المساعد الشخصي الرقمي

مشاهدة النسخة كاملة : وش النصيحه وش تبوني اسوي معاه



فـــــواز
17-02-2009, 11:04 PM
السلام عليكم ورحمه الله وبركاته

كيف الحال يا اخوان

تعاملت مع مقاول باكستاني وياليتني ماتعاملت معاها طلع عيوني وراح صوتي

الاتفاق بيني وبينه على ٢٧٠٠٠ الف على ٤ دفعات في ٤ اسابيع وكل اسبوع ٦٧٥٠ دفعه
والتاخير ٣٠٠ ريال لليوم وتاخر اكثر من اسبوع
المهم بناه مصخره في مصخره ونصب على في شي كبير وخليته يوم جاء علي اخر شي قالي يا تدفع او ما اني مش باني شي خلاص المهم قلتله والله ما اعطيك ريال واحد الاتفاق بيني بينك على اخر دفعه علي التسليم المفتاح

هو الي المفروض يسويه يعدل بالمجلس صبغ وبناء حمام عزكم الله خارجي ومغاسلتين وبناء مقلط خارجي بس

ما سوه الا المقلط ولا خلصه بعد من دون صبغ وخر ماي من فوق ومن جنب ومن دون تسليك كهرباء ومن دون باب ودارايش وووووو اشياء كثيره

المهم هو ماعنده شركه جايبنه من الشارع هل لو اشتكيت عليه مركز الشرطه بيلزمونه بشي لانه موقع عندي باتفاق بورقه وموقع عليها

واتصل عليه ومسكر جواله

الحين مظطر اني اجيب شركه ثانيه تبني لان متلعوز لا مجلس ولا مقلط مع الظيوف لا اقدر اعزم ولا اظيف

ابي لي شركه معروفه ومعتمده تكمل الشغل ياليت يالربع افزعولي والله تلعوزت وهذا وانا ما بنيت بيت كامل والله ما يسوى علي صدق انه نصاب ذا الباكستاني حلو كلام وفي اخر شي سرقني والله العظيم يالربع لو تشوف شغله اي كلام

الي عنده رقم شركه معروفه وزينه وسعره زين ياليت راحت الفلوس وحنا ما كملنا البني والحين ماسك الباقي ابي ابني واخلص

مخباط
18-02-2009, 06:21 AM
ياخوي فواز
روح اشتك عليه في العاصمه وهم يجيبونلك حقك
انتبه تعدل في اي شي

ابـو مــحــــمـــــد
18-02-2009, 01:15 PM
اخوي فواز الله يكون بعونك

الاجراءت الي لازم تسويها
انك تروح للمحكمه تشتكي عليه وهم راح يطلعون
معاك خبير علشان يحسب العمل الذي قام به على حسب العقد الموقع معه
بعد مايطلع الخبير ويسجل الملاحظات راح يعطونك شهادة افتكاك للعقد السابق
علشان تقدر تكمل مع مقاول اخر ..

بنسبه للاتفاق الذي تم بينكم
هل هو عقد موقع بينك وبين الشركه الذي يعمل بها
هل تم توثيق العقد في السجل العقاري وادارة العمل
لان هذا هو الاجراء القانوي اذا تبي يكون الاتفاق قانوني بينك وبينه..

مركز العاصمه مراح يعمل لك شي لان هذا الاتفاق مش من اختصاصاته
وراح يحولونك على المحكمه المحمكه بعد ما يعطونك مخالصه الاتفاق
انت ممكن ترفع عليه قضيه والله يعينك على الاجراءات القضائيه متى تخلص ..

نصيحه اذا كان العمل الذي قام به موازي للمبالغ التي استلمها
الافظل لك ان تاخذ مخالصه من المحكمه وتشوف لك مقاول اخر يكمل لك البنيان

والله يعينك

الليدر1
18-02-2009, 02:48 PM
أشتكي عليه ف المحكمة بالاوراق الثبوتية ، ومن ثم أطلب خبير للمعاينة على الشغل اللي قام به ومن ثم كمل شغلك ، وطالب بتعويض ....

جهام
20-02-2009, 04:30 PM
الله يعينك يافواز ...اعرف مقاول زين وراعي امانة .........بطرشه لك عل الخاص

hamoor4ever
20-02-2009, 09:37 PM
لاتشتكي ولا تضيع وقتك ، كمل بنيانك وانت غلطان من البدايه الباكستانيين لعبتهم النصب

امير البحر
20-02-2009, 10:04 PM
الله يكون في عونك تبي واحد مصري بس امين

بس عادة المقاول اللي يمسك شغل غيره يضرب في السعر شوي

اذا بغيت المصري ممكن ابعث لك رقمه بس راسلني على الخاص

تحياتي

الهاتف
23-02-2009, 11:34 PM
:nice: