المستعان

[بالول]

اخ بالول انا ماشكك بكلامك لا سمح الله
بس هالكلام متأكد منه ولا اشاعات بس
ياليت تذكر لنا بعض هالاماكن الحكوميه اللي تفرض هالشي لو سمحت ؟

تفضل ... هيئة البريد تعتبر من اول الجهات الحكومية الي طبقت هالشي

[مناحي السادس عشر]

تفضل ... هيئة البريد تعتبر من اول الجهات الحكومية الي طبقت هالشي



شكرا يا بالول بس اذا فعلا مطبقين هالشي ترى مشكله

[تحداني]

السلام عليكم ورحمه الله

أختي الفاضله ام أحمد نقدر مشاعر الغضب الي فيج ونقدر العصبيه الي في داخلج ..لكن
( كل انسان حر في تصرفاته ) واذا شور البنت في يد المجلس الاعلى للتعليم هاذي كارثه انسانيه او اذا كان شورها في يد اي مؤسسه او اي وزاره حكوميه فهاذي هم كارثه ..الانسان هو سيد قراراته ..وهو من يتخذ القرار مو الأخرين ..والبنت ما اعتقد ولي امرها احد غير ابوها وامها ..وسيدتي الفاضله ( تبقى الحقيقه دائما عند اصحاب الحقيقه ) ..واختيار دراسه اللغه وتعلم اللغه الانجليزيه مو اجباري انها تسافر ولا اجباري تتحمله المجلس الاعلى للتعليم هو شئ شخصي بمعنى لما اتقولين انا ابي اتعلم لغه ..راح ارد عليج واقول يأما تتعلمينه في معهد موجود في الدوحه ..او تتعلمين في بلده اي يا امريكا او بريطانيا لكن المجلس الاعلى لا يبتعث اي طالب على اللغه هو يبتعث على الدراسه واذا البنت قررت تدرس برا هي حره ابوها وامها راضين احنه ايش علاقتنا ...شئ غريب نسمع من الناس ..

لا تضعون اللوم على الجهات في الدوله انت شخصيا وانتي شخصيا روحي اسالي استفسري يمكن يعجبك آراء الآخرين ويمكن لا ..


الانسان واهل بيته هم اصحاب القرار وليس الآخرين ..مافي احد يحرض احد على شئ ..كل واحد يسمي نفسه عاقل وعنده عقل ..شوووووووووره في يده وعقله في مخه مو في مخ الهيئات والوزارات..واذا انت اليوم اخي القاريئ اختي القارئه ما ترضين الدراسه في الخارج او الاختلاط في الوزارات او الزواج من الاجانب او او او او في ناس تقبل لانه عايشين في دنيا فيها اشكال الوان من الناس ومن التربيات ومن المباديئ احنه ما عايشين في مدينه فاضله ..
المدينه الفاضله والمباديئ الي نتمسك فيها يمكن نقدر نرسمها وانطبقها خلال جدارن البيت اما نفرضها على الاخرين صعبه جدا
وجهه النظر قد تلقى القبول وقد تلقى الرفض ..لكن يكفي اني رفضت ان اكون ( شيطان اخرس )
..الله يحفظكم ويسعدكم ...

[بومحمد911]

اشكرج على الموضوع ام حمد

باختصار اقول هذه ضريبة الديمقراطية

[el7rah]

هيه والله حراااااااااااام بدون محرم

[جوال 11]

أم حمد
شكرا على غيرتك ولكن هل سمعتي كلمة بوي وبنوته وماذا تعني ؟
أنها في جامعتنا المعتمدين عليها عندما سمعتها ذهب ذهني للشخص الذي ينظف ولكن عندما علمت معناها اليوم لدى الفتيات لم أتمالك ونصحت كل من يريد أن يضع أبنته في الجامعات أن لا يفعل .

[أم حمد]

ياعرب

المجلس الاعلى طلب من موظفاته

حضور الدوره بدون محرم !

وفوق هذا يسافرون على حسابهم

معقوله هالاكلام عادي !

عفوا ُ

انا وين !!!!!!!!!!!!!!!!!

[أم حمد]

فااااااااصل ومن ثم نواااصل

<==== :|

[بندرصالحي]

ياعرب

المجلس الاعلى طلب من موظفاته

حضور الدوره بدون محرم !

وفوق هذا يسافرون على حسابهم

معقوله هالاكلام عادي !

عفوا ُ

انا وين !!!!!!!!!!!!!!!!!
اين المصدر
اشاعات محد طلب هذا الشيء والتجني حرام ومافيه دورات بدون بدل تمثيل
وبدل التمثيل نزل بمرسوم يعني لازم كلن ياخذ حقه
ارجع واقول ضعي دليلك صوره من كتاب او اي دليل اخر اما كلام بدون دليل اللسان مافيه عظم
وفي الاخير محد يضرب حد علا يده الي يبي يسافر الله يحفظه والي تبي بيتها الله يستر عليها

[أم حمد]

مرحبا أم حمد ,,

معظمنا ضد سفر المرأه من غير محرم ,, لكن هذا شأن شخصي ,,
ايش دخل المجلس الأعلى في الموضوع ؟

البنت تسافر وأهلها المسؤولين عنها ,,
وبعدين بنات قطر من زمان يسافرون من غير محرم ,, من أيام السبيعي وكافود ,,



عفوا ً انا اتكلم عن موظفات المجلس الاعلى

ويكون الامر اختياري !

ومش يكون امر

سافروا بدون محرم !

بخصوص الطالبات ادري طال عمرك ومش هذا موضوعنا !

لاهنت اخوي

/

[أم حمد]

اذا ردود عيال بلادي يقولون من زمان وشي عادي لاحول ولاقوة الا بالله

لا مب عادي .. ليش من الديمقراطية مايقولون اللي تبي معاها محرم نتحمل مصاريفة واللي ماتبي بكيفها ؟؟

ولا لهم مآرب أخرى وأهداف سامة تحت راية المجلس الأعلى للتعليم ؟؟

مب منهم من مؤسسة راند اللي مديرتها يهودية :)

اقترح نسوي يالمواطنين (كذا مدرسة خاصة) مطابقة للشروط العامة لكن تدرس عيالنا اللي نبيه من ناحية الدين والقيم الإجتماعية والعلوم التكنولوجية الهامة .. والله بنشوف الفرق بعدين :)


:nice:

جزاك الله خير

كفيت ووفيت ونعم الرد

هذا اللي نبيه ونصيح لاجله

لاهنت !

[أم حمد]

شوفي يا أم حمد ..

المعروف في المهمات الرسمية الخارجية لحضور دورات تدريبية
او مؤتمرات دولية تخص مجال عمل الموظف او الوفد الممثل لأي جهة عمل
تكون تكاليف الوفد من تذاكر وبدل تمثيل وحجوزات للفنادق على حساب جهة العمل ..

لكن في حال كان هناك طلب من إحدى المرشحات بأن يكون معها محرم لا مانع من حضورة
بشرط يكون على حسابه الشخصي وهذا هو المتعارف عليه منذُ مبطي ..

هذا بشكل عام وينطبق على أغلب الوزارات والمؤسسات ..

يعني فديتج ما يصير المرشح والمحرم او المرافق يكون على حساب جهة العمل ماصارت ..:shy:

وطبعاً اي مرشح يتم ترشيحة من جهة عمله يكون بعد موافقته الشخصية (أي اختياري)
يعني غير مجبر عليها .. :p


ارحبي يالاميره

المعروف معروف

واذا كانت بتسافر وتبي محرمها معها وعلى حسابه بعد على العين والراس

كل هذا مثل ماذكرتي معروف ونحترمه جدا ً

لكن اللي مايدش العقل

ان يصير العكس

هذا سبب موضوعي عرفتي يابعد حيي !

هذا اللي وصلني

طلبوا منهم ان يحضرون الدوره بدون محرم

وعلى حسابهم !

هذا والعهده على ذمة الراويه

ولا اضن انها بتألف لجل لا شي !

:rolleyes2:

لاهنتي

[شيزكيك]

انا ما ادري عن هالموضوع بس الي اعرفه ان المدارس المستقله يطرشون المدرسات حق
مؤتمرات ويدفعون لهم البدلات والتذاكر وطبعا المرافق بيكون على حسابه وهالمدارس تابعه

حق المجلس الاعلى

[pinky]

عفوا
لا يعقل ها الكلام يا ام حمد هالاخت مبالغه ما فيه دورات ولا بعثات رسميه بدون تذاكر وبدلات السفر
وثانيا الي بتروح بدون محرم او بمحرم ترجع لشخص نفسه ومدى غيرته على نفسه وترجع للاهل في اتخاذهم قرارتهم وهم يتحملون عواقب ترك بناتهم بالخارج والله يحفظ الجميع ويستر على بناتنا

[أم حمد]

والله انا اتمنى يرد علينا قسم العلاقات العامه بالمجلس الاعلى للتعليم

ويقول عفوا ً ياام حمد

ماذكرتيه في شبكة الاسهم القطرية غير صحيح

:)

والوعد قدام !!

[أم حمد]

مع كلام الاخت امبيره
يعني الحمدالله للحين ماصار هالشي غصب كلن وخاطره
كلامج صح


واللي تبي تسافر بمحرم مالها رب !

افرض انا رشحت نفسي وقبلوني وقلت لهم ابي محرم يقولون لا !

مالهم حق يقولون لا !!

ويحرمون ذوات المحرم من السفر !!

:eek5:

[أم حمد]

يا أم حمد ذاك الزمان راااااااااح

الحين يبون البنات يخلعون حجابهم ويتنازلون عن دينهم وقيمهم

تعالي شوفي الحكومة ..... المنقبة والمحتشمة مالها فرصة الحين في التوظيف بسبب نقابها

واذا تبي تتوظف لازم تخلع نقابها

في السابق كان للموظفات اماكن ولفتات خاصة فيهم اما الحين فقد صدرت تعليمات

بازالة الحواجز واصبحت الموظفة مخيرة اما بالعمل في بيئة مختلطة واما تجلس في بيتها

وبسبب ذلك فضل البعض الجلوس في البيت وتقديم استقالاتهم اما المحتاجة للوظيفة صارت مجبورة على الانصياع لهذه الاوامر ولاحول ولا قوة الابالله


تغريب هذا المجتمع ماشي بحسب ماهو مخطط له بداية بالتعليم والقيام بالغاء مادتي التربية الاسلامية واللغة العربية وفتح الجامعات الاجنبية وتشجيع الاختلاط فيها .... والي ماتبي .... او تعارض ... تقعد في بيت اهلها

اصبري بس 4 سنوات ورايحة تشوفين نتائج ومخرجات هذه الخطط وانحلال كامل للمجتمع

الله المستعان


لا حول ولا قوة الا بالله

يالله لاتغضب علينا يالله

:weeping:

[مناحي السادس عشر]

واللي تبي تسافر بمحرم مالها رب !

افرض انا رشحت نفسي وقبلوني وقلت لهم ابي محرم يقولون لا !

مالهم حق يقولون لا !!

ويحرمون ذوات المحرم من السفر !!

:eek5:


قولي لا يا ام حمد وين الشكله اهم ماعليج دينج ونفسج واذا عالدنيا لاحقين عليها
رشحوج وقلتي ابي محرم وقالوا لا قولي لهم الف لا انتي الرابحه
يعني بالنهايه قرارج في يدج

[أم حمد]

شكرا يا بالول بس اذا فعلا مطبقين هالشي ترى مشكله


مشكله بس !!

المشكله كل ماتكلمنا قالووو عاااااااادي

:omg:


الله يرحم جدتي ويغمد روحها الجنه ويرحم اموات المسلمين اجمعين

كانت تقول اذا اقبلنا على منطقه عانين لها تقول اسكتوا اسكتوا لايسمعونكم الرجاجيل وحنا فالموتر والدرايش مسكره كنا نضحك لان حنا صغار لكن الحين ماقول الا الله يرحمس ياجدتي

:weeping:

[الطيبة كلها]

بلا حرية وقلة دين وادب ما تيجي الا المصايب من وراها المفروض تمنع اي وحده من السفر من غير محرم مب اختياري

[سعــــــــود]

ياعرب

المجلس الاعلى طلب من موظفاته

حضور الدوره بدون محرم !

وفوق هذا يسافرون على حسابهم
معقوله هالاكلام عادي !

عفوا ُ

انا وين !!!!!!!!!!!!!!!!!




بما ان للمادة دخل في الموضوع فمن الممكن ان تدفع الدولة المبلغ لكي تلتزموا الصمت وتأتوا بدون محرم !