تهيـــّـــــد ... لا تنشغل بالجوال..حزام الأمان

[PathFinder]

أول مرة اسمع هالكلمة (تهيّد) في البداية شكيت انها تكون بالأوردو لكن كل اللوحات مكتوب عليها وعلى كل اشارة نجد هذه الكلمة..ياريت حد يساعدني في تفسير معناها, يمكن قصدهم (تقيّد) !!

http://www.freeimagehosting.net/uploads/7a572b9a4a.jpg

[مقيم]

أول مرة اسمع هالكلمة (تهيّد) في البداية شكيت انها تكون بالأوردو لكن كل اللوحات مكتوب عليها وعلى كل اشارة نجد هذه الكلمة..ياريت حد يساعدني في تفسير معناها, يمكن قصدهم (تقيّد) !!

http://www.freeimagehosting.net/uploads/7a572b9a4a.jpg
اخوي
هذه كلمة قطرية بمعنى تمهل ..تريث ..
واليك بعضا من التراث القطري الخليجي
هذي بعض الكلمات العاميه
تنقال في قطر وبعض دول الخليج ..

الرّسته : الشارع
مطفوق: عجول ومرتبك.
الهاجوس: الوسواس
اقلط: تفضل
امسيّان: قبل الغروب
مندعس: مختبئ
كرفايه : السرير
الهَقوه : الظن
مالك لُوا : مافي أمل،،اغسل يدك يعني انسى الموضوع لاتعيده
لبّق اغراضك: يعني جمعهم مع بعض
السِكيك : الشوارع
اشهست : شعندك ..شصاير ..شسالفه
اشدّعوه : كلمه للأستنكار .. يعني اذا احد قالك شي وانت مو مصدق تقول اشدّعوه
تهيّد: تريث.. تمهل
مطفوق: عجول ومرتبك.
عُوق: الم

[ريان]

اخوي
هذه كلمة قطرية بمعنى تمهل ..تريث ..
واليك بعضا من التراث القطري الخليجي
هذي بعض الكلمات العاميه
تنقال في قطر وبعض دول الخليج ..

الرّسته : الشارع
مطفوق: عجول ومرتبك.
الهاجوس: الوسواس
اقلط: تفضل
امسيّان: قبل الغروب
مندعس: مختبئ
كرفايه : السرير
الهَقوه : الظن
مالك لُوا : مافي أمل،،اغسل يدك يعني انسى الموضوع لاتعيده
لبّق اغراضك: يعني جمعهم مع بعض
السِكيك : الشوارع
اشهست : شعندك ..شصاير ..شسالفه
اشدّعوه : كلمه للأستنكار .. يعني اذا احد قالك شي وانت مو مصدق تقول اشدّعوه
تهيّد: تريث.. تمهل
مطفوق: عجول ومرتبك.
عُوق: الم

:nice:

[PathFinder]

اخوي
هذه كلمة قطرية بمعنى تمهل ..تريث ..
واليك بعضا من التراث القطري الخليجي
هذي بعض الكلمات العاميه
تنقال في قطر وبعض دول الخليج ..

الرّسته : الشارع
مطفوق: عجول ومرتبك.
الهاجوس: الوسواس
اقلط: تفضل
امسيّان: قبل الغروب
مندعس: مختبئ
كرفايه : السرير
الهَقوه : الظن
مالك لُوا : مافي أمل،،اغسل يدك يعني انسى الموضوع لاتعيده
لبّق اغراضك: يعني جمعهم مع بعض
السِكيك : الشوارع
اشهست : شعندك ..شصاير ..شسالفه
اشدّعوه : كلمه للأستنكار .. يعني اذا احد قالك شي وانت مو مصدق تقول اشدّعوه
تهيّد: تريث.. تمهل
مطفوق: عجول ومرتبك.
عُوق: الم

اشكرك اخي العزيز على التوضيح وعلى الكلمات التراثية الجميلة. صراحة الواحد يمضي عمره يتعلم

[الرايــق]

فعلا شفتها وما عرفت معناها ..

شكرا اخي "مقيم" على التوضيح..

[المزن الرياني]

ربعنا عليهم حركاات غريبه

اللوجات الارشاديه الهدف منها توعيه المجتمع بجميع أعراقه وجنسياته لمخاطر السرعه وخلافه
ولا يتسع فيها المجال لذكر كلمات ومصطلحات ( تراثيه )

يعني اذا الجيل الجديد من أبناء البلد مافهموا الكلمه .. فما بالكم بباقي الجنسيات ؟!!

[كاروهات]

تهيد = تمهل

[بلا حدود!]

ياشين بعض الفلسفه ...

عموما اتوقع بعد كم يوم نشوف لوحه مكتوب عليها
.
.
.
.


(الرسته تحت الزفلته)

[doha1]

زين ماسويت اخوي مقيم بارك الله فيك ع الشرح

وفعلا تهيد=تريث

[بلا حدود!]

اضافه للنفس الموضوع ...

وشدخل موضوع حزام الامان في تهيد او ((تمهل ))

..

يعني انتبه(( او اي اداه تنويه او تنبيه)) هي الافضل لغويا ...!!

خاصه ان التنويه معلق مع اشاره افسح !!!


انتبه:-
حزام الامان هو الامان ..

[sidokotbi]

ربعنا عليهم حركاات غريبه

اللوجات الارشاديه الهدف منها توعيه المجتمع بجميع أعراقه وجنسياته لمخاطر السرعه وخلافه
ولا يتسع فيها المجال لذكر كلمات ومصطلحات ( تراثيه )

يعني اذا الجيل الجديد من أبناء البلد مافهموا الكلمه .. فما بالكم بباقي الجنسيات ؟!!

:nice::nice::nice::nice:

[وحيد-الشوق]

حتى انا اول مرة اسمع فيها :eek5:

بس زين عرفنا معناها :(

مع احترامي مالاداعي التفلسف تمهل وخلاص :nice:

[الألماسي]

انا تخميني لهـا انهـا جايــه من كلمــه (( تهــــجــــّــد )) :nice:

[ANONYMOUS]

قريت في العزيزيه لوحه .. مكتوب عليها بالانقليزي.. ناسي بالضبط وش مكتوب..

بس بما معناه.. ان التزم باشارات المرور..


استغربت... ليش بالانقليزي..

[لولوتي]

الحين العالم يالله يفهمون :eek5:وبعد طلاسم:omg:

[راعي المواجيب]

اقترح يحطون جنب كل لوحة لاب توب ويفتحون صفحة مترجم جوجل حق فك الكلمات الجديدة :rolleyes2:

[بوالنوف]

اذا تهيد ماعرفتوها

ليكون بعد ماتعرفون ( زنجفره ) <<<<<<< كح كح كح أغبار طلع منك
خخخخخخ

[classic2004]

والله انا من كم يوم قاعدة اتحندى عليهم ..
صراحة ذبحونا فهمنا انهم يحطون اسامي تراثية على المشاريع بس هذي لوحات اعلانية والمفروض تكون واضحة للكل مب مرتبطة بفئة معينة ....
صراحة انا اشوف ان الحملة هذي فاشلة من اول ما بدت وماشفنا شي عدل منهم ..
المفروض اللي يبدى بالحملة التوعوية يشوف النقاط اللي يدخل منها للناس ويشوف الفئات السنية المختلفة ويحاول يوصل لها بالطريقةالمناسبة ..
يعني يحسبون لو مراهق شاف اللوحة فعلا بيتهيد ؟!
انا لو مكانهم بابتدي من اليهال .. احس اليهال تاثيرهم ممكن ويصل للكبار .. اخوي الصغير معلمينه ان السرعة مب زينة وما يرضى اي حد يسرع وهو موجود ومن هو صغير علمناه ما يقط شي على الارض ويحافظ على البيئة وعطيناه جوائز وكله عشان يحافظ عليها وماشاء الله عنده وعي بالبيئة ويعصب لو حد قط شي من الدريشة.. وبالتدريج اللحين هل الجيل مب بلوحة ولا كلمة يتاثر يبي شي يقنعه عشان يطبق ..

[وتبقى الدنيا حلوه]

انا على بالي احذر

[509]

الكلمه الصحيحة تهجد

ولكن احنا في زمن تم تحول كل ماهو بحرف الجيم الا ياء

نفس دجاج = دياي
تهجد = تهيد
درج = دري
رجال = ريال

الله المستعان

[عبدالله العذبة]

تنكُر صريح للغة العربية من كيوتل مع حرصها على المحافظة على استخدام اللغة الإنجليزية بطريقة صحيحة 100% ولا يستخدمون فيها اللهجات الدارجة أو كما يسمونها لهجة الشوارع ...


هذه اللغة العربية الفصحى لن تنتعش بدون دعم أهلها لها...

خطأ لا يمكن التغاضي عنه من كيوتل.

[PathFinder]

تنكُر صريح للغة العربية من كيوتل مع حرصها على المحافظة على استخدام اللغة الإنجليزية بطريقة صحيحة 100% ولا يستخدمون فيها اللهجات الدارجة أو كما يسمونها لهجة الشوارع ...


هذه اللغة العربية الفصحى لن تنتعش بدون دعم أهلها لها...

خطأ لا يمكن التغاضي عنه من كيوتل.

شكرا على مشاركتك القيمة بخصوص اللغة, وبخصوص الارشاد صراحة اللوحة المفروض تكون مفهومة للجميع كبار السن وصغار السن والمواطن والمقيم العربي أما بخصوص التراث فيمكن احياءه في مواضع اخرى

[حرقطر]

ياشين بعض الفلسفه ...

عموما اتوقع بعد كم يوم نشوف لوحه مكتوب عليها
.
.
.
.


(الرسته تحت الزفلته)

ههههههههههههههههههههههههههههههههههه

ممكن ليش لا