لو الوالد نوى يتزوج على الوالدة......ايش راح يكون موقفك؟؟؟

[السهم الحلال]

السلام عليكم ورحمة الله

لو الشايب نوى يتزوج علىالوالدة بعد عشرة عمر دامت أكثر من 20 أو 30 سنة

والشايب حاب يرجع أيام شبابه:rolleyes2:


ايش راح يكون موقفك

هل راح تساعده وتدفع له المهر:discuss:

أو تحاول تقنعه يكنسل الفكرة طبعا بمساعدة الوالدة:shy:

أو راح تكون محايد ومتفرج:victory:

[بوعلي2]

موضوعك حساس جدا

بصراحه ماراح اساعده الا اذا كانت الوالده راضيه

لان بعد هالعشره والعمر الي قضوه مع بعض احس الزوجه الثانيه مب في مكانها

وماله داعي يتزوج

رأيي الشخصي

واترك المجال لغيري نشوف ردودهم يمكن في ناس مؤيده


كل الشكر لك على الموضوع المفيد

[الوعد2016]

يارب يتزوج والله لفرح له فرح واسويله فرح كبير وادفع مهر دبل دبل المهم يتزوج

[قطري في لندن]

اول من يبارك ويبشر بالخير

الشرع محلل اربع مو واحده

وهاي الشي حلال مو منكر ولا حرام

[قطري في لندن]

يارب يتزوج والله لفرح له فرح واسويله فرح كبير وادفع مهر دبل دبل المهم يتزوج

:victory: :victory: :nice::nice:

[بنت ذياب]

هو صج الشرع محلل اربع

لكن .. اذا طلب مساعدتي .. مثلا اني اروح اشوف لبنيه ولا شي

طبعا برفض .. الا اذا امي تدري بالموضوع

وحتى لو عارفه

مابتعاون وياه.. لانه هالشي بيحز ف خاطرها اني انا اللي زوجت ابوي او ساعدته


بحاول امنعه .. مو عشان شي.. بس عشان ماالمح الحزن بعيون امي ..

[قطري في لندن]

ليش الحزن اختي هاي عادي بالعكس مفروض تفرح لفرح ريلها

وفي وايد حريم يخطبوون حق ريايلهم

[اهـم001]

:victory::victory::victory::victory:بقوله have fun

[فيزيائية]

يارب يتزوج والله لفرح له فرح واسويله فرح كبير وادفع مهر دبل دبل المهم يتزوج


اول من يبارك ويبشر بالخير

الشرع محلل اربع مو واحده

وهاي الشي حلال مو منكر ولا حرام



:victory::victory::victory::victory:بقوله have fun

مع احترامي للكل ومشاعر (الوالدة) غير مهمة عنكم؟؟؟:weeping:

[Bu Rashid]

بقوله زوجني قبل .. ودربك خضر ...

[مناحي السادس عشر]

بقول له عيش حياتك

[حبر سري]

اذا ضامن انه بيعدل , انا اول واحد ابارك له

[حبر سري]

مع احترامي للكل ومشاعر (الوالدة) غير مهمة عنكم؟؟؟:weeping:

اختي اكيد تهمنا
في حد ماتهمه امه؟
بس أختي دام رب العالمين حلّل , فسمعا وطاعة

لكن اهم شي انه يعدل
وأكيد اي زوجة تغار على زوجها راح تتضايق

[Mo0o0oM]

يارب يتزوج والله لفرح له فرح واسويله فرح كبير وادفع مهر دبل دبل المهم يتزوج


غريب موقفك . . !!!!!

[قطري في لندن]

مع احترامي للكل ومشاعر (الوالدة) غير مهمة عنكم؟؟؟:weeping:

بالعكس الوالده لها مكنتها ونحطها على الراس بس هذا الشرع ومايصير نمنع شي حلله الشرع

[شكري وتقديري]

أقول له :

كأنك حلمان ولا مب صاحي .

إسم الله عليك يبه .

تبي بندول .

بس حتى ألمح الضحكة في عيونه .

رحمة الله عليه .

توفى وما غث خاطر الوالدة بشريكة .

[مافيا قطر]

لو الوالد عايش ويبتى يتزوج اقوله يبه انا بشهد على عقد الزواج

وخاصه اذا الوالد مريش وعنده خير

[الوعد2016]

مع احترامي للكل ومشاعر (الوالدة) غير مهمة عنكم؟؟؟:weeping:
مهمه بس مش حرام واذا تبي رضوه لها تبشر بالخير
بس سعادة ابوي فوق كل اعتبار وهو متزوج بالحلال

[حبر سري]

بس سعادة ابوي فوق كل اعتبار

عسى الله يخلي لك ابوك ان شا الله

[الوعد2016]

أقول له :

كأنك حلمان ولا مب صاحي .

إسم الله عليك يبه .

تبي بندول .

بس حتى ألمح الضحكة في عيونه .

رحمة الله عليه .

توفى وما غث خاطر الوالدة بشريكة .
الله يغفره ويسكنه في جنات النعيم ويجعله في جنة الفردوس

[قطري في لندن]

المراء بتزمر كم يوم وبعدين بترضا

[أبو البراء]

يعني يالربع وش أحسن


يتزوج حلاله ويوسع صدره ويحصن نفسه ولا يروح يزني وكل يوم سفرات أوروبا ولبنان وسوريا وهنا وهنا والبحرين زي ما نشوف

شي من اثنين .. يا يغيير جو بالحلال . يا حرام ؟؟

[الوعد2016]

غريب موقفك . . !!!!!

صـــــــــــــــــــــــح

[سمو انسان]

الله لا يحطني فهلموقف

[الجوري]

اعرف اسبابه بالاول

وماراح اساعده يعز علي ضييق خاطر امي

[STAR]

موضوعك حساس جدا

بصراحه ماراح اساعده الا اذا كانت الوالده راضيه

لان بعد هالعشره والعمر الي قضوه مع بعض احس الزوجه الثانيه مب في مكانها

وماله داعي يتزوج

رأيي الشخصي

واترك المجال لغيري نشوف ردودهم يمكن في ناس مؤيده


كل الشكر لك على الموضوع المفيد

:nice::nice::nice:

[ام علي1981]

رحمة الله على الوالد
بس لو كان عايش مستحيييييييييييييييييييييييييييل اوافق
هذي الوالدة ست الحبايب

[القارمن]

افا عليه... بزفه في المسيره

[حقيقه]

يعني تفرحون له وتقولون لازم هي بعد تفرح له وتراعي مشاعره وادور راحته

طيب وهي مالها مشاعر وقلب يحس
إللي يقول كذا اكيد اناني

وإللي يفقع كبدي اكثر إللي يقول مافيها شيء يغير جو بالحلال طيب والوالده

[جوال 11]

عليه بالعافيه
ونطيب خاطر الوالدة بالكلام الطيب وهدية من الوالد وترجع المياه لمجاريها ، وتعدل التركيبة السكانية في البلد .
أول واحد يتزوج تزوج خير البشرية على زوجاته ولنا في رسول الله (ص) أسوة حسنة .

[سعود 99]

طبعأ ماراح اوافق بعد عشرة هالعمر يبي يرجع شبابه . يعني هذي اللي بياخذها بترجع شبابه ..

بحاول أقنعه و راح أغير عليه الجو هو والوالده بسفره حلوه مثل العمره ..

صح انه الاسلام محلل بس في هالزمن اللي ياخذ ثنتين صعبة ينصف بينهم ..

[hemoud123]

انا بزعل وبروح بيت هلي !!!

[شيزكيك]

الي ما ارضاه حق روحي ما ارضاه حق امي وابوي متوفي وكان يعز امي وايد الله يرحمه

وانا اعرف واحد كبير في السن خذ وحده قد ولده الكبير وعاش معاها في بيت ثاني

ونسى عياله ونسى مرته الاولى مسكينه حتى المصروف مايعطيها ومهتم في بنته الي يابها

منها اثر من بناته من الحرمه الاولى وصج هاذي مب تعميم بس اشدراكم ان راح يعدل

بينهم

[ام نواف]

اذا بيعدل مافي مشاكل امه انه ياخذ وحده كبر بناته ونقعد كل يوم نشوف افلام في البيت لا بصراحه

انا مب موااافقه

[حسين بن عاقول]

اي نعم بساعده وبفرح له لكن قبل هذا كله ابقعد معه وافهمه انه لازم يعدل بين الثنتين وني مابرضى بظلم اي وحده فيهم سواء امي او خالتي/زوجة ابوي/.

[PRINCESS]

اي شي بالدنيا ممكن يسعد والدي ويريحه اسوي
ماعندي اغلى منه لو يبي عيوني اعطي عاد شلون لو راد يتزوج؟
اهم شي راحته.

[سعــــــــود]

ممكن يكون ابوي متزوج ثنتين على امي لذالك راح اسوي في عرسه كل اللي يتمناه انتقام في اللي اخطفوا ابوي من أمي الغالية :)



ياربي على الإنتقام وش زينه وش حلاته وش هالبر كله :)

[الهـواوي]

بقوله زوجني قبل .. ودربك خضر ...


ههههههههههههههه نفس الكلام اللي معناه تمام

[السهم الحلال]

موضوعك حساس جدا

بصراحه ماراح اساعده الا اذا كانت الوالده راضيه

لان بعد هالعشره والعمر الي قضوه مع بعض احس الزوجه الثانيه مب في مكانها

وماله داعي يتزوج

رأيي الشخصي

واترك المجال لغيري نشوف ردودهم يمكن في ناس مؤيده


كل الشكر لك على الموضوع المفيد

مشكور ع المرور
وبصراحة موقف صعب
خصوصا إذا كان الوالد كبير في السن ويبي يتزوج وحدة قد بنته



يارب يتزوج والله لفرح له فرح واسويله فرح كبير وادفع مهر دبل دبل المهم يتزوج

مبروووك مقدما:)

والله يعين الوالدة




هو صج الشرع محلل اربع

لكن .. اذا طلب مساعدتي .. مثلا اني اروح اشوف لبنيه ولا شي

طبعا برفض .. الا اذا امي تدري بالموضوع

وحتى لو عارفه

مابتعاون وياه.. لانه هالشي بيحز ف خاطرها اني انا اللي زوجت ابوي او ساعدته


بحاول امنعه .. مو عشان شي.. بس عشان ماالمح الحزن بعيون امي ..


يعني إذا طلب منك تدورين له زوجة ما راح تساعدينه:)






:victory::victory::victory::victory:بقوله have fun

:nice::nice:





بقوله زوجني قبل .. ودربك خضر ...


راح يكون عرس شياب بعدين:)

[السهم الحلال]

يعني يالربع وش أحسن


يتزوج حلاله ويوسع صدره ويحصن نفسه ولا يروح يزني وكل يوم سفرات أوروبا ولبنان وسوريا وهنا وهنا والبحرين زي ما نشوف

شي من اثنين .. يا يغيير جو بالحلال . يا حرام ؟؟


أكيد يتزوج أحسن

بس أنا برأيي حسب العمر

يعني إذا في الخمسين مب مشكلة

لكن المشكلة إذا تعدى السبعين

أنا واحد يقرب لي تزوج وعمره 75 سنة وحده في العشرينات وعنده بنت بعد منها
بس المشكلة بعد هذا العمر الواحد يتفرغ للعبادة أحسن له

[السهم الحلال]

طبعأ ماراح اوافق بعد عشرة هالعمر يبي يرجع شبابه . يعني هذي اللي بياخذها بترجع شبابه ..

بحاول أقنعه و راح أغير عليه الجو هو والوالده بسفره حلوه مثل العمره ..

صح انه الاسلام محلل بس في هالزمن اللي ياخذ ثنتين صعبة ينصف بينهم ..

العدل راح يكون صعب بين زوجتين والفرق بين الزوجتين 30 سنة أو أكثر

[السهم الحلال]

اذا بيعدل مافي مشاكل امه انه ياخذ وحده كبر بناته ونقعد كل يوم نشوف افلام في البيت لا بصراحه

انا مب موااافقه

:secret:

[ورقــة أمــل]

عاااادي بس مب وحده اصغر من امي

[السهم الحلال]

اي نعم بساعده وبفرح له لكن قبل هذا كله ابقعد معه وافهمه انه لازم يعدل بين الثنتين وني مابرضى بظلم اي وحده فيهم سواء امي او خالتي/زوجة ابوي/.

ردك عجبني:nice:

أهم الشي العدل

[السهم الحلال]

عاااادي بس مب وحده اصغر من امي

الرجل يمر براهقة متأخرة بعد الخمسين

يعني ماراح يتزوج إلا وحدة صغيرة:)

[مستثمر تحت التعليم]

بالنسبه لي المسأله صعبه وامي عزيزه على نفسي ومارضى لها آخر عمرها تنقهر بس هذي شيء والأعتراض على زواج الوالد شيء ثاني ــ الموافقه مش مطلوبه فالوالد حر في تصرفاته ومش من حقي أمنعه ولكني في نفس الوقت مش مساعده في أي شيء من تكاليف العرس لأنه مش مطلوب منه الزواج الا أذا كان مقتدر هذي معادله مخربطه شوي والله يوفق الجميع في الحلال

[بعيوني/حكايه]

بصراحه ماتخيـل أبوي يتزوج وحده 2

بس ان دار الزمــن وصار من بعد ((( رضــا أمي ))) طبعــاً بفرح له ..

وصج الشرع حلل 4 .. بس بعد شعـور أمـي فوق كـل شئ ..!

وأشكــرك عالموضوع !!

[بنت^البحرين1]

الابو لين يا بيتزوج ويعرف ان اعياله مع امهم، بيكون عارف مليون بالمية انهم مب راضين ، لكن الريال لين صمم والله ثم والله لو يجتمع البيت كله عليه بيتزوج ومب كفو حد يتكلم ويوقف بويهه

بيزعلون ويزمرون كم يوم وعقب غصبا عنهم كلهم بيرضون ومحد بينطق ، والموضوع بيصير عادي

باطين جبدي اللي بيوافقون ويساعدون ابوهم على حساب الام المسكينة والله

[doha1]

والشايب حاب يرجع أيام شبابه<<لو ماذكرت هالجمله كنت بساعده ههههه

طبعا مب حلوه بحق امي وبحقنا لان عشرة العمر كبيره وطويله فلما يجي ينوي يتزوج بنوقف في وجهه

وخاصه اذا امي ماضرته ليش يضرها صحيح الشرع حلل اربع بس بعد دام قايمه معاه بالواجب ومن كل النواحي

سواء التنظيف الاكل الاهتمام به وبعياله واعطائه كل الحب والعطف

فما عنده سالفه لو فكر يتزوج بوقف في وجهه وكلنا نرفض ونحاول نقنعه بشتى الطرق

واذا عاند ما باليد حيله غير نمجع شعر زوجته هههههههههه

[musel999]

نصيحه لاي واحد يحب يتزوج الثانيه او الثالثه او الرابعه
استخير ربك ولا تروح تاخذ رايك اخوانك ولا عيالك ولا اي واحد من جماعتك
لانهم بيكسرون مجاديفك ويهبطون عزيمتك ويخلونك تغير رايك
على طول روح واخطب وملك وبعدين قولهم ترى بتزوج
ذياك الساع الراضى والرافض كلن يبارك لك
هذا كلام احد الشيبان الخبره بالموضوع
والعيال احسن شي يقعدون محل المتفرجين
تبارك لابوك تحضر عرسه وتبيض وجه وتقوم فيه ولاتقصر معاه
لاكن لاترز وجهك وتخطب له ولا تدفع له مهر
لان امك بتزعل عليك ورضى الوالده ضروري وش يراضيها بعدين ((((مافي الا توديه الحج))))
ولاجيت تبي تتزوج بتقولك اللى خطبت له خله يخطب لك
بتطلع عليك السالفه اغلى من بيع السوق

[السهم الحلال]

أشكر كل من شارك في الموضوع

بس افتقدنا مشاركة أخونا اسعاف
عسى المانع خير

[دلة الرسلان]

كم عمره ؟ المسألة مش بس طقت براسه وبعدين هو بيدفع الثمن

كم شيبة من شيابنا يتزوجون شابات وبعدين يتوهقون فيهم والمشكلة اذا جاب فروخ يبغون من

يربيهم وهو خلاص يادوبه يدبي للمستشفيات يتعالج على الضغط والقلب والسكر والروماتيزم

والزوجة الشابة تنتظره يعطيها حقوقها الشرعية .:anger1:

اقول حتى لو الأم راضية لازم الوالد يكون قادر صحيا على الزواج ومسئولياته .

[السامـي]

لو الشايب نوى يتزوج على الوالدة
ايش راح يكون موقفك
هل راح تساعده وتدفع له المهر:discuss:

نعم،وبكل رحابة صدر،وما بغت أمي بتحصله إلا أنها تطلب الطلاق.
شكراً لك.

[العداله]

اذا كل شايب بغى ياخذ له بالحرمتين والثلاث عيل العزابيه منو يتزوجون ؟
انا اقول الرجال لو يلف الدنيا كلها مايلقى وحده تسوى ظفر ام عياله

[رفيق الغيم]

من حقه لان الله سبحانه وتعالى ذلك لكن بقوله بشرط نتزوج انا وياه بيوم واحد او اتزوج قبله وهو عقب

[الوعب]

عليه بالعافيه الثانيه والثالثه

الاهم العدل
ليس بين الزوجات فقط انما بين الابناء والبنات ايضا

وهذا اللي افعله الوالد الله يرحمه

الاخوان والاخوات كأنهم من زوجه واحده فقط (الله لا يغير علينا)

[اسعاف]

اذا يبغي يتزوج الوالد

آنه آخطب له

وآقوم بترتيب الزواج

( وحتى الينّوون آنه بدفعه علشان ينقّطون عليه )

والله يستاهل ( بو اسعاف )

لأنه من بر الوالد

[BARBICAN]

أنا ضد الفكرة بالذات اذا الشايب كبير في العمــر ، ، طبعا اذا كان مصمم و ناوي لاحول ولا قوة


عموما انا اعرف واحد بنته هي اللي تدور له كانها تدور حق واحد من عيالها ، مهتمه في الموضوع بشكل مب طبيعي


شنو بيكون شعور الام لما تشووف عيالها يسون هالشئ لابوهم ! !



يبي يتزوج الله يسهـــــل عليه بس لا يفكر اني بقوم معاه لا بفلوس ولا بشئ ثاني

[اسعاف]

عندنه جيران

زوجوا ابوهم وكان عمره 75 سنة ، بعد ما ماتت امهم 0 وهو اعمى ايضا

ورقصوا البنات في عرس ابوهم (علما بأن البنات جدات)

[غزلان]

بقول له ليش يابابا؟

[اسعاف]

أشكر كل من شارك في الموضوع

بس افتقدنا مشاركة أخونا اسعاف
عسى المانع خير

ولد الحلال على طاريه

اشكر احساسك الكريم

وآبشرك اني كنت اخذت استراحة للمحارب بجوار الحرم المكي

اختلي بربي وأناجيه عسى ان يغفر لي زلاتي يوم الدين

[اسعاف]

عليه بالعافيه الثانيه والثالثه

الاهم العدل
ليس بين الزوجات فقط انما بين الابناء والبنات ايضا

وهذا اللي افعله الوالد الله يرحمه

الاخوان والاخوات كأنهم من زوجه واحده فقط (الله لا يغير علينا)

:con2:الله يبارك لكم ويرحم شيبانكم

[بنت ابوها 19]

اول شي بسويه بقوله

ليش يبه ناقصك شي .. امي واحنا قصرنا وياك بشي ؟
عقبهاااااااااااااااااااااااااااااا اعفس البيت عفاس


كلشي اله حرقت قلب امي ,,

[اسعاف]

اول شي بسويه بقوله

ليش يبه ناقصك شي .. امي واحنا قصرنا وياك بشي ؟
عقبهاااااااااااااااااااااااااااااا اعفس البيت عفاس


كلشي اله حرقت قلب امي ,,

اشهد انك عاقة لوالدك

[بوحارب]

السلام عليكم ورحمة الله

لو الشايب نوى يتزوج علىالوالدة بعد عشرة عمر دامت أكثر من 20 أو 30 سنة

والشايب حاب يرجع أيام شبابه:rolleyes2:


ايش راح يكون موقفك

هل راح تساعده وتدفع له المهر:discuss:

أو تحاول تقنعه يكنسل الفكرة طبعا بمساعدة الوالدة:shy:

أو راح تكون محايد ومتفرج:victory:


وعليكم السلام

بقول حق ابوي طلع لي جي اكس من الشركة وانه بقنعي امي انها توافق على زواجك http://www.qatarshares.com.qa/data/208/211/storm_899909217_2128320486.gif

[م. عبدالعزيز]

عليه بالعافيه الثانيه والثالثه

الاهم العدل
ليس بين الزوجات فقط انما بين الابناء والبنات ايضا



اتفق مع اخوي الوعب
100%

[بنت ابوها 19]

اشهد انك عاقة لوالدك



قاعد معانا في البيت شايف معاملتي للوالد عشان تحكم اني عاقه :omg:

[اسعاف]

قاعد معانا في البيت شايف معاملتي للوالد عشان تحكم اني عاقه :omg:

ألم تقولي في المشاركة السابقة انك

(( اول شي بسوينه بقوله

ليش يبه ناقصك شي .. امي واحنا قصرنا وياك بشي ؟
عقبهاااااااااااااااااااااااااااااا اعفس البيت عفاس ))

تعفسين البيت على ابيك الي رباك ‘ ماذا يسمى تعفيس البيت في نظر الشرع ،؟ هل هو : بر واحسان وصلة رحم

ام عقوق للوالد وعدم احترام له

اذا كان القرآن الكريم يأمرنا ببر الوالدين وان كانا مشركين، فما بالك ان كان مسلما صالحا

اراد ان يحصن نفسه بالحلال

ثم يا بنت ابوها المشاركة السابقة هذا كلامك عن نفسك ولم اتقوّل به عليك

[اسعاف]

وعليكم السلام

بقول حق ابوي طلع لي جي اكس من الشركة وانه بقنع امي انها توافق على زواجك http://www.qatarshares.com.qa/data/208/211/storm_899909217_2128320486.gif

يا بو حارب ما تيووز عن الأنتهازية:nice:

[السهم الحلال]

ولد الحلال على طاريه

اشكر احساسك الكريم

وآبشرك اني كنت اخذت استراحة للمحارب بجوار الحرم المكي

اختلي بربي وأناجيه عسى ان يغفر لي زلاتي يوم الدين

الله يتقبل منك
والحمدلله على سلامتك

[السهم الحلال]

وعليكم السلام

بقول حق ابوي طلع لي جي اكس من الشركة وانه بقنعي امي انها توافق على زواجك http://www.qatarshares.com.qa/data/208/211/storm_899909217_2128320486.gif

ههههههههههههههه

وأخاف تقول لأمك بعد طلعي لي جي اكس واقنع أبوي يكنسل :)

[عبير وردة]

مرحبا أخي الكبير إسعاف ....... حمد الله ع السلامه .......... لسه مبارح سأله عنك

بالنسبه للموضوع الصراحة ما خطر في بالي أنه ممكن أفكر فهالموقف ........... بس الصراحه على ما أشوف العلاقة بين الوالد والوالدة الله يحفظهم لي وبعد حوالي 36 سنه زواج ما أعتقد بابا يعملها ......... خلاص بعد ما شاب ودوه الكتاب ........... ههههههه

شكرا أخي السهم الحلال على الموضوع ......... ولو إني ما جاوبت ........ تقبل مروري

[Abdulla55]

بمشي ع وصية جدي الله يرحمه
((كل عشر سنين اخذ وحده))
تدرون ليش؟
لانه يقول الله يرحمه كل عشر سنين انت ترجع عشر سنين ورى
وهو صاادق الله يرحمه
جربوو هالوصيه....

[بنت ابوها 19]

ألم تقولي في المشاركة السابقة انك

(( اول شي بسوينه بقوله

ليش يبه ناقصك شي .. امي واحنا قصرنا وياك بشي ؟
عقبهاااااااااااااااااااااااااااااا اعفس البيت عفاس ))

تعفسين البيت على ابيك الي رباك ‘ ماذا يسمى تعفيس البيت في نظر الشرع ،؟ هل هو : بر واحسان وصلة رحم

ام عقوق للوالد وعدم احترام له

اذا كان القرآن الكريم يأمرنا ببر الوالدين وان كانا مشركين، فما بالك ان كان مسلما صالحا

اراد ان يحصن نفسه بالحلال

ثم يا بنت ابوها المشاركة السابقة هذا كلامك عن نفسك ولم اتقوّل به عليك

اعفس البيت عفاس يعني برفض بقووو هاي قصدي يعني بحاول اغير من راي ابوي


لكن مب اطقه ولا من هل القبيل اعووووذ بالله هاي ابوي فديت روحه
الله يخليه لي

[ذهـب]

بصرااحة لو بسويها احسن له ينسى انه له عيال وزوجة ,, شنوو يرجع شبابه ؟ وهالزوجة من يرجع شبابها اذا سندها راااح لوحده غيرها ,,

انا عني اذا ابوي فكر يتزوج عشان هالعذر لا وألف لا , لا مؤيد ولا راضي

ياخذى اغراضه وياخذها وبرى البيت , وبنجوف شبابه شلون بيرجع ؟؟

رفعت ضغطي والله

[ضوى]

الصراحة ابوي رحمة الله عليه تزوج على امي شهر واحد بس وطلقها لانه ماقدر يتحمل زعلنا منه اما امي رحمة الله عليها فكانت صابرة ومحتسبة ومن عقبها صارت امي هي الغالية عنده

[الجافي]

كم عمره ؟ المسألة مش بس طقت براسه وبعدين هو بيدفع الثمن

كم شيبة من شيابنا يتزوجون شابات وبعدين يتوهقون فيهم والمشكلة اذا جاب فروخ يبغون من

يربيهم وهو خلاص يادوبه يدبي للمستشفيات يتعالج

والزوجة الشابة تنتظره يعطيها حقوقها الشرعية .:anger1:

اقول حتى لو الأم راضية لازم الوالد يكون قادر صحيا على الزواج ومسئولياته .

كلامج عين العقل :victory:

[هدوء الصباح]

سبحان الله ,الرجال ما يعرفون شرع الله الا في موضوع التعدد..!!
وهاي اول كلمة يقولونها لما ينطرح هالموضوع بالذات,اما في المواضيع الاخرى (انسى)
واذا سألنا انه فعلا يؤدي شرع الله كما يجب مع زوجته وفي دينه تلاقيه ابعد ما يكون عن شرع الله..تساهل في الصلاة والعبادة والتعامل مع النساء..
(لا اعمم) ولكن كثرت المفاسد هذه الايام..

[بوحارب]

يا بو حارب ما تيووز عن الأنتهازية:nice:

لازم الواحد يسلك امورة شوي هههههههههه:(


ههههههههههههههه

وأخاف تقول لأمك بعد طلعي لي جي اكس واقنع أبوي يكنسل :)




وهذا الشي اللي انه مخططله هههههههه

فضحتني يالشرير:shy:

[السهم الحلال]

سبحان الله ,الرجال ما يعرفون شرع الله الا في موضوع التعدد..!!
وهاي اول كلمة يقولونها لما ينطرح هالموضوع بالذات,اما في المواضيع الاخرى (انسى)
واذا سألنا انه فعلا يؤدي شرع الله كما يجب مع زوجته وفي دينه تلاقيه ابعد ما يكون عن شرع الله..تساهل في الصلاة والعبادة والتعامل مع النساء..
(لا اعمم) ولكن كثرت المفاسد هذه الايام..

كلام سليم 100% والله المستعان

[ام خليفة]

احترم راي الجميع وان شاءالله الجميع يحترم رايي :)


اللي لاحظته ان الشباب في هالزمن مايعرفون من السنه والاحاديث غير حديث الرسول في تعدد الزوجات !!

يعني اذا اللي بيتزوج على زوجته ملتزم بدينه ويطبق السنه على اصولها وملتزم ومايترك صلاته ومقصر ثوبه ومربي لحيته اقتداء بالرسول ماراح نقوول شي واحنا اول من نخطب له سواء كان زوج او اب :)


لكن اذا كان الرجل غير ملتزم بصلاته ولا بحقوق ربه واهله ولايعرف شي في الدين غير التعدد!! انا ماراح اسمح له ان يتزوج لانه ماراح يعدل ولانه مقصر في حقوق ربه فكيف بيوفي حقوق الزوجتين وعيالهم !!

وانا ماقلت هالكلام الا لاني شفت شوف عيني ناس ماتصلي وتقول الرسول حلل 4 وحلل 4 كان الرسول عليه الصلاه والسلام ماقال الا هالحديث !!

[اسعاف]

مرحبا أخي الكبير إسعاف ....... حمد الله ع السلامه .......... لسه مبارح سأله عنك
بالنسبه للموضوع الصراحة ما خطر في بالي أنه ممكن أفكر فهالموقف ........... بس الصراحه على ما أشوف العلاقة بين الوالد والوالدة الله يحفظهم لي وبعد حوالي 36 سنه زواج ما أعتقد بابا يعملها ......... خلاص بعد ما شاب ودوه الكتاب ........... ههههههه

شكرا أخي السهم الحلال على الموضوع ......... ولو إني ما جاوبت ........ تقبل مروري

الله يسلمك ويحفظك

كنت في العمرة أجدد ايماني واختلي مع ربي

[عابر سبيل]

السلام والتحيه للجميع اعلاه..

اولا...الاخوين العزيزين...سعود و اسعاف....
كلكم عالعين و الراس...
و اعتقد...
كفايه....

و خلونا ...لو تكرمتوا..في صلب الموضوع...
و ممكن اتشيلون سوء الفهم ...عالخااااص...Ok...مجرد اقتراح:)

ثانيا...
انا لي مداخله بسيييطه...قبل ما اروح
اغسل طقم اسناني...و بعدين يمكن
ما ينفهم كلامي...


انا...لو اني اب...لكثيييير من الابناء
و البنات "الغاليين" و الحبوبين
و العزيزيين

الذين شاركوا....اعلاه...

لاني ما اخذ على امهم ....الا ثنتين مره
وحده...

لاني...يابوكم...
اشوف ان من سوء تربية اي ام لابنائها...
انها ما اتعلمهم...ايحطون حدود لهم مع ابوهم...

خير يا طير...
واحد تزوج على مرته...اينطّ له جاره
و لا ولد عمه ..و لا رفيج " شيبة النخره"...
و لا ذيك العيوز اتحندى على امرته..اتكوكها على طلب"الخلع"....

اعتقد...ان الموضوع...ممتاز لطرح قضية حدود التعامل
بين الاباء و لابناء...

يا اخي او اختي...

اسمحوا لي على شوية"جرأه"...

اشيبي الواحد منكم ايجاوبه ابوه ...ليش متزوج جديده
على امه...بيقول...السبه انتووووو...
من كثرتكم(الله ايبارك فيكم)... امكم باااارت:secret:


مفهووووووم و لا تبون كلام كاااااش اكثر:eek5:

ختاما...

لو ان مدير احدكم....الشيبه...هو اللي متزوج سكرتيرته...
الفطفوووطه...لا و بعد ماهي بقطريه....فلبينيه و لا مصريه
و لا فلسطسنيه ( دون اي قصد للانتقاص من اي جنسيه)...

هل ...حدٍ منكم بيتجرأ و ينشب في حلج المدير...
و لا حد من البنات....بتنتف شعر السكرتيره
انتقاما حق زوجة المدير...

الا....الهدايا...و التباريك..
و هلم جرا...


هاااا...هل فعلا...نحن طلابين
للحق و العدل...و لا ناخذ الامور "باهوائنا"...
حتى مع اغلى الناس عندنا...

يالله...خليتوني اعصب ...
الله ايعين اليهال...اذا حد منهم طلعلي الحين:anger1:

[بنت ابوها 19]

ها

الحين كلامك واضح

انت ان شاء الله بارة بالوالد الله يحفظه لك ( ويكون خالصا للوالدة):nice:


ماهو هني المشكله


ناس تشتط وتحكم ع الرد بدون ماتفهم قصد الكاتب بالأساس
بارك الله فيك اخوووي لاتحكم ع الشخص قبل لاتراجع رده الف مره ومره ..

لانه الي حكمته علي ماهب بشويه ..
العقوق شي كبير
واعووذ بالله من العقوق .. :omg:

[اسعاف]

ماهو هني المشكله


ناس تشتط وتحكم ع الرد بدون ماتفهم قصد الكاتب بالأساس
بارك الله فيك اخوووي لاتحكم ع الشخص قبل لاتراجع رده الف مره ومره ..

لانه الي حكمته علي ماهب بشويه ..
العقوق شي كبير
واعووذ بالله من العقوق .. :omg:





الله يرزقك بر والدك

ويبعد عنك (تعفيس البيت )

:nice:

[ROSE]

الموضوع صار لسعود واسعاف بس الباقي يسكتون :)



بالنسبة لي راح اقول له الله يهنيك وبس لا تزعل لو دورت للوالده على زوج بعد

لانها اكيد راح تطلق منه :secret:

[سعــــــــود]

الموضوع صار لسعود واسعاف بس الباقي يسكتون :)



بالنسبة لي راح اقول له الله يهنيك وبس لا تزعل لو دورت للوالده على زوج بعد

لانها اكيد راح تطلق منه :secret:





هلا وغلا بشيخة المنتدى روز :)



اذا كان والدك لسا شباب والله معطيه القدره من جميع النواحي


اهنيه انا اشوف ان الامر بيكون عادي انك توافقين على زواجه على امك


بشرط ان علاقته فيكم تكون مستمره مو تخطفه منكم زوجته الثانية !



بس انه يكون كبير بالسن وحب بس يغير لمجرد التغيير هنا الامور تختلف ولابد ندرس حالته وش الأسباب وين المشكله يمكن تطلع الاسباب من القنوات الفضائية هي اللي لاعبه براسه :)




من ناحيتي اذا شفت الوالد قايم بحقوقه تجاهنا وعلى أكمل وجه
انا بكون اول من يعينه بزواجه من الثانية الله يهنيه ويسعده .



بس انه يكون مقصر في زوجته وعياله الأولين وفكر بس من الباب لطاقه بزوجه ثانيه معناتها انه راح يقصر في عياله الثاني اللي راح يكونون اخواني !

وهالشي لن أرضاه بحق والدي وعياله من الزوجه الثانية !



هذا والدي اذا شفته طالع من طوره بقوله يابو فلان ترا طريقك عوج !


ردي اللي قبل هذا كان بس عبط :)

[اسعاف]

الموضوع صار لسعود واسعاف بس الباقي يسكتون :)



بالنسبة لي راح اقول له الله يهنيك وبس لا تزعل لو دورت للوالده على زوج بعد

لانها اكيد راح تطلق منه :secret:

النسوان لما يتطلقون على كبر

مستحيل يفكرون في الزواج مرة ثانية

على قولة المثل ( الملدوغ إخاف من الحبل )

وبالتالي خطتك فاشلة من اساسها يا أبلة :secret:

[Mansour_qa]

احترم راي الجميع وان شاءالله الجميع يحترم رايي :)


اللي لاحظته ان الشباب في هالزمن مايعرفون من السنه والاحاديث غير حديث الرسول في تعدد الزوجات !!

يعني اذا اللي بيتزوج على زوجته ملتزم بدينه ويطبق السنه على اصولها وملتزم ومايترك صلاته ومقصر ثوبه ومربي لحيته اقتداء بالرسول ماراح نقوول شي واحنا اول من نخطب له سواء كان زوج او اب :)


لكن اذا كان الرجل غير ملتزم بصلاته ولا بحقوق ربه واهله ولايعرف شي في الدين غير التعدد!! انا ماراح اسمح له ان يتزوج لانه ماراح يعدل ولانه مقصر في حقوق ربه فكيف بيوفي حقوق الزوجتين وعيالهم !!

وانا ماقلت هالكلام الا لاني شفت شوف عيني ناس ماتصلي وتقول الرسول حلل 4 وحلل 4 كان الرسول عليه الصلاه والسلام ماقال الا هالحديث !!

صراحة كلام إم خليفة كلامها عين العقل ..

يتركون كل شي ويجون على التعدد ويبون يقتدون .. :rolleyes2:

بس على قولة الدكتورة فوزية دريع " من فيكم ترضى بنص إهتمام ونص حنان ونص وقت ونص عشرة وكل شي نص نص ؟ "

في السعا الكل يوافق ووقت الصج يطلع الحجي ..:victory:

[سعــــــــود]

بالنسبة لي راح اقول له الله يهنيك وبس



هذا رد وأنتي جاده :)




لا تزعل لو دورت للوالده على زوج بعد

لانها اكيد راح تطلق منه



هذا رد وأنتي تمزحين :):

....................

[الـمـحـنـك]

عادي شالمشكله الشرع حلل اربع ان كنت مقتدر وراح تكون ايجابي معهم كلهم مو مع وحده والاخرين لا

وفيه ناس يقولون الشرع محلل اربع وهو مايعرف الشرع الا في الزواج وهذيلا نقول الله يهديهم


وانا عن نفسي عادي ابوي متزوج اربع وكلهم مرتاحيين بما فيهم امي :nice:

[اسعاف]

عادي شالمشكله الشرع حلل اربع ان كنت مقتدر وراح تكون ايجابي معهم كلهم مو مع وحده والاخرين لا

وفيه ناس يقولون الشرع محلل اربع وهو مايعرف الشرع الا في الزواج وهذيلا نقول الله يهديهم


وانا عن نفسي عادي ابوي متزوج اربع وكلهم مرتاحيين بما فيهم امي :nice:

الله يحفظكم

[lalamar]

انا بازغرد

[طريق سلوى]

راح امتنع عن التصويت

[swedan_qatar]

والله الشيبه إذا فيه شده ليش لا يبشر بعزه نقوله حاضريين امش قدام افا عليك بس اطلب عزك .. الله يحفظه ويطول بعمره وعمر الوالده اللي ما نستغنى عنها ويحفظكم كلكم ويزوج العزوبيه شباب وبنات ويزوج المتزوجين الشباب ثانيه وثالثه ورابعه

[ذيبه مزاجيه]

اعتقد كل اللي بيرضى يتزوج على زوجته .. ما بيمانع لو تزوج ابوه على امه .. وحتى لو هي امه وزعلت ما بيهمه .. لان ام عياله بعد لو تزوج عليها ما يبي حد من عياله يمنعه @_@

لو انا مافي امل اوافق .. علشان امي .. يعني ما تزوج يوم الدنيا دنيا بيتزوج يوم الدنيا عميا !!!!!!

مجرد راي وبس ..

[ذيبه مزاجيه]

احترم راي الجميع وان شاءالله الجميع يحترم رايي :)


اللي لاحظته ان الشباب في هالزمن مايعرفون من السنه والاحاديث غير حديث الرسول في تعدد الزوجات !!

يعني اذا اللي بيتزوج على زوجته ملتزم بدينه ويطبق السنه على اصولها وملتزم ومايترك صلاته ومقصر ثوبه ومربي لحيته اقتداء بالرسول ماراح نقوول شي واحنا اول من نخطب له سواء كان زوج او اب :)


لكن اذا كان الرجل غير ملتزم بصلاته ولا بحقوق ربه واهله ولايعرف شي في الدين غير التعدد!! انا ماراح اسمح له ان يتزوج لانه ماراح يعدل ولانه مقصر في حقوق ربه فكيف بيوفي حقوق الزوجتين وعيالهم !!

وانا ماقلت هالكلام الا لاني شفت شوف عيني ناس ماتصلي وتقول الرسول حلل 4 وحلل 4 كان الرسول عليه الصلاه والسلام ماقال الا هالحديث !!



وانتي الصاجه يا ام خليفة :victory: