احترموا نفسكم احسن لكم ..ولا انثبروا في ابيوتكم ..

[تحداني]

السلام عليكم ورحمه الله

أصبحنا واصبح الملك لله ..:) لا اتعصبون علي ..وهدوا اعصابكم ..وتعالوا نقرى للآخر ..
نقول بسم الله

ملان ..طفشان ..وهموم الدنيا متجمعه فيك ..ويمكن تكون فرحان ..وطاير من الوناسه ..قررت تركب سيارتك ..واتفقتي مع هلج تطلعون ..(الهدف هو تغير جو )..اما مطعم ..او سينما ..او بحر ..او حتى تتمشى على الكورنيش ..تتفاجئ بتجمعات غريبه( البعض وليس الكل ) اشبه ما تكون بحفله تنكريه
( جل وكأنه حاط ابشعره علبه صمغ ..لبس اصغر من مقاسه 5 مرات ..ضحك وصراخ ابصوت عالي على شئ ما يضحك ..حركات استعراضيه مره ينط ..ومره الاخت ادخن ..لبس موحد بلون موحد ) تقدر تقول قاعد تشوف حلقه من حلقات المهرجين يمكن .. وللأسف من ؟؟ شباب وبنات ابعمر الورد ..طيب ليه كل هذا ..
ليه هالسلوكيات الي كانت ابعيده كل البعد عن مجتماعاتنا ؟
ليه لفت الانتباه وتوجيه انظار الآخرين عليك ..على شئ في اهانه لذاتك ؟
ليه في اعتقادك ان الرجوله تكون ابهالطريقه ..والانوثه يعني انه الوحده تتجرد من كل شئ ؟؟
ليه تعتبر ان مراهقتك وجنسيتك مهما كانت تسمح لك انك اتسوي شئ غلط وانت مدرك انه غلط لكن هو تمرد مع النفس ؟؟
ليه ما تحترم الآخرين في الشارع وهو مكان مو ملكك ولا حتى الاماكن العامه ملكك انت ؟؟
ليه ما تفترض انه يمكن طفل يتأثر ابسلوكك الخطأ ..؟؟
راح تقول حريه شخصيه ..راح اقول لك حاضر تحت امرك لكن حريتك في حدود بيتك ..حريتك في مكان يعنيك انت فقط ..سلوكك صحيح انه ما راح يمس الا نفسك وذاتك واهلك وتربيتك لكن مو من حقك تمارسه امام الملأ امام طفل ومراهق وامرأه ورجل كبير بالعمر ..

حرام الي تسونه في نفسكم ..حرام تقتلون شبابكم بأشياء تافهه ..راح تقول نزوه واتعدي ..راح اقول لك ليه ما تكون نزوتك احترامك لذاتك بدل ما تهينها ...
عيب عليكم ..وعيب عليج ..لانه هاذي قله ادب ..قله احترام ..بس مستحيل تكون قله فهم ووعي لانكم اذكى من الذكاء في اشياء تبونها وتتغيبون على اخطائكم ..

اسمحوا لي اقول لكم انثبروا في ابيوتكم احسن لكم ( البعض وليس الكل )

الله يسعدكم يارب

[ودي أكون]

الاهل ماعرفوا يربون ..

لو عاشوا ع وطر الثمانينات وقبل جان اعرفوا ان الشياب حق :taunt:

[الرايــق]

الله يرحم زمان اول بس
اليحن لا تربية ولا شي

ويا كثرهم اللي ذكرتهم

[سعــــــــود]

لن تلم الاجانب هنا عندما ترى مايفعله الخليجيين والخليجيات في الخارج !!

لندن - باريس - القاهره - لبنان ..

مثل مانشوف أخطاؤهم هنا فتأكد انهم يشوفون أخطأئنا .

[تحداني]

بنت المرحوم / اشكر ردج ومرورج التربيه قد يكون لها علاقه بس مو لهالدرجه ..لانه ساعات الواحد يربي ويكبر ويعلم ويزرع المباديئ ويتفاجئ ان اعياله اطلعوا عكس هذا كله ..

الرايق / الله يرحم كل شئ ..لانه كل شئ صار لا له طعم وكل شئ تغير وتبدل ..

سعود / انا ما خصيت جنسيه معينه ولا استثنيت الاقطرين منهم ولا حتى بديت جنسيه عن جنسيه انا اتكلم ابشكل عام ( على فكره ما صرنا انميز الخليجي عن العربي - عن الاجنبي كله صار واحد )

الله يسعدكم يارب

[بوخليفة3]

لن تلم الاجانب هنا عندما ترى مايفعله الخليجيين والخليجيات في الخارج !!

لندن - باريس - القاهره - لبنان ..

مثل مانشوف أخطاؤهم هنا فتأكد انهم يشوفون أخطأئنا .




كنت برد على الموضوع بس لما شفت ردك سكت

[تحداني]

بو خليفه 3 / حنه ما خصينه فئة معينه ..حنه ما تكلمنا عن مواطن ولا مقيم ..حنه تكلمنا بالعموم ( اقول لو عرفتوا اتميزونهم زين ) يا خاوفي اتقول لهذا انت اقطري ولذاك انت ( اي دوله وجنسيه ثانيه ) ..
الله يسعدك يارب

[pink girl]

لن تلم الاجانب هنا عندما ترى مايفعله الخليجيين والخليجيات في الخارج !!

لندن - باريس - القاهره - لبنان ..

مثل مانشوف أخطاؤهم هنا فتأكد انهم يشوفون أخطأئنا .




بصراحه اخوي سعود عليك ردود بعض الاحيان قويه وفي الصميم لدرجة اني بديت اشك

ان معرف (سعود ) يكتب به عدة اشخاص مختلفين :con2:

[ضوى]

بصراحه اخوي سعود عليك ردود بعض الاحيان قويه وفي الصميم لدرجة اني بديت اشك

ان معرف (سعود ) يكتب به عدة اشخاص مختلفين :con2:


:victory::victory:

[!الشايمه!]

بصراحه اخوي سعود عليك ردود بعض الاحيان قويه وفي الصميم لدرجة اني بديت اشك

ان معرف (سعود ) يكتب به عدة اشخاص مختلفين :con2:


:) احيان قوية.....واحيان مانفهم ولا حرف...كانهم عشره يتكلمون مع بعض هههههههه

.....

بالخارج ....مجتمعات مفتوحه .....لادين ولا اخلاق...كل الامور عندهم سهالات
وتصرفات الخليجين....او غيرهم....لاراح تزيد ولا تضر الا الاشخاص انفسهم...
لكن صعبه.... نطبق هذا الشئ في مجتمعاتنا....نظل محافظين ....ولو فتحت الابواب
لكل من هب ودب .......

وضعنا مجتمعنا..... كوضع.......من يختلس النظر من فتحة القفل...بينما الباب مفتوح على مصراعيه.......!!!!

تحية

[عـيـون قـطـر]

هي الله يرحم زمان اول صح ماعشناها ولا شفناها بس سمعنا عنهااااااااااااا والله الحين الواحد ما يبي يطلع مع هله عشان يتجنب من هاي الأشكال لأني انا من الناس الي مايحب حد يضحك بصوت على ولا يطالعني ويزيد ضحكه مو بعيده على اروحه واتلاقي معاه له ياخي لا تحترف نفسك بس احترم الناس الي حولك
اما البنات ربي يستر عليهم

[pink girl]

:victory::victory:



:nice::nice:



:) احيان قوية.....واحيان مانفهم ولا حرف...كانهم عشره يتكلمون مع بعض هههههههه







يبيلهم مطوع يقرأ عليهم عشان يطلعون omen





بالخارج ....مجتمعات مفتوحه .....لادين ولا اخلاق...كل الامور عندهم سهالات
وتصرفات الخليجين....او غيرهم....لاراح تزيد ولا تضر الا الاشخاص انفسهم...
لكن صعبه.... نطبق هذا الشئ في مجتمعاتنا....نظل محافظين ....ولو فتحت الابواب
لكل من هب ودب .......

وضعنا مجتمعنا..... كوضع.......من يختلس النظر من فتحة القفل...بينما الباب مفتوح على مصراعيه.......!!!!

تحية



مع اني مع حرية التعبير الا انني ضد تفسخ المجتمع بهذا الشكل . ما يحدث في مجتمعاتنا

هو انحطاط اخلاقي وليس حرية تعبير او تقدم حضاري . المجتمع القطري يمتاز بأنه مجتمع

محافظ فاذا فقد هذه الميزه سوف يفقد اشياء كثيره ونندم على فقدانها ولن نسترجعها

بسهوله . لازال هناك متسع من الوقت لانقاذ ما يمكن انقاذه .

تحياتي

[تحداني]

pink girl: الله يسعدج ..صحيح ما نقدر نرسم مدينه فاضله ابكل تفاصيلها ..صحيح من الصعب التحكم في كل اصناف البشر وتصرفاتهم وسلوكياتهم ..بس على الاقل اذا كنت او كنتي تشوفي الحريه بإنحطاط اخلاقي بالهاطريقه ..ارجوكم مو بالشارع ..خليها في ابيوتكم ..

الشايمه : صحيح ان كل مجتمع او كل بقعه بشريه بها من السلوكيات المرفوضه ..بها من التصرفات الغريبه ..لكن مثل ما ذكرتي حضرتج والاخوان والخوات كلهم اننا لا نسمح بهذا كله في قطر ..صحيح ان ابوابنا اصبحت مفتوحه اكثر ..صحيح اننا من اجل التطور والتفتح لابد ان تكون هناك تنازلات ..لكن مو بالشارع ... امام الملأ ...هذا الي نرفضه ..الله يسعدج ..

عيون قطر : كل شئ مضى عليه ومرت السنين والايام هم عليه بيكون اجمل واحلى ...الله يحفظ بناتنا ..دفعنا ضريبه التفتح والتحضر وحريه المرأه .وتمرد الرجل اشياء كثيره ...الله يستر من الي جاي ... الله يسعدج

[pink girl]

[B]
pink girl: الله يسعدج ..صحيح ما نقدر نرسم مدينه فاضله ابكل تفاصيلها ..صحيح من الصعب التحكم في كل اصناف البشر وتصرفاتهم وسلوكياتهم ..[COLOR="Red"]بس على الاقل اذا كنت او كنتي تشوفي الحريه بإنحطاط اخلاقي بالهاطريقه ..ارجوكم مو بالشارع ..خليها في ابيوتكم ..



اخوي تحداني الزمن . يا انك ما قرأت اللي انا كتبته او انك قرأت ولم تفهم قصدي . والنتيجه

وحده لان ردك يدل على ذلك .

اعيد لك ما كتبته انا بشكل اوضح حتى تتضح الصوره لك :



[CENTER]:nice::nice:






مع اني مع حرية التعبير الا انني ضد تفسخ المجتمع بهذا الشكل .

ما يحدث في مجتمعاتنا هو انحطاط اخلاقي وليس حرية تعبير او تقدم

حضاري .

المجتمع القطري يمتاز بأنه مجتمع محافظ فاذا فقد هذه الميزه سوف يفقد اشياء كثيره

ونندم على فقدانها ولن نسترجعها بسهوله .


لازال هناك متسع من الوقت لانقاذ ما يمكن انقاذه .



وشكرا لك واتمنى الصوره اوضحت .

[تحداني]

اعتذر لك يا سيدتي الفاضله ويبدو اني اخطأت في نقل وجهه نظري وتعليقي على كلامج ما اقصد فيه انك مع انحطاط الاخلاق ومع التفتح لا والله...قرأت تعليقك قبل لا تنسخين ..

[ذهـب]

شنو نقدر نسوي اذا انا اجوف اخوي بهالستايل واختي بعد ,, اصغر مني وما افدر افرض اوامري عليهم ,, عندهم الكلمة بعشر ويمكن اكثر .
انتوا زمن غير وحنا زمن غير , هالجملة ذبحتني , لا والمشكلة لما تتناقش معاهم في هالموضوع يدخلون لك من باب صراع الاجيال ,

[تحداني]

صباح الخير

ذهب / في اشياء في الحياه ممكن الواحد يطنشها ..ويسكت عنه ..وفي اشياء ما تنسكت عليها ..مثل هالتصرفات عواقبها اكبيره وعمليه مقارنه السابق بالوقت الحالي هو تبرير الاخطاء لمجرد التبرير ..حاول معاهم وان ردوا عليك الكلمه ابعشره وقفهم عند حدهم وصدقني مع الايام راح يشكرونك لانهم مو عارفين مصلحتهم ...الله يحفظهم ويستر عليهم ..ويعطيك على قد نيتك ...

[ام خليفة]

اذا على المقيم تهوووون

لكن شوف عيني شفت شباب قطرين 2 يمشون في السيتي بينهم لبنانيه لابسه ملابس ضيقققققه وكاشخه وهم يمسكونها من خصرها كل واحد من صوب وشارين لها مجوهرات وكل ماشافت شي يعجبها تتدلع عليهم ويشترون لها .. اقتهرت على قمه الانحطاط اللي وصلو له الناس .. ومادري ليش يجاهرون بالمعصيه جدام الناس وكان مب هامهم احد ..

وياما شفنا وشفنا وبنشوووووووووووووووووف يالله حسن الخاتمه

[تحداني]

ام خليفه : اليوم الادب والاحترام والاخلاق ...عند ( البعض من الناس ) صار شئ شاذ وصارت حتى التصرفات الي ابعيده كل البعد عن مجتمعاتنا هي المرغوبه ولو ما مارسوها يعتبرونا انسان متخلف ...دنيا غريبه عجيبه ...
وفي خاطري اقول شئ بس خوفي يفهم خطأ وتقلب الامور رأسا على عقب ..والا عندي رد جايد :)
الله يستر علينا يارب وعلى كل غالي