مشكلة مع خدم بيتنا .. نريد حل

[هجمة مرتدة]

اليوم يا أعزاء أطلب منكم أن تعطوني حلول .. مع خدم بيتنا ..

عندنا 5 خدامات .. وحدة منهم الطباخة .. وكلهم فلبينيين ..

جاوا 2 منهم اليوم يشتكون من الطباخة .. أنها مسببة لهم رعب .. للأربع .!!

تهددهم .. وماتطبخ لهم .. ومستقويه عليهم ..

لدرجة أن الأربع خدم ينامون برا غرفتهم (في الصالة) خوفا من الطباخة ..

ويا ناس .. الطباخة مالنا غنى عنها في البيت .. وفي نفس الوقت:

الحال إن استمر على ما هو عليه .. بنخسر الأربع خدم وحدة ورا الثانية !!

أنا ما كلمت الطباخة .. للحين .. وهي ما تدري أن الخدم اشتكوا منها ..

لكن إن جيت لها بإسلوب التهديد .. بتطلب أنها تسافر .. وأنا محتاج لها !!

ياليت تمدوني بحلول حكيمة .. مع الشكر

[هتـان قطر]

سو مثلي..اذا جاوا الاربع يشتكون حط نفسك انك في صفهم

وقول لهم استحملوا فترة بسيطة لين تسافر..

واذا جات الطباخة تشتكي حط نفسك في صفها وحاول تهدي الامور

وتفهمها ان البيت بيتهم كلهم وانهم لازم يحافظون عليه

ويلتزمون بالهدوء..والا راح تسفرهم كلهم..:secret:

يعني تهديد..وحنيه..واحيانا اسمع من هذي الاذن وطلع من الثانيه

لانك ماراح تخلص من مشاكلهم..



ملاحظه..

اذا الاربع كلهم فلبينيات انصحك تراقبهم..لانهم دواهي حسبي الله عليهم

والكذب عندهم ببلاش..وشغلتهم تطفيش الخدم اللي مهب من جنسيتهم

اسأل مجرب..الفلبينيات حطيت عليهم اكس من زمان..

يسوون للمعزب انتحار بطييييئ..

[ام نواف]

لازم تكلمينهم وتفاااهمين معاهم في البدايه شدعوه 4 يخافون من 1 !!!

واذا مصخت السالفه من الطباخه سفريهااا وفي مليووووووووووون غيرهااا

[هجمة مرتدة]

سو مثلي..اذا جاوا الاربع يشتكون حط نفسك انك في صفهم

وقول لهم استحملوا فترة بسيطة لين تسافر..

واذا جات الطباخة تشتكي حط نفسك في صفها وحاول تهدي الامور

وتفهمها ان البيت بيتهم كلهم وانهم لازم يحافظون عليه

ويلتزمون بالهدوء..والا راح تسفرهم كلهم..:secret:

يعني تهديد..وحنيه..واحيانا اسمع من هذي الاذن وطلع من الثانيه

لانك ماراح تخلص من مشاكلهم..



ملاحظه..

اذا الاربع كلهم فلبينيات انصحك تراقبهم..لانهم دواهي حسبي الله عليهم

والكذب عندهم ببلاش..وشغلتهم تطفيش الخدم اللي مهب من جنسيتهم

اسأل مجرب..الفلبينيات حطيت عليهم اكس من زمان..

يسوون للمعزب انتحار بطييييئ..

الخدم الخمس كلهم فلبينيات ..

للأسف ما أقدر أوقف في صف الطباخة .. لأني أدري أنها تعيل عليهم .. ومهيب سهلة !!

بعدين تهديد أني بسفرهم كلهم هذا ما راح ينفع .. وبيتمردون علي زيادة ..

مادري شاسوي ..

[هجمة مرتدة]

لازم تكلمينهم وتفاااهمين معاهم في البدايه شدعوه 4 يخافون من 1 !!!

واذا مصخت السالفه من الطباخه سفريهااا وفي مليووووووووووون غيرهااا

السالفة خوفي تكبر ..

وللأسف ما أقدر أسفر الطباخة ..

مثلها ما حصلت من 25 سنة .. وشاله بيتي على راسها من ناحية الطباخ ..

في رمضان وغيره .. باكلها عدل إذا استغنيت عنها ..

[شيزكيك]

يمكن علشان الطباخه عارفه مكانتها في البيت وانكم ما تقدرون تستغنون عنها فسوت رعب

وسيطرت على الباقيات والحل تيبونهم كلهم وتحددون مسؤليه كل وحده بالضبط واذا ما رضت

تطبخ لهم خلهم يطبخون حق روحهم

[الوعد2016]

لا تعليق لانهم اذا اشتكوا عليك هم ربحانين واذا بتشتكي الكل ضدك حتى وزارة العمل ضدك ويكونون مع الخدم هههههههههههههههههه عليك المهم الحل صعب الان لانك تبي البديل احضر طباخه جديده وكنسل هذي

[استغفرالله]

لا تصدقهم

معروفين بمكرهم

وبعدين هم اربعة ما تقدر عليهم واحدة

ولا تعطيهم ويه

[pure]

مادي جرب تخصم من معاش الطباخه لو ما تسمع الحجي وجي

بعدين الطباخه ينخاف منها فيدها الخيط والمخيط لو هددتها وحكرت لها وعصبت

وانت تقول مب سهله بتحط لكم شي بالاكل لا سمح الله

[ضوى]

ماشاء الله خمس خدامات ببيت بواحد ؟؟؟

اكيد خمس ببيت واحد بيتهاوشون وبيكيدون لبعض كل واحدة بتشيل عالثانية وبتفتن عالثانية ، الواحد عنده واحدة والا ثنتين ومشاكلهم ماتخلص اشلون خمس ماشااء الله ؟

الحل اختي بدلي الطباخة لانها تعرف مكانتها عندج وبتسوي اللي العن من جذي لو تماديتي في رضاج عنها ، يعني بتسوي اللي تبيه لانها بالنهاية تدري ماتستغنين عنها ، وهذا الشئ مكبر راسها واكيد مخليها تستغلج استغلال سئ

اسمحي لي اختي اذا خدامة سافرت بتتوهقين اشلون لو وهقوج الاربع وسافروا ؟؟

[اهل قطر]

شوفي انا اقول لك
ما اشتكوا هالخدامات الا من الفراغ , الخدم المشغولين ما عندهم وقت للسوالف والقيل والقال

نصيحه اتبع سياسة فرق تسد وغير الجنسيات
وحاولوا تقللون العدد ثرا كل ما كثروا كثرت مشاكلهم
ولو اشتكوا من الطباحه الحكمة ان الطباخه افيد منهم
فالاربع لو حاولتوا تفكون هالتكتل ثراه يخوف

[بلاهويـــــة]

الله يحفظنا من شر الخدم

[مضاربه]

اربعه يخافون من وحده اكيد ماسكه عليهم زله وتهددهم فيها وبعدين مثل ماقال لاخ هذا من الفراغ

[حسين بن عاقول]

اطلعي من البيت وخلي البيت لهم خخخخخ


لا صج مافي الا الخصم من الراتب اخصمي من الطباخه والفلبينتين الي جو اشتكو واذا الثنتين الي ماشتكو جو اشتكو على الطباخه بعد فخصمي منهم من غير ماتخصمين من الطباخه في المره الثانية..
واذا مصخوها مافي الا تسفرينهم او تطلعين انتي من البيت