ارجو المساعده؟؟

[كاروهات]

باختصار شديد....


اللي يعرف طبيب نفسي ممتاز في قطر , يدلني عليه للاهميه:weeping: ؟

عندي الوالد تعبان؟
لا فادة معاه لا مستشفيات خاصه ولا حكوميه ولا حتى رقاة شرعيين...
نصحنا دكتور بمعالجته عند طبيب نفسي..
للعلم ابوي واايد ملتزم >> يعني لحد يفكر ان المرض النفسي للغير ملتزمين..

ارجوكم اللي يعرف لا يبخل علي؟




وجزاكم الله ألف خير.....

[سداوي&مدريدي]

مايشوف شر ان شاء الله

ان شاء الله الأخوان يفيدونك

[أم حمد]

ان شاءالله يفيدونك

/

[ريان]

مايشوف شر ان شاء الله

وطبعا انتم احرص عليه من اي حد .

اذا الوالد نفسيته تعبانه ومن غير مايعبث ويسوي مشاكل لاتوديه دكتور نفساني .

لان فيه اشياء كثيره تسبب الضيقه والتوحد والقلق والتوترمثل القولون العصبي .وعموم امراض

الباطنيه.

اعرف السبب من كذا دكتور قبل اي شي .

فيه الدكتور -حمدي في مستوصف الجزيره ياريت اتشوفه قبل اي حاجه

[QAT2020]

اسأل الله العظيم رب العرش العظيم ان يشفيه ..

ان شاء الله مايقصرون معاج الاخوان والاخوات ..

[مستثمر 999]

في دكتور مصري في الخريطيات عند بترول طيبه من السهل الوصول اليه

والدكتوره ........... في عيادة الدوحه محترمه جدا

والطب النفسي مقابل السنتر الله يطول بعمر ابو مشعل خدمات راقيه ومجانيه

يوجد مكان مخصص لاهل الدين ( مجلس خاص بالمريض )

وبعد

لي عوده ان شاء الله

[كاروهات]

الشكر للكل


بس يا اخ ريان احنا ماخلينا مكان ماسوينا له فحوصات زكل عرج فجسمه فحصناه وماطلع فيه شي...

مستثمر >>> ارجو انك تحدد المعلومات اللي عندك او تطرشها عالخاص لاهنت....

[lwsail]

السلام عليكم مايشوف شر الوالد ان شاء الله وخلوه يقرا سورة البقرة كل يوم او يسمعها ويقرا المحصنات وودوه لاداء فريضة العمره ويقعد كم يوم بمكه والله يعافيه.

[العقل الحر]

الشيخ مانصحك اتوديه حق اي عياده او دكتور في قطر

وده الاردن واحد من الجماعه كان يتعالج في قطر ماخلا مكان ما راحله ولكن مافي فايده

ولكن يوم راح حق دكتور نفساني في الاردن يمدحونه رد بخير واحسن

واذا حاب التفاصيل عن الدكتور في الاردن بعطيك اياها

والله يفكه من همه

[تحداني]

الله يشفي الوالد يارب

بخصوص المرض النفسي الي يعانيه الوالد ..بالفعل في في الاردن دكتور وايد زين عن تجربه حقيقيه من الاهل ..لكن الي اعرفه ان هالدكتور كان يسوي جلسات مغناطيسيه وكانت وايد مفيده وبعدها كملوا في العياده النفسيه عند الدكتوره سهيلا على ما اعتقد والحمد لله الحين امورهم زينه ..لكن الامراض النفسيه تاخذ وقتها والي اعرفه صار لها تعبانه من 8 اشهر ..والحمد لله الحين احسن ...

[كاروهات]

السلام عليكم مايشوف شر الوالد ان شاء الله وخلوه يقرا سورة البقرة كل يوم او يسمعها ويقرا المحصنات وودوه لاداء فريضة العمره ويقعد كم يوم بمكه والله يعافيه.





الشر مايجيك ان شاءالله
وبالفعل الوالد كل يوم يقرا صورة البقره بعد صلاة الفجر كامله وكل يوم..
اما بالنسبه للعمره تونا راجعين من كم يوم ومافي فايده...


شكرا لك

[كاروهات]

العقل الحر
و
تحداني الزمن
التفاصيل لاهنتوا عالخاص....؟
واذا في ارقام تلفونات يكون احسن....؟



شاكره لكم