بيوت القطريين واخطاء الخدم وحقوق الكفيل

[الهـواوي]

--------------------------------------------------------------------------------

السلام عليكم ورحمة الله وبركاته



لوحظ في الأواني الأخيرة كثرة جرائم الخدم مع الأجانب من الجنسيات الأخرى في دخول


بيوت الكفلاء وعمل الفاحشة برضى الخادمه والمكفول لا يعلم بشي وعندما يكتشف


الحقيقة يبلغ الشرطة .


ما الإجراء الذي تتخذه الشرطة إتجاه الأجنبي الذي أنتهك حرمة الكفيل ..............؟؟؟


الأجراء كما هو معروف من قبل الشرطة أن الأجنبي الذي أنتهك حرمة بيت الكفيل يسجن


أيام معدودة ثم يتم تسفيره

والخادمة التي أذنت للأجنبي بدخول البيت ونتهكت حرمته يطلب من الكفيل دفع


رسوم التذكره لإبعادها خارج البلاد ................؟؟؟؟


يعني أي أجنبي يريد أنتهاك بيوت المواطنين وعمل الحرام مع الخادمات عندما يسمع


بهذا الحكم لا يخاف لا عقوبة إتجاهه مع أنه قام بالدخول إلى بيت الغير من غير إذن


من صاحب البيت


والخادمة التي سمحت للأجانب بدخول البيت وتحويلة إلى وكر للدعاره يتم تسفيرها


على حساب الكفيل


ما الذي جناه القطري (( الكفيل )) من هذه القضية وأين حقه .................؟؟؟


الخسائر التي تكبدها الكفيل من البحث عن مكتب لجلب الخدم والمبالغ التي دفعها


لتذكرة الخادمة ومصاريف مكتب أستقدام الخدم


وبعد كل هذا يتم تسفيرها على حساب المجني عليه وهو المكفول (( القطري ))


هل هذا الحكم عادل لما قامت به الخادمة من جريمة في حق مكفولها .............؟؟؟


هل هذا هو الحكم عادل تجاه المجرم الذي قام بالدخول إلى بيت غير بيته وأنتهاك


حرمته وجعله بيت من بيوت الدعاة لممارسة الرذيلة ......................؟؟؟


بهذا الحكم الذي تساهلت فيه الجهات المسؤولة أصبحت بيوت القطرين مرتعاً


للأجانب والعزاب لتحويل بيوتهم كنايس وبيوت دعارة لممارسة الزنا


فإلى متى سيبقى هذا الحكم الذي جعل الغير يرتكب الفاحشة وهتك البيوت من


غير خوف من الله ثم من الحكم الذي لا يتناسب مع الجريمة التي فعلها المجرم


وفعلتها المجرمه


بهذا أصبحت دولة قطر في نظر بعض الأجانب وممن يفلعون الجرايم من دون خوف


من الجهات المسؤلة بعد دخولهم للبلاد أرض لفعل الفواحش والمنكرات من



دون أن يحكم على المجرم بحكم يناسب فعلته


هل من الممكن النظر في هذا الحكم وتغييره ومضاعفة من يوم هذه الجريمة


بالسجن سنة أو سنتين أو أكثر من ذلك ليتدع كل من تسول به نفسه أنتهاك حرمة


البيوت وفعل الفواحش



أرجوا من الجميع إبداء الرأي في هذا الموضوع

كما أرجوا من المسؤولين النظر في هذه القضية التي أصبحت تتزايد بشكل مخيف


بعد كثرة العزاب وتسكينهم في بيوت قريبة من بيوت العوايل

__________________

[هام السحاب]

لا ويبون يلغون قانون الكفيل
عشان تستوي سمردحه من قلب

[الهـواوي]

لا ويبون يلغون قانون الكفيل
عشان تستوي سمردحه من قلب سمردحه اشوي عيلهم

بس انا ابي اعرف ليش مايجلدونهم !! ليش السعوديه احسن منا

[هتـان قطر]

اتفق معك في كل كلمة قلتها اخواي الهواوي..

الكفيل حقه مهضوم والقانون ما ينصفه الا بالعكس يوقف ضده

يقف القانون في صف الجاني مهما كانت جريمته..

المفروض تشدد العقوبة على اولئك الاجانب حتى يكون رادع لهم

من فعل الجريمه..

كل خادمة تبي تسافر..ترتكب جريمة ويلزم الكفيل بتسفيرها..شي غريب الصراحة

والله يكون في عون الكفيل..

نبي قانون يدين الجاني ويطبق عليه قانون الجريمة في البلد

وعدم الاكتفاء بالتسفير لبلده كحل من الحلول..

[+abc]

شالفايدة من مكاتب البلدية لتوثيق عقود الايجارات
اذا كانوا يسمحون بهالشي ( سكن العزاب , والموظفين والموظفات , والخدامات ) في المناطق السكنية ليش مايمنعونهم علشان لو جات عليهم شكوى يكون وضعهم مش قانوني ويطلعونهم

[كاتم الاسرار]

مشكور على الموضوع يالهاوي الصراحه انا سارت لي نفس السالفه والمشكله الهندي مسجون والخدامه خلوني ادفع قيمه التذكرة وسافرت بارد مبرده وكل شي علي القانون معاهم مش معانا الله كريم

[الهـواوي]

اتفق معك في كل كلمة قلتها اخواي الهواوي..

الكفيل حقه مهضوم والقانون ما ينصفه الا بالعكس يوقف ضده

يقف القانون في صف الجاني مهما كانت جريمته..

المفروض تشدد العقوبة على اولئك الاجانب حتى يكون رادع لهم

من فعل الجريمه..

كل خادمة تبي تسافر..ترتكب جريمة ويلزم الكفيل بتسفيرها..شي غريب الصراحة

والله يكون في عون الكفيل..

نبي قانون يدين الجاني ويطبق عليه قانون الجريمة في البلد

وعدم الاكتفاء بالتسفير لبلده كحل من الحلول..
اي والله نبيهم ينجلدون او يخلونهم يشتغلون في البر عشان يتسنعون

[عليان قطر]

سمردحه

[الطيبة كلها]

لازم قانون رادع ويوزعزنه على المكاتب وبالمطارات وبجميع اللغات قطري وما ينحفظ حقه ببلادة عيل وين بتكون له كرامه وحقوق محفوظة

[الزرقواني]

هاي يسمونه الانفتاح انتو شفيكم على الخدم يات على الخدم الدوحه كلها سمردحه اصلا
ومب كفوا حد يتكلم كلهم فله ومفتلين :tease: الله ياخذهم والله ماوراهم غير المشاكل
والله القطري عايش غريب في بلاده لا ويسكتونا بزيادة الرواتب
الله المستعان والله يستر على ابناءنا وبناتنا :weeping:

[barod]

يعني يدخل البيت ويرتكب جريمه الزنا وبالاخر يسجن ايام معدوده ويتسفر خوش قانون صج سمردحه

[شيزكيك]

صاج والله اقلبوا بيوتنا الطاهره النظيفه لبيوت دعاره ترى ما اكلم من فراغ هالسالفه صارت

في البيت عندي وبيت حماي وحماي الثاني وبيت اهل زوجي

[الأغر]

كلكم راع وكلكم مسؤول عن رعيته واعتقد هالشي واضح الخادم والخادمه امانه في عنقك

[غدير البورصه]

الهواوي

من غير زعل خل عندك روح رياضيه

اولا عنوان موضوعك مب زين ابدا
يا اخي قول بعض البيوت ليش تعم ؟؟
في قلبي غيظ بسبة عنوان موضوعك .


أحنا عندنا خدم من الجنسين مسلمين وما شفنا منهم الا كل خير
والله العظيم اثنين منهم ايراني وهندي اشتغلوا عندنا لين الله استخارهم.

والله اني اتعجب من بعض الناس يختارون غير المسلمات
ويوم الخدامه تسوي الي ما يرضي الله نقول عنها خربت
اصلا هي مب مسلمه وبعد بعض الخدامات المسلمات يخربن .

((((((أخيه يا العنوان)))))))

[عليان قطر]

لا بارك الله في ابليس

[Ghost]

الهواوي

من غير زعل خل عندك روح رياضيه

اولا عنوان موضوعك مب زين ابدا
يا اخي قول بعض البيوت ليش تعم ؟؟
في قلبي غيظ بسبة عنوان موضوعك .


أحنا عندنا خدم من الجنسين مسلمين وما شفنا منهم الا كل خير
والله العظيم اثنين منهم ايراني وهندي اشتغلوا عندنا لين الله استخارهم.

والله اني اتعجب من بعض الناس يختارون غير المسلمات
ويوم الخدامه تسوي الي ما يرضي الله نقول عنها خربت
اصلا هي مب مسلمه وبعد بعض الخدامات المسلمات يخربن .

((((((أخيه يا العنوان)))))))

ردك في محله وتسلم

[مخاوي اليل]

مشكور اخوي الهواوي على طرحك لهذا الموضوع...
الصرحه المفروض يكون فيه قانون رادع لهذه الفئه من الاجانب.
والخدامه المفروض اتعاقب وتنحبس ومن بعدها سفارتها هي الي تكفل بمصاريف تسفيرها ..مش الكفيل

[مناحي السادس عشر]

ولازم خدم يعني
الناس عاشت من سنين طويله قبل بدون خدم

[الصاعق الحارق]

عندك حليين
الحل الاولي اتسفر الخدامه وينسجن الهندي كم يوم ويطلع والخدامه ان محصلت لها
تذكرة في نفس اليوم انت ملزوم تاخذها لانه القانون مايسمح اتم في المركز اكثر من 24 ساعه

الحل الثاني ترفع قضيه وتنطر لين وقت الجلسه الحكم يعني كم شهر
وانت ملزوم تحتفظ بلخدامه في البيت وتدفع لها راتبها كامل لين يحكم القاضي وانطر يمكن يسجنك انت وانت تطلع ظالم

هذا الي قاعد يصير القانون ضدك يا القطري
بلاول كنا نلعن والدين الخدامه ونصلبها للحين مكتب الخدم يقولها اذا معجبك الكفيل
خليه يردك المكتب

[بـن عدوان]

بلاول كنا نلعن والدين الخدامه ونصلبها


وعشان كنتوا تلعنون والدين الخدامه صارت القوانين من صالحهم :)

[GOOKLUCK]

وعشان كنتوا تلعنون والدين الخدامه صارت القوانين من صالحهم :)

سبقتني بالملاحظه .. تحياتي لكـ ..

[هذلان]

السلام عليكم ورحمة الله و بركاتة


بصراحه انا جديد على الموقع .. فيه نقاط ابي اتكلم فيها

نقاشكم ما ادري شلون صاير.. حد يدخل يتكلم جد و يجي حد وراه يقط كلمتين ماتدري ايش يقصد (مع ولا ضد؟) وحد تحس انه يتكلم لانه ما مر بهالموقف و يحسب الناس تبالغ . وحد وحد وحد .. الواحد اذا يبي يتكلم يقول و يفسر ايش وجهة نظره كامله .. يا يفيدنا بالي عنده يا يقول الي عنده و اذا فيه شي من الخطا بيتناقشون معاه باقي الاعضاء و بيقتنع بالصح. يا انه يكتفي بالقراءة

عموما انا مع الراي القائل ان العنوان قوي حبتين واعتقد اخونا صاحب الموضوع يبحث عن الاثارة (هدي اعصابك شوي :) )

بالنسبه لموضوع النقاش لي وجهة نظر فيه .
الجهات المعنيه عندها تقصير واضح جدا ولا اعلم هل سببه الطفره الي صارت في قطر وكثره العماله الاجنبيه و مافيه لهم سكن او انهم ينظرون لمصلحه المواطن القطري اذا كان صاحب عقار وماجره على عمال ؟
المفروض يكون فيه قانون رادع رادع جدا للي يسكن عمال او عزاب بين عوايل .. عندنا في منطقتنا واحد من هل المنطقه الله يصلحه شد وراح للدوحه و باع بيته والي شراه سكن فيه سبعين الف هندي مادري ايش جنسياتهم يجيبونهم في باصات و الضرر الي صار .. انه الشوارع الي توصل للدكاكين صايره كنها شارع مشاه .. قبل نخلي بيوتنا مفتوحه و سياراتنا في الطبيلات سويجاتها فيها و البوك فيها سنين و بنين ماصادنا شي (هذي نعمه الامن بمعنى الكلمه) انا لله الحمد لليوم اوقف موتري و انسا لا اقفله على بالي الزمان هو الزمان .
بعض الامور الي حصلت من هالعمال .. الخدامات صارو يشردون من البيت و يروحون لهم ويردون بيوتهم يشتغلون و يطبخون لهل البيت (بدون الخوض في تفاصيل مقرفه) انتحرو اثنين منهم و حوادث سرقه تقريبا كل شهر .
اشتكو هل الفريج كذا شخص من الشيبان راحو و تكلمو .. الرد بكل ماتحمله كلمه برود من معنى فيه قانون لكن من الجهة الي تطبقه .. يعني فيه قانون يمنع هالشي بس مافيه جهة تنفيذيه ؟؟؟ ايش هذا
راحو لراعي البيت وكلموه .. عشان خطرهم و عشان هالشيبات الي في لحاهم .. قالهم خلاص بيجيهم باص ياخذهم الساعه ست الصبح و باص بيرجعهم الساعه ست الصبح ولا راح تشوفونهم و فعلا اختفو ولكن لكم شهر و ردو مره ثانيه ؟؟ بصراحه لاتعليق
واحد من ربعي شارع كامل ماشالله محد في الشارع ساكن الا اخوانه و بيت ابوه و بيت واته .. يعني الشارع من الجهتين بيوتهم .. وفيه حديقه حكوميه في نهايه الشارع كانو العصر الخدامات ياخذون البزران كلهم من كل بيت و يودونهم الحديقه لين المغرب .. شي جميل بصراحه .. فيه شخص طلع من بيته في الفريج و سكن عمال فيه .. يقولي والله صرنا نسكر بيبان بيوتنا .. يقول قبيله ساكنه في البيت و العصر تلقاهم متسدحين في الحديقه حرمونا من الحديقه و نقصو علينا عيشتنا و راح اشتكا و نفس الرد وصله .. اسمحلنا مانقدر نسوي شي؟

اما بخصوص الخدامات و الخدم .. انا شخصيا حصل معاي هذا الموضوع و القصه كالتالي .
اتصلي عمي الصبح الساعه 10 و شي ولا يقولي ولد عمك (صغير في السن) شاف هنود يدورون على بيت عمك الثاني و بعدين شقحو داخل .. وعمي كان مسافر للدمام وبيرد بنفس اليوم .. المهم رحت و كل البيبان مسكره شقحت و دخلت البيت لقيت ولد عمي صايد الهنود داخل غرفه الخدامه .. لا وقاعدين في صاله البيت يوم دخلت .. فار دمي .. رحت للاول قلت له عطني بطاقتك و الثاني .. لانهم يقولون احنا اخوانها .. طلع كذب.. طراقين تصخين. ورحت للحديقه .. لقيت عامود اضائه طايح.(شكله مريوس عليه العم و سادحه) و اقطع وايرات الكهرب الي داخل و اسويلي ذاك السوط الزين و ادخل عليهم . واعتقد اعتقد انهم بعد هالقصه كل واحد فيهم خذا اربع حريم .
وركبتهم السياره و وديتهم للشطه وتصرفو وياهم.
يعني بصراحه شي يفور الدم .. بيت عمي ما ادخله داخل الا في العيد اسلم و اخرتها القى هنود متسمتين في الصاله . لا و الخدامه مسويتلهم غدا .

ترى السالفه بدايتها و نهايتها على القوانين الي تسنها الدوله .. بضرب لكم مثال قبل كم سنه مع بدايه الانفتاح السواق عندك يدور اي سبه عشان يشرد ولا عشان تسفره .. عشان يرجع و يشتغل دريول في شركه .. يعني انا اجيبه مثل اللوح من بلاده مايعرف الا يهز الراس و نعلمه ونصبر عليه و ويدعم بمواترنا و يبهذل عجايزنا لين يعلمونه عبي ويدل في الدوحه و اخرتها .. تصبح ماتلقاه .
طبعا تغيرت الامور وصارو يشددون على بطاقاتهم و اقاماتهم و خصوصا في باصات كروه .. صار الواحد فيهم يحسب له الف حساب عشان يشرد و اذا شرد انصدم بهالقصه و رجع دور رقم كفيله و دق عليه يعتذر عشان ترضا فيه و هي اساسا خدعه عشان يقعد كم يوم و عقب انت تسفره على حسابك.. يعني مربط الفرس هي قوانين الدوله
وشاكر لكم موضوعكم مع بعض التحفظات الي ذكرتها في البدايه

[جوال 11]

مع الأسف قانون الكفالة ضد الكفيل .
المشكلة معظم الخدم يستخدمون الجوال ومع الكيمرا يتصلون في أي وقت وبعضهم معاه جوالين مثل بعض الناس واحد للأهل وواحد للشغل .
وأذا هرب المكفول الكفيل يتحمل نفقات سفره المفروض سفارة بلده تتحمل تكاليف سفره لأنهم موقعين على عقد العمل ، يا كثرهم في السوق المركزي وعند المقصب الألي .
والله يحفظ الناس من شرهم .

[Bu Rashid]

نتمنى من المسؤوليين ,, أخذ الاجراءات اللازمة المطلوبة ..
وصاحب الموضوووع أبدع في تفاصيل المشكلة ... سلمت يداك

[حالي الذوق]

تم تعديل عنوان الموضوع

[بنت^البحرين1]

ياجماعه كلامكم كله صح
بس انتوا بعد ماشفتوا بعض الاسر شتسوي، يعني يروحون هم كلهم داخل البيت ومسوين ملحق خارجي مفصول عن البيت حق الخدم بس ، بالله شتبون يصير يعني؟؟ هي مضغوطه طول اليوم ولين يات الليل حصلت لها متنفس وفي واحد بيجيها برسم الخدمة لي غرفتها، بتقوله حياك،لان المعزب والمعزبه رقود في البيت هناااااااااااك وهي الملحق اهني ، لا من شاف ولا من درى..

انا معاكم وطبعا مادور عذر او ابرر تصرفاتهم، بس هاي اللي صاير، بعض البيوت مايدرون بالخدامة غير جيبي روحي طبخي نظفي، هاي الخدامة انتوا مسؤلين عنها عند رب العالمين لو صار فيها شي ، الخدامة مب بس تشتغل وتروح ، راقبوها عاملوها بالطيب عشان تحسن التصرف وتكون خيره عندكم في البيت

وان شاءالله محد يتعرض لهالمواقف الكريهه