الامارات
08-02-2009, 10:56 AM
طال الغياب
طال الغياب ولامني من أودّه //// وبقدر طول الغيبة إيطول العناق
يا مالك قلبٍ وصوبك تحدّه //// إن كنت مشتاق ف..انا ألف مشتاق
تدري الفراق يجدِّد الحب عهده //// وانا من الفرقا على جمر حراق
شرقٍ وغربٍ صاحب الشوق وحده //// حر جناحه دايم الوقت خفاق
يا كم تريّا اللحظه اللى تردّه //// كنه من الفرقا الى الموت ينساق
هذا امتحانٍ للغلا فيه شِدّه //// إن كان ما زلنا مثل قبل عشاق
ما اغلى النهار ان الليالي تضدّه //// لو كان سرمد ما أظنه بينطاق
يْزَيِّد غلا اللؤلؤ صعوبة مكدّه//// لو هو رخيص ما يعلق في الأعناق
وحتى ربيع الوقت لو طال مدّه//// ما شفت يا خلي له الناس تشتاق
شعر سمو الشيخ محمد بن راشد آل مكتوم
طال الغياب ولامني من أودّه //// وبقدر طول الغيبة إيطول العناق
يا مالك قلبٍ وصوبك تحدّه //// إن كنت مشتاق ف..انا ألف مشتاق
تدري الفراق يجدِّد الحب عهده //// وانا من الفرقا على جمر حراق
شرقٍ وغربٍ صاحب الشوق وحده //// حر جناحه دايم الوقت خفاق
يا كم تريّا اللحظه اللى تردّه //// كنه من الفرقا الى الموت ينساق
هذا امتحانٍ للغلا فيه شِدّه //// إن كان ما زلنا مثل قبل عشاق
ما اغلى النهار ان الليالي تضدّه //// لو كان سرمد ما أظنه بينطاق
يْزَيِّد غلا اللؤلؤ صعوبة مكدّه//// لو هو رخيص ما يعلق في الأعناق
وحتى ربيع الوقت لو طال مدّه//// ما شفت يا خلي له الناس تشتاق
شعر سمو الشيخ محمد بن راشد آل مكتوم