ماذا حصل للسلام اليوم .

[متداول]

اليوم تنفذ اكثر من خمسة مليون سهم مع العلم بان اكبر كمية تمت للسلام وهي اكثر من مليون مئتان وخمسون سهم .
هل يوجد تخوف لدى المساهمين من دخول الاجانب ؟ مع العلم بان الشركة مسموح للاجانب بشراء اسهمها وفي رأيهم بأن سعر السهم لن يتأثر بموجة الصعود للسوق بشكل عام مع العلم بان سهم السلام و qtel راح يكون اكثر ثقة من بعض الشركات الاخرى وردات الفعل للسوق ام ان احد المستثمرين اراد تصفية المحفظة لديه .
ارجو من الاخوة والاخوات المشاركة عن اسباب كمية البيع الكبيرة التي تمت ؟ :confused:



وسلامتكم ,,,,,,,,

[مغروور قطر]

والله انا مساهم فيها بصراحه وفيها تخوووف انا بكره بصراحه ببيع ونصيحه شوف بكره اذا فيها فرصه وشوف العرض والطلب واذا مو خسران اكتفي في اربح وطلع منها وروح للمضمون

[m_taha123]

ماادري الظاهر صفقات مالت كبار ؟ والله غريب السوق انا بصراحة بعت بخسارة وبكرة بابيع باقي الكمية والي عنده سيوله ما انصحه بالبيع والانتظار افضل ؟ .
هذا والعلم عند الله

[502]

اخوي مغرور قطر بغيت اشتري في السلام تنصحني فيها في هذا الوقت ولا انطر ؟

[مغروور قطر]

والله بنسبه لك اذا انت طويل الاجل اشتر اما مضارب فيها تخوووف معن فيها زيادة راس مال واعتقد ان شاء الله سوف ترتفع اكثر من السعر هذا ان شاء الله والله يوفقكم يارب

[قطر]

انا اعتقد ان كانت الكميه المعروضه فقط لتنزيل السهم
وتثبيته على لمت داون

الى ان يصلح هم السعر ويرجعون يسحبونه

والا ايش اتفسر ان 400 الف سهم اتروح في ثانيه

هل هو سحب اوردر او بيع وشراء وهمي

بمعنى اني ابيع اسهمي على نفسي(حاط اوردر شراء في نفس الوقت) او على اسم ولدي ....

لكن يوم شافوا السهم ايتحرك وقلت لكم لو راحت 300 الف بيبتدي التحرك

وبدت اللعبه بعد 280 الف سهم
...


ومحااوولات تنزيل

لكن انا كمستثمر انتظر الاكتتاب

لازم ماانظر للسهم وهو ينزل لانه بيرتفع باذن الله

مع انه شي ايحطم صراحه

والله الموفق

[متداول]

مشكور اخوي مغرور قطر و m_taha123 على مروركم الكريم , اذا سمحتولي ان ابدي بعض النقاط ومحتاج الى رئيكم وجميع الاعضاء .
- من المتوقع ان يتم زيادة راس المال في الجمعية العمومية والتي سوف تعقد يوم 17/4/2005 م والموافقة على توزيع اسهم مجانية 10% من الاسهم الحالية والذي يبلغ عددها 24.3 مليون سهم وبهذا يصبح اجمالي الاسهم بعد الزيادة 26.7 مليون سهم .
- الاكتتاب الخاص الذي سوف يتم على راس المال الجديد 26.7 مليون سهم ومن هذا يمكن ان ننطلق الى النقطتين التاليتين .
* سعر السهم الجديد بخمسة عشر ريال وهو سعر مغري جداً للشراء .
* متوسط السهم السابق سوف ينخفض بحكم الزيادة بنسبة 10% وليس هذا فقط بل يعطي فرصة ومرونة لسعر السهم في حالة الشراء فلو انك شريت سهم 100 ريال سوف يصبح المتوسط بعد التوزيعات والاكتتاب 53 ريال يعني توزيع اسهم مجانية بنسبة 47 % انما في المتحدة و بنفس سعر الشراء راح يكون منوسط السعر 74 ريال يعني اسهم مجانيةبنسبة 26% بحكم ان سعر الاكتتاب 40 ريال .
- كمية التداول التي تمت اليوم تذكرني بالصناعات ( كمية بملايين الاسهم ) والمتحدة ( بمليونين سهم ) ومن بعدها تم انطلاق السهم بشكل قوي وبثقة .
- بالنسبة لي لن ابيع بحكم ان المحفضة باسعر مناسبة اضافة الى اني انتظر الاكتتاب الخاص .

وتقبلوا تحياتي ,,,
وسلامتكم ,,,,,,,

[مغروور قطر]

كلام جميل جدا بس اخوي المتحده ماسكه مشاريع ضخمه جدا جدا

[متداول]

اتفق معاك اخوي قطر خاصة وانت تشوف اسعار الشركات الثانية ترتفع ولو تلاحظ ان ظغط كير تم على السعر وليس الكمية قصدي ان اللي يبيع يبي المتوسط يكون منخفض وهذا ماحدث , بس انا متفائل بالخير بكرة حتى لو بداء من لميت دون لان المضاربة على السهم بجي وقت ويوقف ويصبح من مصلحة المضارب والمستثمر ارتفاع السهم .

مشكور مرة ثانية وتحياتي ,,,
وسلامتكم ,,,,

[adss]

السلام-السلام -و عليكم السلام

[متداول]

اخوي مغرور قطر لما تقول ان هناك مشاريع ضخمة صح واتفق معاك في مشاريع ضخمة .
بس كم قيمة المشاريع ومتى تبداء الايرادات تحسب للشركة هل خلال سنة او سنتين او خمس يعتمد على كل مشروع .
كم راس المال الحالي وبعد 10% كم يصبح ؟ وبعد الاكتتاب كم بيصير الان راس المال 500 مليون بعد الزيادة راح يصبح 1100 مليون ريال وشوف صافي الربح الناتج عن نهاية هذي السنة .
على كلً اخوي هذا راي قد اكون مصيب وقد اكون مخطئ مع ان عندي اسهم في المتحدة والله يوفقكم لما يحب ويرضاه .
وسلامتكم ,,,,,

[almazam]

السلام عليكم

الشي الي حصل اليوم كان متوقع ليس مع السلام بل مع معظم الاسهم
وانا الي كنت ملاحظه امس في البورصة هي سحب بكميات قليلة من 1000 الي 2000 سهم
للاحتفاظ بالقيمة المنخفضة للسهم
وكنت الاحظ انخفاض في العرض مع بقاء الطلب 0 وزيادة في حجم التداول
بدأت الحركة اليوم في الصناعات التي دعمت البنوك ثم التأمين
تبعتها التنمية واخرها السلام

وبانسبة للسلام اكثر من 400000 راحوفي 15 ثانية

هذا تسائل الغشيم الي مثلي
مابقول وين راحت؟؟؟؟
يقول اشلون راحت؟؟؟

[محمد بن حمد]

المتابع للسوق ماراح يسال اي سوال مثل ها الاسئلة .. شلون راحت اسهم السلام ومن اللي خذها وليش ...

الجميع كان متاهب ان يرجع السلام مثل ما كان لمت اب .. لان مافي له مبرر انه ينزل .. السلام راح يرفع راس ماله 100% يعني لو عندك ا لف سهم بالتقريب راح تشتري مثلهم بقيمة 15 ريال للسهم بالاضافة لتوزيع سهم لكل عشره .. ثاني مثله مثل المتحده وهو بعد ماسك مشاريع ضخمه وله ناس وخبراء وما يفرق عن غيره ..
بعدين بالسنبه للكميه وشلون انسحبت شي طبيعي ابتدى العرض من الصبح لين وصل 600 الف او اكثر بشوي بالاضافة للمواشي العرض وصل 800 الف قريبا وفي مواشي جا واحد وخمله مره وحده 500 الف سهم وقام اللي يسحب طلب البيع واللي يشتري وارتفعت مواشي وقالو الحين السلام نفس الشي وابتدوا الناس اللي يحطله طلب بالف سهم واللي بالفين واللي بعشر تالاف وشالوا الكميه وبالفعل سرعت الشيل طبيعيه واكثر من طبيعيه او يمكن اني اقول بطيئه شوي بالنسبه حق السلام يوم طاح يوم انباع تقريبا 300 الف سهم خلال لحظات ..
والنسبه حق مستقبل السلام ماعليه اي خوف اللي ما ربح بالمضاربه ينتظر الاكتتاب وتوكلوا على الله ولحد يطلع اشاعات ويخرع الناس

ملاحظه صغيره .. اللي حصل في سلام ومواشي .. يدل على ايش ؟؟ كان فيه 500 الف سهم معروضين وبعد يزيد العرض يعني هاي في ذمتك من الذكي اللي يفكر ان اسهمه راح تنباع ويعرض .. المفروض يكون فيه ثقافة مستثمر يوعون الناس شوي .. المهم اللي يبي يبيع باع وافتكينا منهم انباع حول مليون وشوي وهاي معناه انهم بينطرون يرتفع السهم عقب اذا يبون يبيعون ببيعون

تحياتي

[ابوعلي اليافعي]

اسمحولي اخواني ان اوضح بعض النقاط 1- الاخ متداول الارقام التي ذكرتها ليست للسلام فالسلام تم تداول مليون ومئتين الف سهم وليس خمسة ملايين..2-الذي حصل اليوم بالعكس زاد الثقه باسهم الشركه وتبين ان الشراء على الشركه قوي حتى وان كان المعروض وصل الى 650الف سهم ولكن هناك من كان يتحين الفرصه ولم الاسهم بسرعه عندما وجد انها قد تفلت من يده..3-البيع الذي حصل نحن نعلم اسبابه فالرابحين فالشركه كثر خاصه وان الشركه استمرت فتره طويله وهي تطلب على اللمت اب فلا غرابه من عرض هذه الكميه ولكن شراء هذه الكميه في ثواني اعطى دليل قوي على قوة الشركه والاغرائات التي ستوزعها من اسهم واكتتاب..4-ايضا السلام شركه لها مشاريعها وما الزياده براس المال الا لمواكبت هذه المشاريع العقاريه5-اخوي بو نوره انت ذكرت الاكتتاب 100% صحح معلوماتك فالاكتتاب سيكون بنسبه من60% الى70%او تقريبا 15مليون و700الف سهم (عدد اسهم الشركه24مليون سهم))لزم التوضيح وشكرا

[المراقب]

أخواني سبب كثرة العروض في السلام هي الإشاعات التي سارت في السوق والتي تتلخص في إلغاء السلام لإكتتاب وكذلك المصرف، فاقمت السلام والمصرف بإجبار السوق بشكل رسمي عن عدم صحة تلك المعلومات، وتم نشر الخبر على موقع السوق اليوم، مما حرك البيع في السلام وبسرعة هائلة.

بالنسبة للإكتتاب، فإنه سوف يكون في نهاية شهر مايو بنسبة 65% وبسعر 15 ريال. بالنسبة للأسهم المجامية 10% سوف توزع في شهر أبريل (أظن 17 تاريخ إنعقاد الجمعية).

أتوقع صعود السهم لتعدي 100 ريال والله أعلم.

[almazam]

الاسلام عيكم

الله يطولي في عمرك اخوي بونورة
الي ذكرتة صحيح 100 %
وهذا الي يسمونة الية التداول
والي يبي يعرف عنه يدخل هنا (http://www.dsm.com.qa/site/topics/static.asp?cu_no=2&lng=0&template_id=22&temp_type=42&parent_id=21) بس الي يصير عندنا مش الية كاملة
والدليل قبل فترة ادارة السوق وجهة انذار لثلاث شركات وساطة
بدون ذكر اسمأها
وللاسف انا كنت اتعامل مع واحدة منها بدون مايكون عندي علم

في وقت طرح اسهم شركة الفحص الفني
حبيت ابيع الي عندي
الموظف بحكم تعامله معاي ولما وثق فيني
على طول عطاني كاش قال لي تبي اسهمك تنبال الحين
قلتا كيف ؟
قالي ايش حلاوتي

والله من يومها وانا ماطبيت المكتب وحولت الى مكتب اخر


ملاحظة صغيرة
الي كان يتداول في الاسهم قبل انشاء البورصة والشاشات الالكترونية يعرف
اشلون تروح الاسهم
والالية موجودة الحين بس اذا صبع واحد تحرك
ايش الفايدة

تحياتي لكم

[قطر]

أعلنت شركة السلام العالمية اليوم أنها تلقت موافقة من إدارة الشؤون التجارية في وزارة الاقتصاد والتجارة على دعوة الجمعية العامة للشركة للانعقاد باجتماع غير عادي للموافقة على زيادة رأس المال بمقدار 181,300,000 ريال قطري ، من خلال إصدار 2,430,000 سهم مجاني مقابل الأرباح المقترح توزيعها عن العام 2004 ، وإصدار 15,700,000 سهم نقدي بعلاوة الإصدار البالغة 5 ريالات قطرية لكل سهم ، وليصبح رأس المال المدفوع بعد الزيادة المذكورة 424,300,000 ريال قطري.

وأوضحت الشركة أن الأسهم المجانية والأولوية في الاكتتاب على زيادة رأس المال ستكون لمالكي أسهم الشركة بتاريخ انعقاد الجمعية العامة