مساعدة: قطوتي ضااعــت

[بـن عدوان]

السلام عليكم

اخواني وخواتي

من زمان وانا كنت ابي اشتري قطوة

ولم شريت قطوة امس

شردت شلون مادري :(

هذي صورها

http://www.arb-up.com/files/arb-up-2008-6/vT755572.jpg
http://www.arb-up.com/files/arb-up-2008-6/a3Y55478.jpg


رجاء اللي يحصلها يكلمني وله مكافأة مني ان شاءالله ..

بيتنا في اللقــطة

يعني يمكن تكون في اللقطه او قريب من اللقطه

:(

[tajirqatari]

هالقطوه قبل كم يوم كانت معروضة للبيع
ان شاء الله تحصلها

[مافيا قطر]

الله يعينك مشكله اذا ماراحت صوب الدوار المايل راحت عليها

[بـن عدوان]

حـد يعطيني حل شلون اطلعها ؟

انا بحط اعلان في الوسيط :(

[bo3abed]

من عيني ...لني كنت ابيها وإنت خذتها قبلي...:anger1:

اتغشمر معاك الشيخ...انا بعد قطوتي طلعت السبت من البيت وعيزت وانا ادورها...قمنا انا والعيال البارحة نوزع اوراق في الفريج بصورتها ...عل وعسى...

الظاهر إنه موسم هجره عندهم :tease:

الله المعين ومعوض إن شاء الله

[سوووووووير]

حرااااااااااااااااااااام
لاحول ولاقوة الا بالله
ان شاءالله تحصلها

[qatark]

هذي ما كانت معروضه للبيع ؟

ما تنلامين تبيعينها

مادام كل يوم و الثاني شارده

[Luxury]

لو ماخذ لك وحده صغيره ومربيها على يدك جان تعودت عليك وتعودت على البيت ..

انطر اسبوع واسال صاحبها .. ترى القطوه اتدل ويمكن ترجع له

نفس قطوه رفيجتي صار لها نفس الشي

[عيون أصايل]

الله يعينك . وان شالله تلقاها . لكن مصيبه أن كان احد خذها والله يعوظك خيررررر .

[!قطريـة بنت القمـر!]

اي صــوب من اللقطــة اخــوي ؟؟ الله يردها امين وايد حلوه ماشاء الله ونظيفه :( ....

[qatark]

ما ادري ليه احس انه بعد يومين بتلقا اعلان في المنتدى قطوة للبيع

[jassim_007]

اكيد مادلعتها و ما اهتميت فيها عدل !

[غناتي1]

يمكن ارجعت لراعيتها

[dammaj77]

الاسيويين الموجودين في سكن العمال هبين باللقطوة تصيد فيهم عند بيتنا فيتناميين

ياكلون اللقطوة !!!!

3 قطوة راحو من عندي بيض

الله يكون في عونك الفراق صعب خصوص اذا ربيتهم تحت يدك

الله المستعان

الله يطمنك عليها ويرجعها بالسلامه

[ورقــة أمــل]

بل مسكينة توك شاريها عاااد جان اهتميت فيها اكثر لين تتعود عليكم

بس يمكن اللي يلقاها ما يردها لك بيقول خل ابيعها واستفيد :rolleyes2:

كان خاطري فيهاا ههههههههه

برروح اللقطة بكرة وبودي معاي جهاز بحث عن القطاوة :tease:

الحين المسكينة راعيتها القبلية بتزعل عليها :(

[فهد111]

بل من كان عينه على القطو
الحمدلله انا عيني بارده بس صج اكيد عطوك عين يوم كان معروض بسعر رخيص وصارت من نصيبك
الله يعينك وانشالله تلاقيه بس خذلك فره على الفريج يمكن تلاقيه والله يعينك

[ريميه]

يحليلها تجننننننننننن

الله يردها عليك

[لمعة الماسة]

انا بعد بنت خالتي قطوتها نفس قطوتك بس اصغر وضاعت من كم من يوم
انشالله تحصلوون قطاوتكم =)

[sidokotbi]

يمكن ارجعت لراعيتها

وانت صح
حاول تتصل براعيها اللي خذيتها منه
والله يعينك

[محمد_ قطر]

الله يعينك ... صل ركعتبين ..

يمكن تحصلها

[بـن عدوان]

المشكلة بيت راعيها في الدفنه

وانا في اللقطه

ماعتقد بتدل طريقها :(

[بـن عدوان]

الله يعينك ... صل ركعتبين ..

يمكن تحصلها

ان شااءلله اخوي

ماقصرت

[رأس بروق]

المشكلة بيت راعيها في الدفنه

وانا في اللقطه

ماعتقد بتدل طريقها :(

هههههههه كان عندي قطو ام سميه تايغر يوم كبر عندي صار يتهاوش مع الكل كل يوم اقطاوااا داشين البيت وهواش وياه :anger1: جان امسكه وحطه البخيشه واشيله معي بسياره كنت باحذفه عند البحر كسر خاطري لانه بيتوتي ومايعرف اشلون يتصرف جان اخذه واروح اهده عند سوق السمج وحرك عنه .
عقب شهر رجعلي :nice:

[h.alkubaisi]

حرااااااااام :(

ضااااااعت :(

الحين متلتهه ف الشواااارع :(

انشـر اعلان وان اشاءالله تحصلـها

ليش تخليها برا البيت :waiting:

انا ف الدفنـه اذا شفتها بخشهاا

لان وايد في قطاااوه

بس حلوين نفسها ماشفت :(

الله يردها لك يابن عدوان بالسلامه
:confused:

[فاضي عمل]

الغالي اي صوب فاللقطه انت؟

اعرف شكثر فاللقطه بوصيهم وان شاءالله خير