كارفور يدفعك ثمن الأكياس لحمل أغراضك !!!

[ديمقراطي]

السلام عليكم ..

عرفت اليوم من أحد الأصدقاء الذي أتاني إلى المجلس بعد خروجه من كارفور على طول. انه بعد شرائه لأغراض طلبوا منه نصف ريال على كل كيس وقالوله بإمكانك الاحتفاظ بالكيس وتجيبه معاك المره الجايه لحمل اغراضك.. معقوله .. اول مره نسمع بهل شي ... !!!!

[فارس الكلمة]

يقال .. أنه للحفاظ على البيئة من التلوث ..

[أم حمد]

هههههه

يعوضون خساير المقاطعه

:)

[أم حمد]

يقال .. أنه للحفاظ على البيئة من التلوث ..


صحيح

:victory:

[بوعلي2]

انا دفعوني ريالين ؟؟؟

[العقل الحر]

هذا الامر حاصل في اوروبا اما الدول الاسيويه لايوجد هذي الامور عندهم مثلنا

اما هذا الامر صار عندنا هذي اول مره اسمعها

[khalid1975]

انا امس مريت كارفور اللاندمارك .. وبالفعل موظفة الكاشير قالت لي .. انهم خلاص بلغون الاكياس وبيكون في اظرف لنقل الاغراض بدل الاكياس!!

وطبعا كأني سمعتها انها تقول انه الظرف بريال موب بنص ريال ..

بس حظي كان انه ساعتها في أكياس .. فمشيت نفسي بها ...

[الملكة الام]

اخي ديمقراطي


انت صادق


هذا الشي واجهته في كارفور باريس....


وتوهم مطبقينه في افرعهم الخارجية...




اختك العوده


الملكة الام

[بنت الحرمي]

للحفاظ على البيئة

تعودوا من الحين تدفعون مافرقت ريالين او ثلاث
لان في المستقبل القريب سيتم فرض ضرائب
ومن لن يدفع ضرائبه فهذا يدعى تهرب من الضرائب وهي جريمة :secret:

[m_taha123]

انا دفعت نص ريال

[بويوسف]

والله فكرة حلوة .. بس اذا كانت كمية المشتريات كبيرة الله يعين ..

[الرهيب فون]

ياجماعه حنا قاعد نصرف فلوس وايد على اشياء بلا طعمه
وش فيها اذا صرفنا جم ريال عشان شي يفيدنا

[وطن]

فكرة حلوة للمحافظة على البيئة

بس كان الأجدر بالأول يطبقون خدمة الطلب والتوصيل عن طريق النت

عشان ما يوهقوون الناس اللي تشتري بالكميات !!!

[PoBox]

*
*
*




كارفور في البلد الام نظامهم تشتري وطبعا تعبي الاغراض في الكيس بنفسك :omen2:
وهناك نوعين من الاكياس
كيس - شبه قرطاس - مجاني
تحط فيه غرشتين بيبسي حجم وسط تلاقيه انبط بالشارع:omg:
وماينفع ابدا

وان مابغيت

تشتري كيس - آدمي - سعره 1 يورو على الكاشير
والكيس يابس وصعب انه ينقص
وتقدر تستعمله ان حبيت للمرة القادمة
فالظاهر حبو يوحدون السياسة العالمية الكيساوية :rolleyes2: من باب التوفير:rolleyes2:


وبخصوص البيئة والقراطيس والملوثات
خبري اكبر مصنع للالمنيوم بالعالم راح يكون في قطر ولا انا غلطان !
وهذا مش مضر بالبيئة طبعا !

[عضو قديم]

على كم الموتر؟ بكم سيم

كيس نايلووووون بريال وتكلفة ال1000 كيس ما اتعدى 100 ريال

[ANONYMOUS]

بسيطه


ارفع ثوبك وعض طرف الثوب.. وحمل الاغراض


:p

[Abu Deeb]

مرة كنت بأحد المجمعات الأستهلاكيه بالأردنقبل سنتين وأستغربت فعلا انهم ياخذون فلوس على الكيس
والحين بالدوحه

[الصدى الخالد]

يالليت اخوي تتاكد بنفسك

لأن في اكياس خاصة ومخصصه للبيع ومش مجبور تاخذهم ولا يجبرونك ان تحط اغراضك فيهم



اما الأكياس البلاستيك العاديه للأغراض بدون مقابل وانا يوم السبت خذت اغراض من كارفوا وحطوا اغراضي في اكياس البلاستيك البيضه ومحد طلب مني شي

[ALRAYYAN]

انا امس شاري اغراض من كارفور فيلاجيو بـ 1272 ريال وتارس جاريين اكياس وماطلبوا مني شي

غريبه !!

[ALRAYYAN]

بسيطه


ارفع ثوبك وعض طرف الثوب.. وحمل الاغراض


:p

هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه ههههههه

مالك حل

[لوردغاليري]

بسيطه


ارفع ثوبك وعض طرف الثوب.. وحمل الاغراض


:p

ههههههههههههههه
اعجبتني الفكره,.,.,.,. ناويه تطبقها


:nice:

[دنيا الاسهم]

يا شين التقليد اللي مب على هلة

[sweety lolo]

بسيطه


ارفع ثوبك وعض طرف الثوب.. وحمل الاغراض


:p

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه حلوه منك :ok2:

[Sleepless Doha]

السلام عليكم ..

عرفت اليوم من أحد الأصدقاء الذي أتاني إلى المجلس بعد خروجه من كارفور على طول. انه بعد شرائه لأغراض طلبوا منه نصف ريال على كل كيس وقالوله بإمكانك الاحتفاظ بالكيس وتجيبه معاك المره الجايه لحمل اغراضك.. معقوله .. اول مره نسمع بهل شي ... !!!!
غريبه والله
انا من مرتادي كارفود
اول مره اسمع هذا
واعتقد انه من المستحيل ان يدخل العقل ما تتدعيه انت وصاحبك
للامانه هذا عيب ان يكون هناك موضوع بهذا الشكل وهذه العقليه
انا من المتابعين لهذا المتدى الراقي في مواضيعه الهادفه والبنائه
دمتم بخير

[المتألم]

فكرة أنه بفلوس بصراحه مو مبلوعه
الواحد مع الأيام بيلقى بيته مليان خرايط وأكياس

مش كافي بدل النص ريال يجبرونا نآخذ حلوى ما تنباع
فيصرفونها غصب بهالطريقه .

لو يشددون بهالسالفه في المطاعم والمخابز أولى


للحين يحطون الخبز بأكياس


ولو يشددون على الشاي اللي يبيعونه بفلين

يرجعون يبيعونه بكرتون أحسن


مو أمور وأمور


الواحد صار يدفع ويدفع
والعالم قاعد ينهار

صج نهاية البطره شحاته والله يستر علينا

[المهلهل]

وليش لكياس حط لغراض في الجاري ودزه
ولا بايجرون الجاري بعد

[الطيبة كلها]

انا عرضت علي الكيس ورفضته

[OREO]

ابي حد يحددلي المحلات اللي اكياسها بفلوس في اوروبا ...

والله العظيم عمري ما دفعت ثمن كيس واحد في اوروبا .. سمعت لكن الشئ ما صادفني مثل بيض الصعو ..

و اذا على قولتكم ان كارفور فرضت رسوم على الاكياس ... على ما اظن من حقنا كمواطنين

نطالب حكومتنا بفرض الضرائب على الغير قطري و نسبة الضرائب 15% من دخل الشخص او الشركات و المؤسسات ,,








و الا اقول بلاها من ضرائب .. اخاف بالغلط يفرضون ع الاقطريين بدل الاجانب ..

[أم وضحى]

الموضوع صحيح
انا اليوم تسوقت مع زوجي اغراض البيت من كارفور
وقبل ليحاسب الكاشير الاغراض
وضح لزوجي ان الكيس بنص الريال .. ومافي اكياس مجانيه ..
يعني الوضع اجباري :anger1:
شفت الكل يتحلطم .. خاصه اللي مثلنا شارين لهم الف شي وشي :rolleyes2:
اما الكاشير اللي جنبنا .. كان يحاسب مقيميين .. رفضوا فكرة انهم يدفعون فلوس ع الكيس ..
وفي الاخير ادفعوا :secret:


صج حرامي هالكارفور :weeping:
اتوقع مب بعيده ندفع فلوس ع العربه .. او تأمين مثل دول الخارج ..تودي اغراضك السياره وترجع العربه مكانها ..
كل شي جايز عشان يوفرون قيمة اجار العمال اللي يلمون العربات من المواقف

[قطري كشخه]

هذي استراتيجيه بعض المتاجر السوبرماركت الكبيره وتطبق في اوروبا واعتقد انه في خلال 3 سنين الجايه راح يطبق على اغلب السوبرمركتات .. ولكن الى في اوروبا مايبيعون الاجياس العاديه يبعون خرجه بسعر رمزي جدا ويستخدمونها الناس بشكل كبير كل مارجعو يتشرون من السوبرماركت

كانو يقدرون يسون طريقه ثانيه مثل ماالجامعه عندنا مسويه طريقه لين نشتري اي شي من محلات الجامعه يعطونا اجياس نفس الخرجه ( كأنها خيشه يابسه وعليها لوقو الجامعه وشكلها حلو ) صراحه انا استخدمها في امور ثانيه واخليها معاي مااخذفها ..

هذا لو يهتمون برضى العميل وهي نوعيه من الماركتنك للمحل :) understanding the culture not easy

[جوال 11]

أشوف كتيب على الأبواب لأغراضهم
لكن مع المقاطعة .

[ANONYMOUS]

صج حرامي هالكارفور :weeping:
اتوقع مب بعيده ندفع فلوس ع العربه .. او تأمين مثل دول الخارج ..تودي اغراضك السياره وترجع العربه مكانها ..
كل شي جايز عشان يوفرون قيمة اجار العمال اللي يلمون العربات من المواقف


في القريه العالميه في دبي .. اجار الجاري 20 ريال في الساعه..

طلعت من هناك دافع حول 100

احتمال يسوونها هنا ..

[دلة الرسلان]

اصلا ما اداني الأكياس شزين الاغراض محذفين في الغاري

[همر]

أتخيل الحجيات... كل وحده داشه كارفور وخمستعش كيس تحت باطها ... جايبتهم من البيت !!

وين عايشين هذيلا ... هذا النظام ينفع حق الاجانب... اللي عنده هالكيسين وطاير لونهم

من كثر مايستخدمهم كل يوم وهو رايح للجمعيه... ماياخذ الا بيضتين وقوطي حليب

بو ريالين ونص وصمّونه طويله !!!!

مب احنا اللي نترس جاري واثنين... صج تفكير هنود...

[a.a.a.qatar]

انا بجيب من بيتنا مجموعة أكياس وبعبي بروحي والله يخلي الشغاله ما بتقصر بتشلهم معاي ... لا اكياسهم ولا جواريهم ...... رياضة أثقال ...

[mrloverman]

أتخيل الحجيات... كل وحده داشه كارفور وخمستعش كيس تحت باطها ... جايبتهم من البيت !!

وين عايشين هذيلا ... هذا النظام ينفع حق الاجانب... اللي عنده هالكيسين وطاير لونهم

من كثر مايستخدمهم كل يوم وهو رايح للجمعيه... ماياخذ الا بيضتين وقوطي حليب

بو ريالين ونص وصمّونه طويله !!!!

مب احنا اللي نترس جاري واثنين... صج تفكير هنود...




خخخخخخخخخخخخخخخ

[عضو قديم]

الموضوع صحيح
انا اليوم تسوقت مع زوجي اغراض البيت من كارفور
وقبل ليحاسب الكاشير الاغراض
وضح لزوجي ان الكيس بنص الريال .. ومافي اكياس مجانيه ..
يعني الوضع اجباري :anger1:
شفت الكل يتحلطم .. خاصه اللي مثلنا شارين لهم الف شي وشي :rolleyes2:
اما الكاشير اللي جنبنا .. كان يحاسب مقيميين .. رفضوا فكرة انهم يدفعون فلوس ع الكيس ..
وفي الاخير ادفعوا :secret:


صج حرامي هالكارفور :weeping:
اتوقع مب بعيده ندفع فلوس ع العربه .. او تأمين مثل دول الخارج ..تودي اغراضك السياره وترجع العربه مكانها ..
كل شي جايز عشان يوفرون قيمة اجار العمال اللي يلمون العربات من المواقف

اليوم!!!!!!!!!! اممممممممممم !!!!!!!!!!!!!
بس مافي كارفور فاتح الفجر الساعة 4

[بنت الدوحه]

فيه محل في الحياة بلازا يبيع الاكياس بعد واعتقد ب3 ريالات انصدمت لما قلت عطني كيس احط فيه

الغرض اللي اشتريته قال لي ب3 ريال

شي غريب واستغلال فظيع يحصل بشكل كبير في قطر الله المستعان

[سلمى76]

اعتقد ده شئ زين
وكنت بتمنى يطبقونه من زمان في كل المجمعات

كل واحد يجيب شنطه معاه للاغراض

بدل اهدار المال وتلويث البيئة بالاكياس

[شيزكيك]

انا من زمان شريت الكيس الي عليه شاطي البحر وقواقع بس لانه عجبني وما اوديه معاي

كارفور ودوم اشوف الاجانب يحملون اغراضهم فيه يعني هم متعودين على هالحركه في

بلادهم

وبالنسبه لي عادي بشتري 3 غيره وبحطهم في السياره وكل ما رحت بنزلهم معاي

ويقولون هم قابلين للتبديل بالمجان اذا انهروا من كثر الاستعمال

[أم وضحى]

اليوم!!!!!!!!!! اممممممممممم !!!!!!!!!!!!!
بس مافي كارفور فاتح الفجر الساعة 4


ماشاء الله عليك .. ذكي بزياده حبتين :anger1:
انا تصفحت المنتدى الفجر وكتبته على اساس توني من خمس ساعات راجعه من المجمع ..


عليكم شطحات غريبه :secret:

[Chambray]

عادي ياشباب ليش مستغربين

[Chambray]

في القريه العالميه في دبي .. اجار الجاري 20 ريال في الساعه..

طلعت من هناك دافع حول 100

احتمال يسوونها هنا ..

لا هذي مصخوها

هو المعقول5 ريال للجاري
نفس فرنسا
فرنسا 1 يورو للجاري ، واذا مستغنى عن 1 يورو احذف الجاري في اي مكان ، لكن من باب التنظيم ماترجع لك ال 1 يورو الا اذا رجعت الجاري مكانه :)

[GULFSUN]

توني جاي من سيتي سنتر مريت كارفور وشريت ب 745ونص قالت لي البياعة الفلبينية بعد ماعبت الاغراض في اكياسهم العاديه تشتري أكياس نايلون نوع (هفي ديوتي) رديت عليها بغضب خلاص هونت ماني بشاري شي من كارفور بشتري من دكاكين الهنود لان هذا استغلال وأنتم الخسرانيين ( طبعا الكلام IN ENGLISH ) تروعت وقالت أنا أسفه هذه الأكياس FREE للحين ما طبقنا النظام.
قلت لها بلغي المسئول انتم الخسرانين بسياستكم هاذي وGULFSUN بيقاطع الكارفور عند تطبيق هذا النظام.
القصة كلها يازعم أنهم يحافظون على البيئه والمسأله مب كم ريال باد فعها بس هو البوق عيني عينك وإذا مثل ما يقولون البيئة فانا أقول ليش ما يسوون أكياسهم من النوع الورقي Recycled مثل أمريكا وإلا لازم يكون من جيوبنا

[OREO]

توني جاي من سيتي سنتر مريت كارفور وشريت ب 745ونص قالت لي البياعة الفلبينية بعد ماعبت الاغراض في اكياسهم العاديه تشتري أكياس نايلون نوع (هفي ديوتي) رديت عليها بغضب خلاص هونت ماني بشاري شي من كارفور بشتري من دكاكين الهنود لان هذا استغلال وأنتم الخسرانيين ( طبعا الكلام IN ENGLISH ) تروعت وقالت أنا أسفه هذه الأكياس FREE للحين ما طبقنا النظام.
قلت لها بلغي المسئول انتم الخسرانين بسياستكم هاذي وGULFSUN بيقاطع الكارفور عند تطبيق هذا النظام.
القصة كلها يازعم أنهم يحافظون على البيئه والمسأله مب كم ريال باد فعها بس هو البوق عيني عينك وإذا مثل ما يقولون البيئة فانا أقول ليش ما يسوون أكياسهم من النوع الورقي Recycled مثل أمريكا وإلا لازم يكون من جيوبنا


اللي فهمته من كلامك بأن الاكياس موجوده و لكن اذا بغيت اكياس الهيفي ديوتي لازم تشتريها ( يعني الشئ اختياري مهب اجباري ) ..


وين اللي كانوا يقولون ان الاكياس العاديه بفلوس ؟؟؟

اخوي جولف سن .. يعطيك العافيه ع الايضاح ..
:playball:

[qatar lady]

اختي اليوم قالتلي السالفه.. وخلت البوي يشيل كل الاغراض ويحطه لها في كيس واحد خخخ قالها بينشق .. قالت كيفي بفلوسي حطه وانت ساكت هههههه


الظاهر بيقوم سوق السلال ثاني مرة والبقشة .. يبه نص على نص يسوون ملايين واحنا مو حاسين
@@ حراااام عليهم والله لو ربع ريال مو بس نص !!
شكلي بشترلي سلة نفس هالاجانب يوم يروحون الرحلات خخخ واخلي اغراضي فيها

[أم وضحى]

اللي فهمته من كلامك بأن الاكياس موجوده و لكن اذا بغيت اكياس الهيفي ديوتي لازم تشتريها ( يعني الشئ اختياري مهب اجباري ) ..


وين اللي كانوا يقولون ان الاكياس العاديه بفلوس ؟؟؟

اخوي جولف سن .. يعطيك العافيه ع الايضاح ..
:playball:


في كارفور فيلاجيو مافيه اكياس عاديه

[اناقه]

يا جماعة الخير اذا كان الخبر صحيح

جيبو اكياسكم من البيت وفكو نفسكم

ترى هاي انسب طريقه

و خلوهم يولون خلو الاكياس تنفعهم

واعتقد انهم سوو جذي لان في ناس وايد تاخذ اكياس بالهبل

يعني عقب ما يعبون اغراضهم في الاكياس ياخذون لهم همشة كياس او انهم يحون كل غرض في كيس وهاي بعد يخسرهم

وعلى طاري النص و الحلاوة

انا من النوع اللي ارفض اخذ حلاوة ام نص ريال و افضل اني اخذ النص ريال

وترى السالفه مب عيب ولا فشيلة

ولاحظو اللي يصير اذا رفضت تاخذ النص تقولك راعية الكاشير خلاص مب لازم النص

او دفعو بالبطاقه افضل

[classic2004]

امممممممممممممم
انا رحت كارفور قبل كم يوم وما جبروني اشتري بس انا من زمان عاجبتني الفكرة ..
كانت عندنا مدرسة امريكية وكانت تبي تسوي مشروع تسوي اكياس قماش وتبيعها برخيص عشان الناس ما يستخدمون البلاستيك..
يمكن انتو تفكرون فيها ماديا بس انا افكر فيها بيئيا .. البلاستيك من المواد اللي صعب تتحلل او يعاد استخدامها ووجوده مضر بالبيئة ..
في فرنسا تدفع فلوس على الكيس وترجع تستخدمه ..
بس المفروض تكون السالفة بالتدريج ومب بالغصب ..

[شمعة المنتدى]

صج والله ؟؟؟

الحمد لله والشكر ،،

[الروقي]

اخواني هذا ضحك على الناس لامحافظه على البيئه ولا شي لان الاكياس هي نايلون اصلا نفس الاكياس الي في المحلات الاخرى ولكن للربح وممكن يصير عندنا اي شي في غياب حماية المستهللك والله يعينا

[شقره]

صج @@ والله اول مره ادري
كل شي سوه بفلوس
لاحول ولا قوة الا بالله

[المخفي]

رحت اليوم كارفور و شريت أغراض و لا دفعوني فلوس على الأكياس بس الكاشير قالي تبي أكياس شكلها غير قلت له لا و بس

[رحيل]

وين حماية المستهلك ؟؟

أنا بالغصب خلوني اشتري خريطه .....
ما عطوني خيارات اخرى !!!

[tajirqatari]

:tease::tease:كل ماروح كارفور باودي شنطه معاي

[doha1]

هههههه

يعوضون خساير المقاطعه

:)

:victory: هذا الواقع

[fhd4]

هذا الخبر من جريدة الراية اليوم عن هالموضوع ...


http://www.qatarshares.com.qa/data/329/332/storm_1822441780_214878135.jpg

[..الاميرة..]

بسيطه


ارفع ثوبك وعض طرف الثوب.. وحمل الاغراض


:p


ههههههههههههههههههههههههههههههههههههه

[الغـــيور]

انا كنت هناك من كم يوم وماخذوا من ولاريال مع اني شاري اغراض اشقد !!!

[وتبقى الدنيا حلوه]

انا شفت أمس واحد طالع من كارفور السيتي سنتر و حاط اغراضة بالجاري بدون اكياس استغربت

و الحين عرفت ليش

عموما الواحد مو مجبور انه يحافظ على البيئه

كل واحد حر في نفسه

انشالله تصير حملة عشان نوقف هالشي

لاني اشوف فيه استغلال لنا

و الكسبان كارفور الحرامي

[بنت المزن]

كانت عندنا مدرسة امريكية وكانت تبي تسوي مشروع تسوي اكياس قماش وتبيعها برخيص عشان الناس ما يستخدمون البلاستيك..
يمكن انتو تفكرون فيها ماديا بس انا افكر فيها بيئيا .. البلاستيك من المواد اللي صعب تتحلل او يعاد استخدامها ووجوده مضر بالبيئة ..


السودان يوقف استخدام الأكياس البلاستيكية



الخرطوم - بليغ حسب الله:
قررت السلطات السودانية ايقاف استخدام الأكياس البلاستيكية بعد ثبوت علاقتها بأمراض سرطانية، وقال المسؤول بوزارة العلوم والتكنولوجيا بابكر الحاج موسى ان الوزارة تعتزم اصدار قوانين ولوائح للحد من استخدام الأكياس.
وحذر موسى ن ثبوت اضرار تترتب على استخدام الأكياس البلاستيكية، معتبراً ان الأكياس تهدد الثروة الحيوانية وتؤدي الى نفوقها، وأوضح ان عددا كبيرا من الحيوانات تلتهم الأكياس الأمر الذي يؤثر بدوره على حالتها الصحية ويعرضها للهزال مما يؤدي الى تدني انتاجية الحليب والخصوبة وفي بعض الأحيان الى هلاك الحيوان ووفاته، وكانت ولاية القضارف شرقي البلاد أوقفت استخدام الأكياس منذ سبع سنوات.

سوريا:
رغم التحذير الشديد من المضار الصحية الناجمة عن حفظ الأطعمة والمواد الغذائية في الأكياس المصنوعة من البلاستيك أو العلب البلاستيكية إلا أن استخدامها توسع لدرجة طال فيها أكثر المواد الغذائية حساسية، وتجاهل ما توصلت إليه الدراسات من نتائج خطيرة تؤكد أن نقل أو حفظ الأغذية ضمن هذه الأكياس يشكل خطورة على الصحة ويزيد من فرص الإصابة بالسرطان، وخصوصاً أن المادة الكيميائية التي تدخل في تركيبة البلاستيك يمكنها التفاعل مع المادة الغذائية لتذوب المواد الضارة في الغذاء، وهذا ما يعتبره المهندس الكيميائي (فؤاد العك) مدير السلامة الكيميائية في هيئة شؤون البيئة أمراً خطيراً يقتضي البحث عن بدائل وليس الإفراط في استخدام الأكياس والعبوات البلاستيكية ويقول: (أكياس النايلون البيضاء تصنع من مادة بولي أتيلين وهو مستخرج نفطي، ومن المفروض عدم وضع الطعام فيها وهو ساخن، وإذا ما تكرر استخدام أكياس النايلون بصورة مستمرة، فسيؤدي ذلك لوجود متبقيات من مادة البلاستيك في دم الإنسان مما يجعله تحت رحمة أخطر الأمراض) ويضيف: (البلاستيك يغزو حياتنا بدءاً من الأكياس ومروراً بوضع أوان بلاستيكية في الميكروويف وانتهاءً باستخدام الغشاء البلاستيكي اللاصق للأغذية لدى ربات البيوت في تغليف بعض الأغذية، في حين تتجه معظم الدول لاستخدام الأكياس الورقية أو القماشية وتصنيع أكياس بديلة من مواد نباتية قابلة للتحلل مثل الأكياس الذي صنعت في الولايات المتحدة الأمريكية من الذرة كتجربة أولى).

البيئة متضررة حتى العظم:
ولا تقتصر أضرار أكياس النايلون على الصحة العامة بل يتعدى ذلك لتأثيرها على البيئة، فكثير من الأكياس تحملها الرياح لتدخل في التربة يقول فؤاد العك: (لهذه الأكياس مضارها الخاصة بالبيئة أيضاً إذ يفترض من الناحية البيئية جمعها ومعالجتها بشكل آمن بيئياً، لكن ما يحدث أنها تُترك لقدرها لتطاير بالهواء، وتنتهي على الأشجار والأسيجة إضافة لحرق الأكياس في معمل القمامة وفي معامل النفايات فينتج عنها مركب كيميائي صعب التحلل ومميت في شكل مادة «الديوكسين» المحرمة دولياً لأنها مسرطنة).

أشجار بملامح بلاستيكية:
عموماً يعتبر الـ(عك) أن ظاهرة الأكياس المتطايرة في كل مكان لا يمكن تجاهلها كما في منظر الأشجار والأراضي المكتسية بأكياس النايلون طوال الطريق المؤدي لمعمل معالجة نفايات دمشق والتي يؤكد (موريس حداد) مدير المعمل: (أن المشكلة الأساسية تكمن في كون المعمل لا يمتلك محطة فرز لذلك يتم فرز أكياس النايلون يدوياً من قبل متعهد القمامة مما يعيق عملية ضبط الأكياس المتطايرة) ويضيف: (حاولت تقديم دفتر شروط للاستفادة من أكياس النايلون الموجودة وشفطها عن طريق خط الإنتاج بهدف إعادة تصنيعها وبيعها إلا أن المتعهد اعتبر الأمر السابق مناقضاً للعقد المبرم معه، والمشكلة الأكبر هي في معمل معالجة نفايات ريف دمشق إذ يمارس عمله بشكل اعتباطي ودون التقيد بمراحل الطمر مما يؤدي لاحتراقات متكررة لديه ينتج عنها مركبات كيميائية ضارة كالـ»ديوكسين» وما شابه).
ضرائب:
بلدان منعت ستخدام الأكياس البلاستيكية وأخرى فرضت ضرائب على استخدامها كـ(إيرالندا) أما (بنغلادش) فقد فرضت حظراً تاماً على جميع أكياس البلاستيك الرقيقة، أما نحن هنا في سوريا، فنغالي في استخدامها متجاهلين كل الحلول البديلة من أكياس ورقية وقماشية أيضاً، كما نتجاهل مضارها الصحية التي قد تؤدي لظهور السرطان في جسد الناس.

[tajirqatari]

اليوم انا رايح كارفور وخذت اغراض حق سيلين ولادفعت ربع ريال كارفور اللاند مارك

[OREO]

ما الوم كارفور ...

كون المشتري معترض على عدم توفير الاكياس المجانية مهب شرط يشتري من كارفور ..

الحل اذا انك شريت اغراض و حاولوا اجبارك على شراء الاكياس .. فالحل انك تترك الاغراض على الكاشير

و روح اشتر من الجمعيات الثانيه ..

يعني حبكت الا من كارفور ؟؟؟