فودافون تطرح اول خطوطها الحق ماتلحق

[الرهيب فون]

ستقوم شركه فودافون بطرح اول خطوطها يوم 1/3/2009

سيقام الحدث في فندق و منتجع فريج شرق (جزيرة الدانة) في الأول من مارس الساعة السابعة مساء؛ ويمكن للراغبين في شراء البطاقات التقدّم إلى فندق و منتجع فريج شرق اعتباراً من الخامس عشر من فبراير بين الساعة العاشرة صباحاً وحتى العاشرة مساء ونذكّر أن سعر البطاقة يبلغ ألفي (2000) ريال قطري. هناك 500 بطاقة متوفرة فقط، لذا، سارعوا إلى حجز بطاقاتكم لأنها ستنفد بسرعة.

وهذا موقع الشركه على الانترنت

http://www.vodafone.com.qa/

[الرهيب فون]

الارقام مزايده ياشباب
الي يدفع اكثر ياخذ الرقم

[ممنوع اللمس]

عيل الارقام بتوصل عادي خمس مليون وانت رايح
انزين مافي مكان نحجز ارقام بسعر معقول

[الرهيب فون]

احلى شي ننتظر ياخوي

بس يخلصون الهوامير يجي دورنا

ههههههههههههههههههه

[الـقـاسـي]

شدعوه مزايدة هذولا من اولها داشين على طمع
بيسوون اخس من كيوتل والمشكلة احنا اللي بنطير الاسعار
ماخذين فكرة ان هل قطر مايدرون وين يحطون فلوسهم

[فهد24]

نصوم نصوم ونفطر على بصله..
هاي نسخته من موقع فودافون""سوف تحسب المكالمات بقيمة (55) درهم لكل دقيقة والرسائل النصية بقيمة (40) درهم ""..............


كيوتل صارت ارخص منهم الدقيقه فكيوتل ب35 درهم وخارج وقت الذروه ب 30 درهم..

[فهد24]

شدعوه مزايدة هذولا من اولها داشين على طمع
بيسوون اخس من كيوتل والمشكلة احنا اللي بنطير الاسعار
ماخذين فكرة ان هل قطر مايدرون وين يحطون فلوسهم

:nice:
والله صدقت

[فارس قطر333]

عيل الارقام بتوصل عادي خمس مليون وانت رايح
انزين مافي مكان نحجز ارقام بسعر معقول

اي والله وانت صادق الاسعار راح تطير فوووووووووووق

وهذا احنا ما وصلنا لشي لامن كيوتل ولا من فودا فون

الطمع باين من البدايه


الله كريم

[مافيا قطر]

والله لو كل اهل قطر اتحدوا ولا حد راح لهم المزاد ولا طب صوبهم

كان اعرفوا ما ياكلون بعقلنا حلاوه لكن ايش نقول اللى يبحون المظاهر الخداعه

خلوها ياشباب تصدى وكل واحد يطرش مسج حق الثانى من اليوم بعدم الحظور او الشراء

ايش دعوه 2000 ريال اشان ادش المزاد اصرفها على اهلى ابرك لى من المزاد

[Villagio]

لااااااااااااا
ماصدقنا نفتك من نصب كويتل تطلع لنا فودافون!
عيل نقضب مينوننا

[كاتم الاسرار]

لااااااااااااا
ماصدقنا نفتك من نصب كويتل تطلع لنا فودافون!
عيل نقضب مينوننا


صدقت والله ما ادري ايش فاكرين احنا افلوسنا ليقنها في البحر من اولها ولا بعد 2000 والله حرام خلونا مع كيوتل والله يعييييييييييينا

[الرهيب فون]

شكلهم متفقين
لامنافسه ولا اسعار تنزل

لنا الله

[Duhail]

ياشباب فلوس المزاد بتروح لايادي الخير نحو اسيا......يعني خيرية و ما بدش مخابيهم.........

[qatar.com]

ياشباب فلوس المزاد بتروح لايادي الخير نحو اسيا......يعني خيرية و ما بدش مخابيهم.........


اخوي هذا كلام مؤخوذ خيرة صدقني مايوصلهم شي والعلم عند الله

[الرهيب فون]

ايادي الخير قصدهم للصهاينه
يبا هذي شركه بريطانيه
لها حصه من الفلوس وفلوسهم وين تروح غير على اليهود

[أبو طلحه]

ليش ما نصير مثل السعودية نعلن عن حمله وننشرها حمله للمقاطعه شوف السعودية قاطعوا الوكالات وسووا موقع خاص ونشروا بالمنتديات السعودية واحنا ما نقدر نسويها

يكون بعلمكم ان الدول تخاف من المقاطعه فما بالكم بالشركات والمؤسسات

[بوغانم]

ياشباب فلوس المزاد بتروح لايادي الخير نحو اسيا......يعني خيرية و ما بدش مخابيهم.........

عسى ماشر اي مزااااد في الدنيااااا تذكرته بألفين.. وتقول اتروح لايادي الخير

اي خير تقول عنه.. اذا سياسة النصب واضحه ..من الاعلان

المعروف في المزادات العالميه..اخبر المؤسسه او الشركه نفسها هي اللي تعزم العالم وتوزع دعوات مجانيه لاي مزاد خيري..

ترى شبعنا من سالفة مزاد خيري.. اللي يبي يسوي خير ويتبرع..فيه الف طريقه ومكان يقدر يتبرع فيها.. لكن السالفة كلها شووووووو لا اكثر..:discuss:

[فــلان]

ايادي الخير قصدهم للصهاينه
يبا هذي شركه بريطانيه
لها حصه من الفلوس وفلوسهم وين تروح غير على اليهود

تصحيح أخوي شركة فرنسيه والله المستعان.

أنا عن نفسي مب إمقرب صوبهم والظاهر باكنسل كيوتل بعد مع أن رقمي مميز وعندي من 14 سنه, وباخذ لي كرت هلا وهو تليفون للضروره و خلاص , بدال نار جهنم أصبحت مفتوحه علينا من أكثر من جبهه, عشان الواحد يطلع برقم مميز من هالشركات لازم ينشب عمره في ديباجه مالها أول من تالي وفالأخير أول الخسراين هو و هله اللي هم اولى بهالمبالغ المبالغ فيها

والسموحه على الإطاله

[الرهيب فون]

كانت شركة فودافون البريطانية للاتصالات قد اعلنت مؤخرا عن طرح حصة من أسهم فرعها في قطر للتداول العام قبل نهاية السنة الجارية.

الشركه بريطانيه