فودافون: ساعدنا على بناء شبكتنا [الأرشيف] - منتديات شبكة الأسهم القطرية

مشاهدة النسخة كاملة : فودافون: ساعدنا على بناء شبكتنا

همر

17-02-2009, 06:45 AM

http://vodafoneqatar.net/voda.jpg

ها نحن نزف إليك خبر سار! نؤكد لك بأننا سنقوم بإطلاق شبكة فودافون في موعدها المقرر بتاريخ 1/3/2009 وللاحتفال بهذه المناسبة سندعو 1000 شخص ليكونوا من اوائل عملاء فودافون في قطر.

هل ترغب في أن تكون واحداً من بين "أول 1000" عميل لفودافون وتساهم معنا في بناء شبكتنا؟ إننا نتطلع لاستقطاب قطاع عريض يمثل مختلف شرائح المواطنين والمقيمين في دولة قطر باختلاف المناطق الجغرافية، والعمر والنوع وكذلـك الجنسية.

وعلى مدى شهرين سنوفر لكم هـذا العرض المميز، فإذا وقع الاختيار عليك لتكون واحداً من بين "أول 1000 " عميل سنتوجه إليك وبصورة منتظمة بتساؤلات حول تجربتك مع الخدمات التي نقدمها لك في شبكة فودافون، كما سندعوك للمشاركة في المدونة الخاصة بـ"أول 1000 " عميل لفودافون، وبهذا سيمكننا تقييم التغطية وقوة الإشارة وكذلـك جودة خدمة العملاء لدينا والعمل على تحسينها بصورة مستمرة.

أول 1000 عميل سوف تكلفك في مقابل سبعين (70) ريالاً و ستحصل على قيمة بسبعمائة (700) ريالاً تتضمن عدداً هائلاً من المكالمات المحلية والرسائل النصية المحلية. سوف تحسب المكالمات بقيمة (55) درهم لكل دقيقة والرسائل النصية بقيمة (40) درهم، على أن يتم خصمها من قيمة الباقة البالغة 700 ريالاً وليس من سعر الشراء البالغ 70 ريالاً.

من المهم بالنسبة لك أيضـاً أن تعرف أنه على مدى الفترة التجريبية لن تتمكن من إجراء مكالمات دولية أو إرسال رسائل نصية دولية، ولكن ستتمكن من استقبال المكالمات الدولية على هاتفك النقال.

يتعين على المشتركين الـذين يقع عليهم الاختيار أن يتقدموا ببطاقة هوية مزودة بصورة، كبطاقة إثبات الشخصية القطرية أو جواز السفر مثلاً، وأن يكون بمقدورهم شراء الباقة عبر الانترنت بواسطة بطاقة ائتمان سارية.

في شهر مارس، راقب بريدك الإلكتروني لتجد إذا ما كان هناك رسالة منا تعلمك بأنه قد وقع عليك الإختيار بأن تكون واحداً من " أول 1000" عميل في العرض المقدم للعملاء

من الايميل بتصرّف.

اللي زعلني بس اللي مكتوب بالاحمر :weeping:

اشرايكم ؟!!

ابن الذيب

17-02-2009, 06:49 AM

هلا همر ..
أنا بعد وصلني الإيميل , وفيه لنك آخر شي لو تبي تسجل حق أول 1000 , وسجلت P=
احنا شخسرانين , بنجرب وبنقولهم رآيننا =)
وأتوقع مب مهم انك تتصل مكالمات خارجية , لانه لو طلعت الكرت , بيكون كرت ثاني .. مب أساسي
=)

همر

17-02-2009, 07:14 AM

هلا بك يابن الذيب

انا ماحطيت اخر جمله لانه اذا وصلك هالايميل معناته انك مسجل اصلا

اعتقد :con2:

وهو اكيد كرت ثاني بس ودنا نجربه في البلدان اللي فيها فودافون... معقوله مايشتغل ؟!!

ANONYMOUS

17-02-2009, 07:19 AM

انا اللي زعلني الكلام المكتوب في توقيعي

بغيناك عون.. صرت فرعون

مادري يقولون المثل كذا ولا الفت

همر

17-02-2009, 07:52 AM

انا اللي زعلني الكلام المكتوب في توقيعي

بغيناك عون.. صرت فرعون

مادري يقولون المثل كذا ولا الفت

ياخوي هذي التسعيره هي قيمة الباقه اللي بيعطونك اياها...

بحسب لك اياها بطريقه ثانيه...

بيعطونك باقه قيمتها 700 ريال على اساس 55 و 40 درهم

فيها 1272 دقيقه مكالمات

بتدفع فيها 70 ريال بس

يعني كأنك دافع 5 دراهم ونص للدقيقه !!!

وما في خبر اكيد ان الـ55 درهم والـ40 درهم هي التسعيره النهائيه بعد ماتنتهي الفتره التجريبيه !

تاجرة قطرية

17-02-2009, 10:49 AM

:(

الى متى و الشعب القطري يعاني من شبكة الاتصالات

:(

همر

17-02-2009, 10:59 AM

لين تخلص فلوسهم..

بـن عدوان

17-02-2009, 11:03 AM

شكلك مثل حالتي اخوي بخصوص المكالمات الخارجية

تعبت والله معاهم

ورقــة أمــل

17-02-2009, 11:05 AM

ابي اخذ لي رقم مال فودافون شلوون

هااااااااااااااااااااااااااااااو؟؟

همر

17-02-2009, 11:26 AM

شكلك مثل حالتي اخوي بخصوص المكالمات الخارجية

تعبت والله معاهم

ياخوي المكالمات الخارجيه ضروريه

وبعدين اذا مافي مكالمات خارجيه مع الخدمه يعني مافي تجوال دولي !

واحلا مافي هالشركات انهم يعتبرون المكالمات محليه في اي دوله يشتغلون فيها

مثل شركة "زين" ... بس مادري فودافون بيسوون مثلهم ولا لا !!

همر

17-02-2009, 11:30 AM

ابي اخذ لي رقم مال فودافون شلوون

هااااااااااااااااااااااااااااااو؟؟

يو جو فيلاجيو

يو باي نمبر زير

مي اندرستاند؟

بيوزعون 1000 رقم بس لمدة شهر اعتقد

بعدين بيفتحون للشعب

يعني يو جو فيلاجيو أبريل !

ورقــة أمــل

17-02-2009, 11:36 AM

يو جو فيلاجيو

يو باي نمبر زير

مي اندرستاند؟

بيوزعون 1000 رقم بس لمدة شهر اعتقد

بعدين بيفتحون للشعب

يعني يو جو فيلاجيو أبريل !

شهر فور يعني مب ناووو

اي سي اي سي

فيلاجيو مارحتله الا مرة بحياتي :rolleyes2:

اي هاف تو قوو اقين

ثنكس مستر همر

mrloverman

17-02-2009, 11:40 AM

سؤال لكيوتل

ليش الحين رسايل الام ام اس والصور
تجينا على النت

وشششششششششششششششششششششششششششششششششششششش صاااااااااااااااااااااااااااااااار

همر

17-02-2009, 11:51 AM

شهر فور يعني مب ناووو

اي سي اي سي

فيلاجيو مارحتله الا مرة بحياتي :rolleyes2:

اي هاف تو قوو اقين

ثنكس مستر همر

يو مصت جو فيلاجيو فور فودافون

الله يعينك على المره الثانيه عاد

يو ويلكم مستر أندرسكور كيو فورتي فور...

همر

17-02-2009, 11:53 AM

سؤال لكيوتل

ليش الحين رسايل الام ام اس والصور
تجينا على النت

وشششششششششششششششششششششششششششششششششششششش صاااااااااااااااااااااااااااااااار

:eek5:

أخبر هالسالفه كانت تصير من زمان ايام الجوالات الطوابيق اللي ماتستقبل ام ام اس !!!

لايكون عندك طابوقه ؟!!

ورقــة أمــل

17-02-2009, 12:08 PM

ايم ميس مب مسترر

شكرا شكرا عاشت قطر عربية

همر

17-02-2009, 12:19 PM

ايم ميس مب مسترر

شكرا شكرا عاشت قطر عربية

مي سوري مي سوري

من هنيه لي هناااااااك سوري

وتفضلوا بقبول فائق الاحترام والتقدير...

mrloverman

17-02-2009, 12:33 PM

:eek5:

أخبر هالسالفه كانت تصير من زمان ايام الجوالات الطوابيق اللي ماتستقبل ام ام اس !!!

لايكون عندك طابوقه ؟!!

ياريت يا خوك

كان لقينا عذر حق قيوتل

بس الموضوع صار هالاسبوع وقاهرني

رجل الجزيرة

17-02-2009, 12:45 PM

همر

17-02-2009, 01:57 PM

يا جماعة الخير قولوا: لا إله إلا الله

خلكم مع كيوتل أحسن لكم أو إنتظروا سنتين أو 3 سنوات وإن شاء الله يكون خير....الصراحة من يوم أول يكون قالوا إن الدقيقة 5 دراهم وتدخل المجلس الأعلى للإتصالات وحط السعر على كيفه...بالله عليكم وين كلامهم عن "لا إحتكار" والمستفيد هو الزبون.

ياخوي انت الحين خذ الباقه اذا الله وفقك واختاروك بين الـ1000 عميل الاوائل...

ترى الدقيقه بـ5 دراهم ونص !!!

وعقب ما تخلص الفتره التجريبيه شوف عروضهم وخلك معاهم ولا كنسل خدمتهم..

وترى الـ55 درهم بعد مب شينه اذا بيحسبونها بالثواني

مب مثل "علي بابا" اللي تتكلم ثانيه يحسبها لك دقيقه !!!!!!

:anger1:

فـــــواز

17-02-2009, 02:03 PM

البارحه رحت اسجل بموقع فودفون اوكيه

او ما سجلت اظغط علي تسجيل تخيلون وش طلع لي

اوووبس ناسف ما ادري وش مكتوب نسيت بس قالي خلك من الموقع السفيه

ونقله درس علشان يتعلم مره ثانيه من هالكلام

بين مرتين او ثلاث يطلع الكلام هذا وبالانجليزي بعد ترجموه ههههههههههههه

يعني موقع بكبر شبكه فودفون اكبر شبكه عالميه بالعالم تخترق من ظمن هكر

كبدايه ما يبشر بخير اذا اي واحد بيخترقها الله يعين

همر

17-02-2009, 02:08 PM

ياريت يا خوك

كان لقينا عذر حق قيوتل

بس الموضوع صار هالاسبوع وقاهرني

اها... اكيد العيب منك مب من كيوتل !!

:tease::tease::tease:

طيب الساس

17-02-2009, 02:29 PM

يعطيك العافيه

م. عبدالعزيز

17-02-2009, 02:58 PM

سؤال لكيوتل

ليش الحين رسايل الام ام اس والصور
تجينا على النت

وشششششششششششششششششششششششششششششششششششششش صاااااااااااااااااااااااااااااااار

هلا الغالي،، هاي معناه انه الMMS مب مفعل عندك

بكل بساطة.. اتبع الخطوات:

سو مسج SMS جديد اكتب فيه ALL وارسله على الرقم 2072

بيجيلك مسجين .. الاول كلام عادي والثاني اعدادات خزنها وسو لها حفظ الاعدادات

بعدين .. طرش صورة من جوالك لنفسك

يعني سو MMS جديد ة حط فيه صورة وطرشه حق رقمك

وراح توصلك الرسالة علطول على الجوال

بيخصم منك سعر الوسائط المحلي بس عادي هاي بس مرة وحده علشان تفعل الخدمه

جرب وعطني خبر... بانتظارك :)

صقر عربي

17-02-2009, 04:29 PM

كيوتل بعد بتظل محتكرة الاتصال الدولي والفاتورة لمدة سنتين اعتباراً من تاريخ انطلاق فودا فون

يعني لا تستانسون كيوتل

م. عبدالعزيز

17-02-2009, 06:50 PM

كيوتل بعد بتظل محتكرة الاتصال الدولي والفاتورة لمدة سنتين اعتباراً من تاريخ انطلاق فودا فون

يعني لا تستانسون كيوتل
فاتورة!؟ شي مب منطقي

mrloverman

17-02-2009, 11:49 PM

اها... اكيد العيب منك مب من كيوتل !!

:tease::tease::tease:

امحق رد يا خوك

اقولك قبلها باسبوع اطرش واستلم وسايط

وش بلاه جوالي قام يستهبل ولا قيوتل

وهذي اول مره فديتك

هلا الغالي،، هاي معناه انه الMMS مب مفعل عندك

بكل بساطة.. اتبع الخطوات:

سو مسج SMS جديد اكتب فيه ALL وارسله على الرقم 2072

بيجيلك مسجين .. الاول كلام عادي والثاني اعدادات خزنها وسو لها حفظ الاعدادات

بعدين .. طرش صورة من جوالك لنفسك

يعني سو MMS جديد ة حط فيه صورة وطرشه حق رقمك

وراح توصلك الرسالة علطول على الجوال

بيخصم منك سعر الوسائط المحلي بس عادي هاي بس مرة وحده علشان تفعل الخدمه

جرب وعطني خبر... بانتظارك :)

تسلمين يا غاليه ربي يحفظج

mrloverman

18-02-2009, 08:43 AM

آسف أخوي م عبد العزيز

وياريت الاخوان يحررون الرد لان التحرير مهب شغال

غلا قطر

27-02-2009, 01:31 AM

ياخوي هذي التسعيره هي قيمة الباقه اللي بيعطونك اياها...

بحسب لك اياها بطريقه ثانيه...

بيعطونك باقه قيمتها 700 ريال على اساس 55 و 40 درهم

فيها 1272 دقيقه مكالمات

بتدفع فيها 70 ريال بس

يعني كأنك دافع 5 دراهم ونص للدقيقه !!!

وما في خبر اكيد ان الـ55 درهم والـ40 درهم هي التسعيره النهائيه بعد ماتنتهي الفتره التجريبيه !

أنا أأكد لك ان هالتسعيره مش نهائيه بالعكس هي مبدأيه

اول ما تفتح الشركه رسميا بتشوفون الاسعار الحقيقيه

وبتكون مفاجأه لكيوووووتل

غلا قطر

27-02-2009, 01:32 AM

هلا بك يابن الذيب

انا ماحطيت اخر جمله لانه اذا وصلك هالايميل معناته انك مسجل اصلا

اعتقد :con2:

وهو اكيد كرت ثاني بس ودنا نجربه في البلدان اللي فيها فودافون... معقوله مايشتغل ؟!!

هذا كله بس في الفتره التجريبيه

بعدين كل شي بيتغير

همر

01-03-2009, 08:38 AM

أنا أأكد لك ان هالتسعيره مش نهائيه بالعكس هي مبدأيه

اول ما تفتح الشركه رسميا بتشوفون الاسعار الحقيقيه

وبتكون مفاجأه لكيوووووتل

هذا كله بس في الفتره التجريبيه

بعدين كل شي بيتغير

الله يسمع منك...

واليوم

***سجل يا تاريخ***

هو الاختبار الحقيقي لفودافون قطر

مع انهم ماتصلوا فيني :weeping:

رجل الجزيرة

01-03-2009, 08:51 AM

ياخوي انت الحين خذ الباقه اذا الله وفقك واختاروك بين الـ1000 عميل الاوائل...

ترى الدقيقه بـ5 دراهم ونص !!!

وعقب ما تخلص الفتره التجريبيه شوف عروضهم وخلك معاهم ولا كنسل خدمتهم..

وترى الـ55 درهم بعد مب شينه اذا بيحسبونها بالثواني

مب مثل "علي بابا" اللي تتكلم ثانيه يحسبها لك دقيقه !!!!!!

:anger1:

إلا شينه وزيادة يعني الواحد يقعد شهرين على الدقيقة ب 55 درهم لين يشفطونه شفط ويكون هيكل عظمي وبعدين ينزلون التسعيرة، إيش هذا الكلام إلى ما يدخل المزاج؟

شاه بندر

01-03-2009, 08:55 AM

:weeping:
لا تزعل يا همر ياما حتشوف احنا تحت رحمت هذي الشركات الى يبونه هو الى يصير والعميل عندهم اخر شى يفكرون فيه .

همر

01-03-2009, 09:22 AM

:weeping:
لا تزعل يا همر ياما حتشوف احنا تحت رحمت هذي الشركات الى يبونه هو الى يصير والعميل عندهم اخر شى يفكرون فيه .

هذا المنطق ايام الاحتكار اخوي...

الحين المنافسه في مصلحة العميل %100 خاصة في مجال الاتصالات... :nice:

تعبنا واحنا نتفرج على الشركات وهي تتناحر عشان تقدم

افضل العروض في السعوديه والامارات ومصر :anger1:

واحنا راضيين "بالنصيب"...

:telephone:

بو الجوري

01-03-2009, 09:43 AM

شالسالفه !! !
:omg:
مب اليوم 1 مارس 2009

يعني متى بناخذ خط فودا فون .. والا بس حق الالف ؟ :)

واليووم المزاد .. :secret:

Mansour_qa

01-03-2009, 10:00 AM

بو الجوري برزت الكريدت كارد وبطاقتي الشخصية وكل شي وقلت بادخل وباسجل وخلهم ياخذون 60 على الدقيقة بس أصكر كرت كيوتل كم يوم ..

فجئـة مافي لا حس ولا خبـر ..

ولا حتـى إيميل ويقولون بعد المزاد بتشتغل الشبكـة ..

والأعضاء يقولون شهر أربعة مثل ماتفضـل همـر ..

والله حسافـة ..

bus3od

01-03-2009, 10:42 AM

م. عبدالعزيز

01-03-2009, 03:23 PM

اليوم واحد مارس ..!! ما فيه لا جديد الا اللي يركبون الابراج بالشوارع.. وشبكة Qat 02 على الجوال تظهر..

حد عنده أي خبر عن اليوم ؟

غلا قطر

01-03-2009, 11:42 PM

والله الواحد ضايع ومايدري هم صادقين والا نصابين و بخصوص ال 5 دراهم ونص حق أول ألف عميل و الباقي طبعا 55 درهم يعني فوق 90% من العملاء الدقيقه بتكون لهم ب55 درهم
و على طاري الأسعار بتنزل و هاذي التسعيره مبدأيه لحد يقص على نفسه لأن الشركه ماجابت طاري انها بتخفض التسعيره و احنا ياحبنا للإشاعات يا خوفي يزيدونها بس
فالنهايه احنا مع الشركه الأرخص واللي تقدم خدمات أحسن مع أني أحبذ كيوتل لأني لاحظت تطور كبير في خدماتها و أسعارها وهي شركه وطنيه

انا ما اقص على نفسي ولا عليك اخوي

انا اقول الصج ومب من طبعي اقص على احد واول شي مب من طبعي اقص على نفسي

انطر آخر شهر 4 او بداية شهر 5 لما شركة فودافون تفتح رسميا للعملاء وشوف كم التسعيره بالضبط

حزتها بتذكر كلامي

شاه بندر

02-03-2009, 12:17 PM

عندي سوأل للاعضاء المحترميين

اذا احد طرشولة ايميل بانه احد الـ 1000 الى فازو بفتره التجربه يقول لنا لو سمحتوا ؟

لانه والله تعبت وانا اشيك على ايميلي ( ما يدري انه منحووس ) وما في شئ

لاني قلت اول ما يطرشون ايميل براجعهم عشان ما يقولون طرشنا لك وما رديت على طوووول

:telephone:

همر

02-03-2009, 12:31 PM

لاني قلت اول ما يطرشون ايميل براجعهم عشان ما يقولون طرشنا لك وما رديت على طوووول

:telephone:

هههههههه ما تنلام ... متعوّد على الشركات المحليه ... الحق ما تلحق ...

لا بوي ... هذي شركه عالميه ومالها في هالسوالف ...

بس ما تلاحظون انه مافي اخبار عن المزاد ؟!!! ولا حس ولا خبر عن الشركه اليوم ؟!!

لا في الجرايد ولا في المنتدى ... شسالفه ؟!!!!!!!!!!!!

م. عبدالعزيز

02-03-2009, 03:06 PM