طريق مزرعة الدوسري

[حشيم]

السلام عليكم

يا ريت حد يعلمني اشلون اوصل لمزرعة الدوسري ( الطريق ) والاوقات المسموحه للزياره وهل اقدر اودي معاي غداي واحصل مكان صاد اتغدى فيه مع العيال داخل المزرعه

[جلمود]

خذ دورا الشحانيه ونت جاي من شرق من صوب نادي الريان واذا جاك دوار الشحانيه بعد مركز الشرطه لف يمين وروح سيده بتجيك المزرعه ع اليسار طوف لفت الريس

[ALRAYYAN]

اخوي تقبض خط الشحانيه لين توصل دوار الشحانيه .. مع الدوار يمين كانك رايح الجميليه والعطوريه
بعدها مادري بكم متر .. يمكن 300 متر او 400 متر بتلقى مكتوب مزرعة الدوسري على اليسار باب تدخل منه
وتكمل وداخل بتعرف كل شي

احسن وقت لها من بعد صلاة الظهر او من الساعه 1 الظهر لين قبل المغرب بشوي .. هذا من وجهة نظري
وفي اماكن صاده وتقدر تودي أكلك وشربك معاك وبتاخذ راحتك ان شاء الله

والله يجزيه خير على هالمزرعه .. والله يحفظكم ويونسكم بالعافيه يالشيخ

[ورقــة أمــل]

هو نفس الطريق من المؤدي لدخان

فيه لفة يمين توديك العطورية

تدخلها

وتاخذ هالطريق

http://up4mb.com/up/get-2-2009-xaz1wluy.jpg

روح سيييده سييده وبتلقى المزرعة على يسارك

المرزعة فيها اكواخ صغيره ممكن تقعدون داخلها وعادي تطبخون ولا تيجيبون اغراضكم وهي صاده تقريبا

احسن وقت من الساعه 1 لين المغرب بس على ماعتقد المزرعة مفتوحة الصبح بعد حسب علمي

[حشيم]

جلمود+الريان+q44
شكراً لكم وجزاكم الله خير

[مجنون قطر]

اخوي وانت جاي من الدوحه باتجاه الشحانيه بجيك دوار الشحانيه اخذه يمين وروح سيده وبجيك دوار بعد مركز شرطه الشحانيه الجديد اخذه يمين وروح سيده وبيجيك دوار سباق الهجن واخذه سيده وبعدين بيجيك دوار الخريب بعد ماتطلع من الدوار سيده بحوالي 300 او500 متر بتجيك المزرعه على يسارك والزياره من الساعه 1 ظهرا الى الساعه 4 عصرا يوم الجمعه
ونتمنى لك قضاء وقت ممتع