جلسة مغلقة بين ممثل شركة عبدالغني و ـ ـ ـ ـ

[حمد بن خالد]

السالفة وصلتني أمس ,, وبقولها لكم مثل ماقالها لي الريال

====

سألت الريال .. البورصة نازلة ,, لي متى يعني ؟؟

قال لي ماعرف والمشكلة انها في العالم كله واحنا اجتمعنا مع أكثر من مسؤول ومافي فايده

واللي حاصل محد يعرف يحلله وغير عن كل الندوات والمؤتمرات اللي حضرناها

واللي يقهر ان العالم يدحدر تحت كل يوم واخونا عبدالغني يرفع الاسعار

لين اطلبوه وقالوا له لازم تنزل من اسعارك

(( اذا المصنع نفسه نزل من الأسعار لك بنسبة 20% وانته رفعت بنسبة 20% ,, هالكلام مش معقول ومايدخل العقل ))

طبعا هذا مش طلب لشركة عبدالغني ,, هذا أمر

والفترة الياية بنشوف اللي راح يصير

====

وجهة نظري ان التجارة شطارة والتاجر الشاطر هو اللي يعرف يستغل الناس ,, لكن ماتوصل لهالدرجة

همسة : لو صاحب التويوتا واحد من شاكلة عبدالله عبدالغني لكن ظهره قوي هل بيصير هالكلام

ولحد يقول ظهره قوي ,, ترى الفلوس ماتسوي شي جدام الحكومة

[ولد قطــــــر]

(( اذا المصنع نفسه نزل من الأسعار لك بنسبة 20% وانته رفعت بنسبة 20% ,, هالكلام مش معقول ومايدخل العقل ))




ياليت نعرف المصدر ؟؟؟

[حمد بن خالد]

المصدر واحد من الناس

اذا تدور مصدر رسمي ماعندي

وكلها سوالف ميالس

[جاسم القطري]

الحين البريمي بيفتح بالدوحه ...؟ صج ولا ...؟

لو الشباب يوقفون وقفه وحده وما يشترون غصباً عنه بينزل

لكن الشباب للحين يراكضون ورا الوكاله

[PoBox]

*
*


اخوي حمد بن خالد شلون جلسة مغلقة بين اليابان وعبدالغني
والحين كل قطر تدريبها ؟! شي مش منطقي نوعا ما

وثاني شي مستحيل يوصلهم هالطلب
التكلفة على عبدالغني شبه ثابته ودامه محقق ارباح عاليه ومتزايده ككميات بيع
فمن الحماقة انه يخفض السعر

سوق الشرق الاوسط يعول عليه في تعويض خسائر اماكن اخرى
فماراح يقولونله نزل سعرك لجل تبيع اكثر
في حين يقدر يحافظ على سعره ويبيع نفس الكمية
وحتى يزيد وكذلك البيع شغال

[خــطــافــ]

في خبر غبي سمعته

انه الشركه الام في اليابان تعول على سوق الخليج لتعويض جزء من خسائرها

يعني قالوا عرب مايفهمون واذا فهموا بتكون وقتها الازمه تعدلت في باقي الاسواق

خبركم الاستيعاب بطيئ

[الطيبة كلها]

اخوي حلو انك تعطينا اخبار جديدة بس كلمة شاكله عبد الغني مب حلوة وفيها مهانه وهم ناس اخيار وطيبين وكريمين بالعطاء والخير ومحد جبر حد على انه يشتري والخير بقطر الله يبارك وايد اللي عنده خل يشتري ليش احس الناس حاقدين عليهم هاي تجارة شوفوا اللبنانين واسعارهم بحفلات الاعراس والا اللبنانيات بالصالونات واسعاهرهم النار على الاقل هذا ولد البلد لما كانت الاراضي نار ولا الفرادان واسعارة نار وغيرهم وغيرهم ليش محد يجيب طاريهم الا عبد الغني اللي زايد باسعاره يعني

[خــطــافــ]

اخوي حلو انك تعطينا اخبار جديدة بس كلمة شاكله عبد الغني مب حلوة وفيها مهانه وهم ناس اخيار وطيبين وكريمين بالعطاء والخير ومحد جبر حد على انه يشتري والخير بقطر الله يبارك وايد اللي عنده خل يشتري ليش احس الناس حاقدين عليهم هاي تجارة شوفوا اللبنانين واسعارهم بحفلات الاعراس والا اللبنانيات بالصالونات واسعاهرهم النار على الاقل هذا ولد البلد لما كانت الاراضي نار ولا الفرادان واسعارة نار وغيرهم وغيرهم ليش محد يجيب طاريهم الا عبد الغني اللي زايد باسعاره يعني


:nice:

وايد احس من غيرهم

بس ارفعوا الاسعار

ماخربطوا مثل غيرهم :secret:

[MLAAS]

ياجماعه ليش تعورون رووووسكم

انا عندي لكم حل ولا اروع ..

اشتر سياره وارد امريكا او وارد اليابان

صدقوني التكلفه اقل

والدليل

الفي اكس ار في امريكا .. مكينه لكزس اصفااااااااااااااررر .. يجيك لين الدوحه ب 260 الف

وقارن بين الفي اكس ار وارد امريكا فل ابشن مكينه لكزس ب 260 الف
وبين في اكس ار عبد الغني فل ابشن مكينه تيوتا ب 260 الف

الاف جي وارد امريكا اصفار بيوصلك لين الدوحه ب اقل من 100 الف
والاف جي وارد عبد الغني اظن انه اكثر من 120 الف

والخيار لكم

[ALRAYYAN]

ياخبر اليوم بفلوس وبكره ببلاش

[بنت سعادة السفير]

والله من كم يووم جات الفكره في بالي اطلب لكزس فورويل صادر اليابان
المشكله ان اللي عندي يصعبوون الامووررر

الله المستعااان :weeping: :secret:

[abdulla999]

اخوي مشكورعلى الموضوع اهم شئي عن التجار الفلوس والعالم كله ينزل في اسعاره وحنا عندنت الاسعار طلعه فوق يبون يعوضون خسائرهم علينا

[abdulla999]

اخوي مشكورعلى الموضوع اهم شئي عند التجار الفلوس والعالم كله ينزل في اسعاره وحنا عندنه الاسعار طلعه فوق يبون يعوضون خسائرهم علينا

[حمد بن خالد]

*
*


اخوي حمد بن خالد شلون جلسة مغلقة بين اليابان وعبدالغني
والحين كل قطر تدريبها ؟! شي مش منطقي نوعا ما

وثاني شي مستحيل يوصلهم هالطلب
التكلفة على عبدالغني شبه ثابته ودامه محقق ارباح عاليه ومتزايده ككميات بيع
فمن الحماقة انه يخفض السعر

سوق الشرق الاوسط يعول عليه في تعويض خسائر اماكن اخرى
فماراح يقولونله نزل سعرك لجل تبيع اكثر
في حين يقدر يحافظ على سعره ويبيع نفس الكمية
وحتى يزيد وكذلك البيع شغال





شياب طاري اليابان في السالفة

الجلسة بين ممثل شركة عبدالغني ووزارة الاقتصاد من ياب طاري اليابان الحين

اللي انا ذكرته ان وزارة الاقتصاد قالوا لممثل الشركة لازم تنزلون من الأسعار دام المصنع منزل لكم القيمة ,, مب ترفع عالناس دام انك تعرف انهم يبونك بكل الطرق

يمكن لاني ماوضحت فأنت مافهمت كلامي

السموحة منك لعدم التوضيح

[حمد بن خالد]

اخوي حلو انك تعطينا اخبار جديدة بس كلمة شاكله عبد الغني مب حلوة وفيها مهانه وهم ناس اخيار وطيبين وكريمين بالعطاء والخير ومحد جبر حد على انه يشتري والخير بقطر الله يبارك وايد اللي عنده خل يشتري ليش احس الناس حاقدين عليهم هاي تجارة شوفوا اللبنانين واسعارهم بحفلات الاعراس والا اللبنانيات بالصالونات واسعاهرهم النار على الاقل هذا ولد البلد لما كانت الاراضي نار ولا الفرادان واسعارة نار وغيرهم وغيرهم ليش محد يجيب طاريهم الا عبد الغني اللي زايد باسعاره يعني

كلهم فيهم الخير ومحد ينكر هالكلام

وأنا بنفسي أقول الريال مب مقصر في حق نفسه ولا بحق ربه وواصل ويوصل الناس كلها وماهمته الفلوس ولا غرته بعمره

شاكلة عبدالغني أعتقد فهمت المقصود بها لكن انته تحسست من الكلمة

لاتخاف اخوي قصدي مب عنصري

قصدي في التجارة

وأنته عارف هالأمور

وعارف الحكومة شلون تتصرف

وعبدالغني مايعتمد على حد وياما حاولوا يحاربونه ويطيحونه من فوق والريال قاوم بنفسه بدون لايعتمد على حد

اتمنى تفهم المقصود بالكلام بدون الحساسيات

[الجزيـرة $]

ولحد يقول ظهره قوي ,, ترى الفلوس ماتسوي شي جدام الحكومة



:nice::nice::nice::nice::nice:

[طبـ الود ـعي]

تسلم على المعلومات الطيبة ياخوي بوخالد




وأنشالله التوفيق للجميع :)

[انا]

بو خالد انا صراحة بشتري موتر خلال اسبوع Gxr

انطر شوي ولا اتوكل على الله ......؟

[حمد بن خالد]

بو خالد انا صراحة بشتري موتر خلال اسبوع Gxr

انطر شوي ولا اتوكل على الله ......؟

اشتر وتوكل على الله

بتيلس تنتظر لي متى

مانبي نقطع رزق الريال اللي وده يشتري .. يشتري

انا توني ماخذ VX-R وماراح انتظر لين ينزلون الأسعار ولا يفتح وكيل غير عبدالغني

الموضوع انظرح كـ معلومة اشاركم فيها فقط لا غير

وان في اهتمام من جانب الحكومة للشعب

:)

[الـقـاسـي]

اخواني العيب فينا أحنا مب في عبدالغني ولا في وكلاء السيارات الثانية ..
احنا الحمد لله الله منعم علينا ومانحاتي بس مافي وقفه وحده ضد هالشي
المواتر لو تتعدى ال 300 الف أقصد ال فيكسار والجيكسار بعد بناخذ طالما البنك موجود
المشكلة كل واحد فينا يقول انا باخذ موتر وغيري يقاطعهم
وكلنا نقول بنقاطعهم كلام بس ولا الحقيقة كلنا نشتري .. أحنا بهالطريقة نضحك على أنفسنا ..

[البيت بيتك]

المشكله مب فى الشركه المشكله فى الناس الى تشتري

[bu 3li]

واحد من الربع يسولف لي امس عن رفيجه .. يقول راح يشوف الفكسار 2009

قالوا له متوفر بـ جميع الالوان اللي تبيها وسووا له خصم ( على كلامه ) 10,000 ريال

عاد ما ادري هل من بعد الجلسه المغلقه اللي اكتبوا عنها ولا هـ الشي عشان يصرفون بضاعتهم

[فلفل حار]

ياعيني عليك يا حمد بن خالد

تسلم علي الخبر يالغالي

:):):):):)