المساعد الشخصي الرقمي

مشاهدة النسخة كاملة : قاعات الافراح ,,, الى متى


أم قطرية
18-02-2009, 11:00 AM
السلام عليكم ورحة الله وبركاتة

صراحة عندي موضوع قاهرني وايد ومن زمان الا وهو
قاعات الافراح
والاستغلال الواضح الا مارحم ربي
كلها كم قاعة والباقي في الفنادق ومب الكل يستحب يسوي عرسة في الفنادق
وفرق السعر المهم القاعات ارخص من الفنادق واسعارها متقاربة حول ال50 الف وطالع

السؤال هني ليش العدد كم قاعة :rolleyes2:والبلد في نمو وتزايد مستمر والقاعات صارت امر مطلوب لاقامة المناسبات ايّ كانت
اللي فتح الموضوع الاستغلال الواضح وقواة الوجة اللي واجهته
بغينا قاعة الدانة لعرس عندنا وطلعت ماتصلح ليش
لان من استوت وهي على حطة يدكم
هي في الاساس ماتجهزت على اساس تكون قاعة افراح
والناس طايحين فيها رغم سيئتها الكبيرة وهي ارتداد الصوت :omg:
زين يامال العافية من امتى وانتو تاجرونها وتغرفون من هالفلوس ليش ماتعدلون الطوفة وتحطون فيها ديكورات ماصة للصوت :nice:
تبون الصج هم ماراح يسون شي لان الناس مضطرة تاخذ القاعة بعيوبها لاسباب عدة قربها او غيرة من الاسباب المتعددة والخاصة فيهم


وريجنسي قاعة حلوة وموقعها ممتاز بس مقسمة تقسيم كامل لقاعتين ولا حط تقسيم ممكن ازالتة لان اللي مايبي القاعة بحجمها العادي لاياخذها:rolleyes2:
و الزحمة اللي تصير بعض الاوقات ويجيبون كراسي اشكال والوان للماعزيم ويخترب تنسيق القاعة وتعب العروس

بس بعد الناس ياخذونها وبعد لاسباب عدة تخصهم

والملكية وآآآآآآآآآآآآآآآآآه يالملكية
هذي بروحها قصة
قمة في الاستغلال والاستغفال
صراحة قرف بكل ماتحملة الكلمة من معنى الله يعزكم فرش الموكيت قذر ومبقع وريحة واصلة الشارع
والكنب حول المسرح مثل الموكيت واردى يععععععععععععععععع
الله لايرويكم ولاتشمون اللي شميتة اضطريت اطلع بسرعة من خنقة المكان
هو ياليت على القاعة الا حتى غرف التجهيز لاهل المعاريس والعروس نفسها
الغرف دواعيس وفرشها مثل القاعة وحتى الحمامات عزكم الله بعد دواعيس
وفي مقدمة القاعة غرفة واسعة شوي ومفروشة سيراميك وهي مكتب الادارة في الاصل بس يوم شافو الناس يبونها خلوها للعروس ويوم شافو الاقبال عليها خلوها باجر اضافي فوق سعر القاعة:eek5:
ليش ليش هالاستغلال يوم هم يشوفون الناس مضطرة تحجز عندهم مخلين خياسهم بحجة ان فية صغار يجون دايما في هالقاعة ويوصخونها
شدعوة مافي مكاين تنظيف مافي ماي وصابون واللي يحسبني ابالغ يروح في غير اوقات الاعراس ويشوف ويشم يععععععععععععععع عزكم الله ادري لوعت جبودكم بس شسوي
و لان في العرس بتكون العطورات والدخون وزحمة الناس ماتنتبهون على القذارة
ولا:eek5: يقولون الكنب يتغطى بقماش ماعليكم منه :rolleyes2:

يامال العافية ماغير هبرررر من هالفلوس ماتعرفون تنظفون وتجددون <<<<< عندهم حجة انهم بيغيرون الموكيت والكنب وكل شهر يقولون لا صادنا ظرف بيتيغير الشهر اللي عقبة:anger1:
والغرف الضيقة والمحكورة للعروس يعني بتقعد العروس طول اليوم مستمتة على الكنب مجابل اللي معاها في هالصالة الممر
عنبو مايقولون بنوسع على خلق الله وبنزيد وبنوسع في الغرف اللي هي حق اساسي لمؤجرين القاعة

اكيد هذا اخر همهم لان القاعات بتأجر بتأجر:weeping:


المشكله اللي تخليهم يقون اكثر واكثر الصعوبة الكبيرة في اقامة قاعات وصالات الافراح
ليش مادري
من كم سنة شفت لافتة كبيرة في السودان مشروع بناء قاعة افراح
وفرحنا وايد
وفجأة تغيرت اللافتة وصارت مشروع بناء مجمع سكني:rolleyes2:

واعرف اكثر من مشروع اقامة قاعات افراح وتم رفضها ليش السبب مجهول

والنتيجة كلمعتاد الشعب القطري ساكت والكل ينهب ويدوس :anger1:

بس لي متى لي متى

:waiting: :waiting:
::.Silent.::
18-02-2009, 11:08 AM
اخاف يجي اليوم .. اللي تأجرون فيه خيـــام البداد ..

و يصير عرسكم شمال نادي الغرافه ^_^
راسيه
18-02-2009, 11:41 AM
صدقتي اختي ..

المفرروض تقااام قاااعااات بأسعار رمزيه ..

والمشكله على رداائتهم لو بغيتي تحجزين يقولون لج 4 شهور جدام محجوووز .. والسبب كثرت الناس وقلة هالقااعات ..

هي جات على القاااعات
الحين المستشفيات انتظري الدور للغرف
509
18-02-2009, 12:55 PM
اعرف واحد من الربع متزوج في السعودية

عرسه

قاعة رجالية + عشى راقي ومرتب
قاعة نسائيه + عشى راقي
كوشه + تجهيز طاولات صالة النساء
مقهوين وقهوه وشاي

هذا كله ب37000

موب عندنا

العرس اللحين يكلفك فوق ال500000
بو نايف
18-02-2009, 01:06 PM
ياااا الله الى متى الى متى \

ورخص قاعات الافراح موقفه !!!!!!!

طيب موقفينها ليش انتي يالحكومه ما تسوين قاعات !!!!!!!!!!!

وتخلى احدى الشركلات المحترمة تتديرها !!!!!!


ويكون سعرها محدد ...


يالله على قاااعات الكويت واسعارها لين متى وهنا هالشكل ....
هتـان قطر
18-02-2009, 01:06 PM
صدقتي اختي في كل اللي قلتيه..



اصحاب القاعات شلهم الطمع..وبعد اللي عندهم رخص

اطمعوا واحسبوها بالربح اللي بيجنونه ..وغيروا رخصهم

الى مشاريع ثانية..طلبا للربح الاكبر.. وما فكروا في حاجة الناس

الماسة للقاعات ..اللي اصبحت طلبا ملحاً يواجه المعاريس..



الشكوى لله ..
رفيق الغيم
18-02-2009, 01:08 PM
سوال ليه ما كل قبيله او قبيلتين تعمل قاعات وصالات للعرس واى فرد من افراد القبيلتين يبي يعرس الصاله جاهزه وبدون مقابل وهذا قد يساعد على اقبال الشباب للزواج
halah
18-02-2009, 01:34 PM
واعرف اكثر من مشروع اقامة قاعات افراح وتم رفضها ليش السبب مجهولوالنتيجة كلمعتاد الشعب القطري ساكت والكل ينهب ويدوس :anger1:

بس لي متى لي متى






انا بعد سمعت هالكلام وما عرف ليش مايسمحون بإقامة قاعات زيادة

وتكون مستويات يعني اللي يبي يسوي عرس على قد حاله يحصل قاعة تناسبة من حيث السعر والخدمات

واللي يبي عرس عادي يحصل طلبه

واللي يبي عرس فخم بعد يلقى مطلبه

و اذا زاد المعروض قلت الأسعار

المشكلة ان القاعات محدودة وأسعارها كلها نفس الشي اللهم فرق بسيط بين قاعة وأخرى

(كأنهم متفقين مع بعضهم على توحيد الأسعار)

شوفوا الدول الخليجية الثانية مثل الكويت والسعودية عندهم قاعات بالهبل وأسعار خيالية

يعني القاعة مع المعازيم والعشاء يمكن تكلف عشرين ألف ريال وهذي اللي مستواها عادي

انا سمعت عن واحد قطري سوى عرسه فالرياض فأفخم قاعاتهم وأحسن تجهيزاتهم

ومب قاعة لا قاعتين نساء ورجال جنب بعض

العرس يمكن كلفه 49ألف ريال

واحنا قاعة الحريم بس ب50ألف

الله المستعان
أم قطرية
18-02-2009, 03:50 PM
اخاف يجي اليوم .. اللي تأجرون فيه خيـــام البداد ..

و يصير عرسكم شمال نادي الغرافه ^_^


حتى خيام البداد وغيرها غالية :weeping:

وشكرا لتفاعلك
عنيــــد
18-02-2009, 03:59 PM
الاستغلال مب في اهل القاعات

الاستغلال في اللي يمنع الرخص عشان يمصون حلال المواطنين
أم قطرية
18-02-2009, 04:05 PM
صدقتي اختي ..

المفرروض تقااام قاااعااات بأسعار رمزيه ..

والمشكله على رداائتهم لو بغيتي تحجزين يقولون لج 4 شهور جدام محجوووز .. والسبب كثرت الناس وقلة هالقااعات ..

هي جات على القاااعات
الحين المستشفيات انتظري الدور للغرف



هذا اللي يقهر اختي البعض جيد والبعض رديء والسعر متقارب وعاااااالي
ولا لهم شروط ماتخلص وخشومهم فوق

اما المستشفيات خليها على الله يعطونج غرف بفلوس لو مستعجلة والزهيوية حواليج :weeping:

وتسلمين على المرور
بنت^البحرين1
18-02-2009, 04:45 PM
وييييييييي

في البحرين عندنا القاعات كلهم زوينين يا نص نص المهم ان القاعات فووووووووق كلش كلش كلششششش اذا وحده مسكته حدها توب بتوصل الفين دينار( 20الف ريال) واعتقد ان ماخاب ظني هي مرمريز القاعه العودة، واما الفنادق اسعارها بالنسبة لنا في البحرين مرتفعه بس مو فوق ال30الف ريال، اتذكر عرس من اهلنا في سنة 2004 في الدبلومات كان ايجار القاعه ب 1800دينار( 18 الف ريال) !!

بصراحه، الاسعار عندكم مولعه ناررررررررر والناس حاسدينكم من حواليكم ، مايدرون اللي تكدونه مني يطير مناك والسبب ارتفاع الاسعار والغلا الفاحش عندكم

الله يكون بعونكم والله
أم قطرية
18-02-2009, 04:53 PM
اعرف واحد من الربع متزوج في السعودية

عرسه

قاعة رجالية + عشى راقي ومرتب
قاعة نسائيه + عشى راقي
كوشه + تجهيز طاولات صالة النساء
مقهوين وقهوه وشاي

هذا كله ب37000

موب عندنا

العرس اللحين يكلفك فوق ال500000


شفت شلون القاعات عندهم بالهبل وكل ماكثر المعروض قل السعر

احنا القاعة للعروس وبالعشا بس 50000 بدون تجهيز الطاولات والكوشة و القهوة والشاي والذي منة

مانقول الا لاحول ولا قوة الا بالله

وشكراا لمرورك الكريم
الخير كله
18-02-2009, 04:54 PM
هل تعتقدون ان السالفه فيها احتكار؟؟؟؟؟؟؟؟:telephone:
أم قطرية
18-02-2009, 04:56 PM
ياااا الله الى متى الى متى \

ورخص قاعات الافراح موقفه !!!!!!!

طيب موقفينها ليش انتي يالحكومه ما تسوين قاعات !!!!!!!!!!!

وتخلى احدى الشركلات المحترمة تتديرها !!!!!!


ويكون سعرها محدد ...


يالله على قاااعات الكويت واسعارها لين متى وهنا هالشكل ....


اي والله الى متى الى متى
ياليت نلقى الاجابة
ياليت يوصل تسألنا

وفعلا فكرة القاعات الحكومية ممتازة لان بتكون اسعارها مخفظة والخدمة ممتازة لو لقوا فعلا شركة فندقية تديرها بذمة وضمير مب سرقات ومكشوفة بعد كالمعتاد
أم قطرية
18-02-2009, 04:59 PM
صدقتي اختي في كل اللي قلتيه..



اصحاب القاعات شلهم الطمع..وبعد اللي عندهم رخص

اطمعوا واحسبوها بالربح اللي بيجنونه ..وغيروا رخصهم

الى مشاريع ثانية..طلبا للربح الاكبر.. وما فكروا في حاجة الناس

الماسة للقاعات ..اللي اصبحت طلبا ملحاً يواجه المعاريس..



الشكوى لله ..


جبتيها اختي الطمع هو الطمع اللي ذابحهم ومب لاقي حد يوقف في وجههم

وتسللللللمين لمررورج
فارس الكلمة
18-02-2009, 05:13 PM
ليش الناس ما تعرس في البيت .. إلا لازم قاعة ..؟!
أم قطرية
18-02-2009, 05:43 PM
ليش الناس ما تعرس في البيت .. إلا لازم قاعة ..؟!



يااااااااااااليت نقدر نسوي اعراسنا في البيت ياااااااااليت اقولها بأعلى حسي
اعراس البيت راحة وسكينة وأماااااااااااان

بس للاسف مب الكل متوفر عندهم الحوش

ولو توفر الحوش يبقون الجيران
جيران الاول دور ارضي ومحد يتجرأ يطلع السطح يطالع العرس كان فية غارية على الاهل والجيران

والحين الجيران دورين والجيران الاغراب صارو اكثر من الاقرباء
وشلون يصير العرس في الحوش في وسط هالاجواء

الا اذا بنحط سناح دور مادور سور الحوش:)
أم قطرية
18-02-2009, 06:09 PM
سوال ليه ما كل قبيله او قبيلتين تعمل قاعات وصالات للعرس واى فرد من افراد القبيلتين يبي يعرس الصاله جاهزه وبدون مقابل وهذا قد يساعد على اقبال الشباب للزواج




فكرة حلوة
ولو من الحكومة اخير وابرك :victory:
مثل الحدائق اللي في الفرقان ممكن بعد يسون قاعات معقولة للمناطق وكل منطقة بحسب اعدادها تكون القاعات

لان بيني وينك اخوي الناس الحين كلنّ عاض على فلسة ومحد بيشترك في قاعة او غيرها:rolleyes2:

وشكراا اخوي لتفاعلك
بوعلي2
18-02-2009, 06:27 PM
والله يستر من الي جاي بعد
أم قطرية
18-02-2009, 07:17 PM
انا بعد سمعت هالكلام وما عرف ليش مايسمحون بإقامة قاعات زيادة

وتكون مستويات يعني اللي يبي يسوي عرس على قد حاله يحصل قاعة تناسبة من حيث السعر والخدمات

واللي يبي عرس عادي يحصل طلبه

واللي يبي عرس فخم بعد يلقى مطلبه

و اذا زاد المعروض قلت الأسعار

المشكلة ان القاعات محدودة وأسعارها كلها نفس الشي اللهم فرق بسيط بين قاعة وأخرى

(كأنهم متفقين مع بعضهم على توحيد الأسعار)

شوفوا الدول الخليجية الثانية مثل الكويت والسعودية عندهم قاعات بالهبل وأسعار خيالية

يعني القاعة مع المعازيم والعشاء يمكن تكلف عشرين ألف ريال وهذي اللي مستواها عادي

انا سمعت عن واحد قطري سوى عرسه فالرياض فأفخم قاعاتهم وأحسن تجهيزاتهم

ومب قاعة لا قاعتين نساء ورجال جنب بعض

العرس يمكن كلفه 49ألف ريال

واحنا قاعة الحريم بس ب50ألف

الله المستعان





فعلا شكلهم متفقين على تحديد الاسعار والا الملكية تقارب ريجنسي في السعر:discuss:
وتدري ليه هالعبه
لان ماعندنا حماية مستهلك للاسف مجرد مكتب وموظفين لايهشون ولا ينشون

وحلوووووه هالفكرة ياااااليت تتطبق


ليش مايسمحون بإقامة قاعات زيادة

وتكون مستويات يعني اللي يبي يسوي عرس على قد حاله يحصل قاعة تناسبة من حيث السعر والخدمات

واللي يبي عرس عادي يحصل طلبه

واللي يبي عرس فخم بعد يلقى مطلبه

و اذا زاد المعروض قلت الأسعار



واما قاعات السعودية حدث ولا حرج
عندهم قاعات واستراحات لكل المناسبات
وبكل الاسعار
في البسيط وفي الغالي
وكل ما اشوفهم اتحسر على بلادي :weeping:



ياااااااااااليت يصير عندنا نتوفة من هالقاعات اللي عندهم <<<< يعني جزيء من النتفة:eek5:
أم قطرية
18-02-2009, 08:01 PM
الاستغلال مب في اهل القاعات

الاستغلال في اللي يمنع الرخص عشان يمصون حلال المواطنين

:whistling:crazy
عزووز قطر
18-02-2009, 08:16 PM
والله ان الدولة ماتشجع الشباب على الزواج ..
ليش مايوفرون صالات للأفراح بأسعار رمزية ؟؟ شوفوا السعودية والبحرين
اللي سمعته ان في البحرين صالات أفراح بأسعار رمزية جدا جدا جدا
والله ان صالات الأفراح والمهر أول عائق من معوقات الزواج .. يعني الواحد يتسلف ويدفع أقساط طول عمره بسبب مهر وصالة أفراح !!؟؟؟

وماأظن ان دولتنا اللي (تعمر ) بلدان أكبر منا في المساحة والسكان ( عاجزة ) عن توفير ( صالة أفراح ) بأسعار رمزية
أم قطرية
18-02-2009, 08:20 PM
وييييييييي

في البحرين عندنا القاعات كلهم زوينين يا نص نص المهم ان القاعات فووووووووق كلش كلش كلششششش اذا وحده مسكته حدها توب بتوصل الفين دينار( 20الف ريال) واعتقد ان ماخاب ظني هي مرمريز القاعه العودة، واما الفنادق اسعارها بالنسبة لنا في البحرين مرتفعه بس مو فوق ال30الف ريال، اتذكر عرس من اهلنا في سنة 2004 في الدبلومات كان ايجار القاعه ب 1800دينار( 18 الف ريال) !!

بصراحه، الاسعار عندكم مولعه ناررررررررر والناس حاسدينكم من حواليكم ، مايدرون اللي تكدونه مني يطير مناك والسبب ارتفاع الاسعار والغلا الفاحش عندكم

الله يكون بعونكم والله




تسلمين اختي
والله يديمها عليكم نعمة
والفال لنا تنزل اسعارنا:weeping: :rolleyes2:
_بوشهاب_
18-02-2009, 08:23 PM
اقرب مثال (( الامارات )) انا اعرف قاعتين على حساب الدوله عاعتين للرجال والحريم مع العشا للرجال والحريم (( ببلاش )) على على الدوله هذا الي انا اعرفه قاعتين ومادري اذا في اكثر واحنا نتحسر اذا حصلنا حجز للرجال مانحصل للحريم واذا حصلنا للحريم مانحصل للرجال
وبعدين العرس يتاجل لين نص الاسبوع الله كريم والله انا مادري شبسوي في عرسي الله يعين
يعطيج العافيه على الموضوع
تقبلي مرروري
شقره
18-02-2009, 08:52 PM
انا اوافق اخوي عنيد الصراحه كلامه عين العقل
شيزكيك
18-02-2009, 09:03 PM
الله يعين الي ما تزوجوا على هالنهبه كل شي ضو من قاعه لين فندق لين كوش وطاولات

وافاله وكوافي وشيزكيكات وموالح والله يعين


تدرين انا بنفسي رحت عرس في البحرين حق ناس من الاهل المعرس دفع 19000 ريال بس

حجز القاعه وطبعا القاعه مجهزة بالكوشه ومفارش الطاولات والسعر يشمل الدي جي

والعشا والتصوير الصراحه العرض وايد زين وشالو المعاناه من الطرفين ويازين البساطه

والقناعه

والله يوفق الكل
عزووز قطر
18-02-2009, 09:13 PM
الله يعين الي ما تزوجوا على هالنهبه كل شي ضو من قاعه لين فندق لين كوش وطاولات

وافاله وكوافي وشيزكيكات وموالح والله يعين


تدرين انا بنفسي رحت عرس في البحرين حق ناس من الاهل المعرس دفع 19000 ريال بس

حجز القاعه وطبعا القاعه مجهزة بالكوشه ومفارش الطاولات والسعر يشمل الدي جي

والعشا والتصوير الصراحه العرض وايد زين وشالو المعاناه من الطرفين ويازين البساطه

والقناعه

والله يوفق الكل


وتلومون الشباب لين تزوجوا من بنات الدول المجاورة!!!!؟؟
شيزكيك
18-02-2009, 09:21 PM
وتلومون الشباب لين تزوجوا من بنات الدول المجاورة!!!!؟؟



بي معليش اخوي الي عرسوا من الاهل هو بحريني وخذ بحرينيه

وانا احب عيال بلادي ياخذون بناتنا وان شاء الله يوفقهم والله يسهل عليهم
كاتم الاسرار
18-02-2009, 09:34 PM
الله المستعان
لوردغاليري
18-02-2009, 11:22 PM
اي والله
ياليت يعطوني ترخيص جان والله دلعتكم دلع
بس خلوها ع الله
انا عرسي كان في الدفنه شاريتون
من 3 سنين وكانتب150000تخيلوا؟؟ اللحين بكم؟؟؟
والملكيه اخيييييييييييييييييييييييييييييييييه سوينا فيها الخطوبه الله لايوريكم
والدوحه اع مدخلها جنكم داخلين جنغل زون شلالت وشي وحجر افففففففف
والرجنسي لاباس فيها
الدانه ازعااااااااااااااااااااااااااااااج
احلى القاعات:الشاريتون سلوى الدفنه
الانتر كونتيننتال
الريتز
وبس
الله يعين المعاريس
الملكة الام
18-02-2009, 11:44 PM
اختي ام قطرية



أنا معاج في كل اللي قلتيه...



وشخصياً افضل قاعة سلوى بس...


حلوه وحجمها زين ...



وكان زين حد يوضح لنا سبب عدم منح رخص لقاعات الافراح...




اختج العوده


الملكة الام
diab911
18-02-2009, 11:53 PM
اختي ام قطرية



أنا معاج في كل اللي قلتيه...



وشخصياً افضل قاعة سلوى بس...


حلوه وحجمها زين ...



وكان زين حد يوضح لنا سبب عدم منح رخص لقاعات الافراح...




اختج العوده


الملكة الام





أحتكار
الخارجية
19-02-2009, 07:46 AM
تعبنا من الحتكار الاستقلال
كيوتل
شركة عبدالغني
قاعات
doha1
19-02-2009, 07:53 AM
والنتيجة كلمعتاد الشعب القطري ساكت والكل ينهب ويدوس <<اكثر من هالجمله الواحد شيقول


اظاهر البعض من ملاك قاعات الافراح مايبون احد يشاركهم رزقهم او يقاسمهم

عند بناءه قاعة افراح

يبي الفلوس اللي تخرب النفوس كلها في بطنه
مبتدئة
19-02-2009, 08:05 AM
عقب موووووووووووت ومحاولات مستميته << ركزوا معاي
القاعة بس في حدا هالفنادق الداثرة كلفتنا 74.000!!!
وهـ السعر عقب توصيات مني ومناك
طبعاً القاعة بس من دون الخدمة

حسبي الله على الظالم
أم قطرية
19-02-2009, 10:05 AM
هل تعتقدون ان السالفه فيها احتكار؟؟؟؟؟؟؟؟:telephone:


واضح جداااااااااا بس ليش يعني
يمكن في السابق كان الامر عادي بس الحين مع الازدياد السكاني والانفتاح والمناسبات اللي ماتخلص

اعتقد لازم يعيدون نظر في الموضوع
أم قطرية
19-02-2009, 10:09 AM
والله يستر من الي جاي بعد


الله يستر الدنيا تتغير واحنا محلك سر الا في قليل من الامور وربكم الستار
أم قطرية
19-02-2009, 10:15 AM
والله ان الدولة ماتشجع الشباب على الزواج ..
ليش مايوفرون صالات للأفراح بأسعار رمزية ؟؟ شوفوا السعودية والبحرين
اللي سمعته ان في البحرين صالات أفراح بأسعار رمزية جدا جدا جدا
والله ان صالات الأفراح والمهر أول عائق من معوقات الزواج .. يعني الواحد يتسلف ويدفع أقساط طول عمره بسبب مهر وصالة أفراح !!؟؟؟

وماأظن ان دولتنا اللي (تعمر ) بلدان أكبر منا في المساحة والسكان ( عاجزة ) عن توفير ( صالة أفراح ) بأسعار رمزية



تدري ليش؟؟؟؟؟؟
يمكن لان احنا تعودنا على السكوووت والسكوووون للامور صح او خطاء
لكن الزمن غير الزمن
ولازم نطالب ونصرخ بأعلى حسنا عشان يحسون فينا ويراجعون نفسهم في بعض الامور
لكن لو تمينا ساكتين ونندب حضنا مستحيل نتقدم خطوة في حياتنا

اتخذة شعار لك لااااااااااا للسكوت عن مطالبنا وحقوقنا
وان شاءالله بتيسر امور الشباب والزواج والسكن والعمل:victory:
الخير كله
19-02-2009, 01:22 PM
يا حليل مطالبكم..........قاعة افراح....:secret:
halah
19-02-2009, 01:34 PM
يا حليل مطالبكم..........قاعة افراح....:secret:


ليش انتي مفتكرة ان هالشي بسيط

العرس الحين يكلف تقريباً500ألف ريال

من مهر وقاعات وبطاقات وكوشة وطاولات وموالح وحلو وقهوة وشاي وطبالة اذا مب مطرب والزبو والزبرة والمفوشر

وكلو بسعرو

ولا تنسين عرس الرجاجيل

وكل هالمخاسير حق4الى 6 ساعات بالكثير
الخير كله
19-02-2009, 01:38 PM
ليش انتي مفتكرة ان هالشي بسيط

العرس الحين يكلف تقريباً500ألف ريال

من مهر وقاعات وبطاقات وكوشة وطاولات وموالح وحلو وقهوة وشاي وطبالة اذا مب مطرب والزبو والزبرة والمفوشر

وكلو بسعرو

ولا تنسين عرس الرجاجيل

وكل هالمخاسير حق4الى 6 ساعات بالكثير

والله حبيبتي ادري والله يعينكم:)...وياليت الانسان اللي مو مقتدر يقتصد...(اولم ولو بشاه)...والله ييسر للشباب...واردد ما قلت(يا حليل مطالبكم):)
الكاسر007
19-02-2009, 05:17 PM
لو بي القاعات لوعز العالم الله يعين الشباب الله يرحم لما كانت القاعة على 23000 الف وكانت تعتبر كثير


ولو ما في لوبي ليش خيمة الانصاري(جزاه الله الف خير ) اللي كانت على 5000 احرقوها اللي صوب السد انا حضرت عرس واحدد عندنا بالدوام بصراحة زينة وما كان عليها كلام ومكيفة بعد

لكن

عشان اللوبي مال قاعات الافراح ما يخسر على العموم ما نبي ندخل بنقاشات حد ممكن يزعل منها والحليم يفهم
bohilal191
19-02-2009, 05:29 PM
تكلفة عرسي:

عرس الرجال 12000 حق 150 شخص مع البوفيه طبعا(فندق الواحة)
عرس الحريم القاعة 20000 حق 350 شخص(ريجنسي)الكوشه والتصوير والتوزيعات اللي على الطاولة والقهوة والشاي حول 10000
يعني 42000 بس ،،،،سنة 2004
أم قطرية
20-02-2009, 10:28 AM
اقرب مثال (( الامارات )) انا اعرف قاعتين على حساب الدوله عاعتين للرجال والحريم مع العشا للرجال والحريم (( ببلاش )) على على الدوله هذا الي انا اعرفه قاعتين ومادري اذا في اكثر واحنا نتحسر اذا حصلنا حجز للرجال مانحصل للحريم واذا حصلنا للحريم مانحصل للرجال
وبعدين العرس يتاجل لين نص الاسبوع الله كريم والله انا مادري شبسوي في عرسي الله يعين
يعطيج العافيه على الموضوع
تقبلي مرروري



مشكور اخوي
وماشاءالله فكرة حلوة المطبقة في الامارات :nice: هي في بوظبي ؟؟
ياليت يطبقونها عندنا :discuss:
هو لوبس حد يتكلم :secret: ما اظن ابونا حمد بيبخل على شعبة بشي
بس لو حد يتكلم :secret:

واما مشكلة الحجز حدث ولا حرج مب بس الناس مايلاقون حجز ملائم الا بعض الفنادق الله يهديهم فجاءة تطلب منهم القاعة لمؤتمر او اجتماع
ويعطونهم ويقولون للمعاريس بمنتهى السهولة
وهم حاجزين ودافعين
سوري مالكم عندنا قاعة في الوقت المحدد وتصرفو:rolleyes2:
أم قطرية
20-02-2009, 10:34 AM
انا اوافق اخوي عنيد الصراحه كلامه عين العقل


كل شي جايز اخوي بس دامنا نتكلم ان شاءالله ماشي بيتم على حالة
وشاكرة مرورك
بنت ابوها 19
20-02-2009, 04:46 PM
ارخص قاعه عندنا بـــ 50 الف



مافي اله خيام العديد ننصبها جدام البيت ونزوج شبابنا ..
ذيبه مزاجيه
20-02-2009, 06:39 PM
الله يعين بس !!

الشكوه لله ..
أم قطرية
22-02-2009, 11:10 AM
الله يعين الي ما تزوجوا على هالنهبه كل شي ضو من قاعه لين فندق لين كوش وطاولات

وافاله وكوافي وشيزكيكات وموالح والله يعين


تدرين انا بنفسي رحت عرس في البحرين حق ناس من الاهل المعرس دفع 19000 ريال بس

حجز القاعه وطبعا القاعه مجهزة بالكوشه ومفارش الطاولات والسعر يشمل الدي جي

والعشا والتصوير الصراحه العرض وايد زين وشالو المعاناه من الطرفين ويازين البساطه

والقناعه

والله يوفق الكل


وتلومون الشباب لين تزوجوا من بنات الدول المجاورة!!!!؟؟


بي معليش اخوي الي عرسوا من الاهل هو بحريني وخذ بحرينيه

وانا احب عيال بلادي ياخذون بناتنا وان شاء الله يوفقهم والله يسهل عليهم



فعلا اختي شيز كيك الاسعار عندهم رهيبة مثل ماقالت اختنا بنت بحرينة

الله يوفقهم ويوفق الجميع
حمود قطر
22-02-2009, 12:32 PM
باختصار شديد ..

توجد قاعااااات في مملكة البحرين للأفراااااح ...

حوالي 3 او 4 قاعات ( للرجال ) .. وقد بنيت على نفقة رجال الاعمال والمحسنين ..

ورسوووم القاعة .. 1500 ريال فقط .. لليلة الواحدة ...!!

أما بالنسبة ( للنساء ) توجد كذلك قاعات بأسعار رخيصة ما تتعدى ال20 ألف ريال قطري ..

وفي الامارات كذلك توجد قاعة للأفراح للرجال .. بالمجان في مدينة العين بالتحديد .


وفي الكويت كذلك .. توجد قاعات للافراح .. بأسعار رمزية .. لا تتعدى 2000 ريال قطري ..


شوفوا المقارنة مع دولة قطر واحكموااا ..!!

احنا ما نمنع من وجود قاعات بأسعار مرتفعة لأنه هذا سوووق .. واللي عنده بيدفع ..

ولكن السوووق يجب ان يحمل طابع المنافسة ..

النااااس طبقاااات وليس الكل قااااااادر على الدفع ..

نريد قاعات أفرااااااااح للرجال والنسااااااء .. بأسعار معقولة .. ( 5000 ريال ) ماعندنا مشكلة وتكون مدعومة من الدولة .. لأاني أحياااانا أحس انه بعض رجال الاعمال ما يهمهم
الموضوع .. او بالأحرى يضايقهم الموضوع لأنه هم اصحاب القاعات الفخمة والخيالية ..

نررررررررررررريد حل ياااااااااااااا جماااااااااااااااااااعة ..!!

خلوووا الحكومة اتحط مناقصة علنية ( عن طريق وزارة الشؤون الاجتماعية ) ..

وشووووفووووو ا أصحااااب الخير اشلون راح يتبرعووون من أجل الزواااااااااااج ..


وسلامتكم ...
أم قطرية
24-02-2009, 07:56 PM
الله المستعان


اي والله االله المستعان بس ياااااليت ينظرون في الموضوع بشكل جدي ويفكونا من هالتلاعب :anger1:



اي والله
ياليت يعطوني ترخيص جان والله دلعتكم دلع
بس خلوها ع الله
انا عرسي كان في الدفنه شاريتون
من 3 سنين وكانتب150000تخيلوا؟؟ اللحين بكم؟؟؟
والملكيه اخيييييييييييييييييييييييييييييييييه سوينا فيها الخطوبه الله لايوريكم
والدوحه اع مدخلها جنكم داخلين جنغل زون شلالت وشي وحجر افففففففف
والرجنسي لاباس فيها
الدانه ازعااااااااااااااااااااااااااااااج
احلى القاعات:الشاريتون سلوى الدفنه
الانتر كونتيننتال
الريتز
وبس


الله يعين المعاريس


صدق والله الله يعين المعاريس مب طايح فيها غيرهم
والاسعار ويييييين الحين طااااارت في السما خصوصا قاعات الفنادق صايرة نااااااااار
وبدون امان وهاذي المشكله لي جاهم مؤتمر الغو حجز المعاريس وبدون تعويض وقالو لولهم تصرفو

يعني فعلا معاريسنا يطبقون المثل القائل
رضينا بالهم والهم مارضى فينا:weeping:





اختي ام قطرية



أنا معاج في كل اللي قلتيه...



وشخصياً افضل قاعة سلوى بس...


حلوه وحجمها زين ...



وكان زين حد يوضح لنا سبب عدم منح رخص لقاعات الافراح...




اختج العوده


الملكة الام

ياليت يوضحون لنا واعتقد ان الموضوع فيه نوع من الاحتكار ومتوقف لان البلد كان صغير ومايستوعب
بس الحين ويننننننننننن

الله كريم:weeping:








أحتكار




crazy crazy:cry2:
أم قطرية
24-02-2009, 08:04 PM
تعبنا من الحتكار الاستقلال
كيوتل
شركة عبدالغني
قاعات



لاحول ولا قوة الا بالله

كيوتل جاتها فودافون

شركة عبدالغني رصت عليها الشركة الام وعدلت فيها اشياء وسوق الخليج النازل ان شاءالله بيأثر عليها باسعار السيارات

بس القاعات

وآآآآآآآآآآآآآآآآآآآآآآآآه يالقاعات موضوعها واقف ومحلك سر
ياااااااااااااااااااارب يوصل صوتنا ويفكون توحيد اسعارها
وتاخذ كل قاعة حقها من السعر
وتززززززززززززيد القاعات





والنتيجة كلمعتاد الشعب القطري ساكت والكل ينهب ويدوس <<اكثر من هالجمله الواحد شيقول


اظاهر البعض من ملاك قاعات الافراح مايبون احد يشاركهم رزقهم او يقاسمهم

عند بناءه قاعة افراح

يبي الفلوس اللي تخرب النفوس كلها في بطنه



ان شاءالله يصير تدخل من الاعلى ويزيد العدد وكلنّ رزقة بيجية ان شاءالله بس الاهم من بيقتنع ويقنع :secret:




عقب موووووووووووت ومحاولات مستميته << ركزوا معاي
القاعة بس في حدا هالفنادق الداثرة كلفتنا 74.000!!!
وهـ السعر عقب توصيات مني ومناك
طبعاً القاعة بس من دون الخدمة

حسبي الله على الظالم


حسبي الله ونعم الوكيل 74 الف عشان ليلة :secret:
والعالم فنادق وكشخة وبرخص التراب
أم قطرية
24-02-2009, 08:17 PM
يا حليل مطالبكم..........قاعة افراح....:secret:


تخيلي وهاذي المصيبة مطلبنا مجرد قاعة افراح
في بلدنا العامر الغني مب لاقين قاعة افراح نفرح فيها فرحة العمر بفرحة صادقة وبدون منغصات





يالله ارفعي صوتج معانا يمكن صوتج المستنكر ببراءة يوصل اقوا من صراخنا المقهور:omg:





ليش انتي مفتكرة ان هالشي بسيط

العرس الحين يكلف تقريباً500ألف ريال

من مهر وقاعات وبطاقات وكوشة وطاولات وموالح وحلو وقهوة وشاي وطبالة اذا مب مطرب والزبو والزبرة والمفوشر

وكلو بسعرو

ولا تنسين عرس الرجاجيل

وكل هالمخاسير حق4الى 6 ساعات بالكثير


وانتي صادقة حق كم ساعاة
المشكلة وين مافريتي راسج لقيتي الاسعار متقاربة:rolleyes2:




والله حبيبتي ادري والله يعينكم:)...وياليت الانسان اللي مو مقتدر يقتصد...(اولم ولو بشاه)...والله ييسر للشباب...واردد ما قلت(يا حليل مطالبكم):)



زين
واللي مقتدر ويقدر يسوي اكثر من انه يولم بشاة ويفرح
بس ماحولة حد

ابسط واتعس قاعة وهي الملكية
مثلها مثل غيرها من القاعات الحلوة

شفتي ليش احنا مقهورين
ليش مالنا حق انساني مثل غيرنا من الدول المجاورة ليييييييييييييش:weeping:




:anger1: :weeping: :rolleyes2: :weeping: :anger1:
أم قطرية
24-02-2009, 08:24 PM
لو بي القاعات لوعز العالم الله يعين الشباب الله يرحم لما كانت القاعة على 23000 الف وكانت تعتبر كثير


ولو ما في لوبي ليش خيمة الانصاري(جزاه الله الف خير ) اللي كانت على 5000 احرقوها اللي صوب السد انا حضرت عرس واحدد عندنا بالدوام بصراحة زينة وما كان عليها كلام ومكيفة بعد

لكن

عشان اللوبي مال قاعات الافراح ما يخسر على العموم ما نبي ندخل بنقاشات حد ممكن يزعل منها والحليم يفهم



ااااااااااااي خيمة الانصاري والله كانت رائعة وعلى طووووووول مشغولة
نظيفة وواسعة ورخيصة

وان شاءالله يوصل صوتنا ويتعدل موضوع القاعات و الاستغلال الا متنااااااااااهي


تكلفة عرسي:

عرس الرجال 12000 حق 150 شخص مع البوفيه طبعا(فندق الواحة)
عرس الحريم القاعة 20000 حق 350 شخص(ريجنسي)الكوشه والتصوير والتوزيعات اللي على الطاولة والقهوة والشاي حول 10000
يعني 42000 بس ،،،،سنة 2004



ااااااااااااااااااااااي 2004 الله يذكر السنين السابقة بخير وكانت غالية على ايامها:rolleyes2:

الحين كل الاسعار ناااااااااااااار ولا حد يرحم والمشكلة الزين والشين كلهم نااااااااااااار
أم قطرية
24-02-2009, 08:33 PM
ارخص قاعه عندنا بـــ 50 الف



مافي اله خيام العديد ننصبها جدام البيت ونزوج شبابنا ..


المشكلة في الخيام للنساء والامان
يعني الخيام للرجال تكون فيها المخارج واسعة واكثر من واحد
اما النساء فهو مخرج واحد وضيق عشان التفتيش عند الدخول
فلو صار لاسمح الله حريق مثل اللي صار في عرس في السعودية من كم سنة بيكون مصيبة كبيرة مساكين العرس انقلب عليهم بعد الحريق الكبير:weeping:

والله يبعد عنا المصايب ويمر ايامنا ومناسباتنا على خير




الله يعين بس !!

الشكوه لله ..


الشكوى لله



باختصار شديد ..

توجد قاعااااات في مملكة البحرين للأفراااااح ...

حوالي 3 او 4 قاعات ( للرجال ) .. وقد بنيت على نفقة رجال الاعمال والمحسنين ..

ورسوووم القاعة .. 1500 ريال فقط .. لليلة الواحدة ...!!

أما بالنسبة ( للنساء ) توجد كذلك قاعات بأسعار رخيصة ما تتعدى ال20 ألف ريال قطري ..

وفي الامارات كذلك توجد قاعة للأفراح للرجال .. بالمجان في مدينة العين بالتحديد .


وفي الكويت كذلك .. توجد قاعات للافراح .. بأسعار رمزية .. لا تتعدى 2000 ريال قطري ..


شوفوا المقارنة مع دولة قطر واحكموااا ..!!

احنا ما نمنع من وجود قاعات بأسعار مرتفعة لأنه هذا سوووق .. واللي عنده بيدفع ..

ولكن السوووق يجب ان يحمل طابع المنافسة ..

النااااس طبقاااات وليس الكل قااااااادر على الدفع ..

نريد قاعات أفرااااااااح للرجال والنسااااااء .. بأسعار معقولة .. ( 5000 ريال ) ماعندنا مشكلة وتكون مدعومة من الدولة .. لأاني أحياااانا أحس انه بعض رجال الاعمال ما يهمهم
الموضوع .. او بالأحرى يضايقهم الموضوع لأنه هم اصحاب القاعات الفخمة والخيالية ..

نررررررررررررريد حل ياااااااااااااا جماااااااااااااااااااعة ..!!

خلوووا الحكومة اتحط مناقصة علنية ( عن طريق وزارة الشؤون الاجتماعية ) ..

وشووووفووووو ا أصحااااب الخير اشلون راح يتبرعووون من أجل الزواااااااااااج ..


وسلامتكم ...




صح لسانك اخوي
chillis
24-02-2009, 08:55 PM
رفيق الغيم نفس نظام الكويت كل قبيله لهم قاعه تقريبا هم مجلس وهم قاعة افراح والناس مرتاحه واغلب المناطق هناك فيها قاعات افراح يعني كل منطقه بقاعه تقريبا واسعارهم حلوه وايد مو هني نار يا حبيبي نار
mohsen555
24-02-2009, 09:14 PM
لاتذكرني بقاعات الاعراس ،،،، يوم رحت احجز القاعه ،، قالي الشخص المسؤول عن الحجوزات :

في شغله جديده وكتير ظريفه ............. شنو ؟؟؟ راح نوزع كابتشينو وايس كريم على المعازيم ،،،

قتله ايش رايك نجيب لهم مراجيح و قطار الموت بعد ،،،، الصراحه احتكار وسخافه و تبذير
شواقة قطر
25-02-2009, 07:29 AM
الصراحه استغلال الرتز صارت 96000 حق 400 شخص والله حرام حق 4 ساعات
دلة الرسلان
25-02-2009, 07:48 AM
من مده قرأت أن مشروع القاعات بيكون تحت دار الأنماء الأجتماعي يسوون له دراسة هذا

الكلام من سنة تقريبا باين الدراسة كانت صعبة ويمكن نسوه في احد الأدراج .
الخير كله
25-02-2009, 07:56 AM
من مده قرأت أن مشروع القاعات بيكون تحت دار الأنماء الأجتماعي يسوون له دراسة هذا

الكلام من سنة تقريبا باين الدراسة كانت صعبة ويمكن نسوه في احد الأدراج .

شالمشكله اذا خلو الناس تسوي قاعات ...الله يعين الشعب القطري(اغنى شعب بالعالم)حسب صحيفة زوربيرورؤؤؤ..الصادره من موزنبيق:tease:
دلة الرسلان
25-02-2009, 08:06 AM
شالمشكله اذا خلو الناس تسوي قاعات ...الله يعين الشعب القطري(اغنى شعب بالعالم)حسب صحيفة زوربيرورؤؤؤ..الصادره من موزنبيق:tease:

:omg: اشلون يخلون الفقارى مثلنا يتساوون مع الكبار لازم هم يشبعون ويخلون لن

العراش!!

السبب الثاني انهم يبغون يخلونها استثمار لدار الأنماء الأجتماعي وما فيه مشكلة اذا بيخلونها

بسعر رمزي ... بس هل بتكون بسعر رمزي؟؟

المسألة كلها احتكار بغيض وأن تغلف باوراق السيلوفان :)
الخير كله
25-02-2009, 08:10 AM
:omg: اشلون يخلون الفقارى مثلنا يتساوون مع الكبار لازم هم يشبعون ويخلون لن

العراش!!

السبب الثاني انهم يبغون يخلونها استثمار لدار الأنماء الأجتماعي وما فيه مشكلة اذا بيخلونها

بسعر رمزي ... بس هل بتكون بسعر رمزي؟؟

المسألة كلها احتكار بغيض وأن تغلف باوراق السيلوفان :)

هذول حتى العراش مستكثرينه ...انتظري الرحمه من رب العباد مهب من عبدة الدينار
جمال النعيمي
25-02-2009, 09:04 AM
الحل موجود

اشتر ارض كبيرة وانشاء عليها بيت كبير كله صالات مفتوحة

وسوه بيت ضيافة واجرة باليومية

وهذه صاله افراح قانونية

ومافي قانون يمنع من تاجير اليومي سوى عاد صاله افراح ولا سكن المهم ايجار يومي وانتهى ...
النصري
25-02-2009, 09:35 AM
انا لين الحين فيني غصــه من هالقاعات و مايعلم فيها الا رب العالمين
الـقـاسـي
02-05-2009, 01:31 PM
ياجماعه الي محتكر قاعات الافراح انسان معروف .. وانسان له كلمته فالبلاد ..

وعصب عن اللي مايرضى بيتم الاحتكار .. لان محد يقدر يرد كلمته من اللي أصغر منه ..

أنسان كون مليارات في فتره بسيطه وهو اسرع انسان فالدنيا كون هالثروه ..

وهالانسان له مصلحه من القاعات خصوصا اللي فالفنادق .. لما تكثر القاعات بيرخص السعر ..

وهذا مب من مصلحته طال عمره ..

فـ أنتظرو خمس ست سنين لين يشبع فلوس .. وعقب يمكن يسمحون بالقاعات ..
جهام
02-05-2009, 03:27 PM
مافي احلى من اعراس اول ..بساطة ..وتكاليف اقل بوايد ..
روح الاطلس
02-05-2009, 06:10 PM
ياجماعه الي محتكر قاعات الافراح انسان معروف .. وانسان له كلمته فالبلاد ..

وعصب عن اللي مايرضى بيتم الاحتكار .. لان محد يقدر يرد كلمته من اللي أصغر منه ..

أنسان كون مليارات في فتره بسيطه وهو اسرع انسان فالدنيا كون هالثروه ..

وهالانسان له مصلحه من القاعات خصوصا اللي فالفنادق .. لما تكثر القاعات بيرخص السعر ..

وهذا مب من مصلحته طال عمره ..

فـ أنتظرو خمس ست سنين لين يشبع فلوس .. وعقب يمكن يسمحون بالقاعات ..



من هو :eek5::eek5: عشان نصكه عين
توزيعات
04-05-2009, 12:38 PM
قبل فترة اتصلت عشان احجز حق اختي قاعة العرس
قالوا لي تبينها حق متى ؟ السنة وإلا السنة الجاية ؟
قلت لهم شنو الفرق؟
قالوا كل سنة لازم نزيد في السعر .. قلت لها انزين مب مشكلة وانتو شنو اتزيدون في الخدمات ؟
قالت ولا شيء .. الدنيا ألحين غالية ولازم أحنا بعد نرفع الأسعار !!!!!!!
الصراحة بطلت حلجي لين ماوصل الأرض .. زين مادشت فيه ذبانه

حسبي الله ونعم الوكيل فيهم
كاتم الاسرار
04-05-2009, 12:44 PM
الحل موجود

اشتر ارض كبيرة وانشاء عليها بيت كبير كله صالات مفتوحة

وسوه بيت ضيافة واجرة باليومية

وهذه صاله افراح قانونية

ومافي قانون يمنع من تاجير اليومي سوى عاد صاله افراح ولا سكن المهم ايجار يومي وانتهى ...


اخوي جمال يالغالي اشدعوه يعني ما تدري انه ممنوع علي الفقراء انا اخبر في ارض محوطه بالطابوق جنب المووول امنعوا وفي ارض بعد السلطه بعد امنعو وفي حوطه نفس الشي يعني بالعربي الفصيح ممننوووووووووووووووووووووووووووووووع علينا وحلال عليهم الله يعيينا والله والمشكله محتكرين الصالات الاعراس وكل شي يعني بالعربي الله يعييييييييينا والله من التجار ما يشبعووووووووووون كلش لين متى عاد ما ندري ما ندري
eXpert*
04-05-2009, 01:27 PM
طبعاً انا معاكم في نفس القارب ،،سواءً متزوج أو مب متزوج في الأخير بيجي يوم عيالي وأخواني بيتزوجون.

بصراحة أنا عندي رأيي وما اعتقد أحد راح يعارض لا صغيرنا ولا كبيرنا .

مقترحي كالتاليّ : لماذا لا تستثمر احدى الشركات القطرية في مشروع لقاعات الأفراح ؟

والشركة تكون : شركة بروة العقارية ، بحكم انها شركة مساهمة قطرية ،، تعمل في قطاع العقارات ،، والأهم من ذلك لها فضل كبير نحو الشعب القطري خاصة ،، وسكان قطر عامة بتدشينها مشاريع بروة السكنية التي أزالت الكثير عن كاهل بعض منا.

والنتيجة يكون مكسب لها من جانب ماديّ((طبعاً ملاك السهم بتعجبهم الفكرة)) ومن جانب آخر تكون تؤدي خدمة اجتماعية للشعب القطري في التيسير من تكاليف الأعراس . وكما يعلم جميعنا أن بروة أخر ما تنظر له هو الأرباح خصوصاً اذا كانت تمس المواطن القطري.

:nice::victory::nice::victory::nice::victory::nice :
eXpert*
04-05-2009, 01:31 PM
الحل الثاني : يعطوني رخصتين ،، وحدة ببنيها وتكون مجانية ((بدون أي رسوم)) والثانية أرباحها تكون ليّ :nice: (عن الطمع وحده لكم و وحده لي)
عين سنان
04-05-2009, 02:36 PM
هي جات على القاااعات
الحين المستشفيات انتظري الدور للغرف

صدقتي والله العظيم واحد من الربع مرقدين مرته في الممر تخيلي ؟!
كيفـي
04-05-2009, 03:10 PM
نصيحتي :

خلوا الاعراس تولي اللى ماوراها فايده غير المفوشر والاستعراض والخساير..

وكل واحد ياخذ زوجته ويسافر ويستانس بالفلوس ابرك من هالخرابيط..!!

مجرد رأي..
STAR
04-05-2009, 03:25 PM
سؤال من الي موقف رخص اقاعات الافراح؟

وليشششش؟
diab911
04-05-2009, 04:07 PM
سؤال من الي موقف رخص اقاعات الافراح؟

وليشششش؟




:secret::secret::secret:
الغلاااا
04-05-2009, 06:40 PM
لاتستبعدووون اي شي في هالزمن .....لان الكل هنااا ينظر للماااادة ((الفلوووووس))

والله المستعاااان ...واتمنى اقااامة صالات باسعااار رمزية
" روح قطر "
04-06-2009, 04:20 PM
الله المستعان
Blue Teeth
04-06-2009, 05:57 PM
السلام عليكم و رحمة الله او بركاته......

المسألة او مافيها أن أصحاب القاعات + المسؤلين + حماية المستهلك مرتاحين من الوضع الحالي.....أولاً لأن صاحب القاعة مرتاح او الباقيين ما يبون يعورون روسهم......او ثانياً لأن في ناس تدفع......

لا ولي يقهر أن اجار القاعة بثمانين او تسعين ألف او بعد مب عاجبتهم لازم يقطون ثمانين ولا مية ولا ميتين على تعديل القاعة....او كلا علشان ساعتين....لأن فلان مب أحسن مني او أ.....ول بنت عندي لازم أفرح قلبها....زين يا جماعة حراام ولا مب حرام.....مب حرام.....ميتين او ثلاثمية ألف ريال على ساعتين!!!!!!!!....يا ناس لو على أكل قلنا ما عليه في فقارة و الأكل ان شالله ما راح يتم بس هالخساير كلها على زينة مردها الزبالة وانتو بكرامة.....مافي فايدة.....

الحل الوحيد أن حريمنا يخافون ربهم و بلا هلمصاريف إلي فالهوا...أما عرس الرياييل فالله يخلي الخيام او الحوط......

نداء أخير.....

حضرت عرس مرة فالبحرين كان في قاعة وايد عجبتني.....يوم سألت المعرس بكم الأجار قال بلاش.....ما عليك إلا تدفع تأمين و مبلغ بسيط عشان عمال النظافة....!!!!!
طلعت القاعة وقف من ورثة واحد مقتدر ....الله يرحمه.....بنوها الورثة في ثواب أبوهم........

ليش ماعندنا مثل هلأشياء في قطر......كل ما واحد توفى بنوا له مسجد....لين صارت كثير من المساجد فاضية من كثرها.......و كله بثوابه....
zeknon
04-06-2009, 08:55 PM
والله قهر انا ابي احجز حق اخوي اقل واحد قال 48 الف ليش مايفتحوون مجال للرخص عشان اذا كثر العرض
قل السعر
هام السحاب
04-06-2009, 09:19 PM
ياجماعه الي محتكر قاعات الافراح انسان معروف .. وانسان له كلمته فالبلاد ..

وعصب عن اللي مايرضى بيتم الاحتكار .. لان محد يقدر يرد كلمته من اللي أصغر منه ..

أنسان كون مليارات في فتره بسيطه وهو اسرع انسان فالدنيا كون هالثروه ..

وهالانسان له مصلحه من القاعات خصوصا اللي فالفنادق .. لما تكثر القاعات بيرخص السعر ..

وهذا مب من مصلحته طال عمره ..

فـ أنتظرو خمس ست سنين لين يشبع فلوس .. وعقب يمكن يسمحون بالقاعات ..


واذا ماشبع فلوس
:rolleyes2: