احذري من مدح زوجك امام صديقاتك

[hemoud123]

اختطفت فتاة ***** تبلغ الخامسة والثلاثين من عمرها زوج زميلتها التي تعمل معها معلمة في إحدي مدارس **** لتتزوجه بعدما دفعت له أموالا بلغت حوالي 250 الف ريال .



وقالت صحيفة الوطن حينما كانت الزوجة تسهب في مناسبة جمعتها ببعض زميلاتها وصديقاتها بالثناء علي أخلاق زوجها وأنه زوج مثالي رائع رغم أنه يعاني من ضائقة مالية وديون تصل إلي مائة وخمسين ألف ريال ولكنه رغم ذلك يقوم بواجباته الأسرية خير قيام، فما كان من الفتاة إلا أن بدأت الاتصال بالزوج وعرضت عليه مساعدته مادياً لإنقاذه من الضائقة المالية التي يعاني منها وبالفعل قبل الزوج بهذه المبادرة الخيرة حيث قامت الفتاة بدفع كافة ديونه والتزاماته وبعد فترة قامت بشراء سيارة له ولم ينته الأمر عند هذا الحد بل عرضت عليه الزواج في مقابل أن تدفع له خمسين ألف ريال وأن تتحمل هي المهر وتكاليف الزواج فقبل الزوج بهذا العرض وتزوجا بالفعل ..

والزوجة الأولي والتي فوجئت بعملية الزواج أصيبت بصدمة عصبية عنيفة أدت إلي إدخالها إلي أحد مستشفيات جدة لا سيما بـــــعد أن علـــــمت أنها هي السبب في ذلك لأنها أسهـــــبت في الثناء علي زوجها في وقت تعاني فيه النساء من جبروت الرجال .
الموضوع مطرش لي

لمن السؤالا للي يطرح نفسه هل فعلا ممكن تصل الغير او الحسد الى هذه الدرجه , اقصد ان ما دامت الاخت ناويه تدفع هذا المبلغ فبامكانها تجد الف واحد مستعد وما عنده عائله ِ

[ALRAYYAN]

زوجه غبيه .. ورجل ماعنده كرامه اللي يقبل على نفسه مثل هذه الزيجه
اما بخصوص السؤال اللي يطرح نفسه
الغيره والحسد وحب امتلاك مايمتلكه الغير سمه من سمات هذا الزمن ولا نعيب على الزمن بل نعيب على من يعيش به

يعطيك العافيه على النقل

[شمعة المنتدى]

تصير هالحادثه وااااااااااايد هالأيام ،،

" ان كيدهن عظيم "

[hemoud123]

زوجه غبيه .. ورجل ماعنده كرامه اللي يقبل على نفسه مثل هذه الزيجه
اما بخصوص السؤال اللي يطرح نفسه
الغيره والحسد وحب امتلاك مايمتلكه الغير سمه من سمات هذا الزمن ولا نعيب على الزمن بل نعيب على من يعيش به

يعطيك العافيه على النقل

خلنا نقول طيبه وعلى نياتها , اما بالنسبه للرجال والله يالرياني يا كثرهم اللي يتمنون فرصه من هالنوع واخر شي بيفكر فيه الكرامه
مشكور على مرورك العطر

[الامارات]

كل شي جائز هذا الوقت

[المهلهل]

لمن السؤالا للي يطرح نفسه هل فعلا ممكن تصل الغير او الحسد الى هذه الدرجه , اقصد ان ما دامت الاخت ناويه تدفع هذا المبلغ فبامكانها تجد الف واحد مستعد وما عنده عائله
بالنسبة لهذا السؤال
ليش تاخذ واحد ويمكن يطلع زين ولا شين
هذا مجرب ومشهودله يعني مع الضمان
الله يعين المسكينة

[hemoud123]

لمن السؤالا للي يطرح نفسه هل فعلا ممكن تصل الغير او الحسد الى هذه الدرجه , اقصد ان ما دامت الاخت ناويه تدفع هذا المبلغ فبامكانها تجد الف واحد مستعد وما عنده عائله
بالنسبة لهذا السؤال
ليش تاخذ واحد ويمكن يطلع زين ولا شين
هذا مجرب ومشهودله يعني مع الضمان
الله يعين المسكينة

يعني على السكين اخوي المهلهل :)

مرحبا بك

[بوعلي2]

والله سوتها وخذته

سبحاان الله

ان كيدهن لعظيم

[بنت^البحرين1]

انا اعرف وحده شخصيتها قوية جدا ولها هيبه في كل مكان، ولها رفيجة كل شوي ناطه عندها لين صار ادمان تكون عندها كل يوم ، والكل نصحها انتبهي انتبهي ولا في فايدة، تقول اعرف شلون ادير بيتي، لحد ماهبت الكارثه وتزوووووووووووووووووووج ريلها رفيجتهاا( ويعيش فترة الخطوبة حاليا) !!!! ولا كاهو حاليا يصبغ الغرفة الجديدة ويشطب وفي نفس البيت للعروووووسة الجديدة !!!

بسسسسسسس، هي اللي قربت الغاز صوب النار ، مهما كان الريال زين ، بس ريال وحاصل له كل يوم رايح راد حرمه مرتزه في البيت حلت في عينه، وهي بعد كبيرة في السن وفرصه مابتخسرها..
انا من رايي لو شنو ماكانت الرفجة ماطلع عيوب ومزايا زوجي قدام اي حد في الدنيا، الوحده تصون زوجها بالزين او الشين تحفظه في غيابه وحضوره

[ROSE]

هالحادثة واقعية صارت جدامي


وحده من طيبها ومن كثر ماتحب زوجها كل مره تمدحه جدام زميلاتها في العمل

وللاسف وحده منهم استغلت هالفرصة وتقربت منها لين ما دخلت بيتها وقدرت تخطف زوجها


وهالشي دايما يخليني اتسائل هل الرجال بهالسهولة ممكن ينقادون ورا الاغراء

حتى لو كانت صديقة زوجته ؟

تسلم اخوي على هالموضوع

[ALRAYYAN]

هالحادثة واقعية صارت جدامي


وحده من طيبها ومن كثر ماتحب زوجها كل مره تمدحه جدام زميلاتها في العمل

وللاسف وحده منهم استغلت هالفرصة وتقربت منها لين ما دخلت بيتها وقدرت تخطف زوجها


وهالشي دايما يخليني اتسائل هل الرجال بهالسهولة ممكن ينقادون ورا الاغراء

حتى لو كانت صديقة زوجته ؟

تسلم اخوي على هالموضوع

وانا بعد اتسائل هل المرأه بهالسهوله تخون صديقتها ورفيقة دربها اللي دخلتها بيتها حتى لو كان هذا الرجل زوج هذه الصديقه ؟

[شاهيناز]

بعض الحريم مع احترامي لهم هبل

تتكلم عن زوجها كل شئ ,, راح جا,, من اصدقائه,, وين يسهر وين يروح في الويك اند متى سافر متى رد وش جاب من السفر وش قالها وش وش وش

ملينا من سوالف بعض الهبل قصدي الحريم المشكله ماتفكر في ناس تخزن ها الملعومات لما تنبهم ماينتبهون ,,,, هبل من قلب,,,, يستاهلون الي يجيهم لانهم ماصانو النعمه هذي اذا فرضنا ان الزوج نعمه

[الخير كله]

والله.....مبروك عليها....سكند هاند.............

[ناصر العمادي]

خساره ماحصل وحده مثلها تراني مزيون وجاهز ...:tease::tease::tease:

طبعا أكبر غلط أن الزوجه تتكلم عن زوجها جدام صديقاتها لأنها ماتعرف اللي في النفوس ..

كما أن الحسد والحقد هالأيام في أزدياد والكل صار يشوف اللي عند غيره ..

البيوت أسرار واللي تبي تحافظ على بيتها وزوجها لازم تحافظ على أسرار بيتها ..

سواء كانت مرتاحه او حزينه لابد أن تكتم مايحدث في بيتها ...

واللي السانها فارط تستاهل اللي يجيها ..

الغلط مب من الرجال ..لا الغلط من البنت اللي راحت لزوج صديقتها ...

يعطيك الصحه والعافيه على الموضوع

الله يوفقك ويسعدك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام لك

[مزايين]

ممكن وممكن واجد تصير هل سالفة وماأستبعدها نهائي

والمفروض الواحدة لما تكون مع صديقاتها أو أي حد مهما كان ....ماتجيب طاري زوجها وحياتها معاه ....لأن هل شي خاص فيهم هم الأثنين وبس .....يعني لازم تكون حياتها خاصة جدا وتكون سرية لآخر درجة في السرية

وفي المقابل مافي داعي تجيب طاري صديقاتها وأوصافهم وصفاتهم قدام زوجها

[بنت الحرمي]

في نساء للاسف من سذاجتهم بدل لاتحافظ على زوجها اطيره
والازواج بعد مايصدقون ينتهزون الفرص شر انتهاز

[hemoud123]

هالحادثة واقعية صارت جدامي


وحده من طيبها ومن كثر ماتحب زوجها كل مره تمدحه جدام زميلاتها في العمل

وللاسف وحده منهم استغلت هالفرصة وتقربت منها لين ما دخلت بيتها وقدرت تخطف زوجها


وهالشي دايما يخليني اتسائل هل الرجال بهالسهولة ممكن ينقادون ورا الاغراء

حتى لو كانت صديقة زوجته ؟

تسلم اخوي على هالموضوع

تساؤل مشروع والجواب لا طبعا الرجال مو بها السهوله ,لكن المثل يقول احذر عدوك مره واخذر صديقك الف مره
لان الصديقه دايما تكون عارفه خبايا الامور ومن وين تدخل طبعا لو نوت على الشر والقصه اللي امامنا اكبر دليل لان الصديقه عرفت ان الزوج يمر بضائقه ماليه ودخلت من هذا الباب

شكرا على المرور

[hemoud123]

خساره ماحصل وحده مثلها تراني مزيون وجاهز ...:tease::tease::tease:

طبعا أكبر غلط أن الزوجه تتكلم عن زوجها جدام صديقاتها لأنها ماتعرف اللي في النفوس ..

كما أن الحسد والحقد هالأيام في أزدياد والكل صار يشوف اللي عند غيره ..

البيوت أسرار واللي تبي تحافظ على بيتها وزوجها لازم تحافظ على أسرار بيتها ..

سواء كانت مرتاحه او حزينه لابد أن تكتم مايحدث في بيتها ...

واللي السانها فارط تستاهل اللي يجيها ..

الغلط مب من الرجال ..لا الغلط من البنت اللي راحت لزوج صديقتها ...

يعطيك الصحه والعافيه على الموضوع

الله يوفقك ويسعدك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام لك

كلامك ينقط ما ذهب وبيت الثصيد , اسرار البيت في البيت وانتهى
اما بالنسبه لتساؤلك اذا فيه وحده تدور لها مزيون
اقولك اخوي فيه وتوها ما وصلت 77 سنه تقريبا 76سنه بس وفلوس واراضي وخير , طرش لي صوره حديثه 4*6 وفالك طيب

[hemoud123]

بعض الحريم مع احترامي لهم هبل

تتكلم عن زوجها كل شئ ,, راح جا,, من اصدقائه,, وين يسهر وين يروح في الويك اند متى سافر متى رد وش جاب من السفر وش قالها وش وش وش

ملينا من سوالف بعض الهبل قصدي الحريم المشكله ماتفكر في ناس تخزن ها الملعومات لما تنبهم ماينتبهون ,,,, هبل من قلب,,,, يستاهلون الي يجيهم لانهم ماصانو النعمه هذي اذا فرضنا ان الزوج نعمه

كلامك صحيح والله
لا وبعضهم يجون عند ازواجهم ويسولفون هن البنات الثانيات اليوم شفت فلانه ما شا الله عليها ذاك الجسم وذاك الطول والعيون اللي كنها عيون غزال , والزوج مسوي نفسه مو منتبه وهو راكز اذنه مثل اذاني البوليسي الوولف
مشكوره على المرور

[سايق_الخير]

لمن السؤالا للي يطرح نفسه هل فعلا ممكن تصل الغير او الحسد الى هذه الدرجه , اقصد ان ما دامت الاخت ناويه تدفع هذا المبلغ فبامكانها تجد الف واحد مستعد وما عنده عائله ِ

صح كلامك بس الموضوع ان الرجال يستاهل يشترى لانة موصفات خاصة....:secret:

[المشتاقه الى الجنه]

المفروض الصديقه مهما تكون صداقتها لا تيجي البيت الا بغياب الزوج
ما في داعي للإختلاط
بالنسبه للقصه حصلت وما زالت تحصل والسبب الزوجه وغبائها تخسر زوجها وصديقتها في نفس الوقت
نصيحه أن نكون حذرين وخصوصا من صديقاتنا

[hemoud123]

المفروض الصديقه مهما تكون صداقتها لا تيجي البيت الا بغياب الزوج
ما في داعي للإختلاط
بالنسبه للقصه حصلت وما زالت تحصل والسبب الزوجه وغبائها تخسر زوجها وصديقتها في نفس الوقت
نصيحه أن نكون حذرين وخصوصا من صديقاتنا

عين العقل
شكرا على المرور

[بنت المنتدى]

بل

اعوذ بالله ..

عندي وحده من قرايبنا صارت لها هالسالفه ...!!



يالله سترك :(

[همي علي قدي]

صح هالسالفه صارت وايد
وسمعت عن سالفه بقولها لكم
ثنتين صديقات وكلهم متزوجات وعندهم عيال بعد
والاولى ريلها اوكي معاها لكن الثانيه كان مب اوكي معاها
وكانت الاولى دايما تنصح الثاني عشان ريلها يرجع لها وتقولها انا اسوي كذيه وكذيه لزوجي ليش انتي ماتسوين هالشي
وشوي شوي تعرفت الثانيه على زوج الاولى لكن ماتزوجها بس على علاقه بها
والزوجه الاولى عرفت وصارت مشاكل بينها وبين زوجها
يعني لاتقولين لا هذي متزوجه شتبي بزوجي
لا حتى المتزوجات احذري منهم

[hemoud123]

صح هالسالفه صارت وايد
وسمعت عن سالفه بقولها لكم
ثنتين صديقات وكلهم متزوجات وعندهم عيال بعد
والاولى ريلها اوكي معاها لكن الثانيه كان مب اوكي معاها
وكانت الاولى دايما تنصح الثاني عشان ريلها يرجع لها وتقولها انا اسوي كذيه وكذيه لزوجي ليش انتي ماتسوين هالشي
وشوي شوي تعرفت الثانيه على زوج الاولى لكن ماتزوجها بس على علاقه بها
والزوجه الاولى عرفت وصارت مشاكل بينها وبين زوجها
يعني لاتقولين لا هذي متزوجه شتبي بزوجي
لا حتى المتزوجات احذري منهم

الصراحه عاد هذي قويه وما لها حل , قلنا وحده مو متزوجه تسويها يعني من حقها تدور لها ابن الحلال , لكن متزوجه تسوي كذا هذي والله الطامه الكبرى

[eXpert*]

كلامك صحيح والله
لا وبعضهم يجون عند ازواجهم ويسولفون هن البنات الثانيات اليوم شفت فلانه ما شا الله عليها ذاك الجسم وذاك الطول والعيون اللي كنها عيون غزال , والزوج مسوي نفسه مو منتبه وهو راكز اذنه مثل اذاني البوليسي الوولف
مشكوره على المرور

:nice::nice::nice:

[سيدة اعمال فلسطنية]

وهالشي دايما يخليني اتسائل هل الرجال بهالسهولة ممكن ينقادون ورا الاغراء

حتى لو كانت صديقة زوجته ؟



الي كنت بدي احكي هل الرجل سهل !!!خلص لا لمدح الرجل خصوصا قدام القريبات !!!:anger1:

[sas70]

الله يستر من هذرة الحريم وخصوصاً بالدوامات عاد ملقت سالفة الى تمدح زوجها وبعضهن ودك تكون قايله كلام غير صحيح من باب التفاخر ورفجتها انغرت وصدقت.

وبعدين هالحجي هرام ماجوز الأباحة بأسرار بيوتكم

تحياتي للجميع

[hemoud123]

الله يستر من هذرة الحريم وخصوصاً بالدوامات عاد ملقت سالفة الى تمدح زوجها وبعضهن ودك تكون قايله كلام غير صحيح من باب التفاخر ورفجتها انغرت وصدقت.

وبعدين هالحجي هرام ماجوز الأباحة بأسرار بيوتكم

تحياتي للجميع

فعلا اكثر الكلام كله كذب وقصص من الخيال

[!قطريـة بنت القمـر!]

من ســوى نفســـه سبــوس العبــت بـه الدجـاج .... ويااااااااااااا كثــر السبـــوس بهالدنيــا :yu: ....

[hemoud123]

من ســوى نفســـه سبــوس العبــت بـه الدجـاج .... ويااااااااااااا كثــر السبـــوس بهالدنيــا :yu: ....

صح كلامك بس لاتنسين الدجاج شكثره بعد , ما يعطي السبوس فرصه
اشكر مرورك العطر

[!قطريـة بنت القمـر!]

صح كلامك بس لاتنسين الدجاج شكثره بعد , ما يعطي السبوس فرصه
اشكر مرورك العطر

واللــه على طــرف لســاني بغيــت اكتبهــا بس سبقتني جعل والديك للجنــه :victory:....

[biz-qtr]

مب بس من خلا نفسه سبوس العبت فيه الدجاج
يقولون "رزق القطاوه على الخاملات"
بعد فيه حريم الحمدلله والشكر فيهم غبااء مب صاحي ع ابو انها نوايا صافيه.. ع كثر ما يسمعون من قصص ولا يعتبرون ولله الحمد..

يعني الحين السوال اللي يطرح نفسه تروح تقول حق رفيجاتها اسرارهم فالبيت اهي وزوجها ليش شنو اللي تبي توصل له... ؟؟؟؟؟؟؟؟؟؟؟؟؟ مب قادره افهم انا

الافضل ع المره انها ما تتكلم لا بزينه ولا بشينه عند حد .. لحد ياخذ فكره غلط عنه ولحد ياخذ فكره زينه

لين زان بيزين لها مب للناس

ما اقول الا الله يصبرها الزوجه الاولى .. والله يعقل الزوجه الثانيه الاستغلاليه ما تستحي .. خلصو العزابيه يعني .. :anger1::anger1::anger1:


الله لا يحطنا في هالمواقف البايخه ..

[hemoud123]

مب بس من خلا نفسه سبوس العبت فيه الدجاج
يقولون "رزق القطاوه على الخاملات"
بعد فيه حريم الحمدلله والشكر فيهم غبااء مب صاحي ع ابو انها نوايا صافيه.. ع كثر ما يسمعون من قصص ولا يعتبرون ولله الحمد..

يعني الحين السوال اللي يطرح نفسه تروح تقول حق رفيجاتها اسرارهم فالبيت اهي وزوجها ليش شنو اللي تبي توصل له... ؟؟؟؟؟؟؟؟؟؟؟؟؟ مب قادره افهم انا

الافضل ع المره انها ما تتكلم لا بزينه ولا بشينه عند حد .. لحد ياخذ فكره غلط عنه ولحد ياخذ فكره زينه

لين زان بيزين لها مب للناس

ما اقول الا الله يصبرها الزوجه الاولى .. والله يعقل الزوجه الثانيه الاستغلاليه ما تستحي .. خلصو العزابيه يعني .. :anger1::anger1::anger1:


الله لا يحطنا في هالمواقف البايخه ..

لا اختي ما خلصو العزابيه بس هذا اولا زوج مجرب وثانيا يمكن عقاب للزوجه اللي تفضح اسرار بيتها
والله اعلم
وشكرا على مرورك الزاكي

[خوي الشوق]

نوع من انواع الغباء وشنو تقولون عن الي تمدح زوجها وتتزبى عند رفيجتها الي اصلا عندها مشاكل لا حصر لها وتاركها زوجه مخلي الحبل على القارب قامت بينت لها انه كل الازواج مامنهم فايده ويخونوون وحرام احنا مضيعين انفسنا مع الرجاجيل وخلينا نحب بعض احسن ونهتم ونبدا العلاقه من لبس وهدايا واتصالات لين تطلقت وبعد ماتطلقت سارت هي العون لها وهي راعية الوقفه الي بتنسيها الرجال قصدي زوجها سارت تمر عليها بالسياره وتصيعها من نادي الى نادي والي انظلم مع وحده نفس هالغبيه هو الزوج والابناء وعلى فكره الحين سار الاعجاب بين البنات طاقي بدرجة يحجزون فنادق عشان !!!!!!!!؟؟؟؟؟؟

[hemoud123]

نوع من انواع الغباء وشنو تقولون عن الي تمدح زوجها وتتزبى عند رفيجتها الي اصلا عندها مشاكل لا حصر لها وتاركها زوجه مخلي الحبل على القارب قامت بينت لها انه كل الازواج مامنهم فايده ويخونوون وحرام احنا مضيعين انفسنا مع الرجاجيل وخلينا نحب بعض احسن ونهتم ونبدا العلاقه من لبس وهدايا واتصالات لين تطلقت وبعد ماتطلقت سارت هي العون لها وهي راعية الوقفه الي بتنسيها الرجال قصدي زوجها سارت تمر عليها بالسياره وتصيعها من نادي الى نادي والي انظلم مع وحده نفس هالغبيه هو الزوج والابناء وعلى فكره الحين سار الاعجاب بين البنات طاقي بدرجة يحجزون فنادق عشان !!!!!!!!؟؟؟؟؟؟

اعوذ بالله يخوي كلامك والله يخوف , صادتني قشعريره , الله يستر على خواتنا وكل المسلمين يارب
شكرا على المرور

[الموضوعي]

إِنَّ كَيْدَكُنَّ عَظِيمٌ

[بن يوسف الثقفي]

جنس حواء مثل الجن

[hemoud123]

جنس حواء مثل الجن

انا مالي خص , انا ما قلت شي , هذا هو اللي يقول:)
مشكور على المرور

[biz-qtr]

جنس حواء مثل الجن

يمممممممممممممممممممممه

بسم الله


بس ليش يعني ؟؟؟