خدشت سيارتي بنفسي

[qataria80]

السلام عليكم ورحمة الله وبركاته


الموضوع واضح من عنوانه ، اليوم بغيت ادخل موقف وما انتبهت لوجود بيب حديد خدش سيارتي من جهة الباب ، وصاير للي يشوفه كأن شي مغبر في السيارة أو أن احد جايب شي ومشخط فيها، علما ان لون سيارتي ذهبي ، ويا دوب مبين اللون الأسود ، فيا ترى شلون اقدر اشيل هالخدوش ، قالوا لي عن محل تلميع السيارات اللي في محطة التيسير اللي عند دوار المول ، يا ترى ممكن يسووونه بطريقة تخلي اللون مثل ما كان ؟؟؟؟ وبكم بالعادة يسووون التلميع ؟؟؟

وهل اللي يلمع سيارته ، بيأثر عالسيارة لما يوديها الفحص الفني ، يعني بيقولون ان اللون غير او اي شي من هالقبيل؟؟؟؟؟؟؟؟


ياليت اللي عنده فكرة وخبرة يقولي وبكون شاكرة له

[مالك أمل]

سويها أنتي في البيت و وفري على روحج الوقت و المال

ييبي قطعة قماش وبليها بقليل من أي عطرقديم عندج

وبلمسات خفيفة تروح الخدوش وإذا ماراحت أمسحي بقو

وإن شاء الله تروح

[][ بوجاسم ][]

رووحي سووي بوليش ... وبيرووح ولا بيأثر في اللون ولا شي

[qataria80]

مشكور اخوي عالرد السريع


بس الخدوش كثيرة وواضحة ، واخاف ازيد الطين بله ، يا ترى المحل اللي ذكرته زين ولا لا .


وانا من قبل سمعت ان العطر يستخدم للخدش الصغير كلش.



اكرر لك شكري على ردك السريع

[qataria80]

[ بوجاسم ][;3701955']رووحي سووي بوليش ... وبيرووح ولا بيأثر في اللون ولا شي




هلا بك اخوي بو جاسم ، في وين اسوي البوليش ؟؟؟؟؟؟؟؟
وبكم يسوووونه ؟؟؟؟؟

[رأس بروق]

روحي مغسلة السيارات وغسلي السياره عقب عند التنشيف قولي لهم ابي بوليش بس على خدش تحملي تضربين الجنب كامل بس على الخدش ولا تعطينه الريال غير الفلوس لغسيل .

[سطح القمر]

يسويها الوسام انا مجربه اذا كان الخدش سطحي يعني مب مطير الصبغ تلميع كامل ب 500 ريال والتلميع مايغير شي من لون السياره بس يشيل الشوائب الي على لون السياره واذا اكان الخدش بسيط يعني صبغ انظاف الى السياره فيه طريقه انا مجربها اخذي فاين وحطي عليه عطر ومسحي مكان الصبغ الي على بدي السياره وبيروح باذن الله
الوسام مكانه محطة الجزيره في شارع سلوى

[qataria80]

مشكووووووووووووووووووووووووور والله يعطيك العافية

الخدش لو تمسكه ، تحسه صاير خشن ولدرجة جرح صبعي ، عشان كذا قلت بسويه عند محل التلميع



اكرر لك شكري اخوي على ردك

[qataria80]

هلا بك اخوي سطح القمر ، ما يصير يسووون التلميع بس مكان الخدوش ، يعني مب لازم السيارة كلها ؟؟؟؟؟؟؟؟

[qataria80]

بس سؤال ، التلميع غير والبوليش غير، ولا نفس الشي؟؟؟؟؟؟؟؟؟؟؟؟

[رأس بروق]

نفس الشي بس التلميع يأخذ وقت الطول يعني تحطين السياره عندهم يوم كامل ..نفس ماقتلج باجر العصر روحي المغسله غسليها 20 الريال وقولي لهم يطيرون الشمخ .
بس اذا الصبغ متقشر خليه مثل ماهو ..

[بوخالد911]

اي مغسلة الحين تسوي بوليش للموتر

عندج محل كريستال بشارع سلوى عند محطة التيسير

شغلهم 100 %%%

جربتهم


موووفقة

مسيوو/ بوخالد911

[q6ri_vip]

مشكووووووووووووووووووووووووور والله يعطيك العافية

الخدش لو تمسكه ، تحسه صاير خشن ولدرجة جرح صبعي ، عشان كذا قلت بسويه عند محل التلميع



اكرر لك شكري اخوي على ردك

هذا مب خدش بسيط يعني يبيله سمكره وصبغ

ع العموم روحي لمحطة بترول التيسير مقابل قطر لديكور على طريق سلوى

عندهم داخل المحطة محل يقدر يضبط لج الموتر للخدوش وبنفس الوقت .

[aldeem]

اختي من واقع تجربه انا رحت الوسام وكان عندي خدوش فى السياره وقلتله ابي تسويها لي وفعلا سواها شي منها راح وشي خف شوي والرجال ماخذ على ولا ريال قال هاي خدمه من المحل وسمحولي طولت عليكم

[بوخالد911]

اختي من واقع تجربه انا رحت الوسام وكان عندي خدوش فى السياره وقلتله ابي تسويها لي وفعلا سواها شي منها راح وشي خف شوي والرجال ماخذ على ولا ريال قال هاي خدمه من المحل وسمحولي طولت عليكم

هلا

ووين مكانه

لطفا
:nice:

[مستثمر 999]

اختي الكريمه

اكيد سيارتج جديده وتأمينها شامل

كلها زيار لشركة الـتأمين وتقرير وبعدها الى الوكاله

وكان الله غفورا رحيما

بس طبعا انا لو مكانج اروح لأي مغسله سيارات واسألهم ولكن دام انج جرحتي صبعج ما في امل

الا ان الباب يتغير في الوكالة

[مستثمر 999]

هلا

ووين مكانه

لطفا
:nice:


افا يا مسيو بوخالد

ما تعرف وين الوسام

محطة بترول الجزيره طريق سلوى الله يسلمك

صج شغلهم نظيف ما شاء الله

وديت لهم لكزز فوريل 2001 ويوم رحت اخذها تميت يمكن نص ساعه ادورها لان للاسف ما اعرف رقمها كم ..وهي واقفه داخل ...

[الـقـاسـي]

الوسام ماعليه كلام شغل مضمون مب مثل المحلات الباقية ..
أختي انتي من طريقة كلامج مب خدش هذي يبي لها تصليح
انتي حطي صورة للمكان اللي فيه الخدش عشان نعرف

[ولد-قطر]

قبل كل شيء تحسسي المكان هل هو خدش او بقايا صبغ من الشيء المخدوش منه !!

اذا خدش اتوقع لازم يعمل لج صبغ مكان الضربه البسيطه واذا كان بقايا صبغ وفارق عن لون السياره استخدمي البولش في هذي الحالة وراح يفيدج ان شاء الله

واذا تبغين مكان زين يسويها لج عندج محل اسمه كلاس في شارع المطار التجاري او في طريق سلوى في داخل محطة بترول التيسير

وعندج محل ثاني في محطة بترول المسيلة الأصباغ التقنية

[qataria80]

مشكووووووووووووووووورين على مروركم وتفاعلكم ، وهذا العشم فيكم والله

مكان الخدش يجرح الصبع لان الطبقة الشفافة صايرة بارزة شوي ، عشان جذيه صاير حاد ، والخدش مب مطير لون السيارة الاصلي الغالبية منه صاير كأنه غبار ، بس شوي عالجنب طاير اللون وهذا مب واضح واجد .


اكرر لكم شكري وعرفاني لكم جميــــــــــــــــــــــــــــــــــــــــــــــع ا

[بوخالد911]

مشكووووووووووووووووورين على مروركم وتفاعلكم ، وهذا العشم فيكم والله

مكان الخدش يجرح الصبع لان الطبقة الشفافة صايرة بارزة شوي ، عشان جذيه صاير حاد ، والخدش مب مطير لون السيارة الاصلي الغالبية منه صاير كأنه غبار ، بس شوي عالجنب طاير اللون وهذا مب واضح واجد .


اكرر لكم شكري وعرفاني لكم جميــــــــــــــــــــــــــــــــــــــــــــــع ا



1- أغلب الظن يحتاج اشوية بوليش وموضووعج خاالص !!

2 - لو تقدرين تحطين صورة الخدش


3 - موووفقة


مسيوو/ بوخالد911

[ضوى]

اختي انا صادفتني نفس الحالة بسيارة البيت ، وحطيت الموضوع وماقصروا الشباب ، دلوني محل في التيسير اسمه Glass , في محطة التيسير اللي مجابلة قطر للديكور بس قال لي لازم صبغ ، وماشاء الله خليت السيارة عندهم ساعتين ورديت اخذتها ولا كانه فيها شئ ماشاء الله تبارك الله ممع العلم لون السيارة ابيض لؤلؤي

يارب تستفيدين من تجربتي

[مستثمر 999]

على فكره

وردي هذا للشباب والشابات المحترمين والمحترمات

ولتعم الفايده للجميع وخاصه اصحاب الجيات ومشاكل الفحص الفني بسبب الخدوش في الصدام

في محل كبير في دبي بالقرب من دبي فيستيفال ستي

المحل متخصص في بيع صبغ للسيارات نفس طريقة التغبيره

تعطيهم رقم الشاصي او تاخذ عطى البترول لهم وب 20 ريال او اقل

وهذا الي يسونا في الدوحه مقابل مبالغ خياليه

وتحياتي

[بوالنوف]

زي بارت 200 ريال وانتي مستانسه
شارع سلوى

[bu 3li]

انا موتري رادين عليه ريوس ومعورين الصدام فيه .. زلغ بس مطير الصبغ
ونفس الشي الصدام اللي جدام من عـ الطرف فيه زلوغ بسيطه

رحت المحل اللي فـ محطة المسيله وخذ علي يمكن 300 ريال او 500 ما اذكر بالضبط
وكلت جبده وعطاني ضمان 3 شهور على الشغل اللي اشتغله لي

مع العلم ان موتري لؤلؤي يعني فيه لمعه وصعب تضبط اللون
لكن ماشاء الله تبارك الرحمن مع الغسيل والرمل والمطر ماتغير فيه شي ولا تقشر

وهو رتب لي القطعه اللي فـ الزاويه يعني ماصبغ لي الصدام كامل

[GENIUS]

السلام عليكم جميعا
اختي الفاضلة
اول شي إذا كانت طبقة الصبغ الأصلية تآكلت يعني جزء منها تقشر فهذا معناه بان الشغلة تحتاج لصبغ أما إذا كان الموجود خدش بلون الجسم الآخر الذي خدش الصبغ فهذا علاجه اسهل
وكما تفضل الأخوة الأفاضل بذكر أسماء ومواقع الأماكن والمحلات المختصة بهذا العمل وأعيد ذكر بعضها من واقع تجربة
1- زي بارت على طريق سلوى بعد مبنى وكالة المرسيدس الجديد هو الأفضل سعره عالي لكنه يستاهل
2- غلاس داخل محطة بترول التيسير بدوار قطر للديكور شغل رائع ويقوم بعملية الصبغ
3- الأصباغ التقنية داخل محطة بترول المسيلة شغله ممتاز ومضمون ويصبغ
4- كريستال على طريق سلوى قرب الجزيرة للتمويل شغله ممتازيصبغ لكن سعره عالي مقارنة بالبقية
5- الوسام لتلميع السيارات بالقرب من دوار العزيزية شغله رائع وسعره مقبول

هذه المحلات من واقع تجارب ولك حرية الإختيار

ولكم جميعا كل التحايا

[على نياته]

الباين من كلامك ان الشمخ قوي يمكن ما يروح بالبوليش لكن بيخف شوي .

[aldeem]

ارجع واكرر جربي وروحي الوسام وماراح تخسرين شي

[qataria80]

مشكووووووووووووووووووووووووووووورين كلكم من غيراستثناء ، على تجاوبكم مع موضوعي والله لا يرويكم شي في سياييركم .

وديت السيارة لمحل التلميع اللي في في محطة التيسير ، وسوى لي تلميع بس ، والحمد لله خفت المشكلة شوي ، وقالي سيارتج يبي لها صبغ ، وهم ما يصبغون ، وإن شاء الله بوديها لمحل يصبغ اللون الطاير ، ولو اني توني ادريان في حد يصبغ في الدوحة ، قالوا لي لازم الصناعية ، وان لازم ورقة من المرور ، عشان ادخلها الوكالة !!!!!!!!!

فإن شاء الله بوديها لأحد المحلات اللي ذكرتوها ، وببلغكم بالنتيجة إن شاء الله
مشكووووووووووورين ريحتوا بالي الله يريح بالكم .

[ملازم1]

هلا أختي نفس الشي ونفس ما قالج سطح القمر روحي عند الوسام عند واحد سوري
وبسويه لج ولاتخاافين انا امجربه

[qataria80]

هلا بك اخي ملازم 1


ومشكووووووووووووووووووووووور على ردك .

[MLAAS]

السلام عليكم ورحمة الله وبركاته


الموضوع واضح من عنوانه ، اليوم بغيت ادخل موقف وما انتبهت لوجود بيب حديد خدش سيارتي من جهة الباب ، وصاير للي يشوفه كأن شي مغبر في السيارة أو أن احد جايب شي ومشخط فيها، علما ان لون سيارتي ذهبي ، ويا دوب مبين اللون الأسود ، فيا ترى شلون اقدر اشيل هالخدوش ، قالوا لي عن محل تلميع السيارات اللي في محطة التيسير اللي عند دوار المول ، يا ترى ممكن يسووونه بطريقة تخلي اللون مثل ما كان ؟؟؟؟ وبكم بالعادة يسووون التلميع ؟؟؟

وهل اللي يلمع سيارته ، بيأثر عالسيارة لما يوديها الفحص الفني ، يعني بيقولون ان اللون غير او اي شي من هالقبيل؟؟؟؟؟؟؟؟


ياليت اللي عنده فكرة وخبرة يقولي وبكون شاكرة له


اختي شوفي الصبغه لو كانت طايره .. مابينفع لا تلميع ولا شي .. يبيلها حك وصبغ بس ماتستاهل انها تنصبغ

وثاني شي لو كان البيب نفسه فيه صبغ وعلق على صبغ السياره هني راحت تقدرين تشيلينه يا اتحكينه بعطر ( يطير لمعه السياره )
او بمحل تلميع

بس انا لو كنت منج بجرب النقطه الثانيه .. او اخليه شكل ماهو والخدوش لاتودي ولا تجيب الا لو كان الخدش واضح ومشوه منظر السياره راح اصبغ
ولو عن الفحص مايتكلمون

والله يعينج

[qataria80]

اختي شوفي الصبغه لو كانت طايره .. مابينفع لا تلميع ولا شي .. يبيلها حك وصبغ بس ماتستاهل انها تنصبغ

وثاني شي لو كان البيب نفسه فيه صبغ وعلق على صبغ السياره هني راحت تقدرين تشيلينه يا اتحكينه بعطر ( يطير لمعه السياره )
او بمحل تلميع

بس انا لو كنت منج بجرب النقطه الثانيه .. او اخليه شكل ماهو والخدوش لاتودي ولا تجيب الا لو كان الخدش واضح ومشوه منظر السياره راح اصبغ
ولو عن الفحص مايتكلمون

والله يعينج



هلا بك اخوي ومشكوووووووووووووووووووووووور على ردك وتوضيحك ، انا سويت تلميع للمكان نفسه وراحت الخدوش ، وبقى شي بسيط ، يعني اللي بيقرب من السيارة بيشوفهم ، بس من بعيد ما يبين .


اكرر لك شكري مرة ثانية

[ALRAYYAN]

بالتوفيق يارب

[qataria80]

الجميع إن شاء الله

[_بوشهاب_]

السلام عليكم ورحمة الله وبركاته


الموضوع واضح من عنوانه ، اليوم بغيت ادخل موقف وما انتبهت لوجود بيب حديد خدش سيارتي من جهة الباب ، وصاير للي يشوفه كأن شي مغبر في السيارة أو أن احد جايب شي ومشخط فيها، علما ان لون سيارتي ذهبي ، ويا دوب مبين اللون الأسود ، فيا ترى شلون اقدر اشيل هالخدوش ، قالوا لي عن محل تلميع السيارات اللي في محطة التيسير اللي عند دوار المول ، يا ترى ممكن يسووونه بطريقة تخلي اللون مثل ما كان ؟؟؟؟ وبكم بالعادة يسووون التلميع ؟؟؟

وهل اللي يلمع سيارته ، بيأثر عالسيارة لما يوديها الفحص الفني ، يعني بيقولون ان اللون غير او اي شي من هالقبيل؟؟؟؟؟؟؟؟

ياليت اللي عنده فكرة وخبرة يقولي وبكون شاكرة له
انا موتري ابيض ولون الصدام استوى اسود من كثره السفر وماتكلموا الفحص الفني

[القلم الصريح]

ألسلام عليكم اختي قطريه
اذا كان الخدش غزير وطاير الصبغ منه انصحج تروحين في محطة بترول المسيله محل جنب كنتاكي اسمه اصباغ التقنيه على ماضن ، يعالج الخدش الغزير اللي طاير الصبغ منه بطريقه فنيه ومحترفه وانتي واقفه يعني مسأله ماتاخذ نص ساعه وسعره معقوله على مخبر وكاسري فالسعر ، امه اذا خان الخدش بسيط وسطحي روحي اي مغسلة سيارات وقولي لهم يحطون مكان الخدش بولش شوي يطير لج الخدش البسيط وعطيهم خمس او عشر ريالات والمسأله ماتحتاج لبولش كامل السياره دام السياره جديده

[qataria80]

مشكوووووووووووووووووووووووورين والله يعطيكم العافية إن شاء الله



بجد ما قصرتوا معاي

[بوالفاروق]

جلاس اللي في محطة التيسير طريج سلوى
روحي عندهم في نفس اليوم تاخذنيه وشغلهم امجربينه
في موتر اخوي وولد خالتي

بالتوفيق

[فلفل حار]

اختي نصيحه

روحي حق محل التقنيه الي داخل محطة المسيله

وادعيلي :)

[qataria80]

الله يعطيكم العافية ، وجزاكم الله كل خير



لين الحين ما وديت سيارتي وإن شاء الله لما ازفها للمحل ببلغكم بالنتيجة


اكرر لكم شكري وعرفاني