سوأل ؟؟؟ ابي رد شافي....

[لوردغاليري]

هلابكم ومرحبا

سوالي
هل الدوحه او الدوله قبل تستقبل الخدم تكون ورقة الفحص الطبي الي تثبت بصحه العامل من بلده الموثقه تعمل بها اي يشيكون عليهم وهم في المطار
اذا هم صاحين او غير لاءقين طبيا؟؟؟؟
يعني فيهم مرض والعياذبالله؟؟؟؟


الي اعرفه انهم يعتمدون ع القمسيون الطبي بعد وصولها بيوم او يومين؟؟؟
بس وش ذنبه الي يكتشف مرض خطير بعد مايتم الفحص؟؟؟

احسبوا معاي هل المرض لوكان خطير ومعدي
جات(الخدامه) اليوم انشغلت انت او السايق بكره وديتوها بعد يومين من وصولها
نتيجة الفحص بعد يومين هاذي4ايام
قالوا لا جيبها مره ثانيه بنفحص نتأكد
بعد يومين صارو6ايام
ردوا عليك قالوااا الخادمه مصابه بمرض معدي خطير حالا تحضرونها عشان تسافر


شنو ذنب اليهال الي في البيت
وشنو ذنب اهل البيت تمت معاهم
في بيت واحد
وانتوا عارفين مجتمعنا طيب لابعد الحدود
مستحيل يفرق او يعزل


ابي جواب

من المسؤل؟؟

الحدث من ارض الواقع وليس خيال

[ANONYMOUS]

والله ما أدري

بس اخبر قبل لانطلع برا ندرس.. افحصونا فحص مب صاحي..

المفروض يسوون هنا نفس الشي..

السفاره اللي هناك تعتمد على مركز او عياده للفحص.. مكان مكانين ثلاثه.. ويكون الفحص من وإلى..

والعياده تتحمل المسؤوليه عن اي مرض مايكتشوفنه....

وماتعطى تأشيره.. إلا عند التأكد ان الشخص القادم للبلد.. مافيه اي مرض.. معدي أو غيره..

بالتالي..

نضمن ان ماحد يدش قطر فيه مرض معدي او خطير ..

نخفف الضغط على مرافق الدوله الصحيه.. سواء القمسيون.. أو المستشفيات..

والقمسيون يكون حق تجديد الإقامه مثلا..


وشكرا عالملاحظه الجديره بالإهتمام

[واحد 11]

محد يختلف على اهمية الفحص والدولة تفرض هالشي لحماية الأسر والمجتمع من انتشار الامراض والاوبئة وحتى لو كانت جاية ومعاها كشف طبي من بلدها يثبت خلوها من اي امراض اعتقد انه غير معترف فيه

يمكن بعد اهم مشكلة هي انتظار نتيجة الفحص من يومين الى 4 ايام ...خصوصا انه بعض التحاليل تحتاج وقت لكن خلال فترة انتظار النتيجة يجب ان تقوم الخادمة بمهام التنظيف لا اكثر ولازم انها ماتقرب المطبخ

بس اولا واخيرا الفحص لابد منه يعني مانقدر نصبر كم يوم هذا كله لمصلحة الجميع

[الوعد2016]

كلامك صحيح والمفروض ان المكاتب تتحفظ عليهم حتى يتم الانتها من الفحص وهذا هو الحل ولا المبالغ الكبيره لهم والتعب والامراض نحن نتحملها وهذا يرجع الى ادارة العمل ومن المسؤولين المسؤولين عن اصددار تصاريح للخدم ووتوقيع عقد العمل لان يجب ان يكون فيه شرط على المكتب بان العامل يجب ان يكون سليم واذا كان عكس ذالك فان المكتب مسؤول امام الجميع

[لوردغاليري]

تسلمون ع المداخله وننتظر راي الباقي

[ســـهم]

لوردغاليري
بكل تأكيد انهم لايتم الفحص عليهم من قبل دولهم


ولذلك نرى ان هناك حالات استبعاد لبعض القادمين سوى سياح او خدم من قبل قمسيوننا الطبي

وأعتقد ان هناك من يمر من فوق هذا القمسيون بقصد او بدون قصد

علما أن هذا الامر مكلف ويعتبر عبئ على الدوله

لذلك نطالب بأن يكون طلب الاستقدام او منح الفيزا لمن يجتاز الفحص الطبي في دولته ..

وهذا لايغني بالطبع عن التأكيد والفحص عليه هنا كأحتياط ..