هل هناك رقابه على الجزارين , موقف حصل لي اليوم

[اهل قطر]

كنت اليوم عند الجزار في الميره فرع المنتزه الصغيره

وطلبت منه فيليه عجل , طلع لي من جنب قلت له اوزنه وزنه وقال لي المبلع

وبعدها الا اشوفه يقطع من جنب

وخاش اللحمه

الا رفعت نفسي باشوف الا يقوله الي معاه شيءبالتركي راح وقلب اللحم
الا اللون بني قلت له لحمك خايس قال لي لا قلت له ليش تقطعه قال بافرم لك الباقي

الا اللحم له ريحه

وطبعا شكل السالفه تكلفيت

وتركته واكيد غيري بيشتري

[technical]

أتصل بالبلديه ، وأذا أثبتوا الذي تفضلت فيه بيعلمونه السنع .

[جوال 11]

اللحم ما يحفظ حسب الأشتراطات الصحية
نتمنى أحد المسؤلين يكون في المقصب الألي وأصحاب الملاحم يضعون اللحم في حوض السيارة وعلى الملحمة عدم ألتزام ، والمحلات في المجمعات ما عليها رقابة .

[اهل قطر]

عاد تصدقون
صعب علينا احنا النساء كل شيء نتصل نشتكي

[وطن]

اختي مب صعب

اتصلي واشتكي
وان شاء الله هم بيشوفون شغلهم معاه

[Bu Rashid]

العضيد ...:telephone:

[مستثمره جديده]

ياهالعضيد اللي تدخلونه في كل سالفه حشى سويتوه غرندايزر:nice:

[الوعد2016]

أتصل بالبلديه ، وأذا أثبتوا الذي تفضلت فيه بيعلمونه السنع .

صباح الخير البلديه حدهم على مطاعم نصف نجمه وينهم من مطاعم الفايف استار والمقاهي في السيتي والزقاير عيني عينك والمحل يقول الموظفين بالبلديه بعرفهم ويتقهون هونا شو بيساوا يا.................... يعني هل القصد القهش او لهم سعر خاص او ببلاش لانه يعرفهم او الواسطه لها دوووووووووووووووووور كبير في الموضوع
ومع ذالك بعض الموظفين له كل الشكر لانه محافط على الشغل وسمعة الشغل وسمعته الخاصه

[الطيبة كلها]

ياهالعضيد اللي تدخلونه في كل سالفه حشى سويتوه غرندايزر:nice:

اخخخخخخ تعليق حلو بس هم وين وغرانديزر وين متى العضيد حلو اي مشكله
المهم اختي مب حرام لما سكتي عنهم وتقولين غيرج بياخذه جان اشتكيتي عليهم وصورتي اللحم بموبايلج او سويتي اي شئ

[بوخالد911]

والله لو منج

اتصل بالبلدية ع طووول

بس رحتي وبيجي غيرج وبينضحك علييه !!!

لازم نتصل يا جماعة

بحت أصواتنا !!

جان زين أطييح بهالموووقف ؛ والله لأوريييه من هو مسيوو بوخالد911 ع حقيقته !!!!
:(

مسيوو/ بوخالد911

[اهل قطر]

يا جماعة الخير
للاسف كل مكان نروحه صرنا نلقى اشياء مشابهه
والي في بلادنا كل واحد يبغي ينهب قبل
نحتاج رقابه صارمه الحل مب في الشكوى
الحل يجي من فوق
نحتاج حلول جذرريه , يعني غش في شوي لحم خلاص لا تعودها

نحتاج الي يمسك هالاماكن يعرف ان عليه رقابه قويه

والجمعيات فيها تلاعب كثير

نفس هالجمعيه مره رحت في فترة الظهر استغربت لقيت العمال لهم مع بعض حركات مب عدله
وهذي جمعيه كبيره في الدوله

يعني بعد هذا اصوره

لو عرفوا ان وراهم ادارة قويه ما صار هالشيء

[غناتي1]

صحة الانسان 000 آخر شئ يفكرون فيه التجار

وخصوصا َ اللي ما عندهم ذمة ولا ضمير