qatar lady
18-02-2009, 02:51 AM
الظاهر عام 2008 سحب معاه ظاهرة الطرارة لين هالسنة بعد ..
الفترة الاخيرة سمعنا اشكثر عن هاللي يطرون ويلاحقون الاوادم في المجمعات وصوب المواقف بشكل خاص.. ويطلبون منهم كمن بيزة بحجة اللي يبي يشتري اكل والا اللي يبي فلوس حق التاكسي والا اللي كفيله مجوعه ومو ملاقي بيزة ولافلس ..
وياكثر هالاعذار اللي صاروا يتفننون فيها ..
موقف صار لي من يومين بالضبط<< الاثنين 16فبراير2009
المكان: مجمع المول وبالتحديد في محل مانغو مال الملابس
الوقت: تقريبا عالساعة12 الظهر
الموقف: وانا اتسوق حكرولي 3 حريم ( وحدة كاشفة وجهها وثنتين متغطيات )، وجاووني على زاوية المحل وسلموا علي.. عبالي ناس يعرفون اهلي والا شي.. بس استوعبت عقب السلام الحار منهم انهم وعلى حسب ماقالوه بلسانهم .. انهم مو من الدوحة وجايين من الامارات اليوم الصبح.. وهني جات البنت الكاشفه تتحجى وخلت البقية يسكتون.. وطبعا الحدث ماخلى من التعابير الدرامية والانفعالات في ملامح الويه ونبرة الصوت الحزينة المكسورة..
قعدت تقول لي سالفتهم وانهم وصلوا الدوحة اليوم ومفروض يلتقون بجماعتهم اللي بلفيت واصلين قبلهم.. لكن ضيعوهم>> عاد شلون مدري !!
وانهم متوهقين الحين خاصة ان ماعندهم لاعنوان ولاتلفون.. عرضت عليهم اتصل لهم على اهاليهم بالامارات بس ارفضوا وقالوا ان امهم ضيعت شنطتها اللي فيها عنوان الجماعه اللي وصلوا الدوحة قبلهم.. وكان من ضمن الشنطة فلوسهم وكل اغراضهم..
طبعا لين هني كنت متعاطفه وياهم وعوروا قلبي.. وحاولت افكر بطريقة اساعدهم فيها ولو اني مو شاطرة في هالمواقف.. بس من سمعت طاري الشنطة الي ضاعت واهم شي ان فلوسهم ضاعت.. قلت في نفسي يااااابنت هذولي ( وراهم إنّ ).. بس قلت لاحرام يمكن صج سالفتهم وخل اتابع وياهم للاخير..
المهم سالتهم متى واصلين الدوحة؟ قالوا اليوم.. وبالطيارة<<< قعدت افكر في نفسي بالله هذولي جايين اليوم يعني الصبح ..متى لحقوا يوصلون من المطار ويروحون اللولو دايركت عشان تضيع شنطة امهم ويجون عقبها المول ويسوون اجراءاتهم اللي بقولكم اياها الحين ..وتونا الساعه 12 الظهر؟
قعدت تلف وتدور بالحجي واللي احذاها سوت نفسها تصيح<< اشكره عيني عينك والله انها كانت تمثل؟ وماكانوا بنات صغار ؟.. يعني بنات مو اقل من ال25 سنة اذا مو اكثر
والبنت اللي كاشفه وجهها تحاول بلفيت تهديها وتقول لها بس الله يهديج خلاص بنلاقي الحل وبنرجع الامارات احنا مالنا حد هني<<< تبي تسمعني وتكسر بخاطري
المهم قلت لها افا عليج دامج في الدوحة لاتخافين وانشالله حقج بيوصلج ومايصير تطلعين من الديرة وانتي مبيوقة!! لازم انرجع لج حقج<< طبعا كثرت لها من هالحجي السنع
فقالت لا.. احنا مالقينا حل غير ان نرجع عن طريق البر.. وانا سألت عن الباصات اللي تودي طريج بر والحين احنا محتاجين 500 ريال.. فعطيني هالمبلغ !!
@@ انا هني فجيت عيوني..:eek5: بس مشيت الموضوع وقلت لها افا عليج وحياتج ماتروحين وانتي بهالحالة.. ولازم انرجع لج حقج.. وصبري.. زين جيتي عندي.. لان ولد خالتي بالشرطة وله بالامور هذي وراح يساعدج فيها ويوفر لج كل اللي مطلوب.. وممكن بعد يشوفلج موضوع البوقة..
انا من جبت لها طاري الشرطة.. البنت راحت فيها.. والثنتين اللي وياها قاموا يتهامسون وكل وحدة تمسك بعباة الثانية تجرها يبون يطلعون.. وانا عاد شاطرة..ماسكة بيد البنت اللي كاشفة بلفيت يعني متعاطفة وياها وان والله مابهدج واني بظل وياج << حسيت روحي رزيله شوي خخخ:tease:
وقعدوا يقولون ها .. لا.. لا شرطة لا.. بس خلاص .. اصلا احنا لقينا اهلنا .. كاهم كاهم يتصلون لنا<<<<<<<<<<<< اشكر فنهم عندهم رادار الظاهر يحسون بقربهم ومتى بيتصلون فيهم بعد .. الا على طول يرن جوالهم و ترد البنت اللي كاشفه.. الا اللي احذاها تقول لي خلاص خلاص هذولي اهم .. مانبي شي خلاص اصلا احنا لقيناهم..هم هني قريب صوب الهلاال.. فقلت لها لا والله فديتج مايصير تروحون.. لازم اتطمن عليكم.. وبعدين وينهم هم؟ انتوا توكم تقولون ماتدلون مكان؟ تعرفون وين الهلال؟ وهااااااااكم الاعذار والتبريرات وكل وحدة تسحب نفسها لين ماوصلوا باب المحل وانا ماسكة جوالي بيدي واتصل بلفيت في ولد خالتي اللي قلتلهم عنه انه بالشرطه<<< :telephone:وانا بالاصل قاعده اتصل بالعضيد خخخخخخخ:nice:
بس حسافة ردوا علي اول ماانحاشوا الحريم ..
طبعا العضيد قال لي ليش جبتيلهم طاري شرطة.. بس شسوي.. كنت خايفه اني اظلمهم :rolleyes2:.. فقلت لو كانوا صاجين بسالفتهم مابيتحسسون هالشكل ولابيشردون.. بس للاسف راحوا من يدي
هاي الي صار وياي باختصار<< قصدي بالتفصيل:omen2:
وهالمواقف راح تتكرر وباشكال متنوعة.. لكن اللي يحز بالخاطر ان شلون بنقدر نمد يد المساعدة للشخص اللي يستاهل في ظل وجود هالنوعية من الناس الي تكذب وتستغل اللي حولها؟
هل نسمح لغيرنا انه يستخف فينا ويبوقنا عيني عينك؟ واذا كان الشخص فعلا محتاج.. اش ذنبنا احنا لما نصده ومانساعده بحجة خوفنا انه شخص استغلالي ؟
:rolleyes2:
واسمحولي عالاطاله...
الفترة الاخيرة سمعنا اشكثر عن هاللي يطرون ويلاحقون الاوادم في المجمعات وصوب المواقف بشكل خاص.. ويطلبون منهم كمن بيزة بحجة اللي يبي يشتري اكل والا اللي يبي فلوس حق التاكسي والا اللي كفيله مجوعه ومو ملاقي بيزة ولافلس ..
وياكثر هالاعذار اللي صاروا يتفننون فيها ..
موقف صار لي من يومين بالضبط<< الاثنين 16فبراير2009
المكان: مجمع المول وبالتحديد في محل مانغو مال الملابس
الوقت: تقريبا عالساعة12 الظهر
الموقف: وانا اتسوق حكرولي 3 حريم ( وحدة كاشفة وجهها وثنتين متغطيات )، وجاووني على زاوية المحل وسلموا علي.. عبالي ناس يعرفون اهلي والا شي.. بس استوعبت عقب السلام الحار منهم انهم وعلى حسب ماقالوه بلسانهم .. انهم مو من الدوحة وجايين من الامارات اليوم الصبح.. وهني جات البنت الكاشفه تتحجى وخلت البقية يسكتون.. وطبعا الحدث ماخلى من التعابير الدرامية والانفعالات في ملامح الويه ونبرة الصوت الحزينة المكسورة..
قعدت تقول لي سالفتهم وانهم وصلوا الدوحة اليوم ومفروض يلتقون بجماعتهم اللي بلفيت واصلين قبلهم.. لكن ضيعوهم>> عاد شلون مدري !!
وانهم متوهقين الحين خاصة ان ماعندهم لاعنوان ولاتلفون.. عرضت عليهم اتصل لهم على اهاليهم بالامارات بس ارفضوا وقالوا ان امهم ضيعت شنطتها اللي فيها عنوان الجماعه اللي وصلوا الدوحة قبلهم.. وكان من ضمن الشنطة فلوسهم وكل اغراضهم..
طبعا لين هني كنت متعاطفه وياهم وعوروا قلبي.. وحاولت افكر بطريقة اساعدهم فيها ولو اني مو شاطرة في هالمواقف.. بس من سمعت طاري الشنطة الي ضاعت واهم شي ان فلوسهم ضاعت.. قلت في نفسي يااااابنت هذولي ( وراهم إنّ ).. بس قلت لاحرام يمكن صج سالفتهم وخل اتابع وياهم للاخير..
المهم سالتهم متى واصلين الدوحة؟ قالوا اليوم.. وبالطيارة<<< قعدت افكر في نفسي بالله هذولي جايين اليوم يعني الصبح ..متى لحقوا يوصلون من المطار ويروحون اللولو دايركت عشان تضيع شنطة امهم ويجون عقبها المول ويسوون اجراءاتهم اللي بقولكم اياها الحين ..وتونا الساعه 12 الظهر؟
قعدت تلف وتدور بالحجي واللي احذاها سوت نفسها تصيح<< اشكره عيني عينك والله انها كانت تمثل؟ وماكانوا بنات صغار ؟.. يعني بنات مو اقل من ال25 سنة اذا مو اكثر
والبنت اللي كاشفه وجهها تحاول بلفيت تهديها وتقول لها بس الله يهديج خلاص بنلاقي الحل وبنرجع الامارات احنا مالنا حد هني<<< تبي تسمعني وتكسر بخاطري
المهم قلت لها افا عليج دامج في الدوحة لاتخافين وانشالله حقج بيوصلج ومايصير تطلعين من الديرة وانتي مبيوقة!! لازم انرجع لج حقج<< طبعا كثرت لها من هالحجي السنع
فقالت لا.. احنا مالقينا حل غير ان نرجع عن طريق البر.. وانا سألت عن الباصات اللي تودي طريج بر والحين احنا محتاجين 500 ريال.. فعطيني هالمبلغ !!
@@ انا هني فجيت عيوني..:eek5: بس مشيت الموضوع وقلت لها افا عليج وحياتج ماتروحين وانتي بهالحالة.. ولازم انرجع لج حقج.. وصبري.. زين جيتي عندي.. لان ولد خالتي بالشرطة وله بالامور هذي وراح يساعدج فيها ويوفر لج كل اللي مطلوب.. وممكن بعد يشوفلج موضوع البوقة..
انا من جبت لها طاري الشرطة.. البنت راحت فيها.. والثنتين اللي وياها قاموا يتهامسون وكل وحدة تمسك بعباة الثانية تجرها يبون يطلعون.. وانا عاد شاطرة..ماسكة بيد البنت اللي كاشفة بلفيت يعني متعاطفة وياها وان والله مابهدج واني بظل وياج << حسيت روحي رزيله شوي خخخ:tease:
وقعدوا يقولون ها .. لا.. لا شرطة لا.. بس خلاص .. اصلا احنا لقينا اهلنا .. كاهم كاهم يتصلون لنا<<<<<<<<<<<< اشكر فنهم عندهم رادار الظاهر يحسون بقربهم ومتى بيتصلون فيهم بعد .. الا على طول يرن جوالهم و ترد البنت اللي كاشفه.. الا اللي احذاها تقول لي خلاص خلاص هذولي اهم .. مانبي شي خلاص اصلا احنا لقيناهم..هم هني قريب صوب الهلاال.. فقلت لها لا والله فديتج مايصير تروحون.. لازم اتطمن عليكم.. وبعدين وينهم هم؟ انتوا توكم تقولون ماتدلون مكان؟ تعرفون وين الهلال؟ وهااااااااكم الاعذار والتبريرات وكل وحدة تسحب نفسها لين ماوصلوا باب المحل وانا ماسكة جوالي بيدي واتصل بلفيت في ولد خالتي اللي قلتلهم عنه انه بالشرطه<<< :telephone:وانا بالاصل قاعده اتصل بالعضيد خخخخخخخ:nice:
بس حسافة ردوا علي اول ماانحاشوا الحريم ..
طبعا العضيد قال لي ليش جبتيلهم طاري شرطة.. بس شسوي.. كنت خايفه اني اظلمهم :rolleyes2:.. فقلت لو كانوا صاجين بسالفتهم مابيتحسسون هالشكل ولابيشردون.. بس للاسف راحوا من يدي
هاي الي صار وياي باختصار<< قصدي بالتفصيل:omen2:
وهالمواقف راح تتكرر وباشكال متنوعة.. لكن اللي يحز بالخاطر ان شلون بنقدر نمد يد المساعدة للشخص اللي يستاهل في ظل وجود هالنوعية من الناس الي تكذب وتستغل اللي حولها؟
هل نسمح لغيرنا انه يستخف فينا ويبوقنا عيني عينك؟ واذا كان الشخص فعلا محتاج.. اش ذنبنا احنا لما نصده ومانساعده بحجة خوفنا انه شخص استغلالي ؟
:rolleyes2:
واسمحولي عالاطاله...