طفلة لوحدها تدخل غرفة القياس والأم في البيت

[واحد 11]

موقف غريب ويثبت مدى استهتار بعض الامهات والاباء بفلذات اكبادهم
حصل قبل كم يوم كنت مع الاهل في سوق فالح عند احد محلات العبايات

الساعة كانت 9 بالليل تقريبا دخلت طفلة لاتتعدى الثالثة عشرة مع اخيهاا الصغير بدون اب او ام لا اعلم اين هم حينها...

دخلت الطفلة لتسئل عن عبايتها لتلبسها في اول ايام العودة للدراسة من بعد الاجازة

سئلها الهندي: وين ماما
قالت: ماما في البيت

تخيلوا هالطفلة لوحدها في محل كله هنووود

عطاها العباية ودخلت غرفة القياس...ومن خوفنا عليها جلسنا ننتظرها لين تطلع من المحل بصراحة كسرت خاطرنا
وشي يعور القلب يعني لو افترضنا ان هالبنت كانت هناك وتعرضت لموقف او اعتداء من المسؤول شلون يهون على الام تقعد في البيت وبناتها في هالسن في محلات كلها رجال لا وبعد تدخل غرفة قياس دون ان يكون معها احد كبير ينتظرها بالخارج

[فتى الجود]

لو صارت مصيبة للبنت لا سمح الله
الشرطة ماراح تقصر بيمسكون الجانى وينعرض على القضاء
والقانون بياخذ مجراه

والبنت الله يعينها
والأم معليش خلها قاعده في البيت

أشعاد !!!!











(( والله أستهتار وقلة حيه من هالأمهات اللى من هالنوع ))
أذا ماتخافين على بنتك على من تخافيين ؟

[دلة الرسلان]

اذا الأم ما عندها احساس بالمسئولية وين الوالد ؟؟؟

الابناء نعمة من الله كم انحرم منها الكثير ولكن هناك اباء وامهات لا يشعرون بقيمة ما رزقهم

الله حتى يحرمهم منها والشكر لك يا أخي على يقظتك وحرصك على الفتاة .

[قلب صادق]

جزاك الله خير اخوي

والله شي يعور القلب فيه ناس تتمنى يكون عندهم طفل واحد ويحطونه في داخل عيونهم
للاسف الغيرة بدات تجف من البعض واصبح البعض عنده لا مباله حتى على اطفاله وبناته

[غناتي1]

مالت على الامهات اللي بهاالصفات

وما اعتقد انهم امهات أصلا ً

[مزايين]

الله يجزاك كل خير

وللأسف المناظر هذي صرنا نشوفها دايما وفي اغلب الأسواق والمجمعات والمطاعم

بنات صغار اما مع صديقاتهم والا مع الخدم

يعني الصديقات الله يعلم بهم ماشيين على مايرضي الله والا لا والخدم المفروض الواحد والله لو عنده هل خدم من عمر بعد مايوثق بهم ....لازم ياالام او الأب يكونون مع عيالهم أو حد من الكبار الموثوق بهم ....أبي أعرف وش شغلة الأهل اذا حتى الانتباه على عيالهم عيزانين عنه

الله يهدي الجميع وهل عيال في الذمة

[فارس الكلمة]

أعذرها .. قد تكون أمها مريضة أو متوفاه أو مسافرة .. و ربما يكون لديها هاتف جوال للطوارىء.

لكن المطمئن أن أخاها كان موجودا معها ..لست أبرر هذا الفعل .. لكن للبيوت أسرار..

[msis98]

تشجيع الابوين بناتهم على الخروج منكر لا يجوز، النبي صلى الله عليه وسلم قال: كلكم راع وكلكم مسؤول عن رعيته...
وهذا بسبب إهمال الابوين وتضييع أمانتهم ومسؤولياتهم التي أناطها به الشرع، فبتضييع شرع الله تعالى ضاعت الرجولة والشهامة والمروءة والكرامة... هما مسؤولين عن ذلك كله أمام الله وأمام الناس.

[الخارجية]

الام مش اللي تحمل وتتعب ..... الام هي اللي تربي الاعيال

[المشتاقه الى الجنه]

لا حول ولا قوة الا بالله

[وتبقى الدنيا حلوه]

...........................

لاحول الله

[بلاهويـــــة]

لا حول ولا قوة الا بالله

[miss-qatr]

والله الوحده كبيره واتخاف من هالاجانب شلون بنت ام 13 سنة !!


اللي قال يمكن امها متوفية أو مسافره أو أو أو


مهما كان ما تنزل البنت بروحها حتى لو مع اخوها الصغير كان تقدر بدل ماتنزل بروحها أضعف الايمان تخلي حد يجبها لها

وحتى لو قلنا بروحها كان ممكن تاخذها بس مب بهالوقت المتأخر!!

في ألف طريقة وطريقة بس لحد يبرر هالخطأ


هالزمن غدار الواحد مايقدر يأمن

[جهام]

لاحول ولا قوة الا بالله والله البنون نعمة من الله لازم نحافظ ونخاف عليها ....اذا الام عندها ظروف قوي ,,وين الاب ...

[الطيبة كلها]

جزاكم الله خير انكم تميتوا علشانها يا ريت فهمتوها بخطورة وجودها مع الهنود او كلمتوا اللي اسمها امها لاحول ولا قوة الا بالله

[شيزكيك]

عاد هالسوق بروحه مرعب ويخرع وظلام وكله بوهناد

ذاك اليوم رحت اييب العبي والمحل ما فتح رديت طلعت برع لين فتح

[ام نواف]

لاحول ولاقوة الا باالله