كلام فاضي...!!!

[حبر سري]

السلام عليكم ورحمة الله


في هالموضوع راح استعرض يعض المقولات الدارجة - للأسف - عند كثير من الناس , والبعض يعتبرها حقائق , لكنها لاتمت للاسلام بصلة , ولا للتقاليد الاجتماعية بصلة ايضا , واللي عنده مقولات اكثر ياريت يضعها ايضا:

1-الأقارب عقارب :
بصراحة ماادري من وين تطلع مثل هالمقولات , الاهل عزوة وسند , وشلون صاروا عقارب؟ والرسول عليه السلام يقول : خيركم خيركم لأهله , وانا خيركم لأهلي , واللي ماله اول ماله تالي , واللي يقول مثل هالكلام فهو يسئ لنفسه بالدرجة الاولى , فكل حب يطلع على بذره

2-عيش نذل موت مرتاح:rolleyes2: :
وهالجملة شفتها في بعض تواقيع الاعضاء في بعض المنتديات , والنذالة ابعد ماتكون عن تعاليم الاسلام , ثم عن اعرافنا الاجتماعية , والرسول عليه السلام يقول(بما معناه) : الله في عون العبد ماكان العبد في عون اخيه , والمجتمع الانساني اصلا مجتمع مترابط , لايمكن لانسان ان يعيش وحيدا , فالكل في حاجة الكل.

3-الزواج شر لابد منه:
متى كان الزواج شر؟لو كان شر ماكان الرسول عليه السلام رغّب فيه وشجّع عليه , واذا كان الزواج شر , شنهو الخير؟؟؟العلاقات المحرّمة؟

والله يعطيكم العافية
(اللي عنده اي مقولة ثانية ياريت لو يتكرّم ويضيفها)



حبر سري

[نحول]

انه اختلف معاك بالاولى وايدك بالثانية والثالثة

الاهل عزة وسند اوكى بس كلهم مثل ماتصور وانت عارف هالشلة

صح الرسول صلى الله عليه وسلم وصى بالاهل بس لاتنسى هم اطردوه من مكه واذوه

وبمعركة بدر تحارب الصحابة مع اهاليهم مثل :الرسول صلى الله عليه وسلم مع اهله
ابوعبيدة مع ابوه
وعلي بن ابي طالب مع عقيل بن ابي طالب
ومايذكرني الباقي رضوان الله عليهم

المقصد حزات تنضر من الاهل مهب كلهم سند وظهر لك

[PRINCESS]

:victory:صباح الخير ياحبر وجمعه مباركه عليك وعلى الجميع انشالله
تدري هاذي الاقوال هي مو قاعده وصحيح ان ولا شي منها انذكر لا بالقران ولا بالاحاديث..
بس الامثال ومثل هاذي الاقوال يتداولوها الناس من بعض ويسمعوها من بعض واساسها اكيد مو قران ولا شي..بس اساسها تجارب مر بيها البعض وتعممت..
ممكن انا أأيد بعضها وارفض بعضها..سالفه العقارب والاقارب مثلا...
اي صح..مع الاسف صح...عندنا مثل بالعراق يقول(الحمى تجي من الرجلين)..غالبا مانشوف ان الطعنه تجي من اقرب المقربين...اكيد هاذي مو قاعده بس هالسالفه موجوده وبشكل كبير..
سالفه النذاله والراحه اكيد ماأأيدها...عمر النذاله ماكانت راحه...بالعكس..اشوف الانسان الغيور من اروع مايكون...ومساعده الناس ووقوفك معاهم من اروع المتع..هذا ارفضه اكيد.
الزواج شر لابد منه...هذا المثل اكيد اللي قاله انسان فشل بزواجه مايبيلها ذكاء...وكل من يأيده مر بتجربه فاشله..ويأيده...بس مو معناها انو يشجع الحرام او العلاقات المحرمه..بس شي جرحك تبدي ماتمدحه..هاذي كل السالفه..
في موضوع بالمنتدى قريته قبل كم يوم وشاركت بي كتبت مقوله أأمن بيها بشده..
وهي(لاتقرب اليك من يظنك تحتقره)..شرايك؟؟هاذي صحيحه ولا لا؟؟؟
اللي يتخيل او عنده شعور انك تحتقره او تعتبره مو قد المقام مهما قربته وعليته واهتميت بي يظل في شي بنفسه من الحقد تجاهك...يظل يتحين الفرص حتى يأذيك او يطعنك ..ومهما سويت له مايملي عينه..قصدي..ان مانردده ممكن يكون عن تجربه مرينه بيها وشفنا هالمقوله او المثل تنطبق على الواقع اللي جربناه..
طولت عليك اعرف:shy:
بس مواضيعك تخليني اكتب بحماس:nice:
مشكووور

[Bu Rashid]

تسلم أخي حبر سري ..
هذه أمثلة تقال وقت الحدث فقط الذي يتناسب مع المثل ...
لا أذكر الان بعض الامثلة ولكن اذا تذكرت ساكتبهم:rolleyes2:

[miss-qatr]

انا اوافق اخوي راشد

في بعض المواقف ينفع اتقول فيها هالمقولات لكن مانقدر انعممها




يعطيك العاااافية :)

[حبر سري]

انه اختلف معاك بالاولى وايدك بالثانية والثالثة

الاهل عزة وسند اوكى بس كلهم مثل ماتصور وانت عارف هالشلة

صح الرسول صلى الله عليه وسلم وصى بالاهل بس لاتنسى هم اطردوه من مكه واذوه

وبمعركة بدر تحارب الصحابة مع اهاليهم مثل :الرسول صلى الله عليه وسلم مع اهله
ابوعبيدة مع ابوه
وعلي بن ابي طالب مع عقيل بن ابي طالب
ومايذكرني الباقي رضوان الله عليهم

المقصد حزات تنضر من الاهل مهب كلهم سند وظهر لك

مرحبا هامور
بس انت بنفسك قلتها ياهامور
الرسول عليه السلام وصى بالاهل , مع انهم طردوه , يعني طردوه ووصى عليهم بعد

واخوي صدقني المضرة ممكن تجيك من القريب والبعيد
على حد سواء
واللي مافيه خير , صدقني مايكون فيه خير لا للقريب ولا للبعيد

شاكر لك مرورك واضافتك اخوي هامور كويتي
عساك دوم هامور:nice:
وحياك الله

[حبر سري]

:victory:صباح الخير ياحبر وجمعه مباركه عليك وعلى الجميع انشالله
تدري هاذي الاقوال هي مو قاعده وصحيح ان ولا شي منها انذكر لا بالقران ولا بالاحاديث..
بس الامثال ومثل هاذي الاقوال يتداولوها الناس من بعض ويسمعوها من بعض واساسها اكيد مو قران ولا شي..بس اساسها تجارب مر بيها البعض وتعممت..
ممكن انا أأيد بعضها وارفض بعضها..سالفه العقارب والاقارب مثلا...
اي صح..مع الاسف صح...عندنا مثل بالعراق يقول(الحمى تجي من الرجلين)..غالبا مانشوف ان الطعنه تجي من اقرب المقربين...اكيد هاذي مو قاعده بس هالسالفه موجوده وبشكل كبير..
سالفه النذاله والراحه اكيد ماأأيدها...عمر النذاله ماكانت راحه...بالعكس..اشوف الانسان الغيور من اروع مايكون...ومساعده الناس ووقوفك معاهم من اروع المتع..هذا ارفضه اكيد.
الزواج شر لابد منه...هذا المثل اكيد اللي قاله انسان فشل بزواجه مايبيلها ذكاء...وكل من يأيده مر بتجربه فاشله..ويأيده...بس مو معناها انو يشجع الحرام او العلاقات المحرمه..بس شي جرحك تبدي ماتمدحه..هاذي كل السالفه..
في موضوع بالمنتدى قريته قبل كم يوم وشاركت بي كتبت مقوله أأمن بيها بشده..
وهي(لاتقرب اليك من يظنك تحتقره)..شرايك؟؟هاذي صحيحه ولا لا؟؟؟
اللي يتخيل او عنده شعور انك تحتقره او تعتبره مو قد المقام مهما قربته وعليته واهتميت بي يظل في شي بنفسه من الحقد تجاهك...يظل يتحين الفرص حتى يأذيك او يطعنك ..ومهما سويت له مايملي عينه..قصدي..ان مانردده ممكن يكون عن تجربه مرينه بيها وشفنا هالمقوله او المثل تنطبق على الواقع اللي جربناه..
طولت عليك اعرف:shy:
بس مواضيعك تخليني اكتب بحماس:nice:
مشكووور

صباح النور والسرور اختي برينسيس ياهلا وحياج الله

وجهة نظرج على العين والراس يابرينسيس , بس ارجع واقول ان المقولة اساسا غلط لسبب :
ان المضرة ممكن تجي من اي شخص قريب او بعيد ,
واللي ماعنده اصل , راح يضر القريب والبعيد , وفي كل عيلة اكيد لازم تلقين ناس مافيهم خير , هذا شي اكيد
لكن بشكل عام الاهل عزوة يابرينسيس

الف شكر على تشريف الموضوع يابرينسيس

[حبر سري]

تسلم أخي حبر سري ..
هذه أمثلة تقال وقت الحدث فقط الذي يتناسب مع المثل ...
لا أذكر الان بعض الامثلة ولكن اذا تذكرت ساكتبهم:rolleyes2:


ويسلم من قال يابو راشد
الموضوع موضوعك الله يسلمك وتشرف في اي وقت

[حبر سري]

انا اوافق اخوي راشد

في بعض المواقف ينفع اتقول فيها هالمقولات لكن مانقدر انعممها




يعطيك العاااافية :)

الله يعافيج ياميس قطر
والله اختي مااعتقد ان المقولات هاذي تنفع اصلا , لانها غلط , فالصالح والطالح موجودين في كل مكان وزمان
ورايج على راسي
ويسعدني تواجدج ياميس قطر

:tease:بس على فكرة , ترى اللي انتي موافقته مهب راشد , هذا ابوه:tease:

[سيدة اعمال فلسطنية]

بارك الله فيك يا اخ حبر

في مقوله يدى الحلق يلي مالوش ودان !!!

وهاي غلط لانو ربنا الرزاق ويعرف لمين الرزق رايح !!!!فمالازم نحكي هاي المقوله

بس الاقارب عقارب انا لا اؤيدك فيها لانو في اقارب مش بس عقارب !!!اكتر من هيك والله يهدينا ويهديهم ...

[سهم مديون]

شكرا على التذكير أخي العزيز ،،،

[مالي ومال الناس]

كلامك صحيح

والكلام المذكور مب قاعده عشان الكل يطبقها

والنقطة الأولى ما اعتقد قالوها من باب التشدق او فضاوة الوقت

اكيد هناك أمور تحتم على (بعض) الأشخاص ينطقونها

بالتوفيق حبر سري

[حبر سري]

بارك الله فيك يا اخ حبر

في مقوله يدى الحلق يلي مالوش ودان !!!

وهاي غلط لانو ربنا الرزاق ويعرف لمين الرزق رايح !!!!فمالازم نحكي هاي المقوله

بس الاقارب عقارب انا لا اؤيدك فيها لانو في اقارب مش بس عقارب !!!اكتر من هيك والله يهدينا ويهديهم ...
ياهلا سيدة اعمال
الف شكر عالاضافة اختي
وشرفتي الموضوع


شكرا على التذكير أخي العزيز ،،،
العفو ياسهم مديون


كلامك صحيح

والكلام المذكور مب قاعده عشان الكل يطبقها

والنقطة الأولى ما اعتقد قالوها من باب التشدق او فضاوة الوقت

اكيد هناك أمور تحتم على (بعض) الأشخاص ينطقونها

بالتوفيق حبر سري

الله يوفق الجميع اخوي
اخوي بغض النظر عن الامور اللي تخلي البعض ينطقها , هي غلط , الغلط ممكن يجي من الاقارب وممكن يجي من غيرهم
حياك الله وجزاك الله خير

[غزلان]

اختلف معاك في المقوله الأولى يمكن مب القصد عقارب لكن الم الأهل مثل لدغة العقرب

والجمل مثل مااذكروا تنقال بوقت الحدث يمكن ماتوفقوا باختيار الكلمات لأنها قويه شوي بس القصد توصيل الفكره بهذه الكلمات

شكرا

[سعــــــــود]

السلام عليكم ورحمة الله



3-الزواج شر لابد منه:
متى كان الزواج شر؟لو كان شر ماكان الرسول عليه السلام رغّب فيه وشجّع عليه , واذا كان الزواج شر , شنهو الخير؟؟؟العلاقات المحرّمة؟
والله يعطيكم العافية
(اللي عنده اي مقولة ثانية ياريت لو يتكرّم ويضيفها)
حبر سري



كمبالغه يقولون شر :) هو في الحقيقه مهوب شرالا راحه ولكن بعض النساء بعد ماتتزوجها بقولها 3 مرات والله والله والله تننطبق عليها هالمقوله وحلها الوحيد الطلاق ,, حل غير كذا مافيــــــــــــــــــه :)

[حبر سري]

اختلف معاك في المقوله الأولى يمكن مب القصد عقارب لكن الم الأهل مثل لدغة العقرب

والجمل مثل مااذكروا تنقال بوقت الحدث يمكن ماتوفقوا باختيار الكلمات لأنها قويه شوي بس القصد توصيل الفكره بهذه الكلمات

شكرا
يمكن :rolleyes2:
مع اني مااعتقد بصراحة ياغزلان
حياج الله وشاكر لج مرورج



كمبالغه يقولون شر :) هو في الحقيقه مهوب شرالا راحه ولكن بعض النساء بعد ماتتزوجها بقولها 3 مرات والله والله والله تننطبق عليها هالمقوله وحلها الوحيد الطلاق ,, حل غير كذا مافيــــــــــــــــــه :)

هلا اخوي سعود
انت بنفسك قلتها
بعض النساء
حتى بعض الرجال نقمة بعد
يعني كل شي نسبي

شاكر لك المرور والاضافة

[ام علي1981]

هناك مثل مصري يقول :
يعطي الحلق للي مالوش ودان . اي اذننان
وهذا لايصح لان الله يقسم الارزاق ولم يعط اي شخص رزق الا لانه قسمه له

[حبر سري]

هناك مثل مصري يقول :
يعطي الحلق للي مالوش ودان . اي اذننان
وهذا لايصح لان الله يقسم الارزاق ولم يعط اي شخص رزق الا لانه قسمه له

والتعم بالله

شاكر مرورج اختي ام علي

[سيدة اعمال فلسطنية]

(اللي عنده اي مقولة ثانية ياريت لو يتكرّم ويضيفها)


" ليش يارب انا شسويت"

والله تعالى يقول: ( لايسأل عما يفعل)

"لو لم أسافر لما حصل لي حادث"

هذا القول محرم لأن فيه تسخط من قضاء الله وقدره

"رزق الهبل على المجانين"

خطأ لأن رزق العباد كلهم العاقل والمجنون على الله تعالى رب العالمين

[حبر سري]

" ليش يارب انا شسويت"

والله تعالى يقول: ( لايسأل عما يفعل)

"لو لم أسافر لما حصل لي حادث"

هذا القول محرم لأن فيه تسخط من قضاء الله وقدره

"رزق الهبل على المجانين"

خطأ لأن رزق العباد كلهم العاقل والمجنون على الله تعالى رب العالمين

ياهلا سيدة اعمال فلسطينية
اضافة مميزة اشكرج عليها
الف شكر عالمرور المميز