أستفسار ياأهل قطر

[فواز العجمي]

السلام عليكم ياأخوان ودي أستفسر منكم يأهلنا أهل قطر أقدر أفتح حساب في المجموعة وأنا موجود في الكويت عن طريق أحد أصدقائي في قطر مع العلم أنني معي رقم مساهم أخرجتة من سوق الدوحة للاوراق المالية ولكن لضيق الوقت لم أستطع فتح حساب في المجموعة ولكم جزيل الشكر

[الدينار الخليجي]

السلام عليك اخوي انا فتحت لشخص بالمجموعه دون حضوره وانا كويتي
*استخراج كشف حساب من السوق الرسمي بالدور الارضي
*فتح حساب لدى المجموعه
واذا كانت لك اسهم يتم رفعها للمجموعه


المرفقات الجواز الاصلي
وأوقع عنك والامور طيبه والسر بيني وبينك بس محد يدري

ولا تقول لحد ..........................!

[ghanim-555]

هو مايصير لازم حضور الشخص نفسه بس مش حالك على مزاج الموظف

[قطر]

السلام عليكم ياأخوان ودي أستفسر منكم يأهلنا أهل قطر أقدر أفتح حساب في المجموعة وأنا موجود في الكويت عن طريق أحد أصدقائي في قطر مع العلم أنني معي رقم مساهم أخرجتة من سوق الدوحة للاوراق المالية ولكن لضيق الوقت لم أستطع فتح حساب في المجموعة ولكم جزيل الشكر

نعم تستطيع ،، فقط ياخذ الاوراق ويبعثها لك

اتوقع ويرجعها هنا

اعتقد مزاج الموظف مطلوب في هذه الحاله :deal:

[eyad]

لا ما تقدر كيف سوف تفتح حساب مش في اتفاقية فتح حساب وفيها شروط واحكام كيف حتفتح الحساب وانت في الكويت وتخلي صديقك يوقع عليها هذا مستيح لان الاتفاقية لازم تقرائها وتوافق على شروطها . الله لا يهينك انزل على قطر وفتح حساب وبعدها تكون الامور تساهلات وتمشي كل معاملاتك وانت في الكويت لا تقلق ،، والله يوفقك

[eyad]

[اذا الواحد مشي مع القوانين واحكام السوق مش محتاج لا مزاج موظف ولا تترجى موظف علشان يمشيلك الطلب هذا طبعا من وجهة نظري
وصدقني ولا احد يقدر يوقف طلبك لا موظف ولا مدير للأنك تمشي على قوانين السوق الدوحة وهو الاب لكل شركات الوساطة
وشكرا

[AL_MUTAEM]

للعلم انا من فتره يعني تقريبا ببداية يناير فتحت اربع حسابات لأشخاص وهم خارج قطر ..

بس لازم تكون بنفس حلوه مع الموظف مو تترجى ...!

نفس ماذكر الاخ اللي قبلي ( اياد)

تقبلوا اجمل التحايا