فتح التمويلات البنكية في مارس

[سهم قوي جدا]

سوف تفتح التمويلات البنكية في مارس القادم وذلك لتحريك عجلة السوق والشراء وتوقيف الركود و النزول

المصدر موثوق من احدى البنوك المعروفة

[مالي ومال الناس]

خبر مايفرح واتمنى مايصير

او

اتمنى لو فتحوه مايأثر في ارتفاع السوق

ما استفدنا شي من إرتفاع الأسعار المبالغ فيه

[a77md]

السلام عليكم ورحمة الله وبركاته
ياخوي السوق نازل محد يشتري يعني اذا ارتفع بيشترون

اتمنى ان السوق يتحرك بس ما اتمنى السوق يرتفع والله يوفق الجميع ويرزق الجميع

والحمدلله رب العالمين

[مجرد وهم]

اخوي سهم قوي جدا .. التمويل ما تسكر عشان ينفتح اصلن.. بس يمكن قصدك التسهيلات الي صارت قبل الي اهي تدفع 10 في الميه من قيمة العقار .. اذا كان كلام المصدر صحيح عيل ليش قطر للاستثمار ادفعت للبنوك 12 مليار قبل شهر تقريبا .. ياخوي البنوك ما فيها السيوله الي انت تتوقعها .. وما تقدر تسيل الصكوك الي تملكها لانها اهي بعد خسرانه في استثماراتها الداخليه والخارجيه .. انا ما اشكك في كلامك ياخوي سهم او في كلام المصدر بس ياخوي حدث العاقل بما يعقل اذا البنوك تقدر تفتح السيوله بعد شهر عيل ليش الدوله تضخ في البنوك اموال بسبب العجز الي فيها .. الله يستر ياخوي السالفه والله اكبر من الي تتوقعها .. تاكد من صحة المعلومه ياخوي وتقبل مروري

[بن يوسف الثقفي]

يعني سعر العقار متوقف على اذا فتح البنك او لم يفتح وتخيل يفتح ويسكر مره ثانية معقوله ترد تنزل الاسعار من جديد اذا على هالنظرية الصراحه اعتبرها تجاره خاسره يعني البنوك تتحكم في سعر العقار

[msd313]

يا اخي التمويل مفتوح ومتاح لمن يرغب
لكن المشكله ان الجميع يحجم عن الشراء
حتى باسعار وصلت الى نص اسعار الفترة السابقة
وهذي مجرد اشاعات عشان الناس تشتري وتستعجل في الشراء

[مجرد وهم]

كلامك صحيح اخوي ايرور وهاذي راح تصير مثل اللعبه لو صحيح صار هالشي مع اني استبعد هالشي تماما نظرا للظروفف المحيطه بالبنوك بس لو صارت بيكون شغل نصب واحتيال وبيصب في مصلحة ناس معينه ،، وتوني سمعت في الجزيره دول الخليج ستوقف مشاريع قيمتها 150 مليار تظرا للظروف الاقتصاديه .. هاذي دول الخليج من اغنى دول العالم .. هاذي على مستوى دول اخوي سهم فما بالك على مستوى البنوك .. ولا تنسى انك على مشارف تخطيط 104 الاف ارض جديده .. واعتقد الدرس كان جيد للبنوك على اساس تفكر مليون مره في المرات المقبله في تسهيلات الي تقدمها لشراء العقارات .. واعتقد التجربه السعوديه بتكون خير برهان .. للعلم يا اخوان ترا في السعوديه عشان تاخذ قرض عقاري استثماري لازم تجيب لهم رهن عقاري قيمته دبل على قيمة القرض.. وبعد حصولك على القرض يوخذ منك في البدايه 5 في الميه من قيمة القرض .. هاذا مب تعجيز بس حد من مشكلة ارتفاع ااسعار العقارات وفي نفس الوقت ضمن للبنوك حقوقهم

[السهم الحلال]

عام 2009 ركوووووود اقتصادي في العالم كله مب بس في الخليج

[i.s.s]

السلام عليكم
والله يا اخواني انا من الناس الي متضرره في السوق بسبب نزول الاسعار وكان علي التزام مع البنك والقسط كان المفروض في شهر اكتوبر لكن بعد كتب ومراجعات للبنك تم تاجيل لمدة شهرين وبعدها بعد عطوني شهرين و الحين وافقوا يمدون لي فترة التمويل بعد سنه اعتباراً من شهر مارس فاعتقد المصدر قال لاخوي سهم انهم بيمدون فترة التمويل وهذا والله اعلم
واسمحوا لي يالربع

[النمساوي]

ركوووووووووووووووووووووود

[شورت تايم]

ما في امل ترتفع العقارات حاليآ
انا اتوقع ان الفلل اللي مساحتها 450 - 500
بتكون اسعارها 700 - 800 الف في اقل من سنه

وخذ اخوي كلام النائب الاول لرئيس مجلس الوزراء

( العطية العالم يشهد أسوأ ركود في التاريخ)

[المخفي]

بعض المشاريع في قطر للبترول تم تأجيلها و السبب الركود الاقتصادي في العالم

[Northman]

يافوق ,, يا تحت


ماعندنا حل وسط خير شر

[السرمد]

حبيب قلبي خذ كلام مؤكد ..جاتنا اوامر من فوق بوقف التمويل العقاري حتى اشعار ااخر ..

وقطر للحين ماشافت الازمه بشكل قوي ..صحيح شفنا الاجارات نزلت والعقار طاح شوي لكن للحين الناس في وظايفها والامور مستقره ..

انت روح شوف امريكا وبتعرف كيف صاير عندهم الركود..

ناس نامت عندها ملايين وقصور ..اصحت الصبح لقيت نفسها من غير قرش حتى ..وفالشارع

اكبر مخاوف البنوك حاليا هي التمويل العقاري ..وادارات التمويل العقاري فالبنوك حاليا وقفت عن الشغل ..

اي بنك الي قالك راح يفتحون التمويل ؟؟

اذكر اسم البنك ولا تذكر اسم الشخص عشان اقدر انقاشك في وضع البنك ..

..والسموحه منكم على الاطاله

[خالي مشاعر]

انا سألت من كم يوم في بنك قطر الدولي الاسلامي عن التمويل قالي موجود وحسبلي نسبة الربح في التمويل وقالي جيب العقار اللي تبي تشتريه وخلال 3 ايام انخلص لك الموضوع

[حمد]

انا سألت من كم يوم في بنك قطر الدولي الاسلامي عن التمويل قالي موجود وحسبلي نسبة الربح في التمويل وقالي جيب العقار اللي تبي تشتريه وخلال 3 ايام انخلص لك الموضوع

هذا على الراتب .... لان الي اعرفه ان التمويل بطرقة رهن عقار اخر تمتلكه متوقفه

لان اصلا التمويل بضمان الراتب ماتسكر عشان يبطلونه

الي اعرفه انك تدفع 35% من قيمة العقار وهم يمولونك الباقي بشرط ان التزامات راتبك لاتزيد عن 50%

يعني راتبك 10 الآف التزاماتك لاتزيد عن 5 الآف

هذا طبعا في حالة شراء منزل او ارض على الراتب

وسلامتكم

حياكم العشا