شتسمون كل هالاشياء؟؟؟ [الأرشيف] - منتديات شبكة الأسهم القطرية

مشاهدة النسخة كاملة : شتسمون كل هالاشياء؟؟؟

a.a.a.qatar

18-02-2009, 11:50 AM

في قاموس حياتكم ... شتسمون هالمواقف هذي....

1. أن يتكلم ابني معي في البيت وخارجه بلغة اجنبية ..... ويستعرض عضلات لسانه بهذه اللغه حتى يرى الكل بأن ابني يتكلم بهذه اللغه ؟
2. هل معنى الوصول للمناصب العليا بالنسبة للسيدات (فئة بسيطه فقط وليس الكل) هو التخلي عن القيم التي كانت قبل بلوغ تلك المناصب ... التخلي عن ... حطة الشيله مثلاً صار الشعر يطلع اشوي اشوي .... المكياج الي كنا نحطه في المناسبات ... صار الحين حق المؤتمرات؟
3. التباهي من قبل بعض الرجال بأن لديه أكثر من صديقة ... والله أمس مريت على فلانه قعدنا في المكان الفلاني !!!!!!!!!!!!!!!! ليش انت تتباهى بـ هالشي ... شايف هالشي عدل؟؟؟؟؟؟؟؟؟؟؟
ولا تروحون بعيد يالنسوان حتى احنا فينا الي جذي!!!!!!!!!!! والله امس كلمت فلان لاني تعبانه ومحتاجه حد يسمعني!!!!!!!!!!!!!!!!!!!!! ليش هو الي يسمعج ؟؟؟؟؟ شوفي روحج بالمنظره وتكلمي ... لازم واحد يعني يسمعني؟؟؟؟؟ (لا تقولون مافي !!!! بس الحمدلله فئة بسيطه)
4. بيتي لوعه .... مكسر ... غرفتي حالتها حاله (الشباب والبنات) بس سيارتي ........... كشخه آخر موديل ... شاسوي اهم شي كشختي جدام الناس!!!!!!!!!!!!!
5. انتقد الناس ... واتكلم عن التراث والعادات والتقاليد وعيب ما يصير واحنا واحنا واحنا ... وآخرتها ... حفلات في بيتي .......... وخلط !!!!!!!!!!!!!!! لا واهل بيتي بعد يحضرون؟؟؟؟؟
6. اداوم الساعه ثمان ونص واشرد من الدوام الساعه 11 .... وبعدها اصرخ واصيح ظلمتنوني ليش هالظلم .... انا استحق الترقيه وانتوا ما عطيتوني اياها!!!!!!!!!!!!!!!!
7. ظلمني خذاني من بيت ابوي معززه مكرمه ... شفت الويل منه .... مب مرتاحه في حياتي معاه ..... كل يوم ضرب كل يوم اهانات .... شاسوي معاه ...(حامل بالطفل رقم 5 !!!!!!!!!)
8. والله هلي غصبوني اتزوجها وإلا انا ما ابيها .... ما تهتم فيني ... كله هايته في هالمجمعات .... ما تشوف طلباتي ولا تهتم فيني ... كله هات هات هات (طبعاً هالحجي يا جدام الجو الجديد يا جدام الربع) وهي مسكينه تستلف عشان تصرف على عيالها ... راتبها ايش يكفي والا ايش .. ايجار البيت الي هي تدفعه والا صرف البيت والا صرف الي محسوب عليها ريال ....!!!!!!!!!!!!!!
9. تشوفين الواحد مع زوجته .. قاعدين ايش زينهم .... ليش يعني ... الا الشيطان يلعب براسج وتخربين عليهم ... يا شيخه اوكي هو الي عطاج الرقم ... شايفته متزوج ... ايش تبين فيه؟؟؟؟؟؟ ليش تساعدين في خراب هالبيت... حطي نفسج مكانها .... والله حرام!!!!!!!!!!!
10. تشوفينه يستاهل .... قدره اكبر من قدر ا بو عيالج .... بعد هالعمر وبعد هالعشره بتفضلين واحد قالج كمن كلمه حلوه على زوجج؟؟؟؟؟ عيب مهما كانت المشاكل بينج وبين زوجج ... بيظل هو تاج راسج .. مب ابدي الغريب عليه عشان هالكلمتين ... تراهم بتنقال لغيرج بعد!!!!!!!!!!!!!!!
وسلامتكم.

بيسان

18-02-2009, 12:44 PM

الشعور بنقص في الذات ،،، والابتعداد عن المنهج الاسلامي
وفود ثقافات مريضة ، مرضت المجتمع

a.a.a.qatar

18-02-2009, 01:14 PM

الشعور بنقص في الذات ،،، والابتعداد عن المنهج الاسلامي
وفود ثقافات مريضة ، مرضت المجتمع

بيسان تحليلج في مكانه بالضبط ......... بس تدرين كل نقطه قلتيها يحتاج لها تحليل وتشخيص عدل عشان الواحد يوقف عند المشكله نفسها ويحلها .......... بس للاسف مش محصلين حد يحلها لحد الحين!!!!!!!!!!!!!!!
وبالذات الشعور بنقص في الذات.........
تسلمين على المرور

مناحي السادس عشر

18-02-2009, 10:54 PM

تسميته صعبه بس معظم النقاط للحين قليله وان شاء الله بوجود الناس الطيبين واللي يامرون بالمعروف ويقدمون النصائح الطيبه ان شاء الله بتكون غير موجوده
بارك الله فيج امينه

وجه الحقيقة

18-02-2009, 11:06 PM

والله شقول لج ..قليل جدا اللي يمسك العصا من النص..

الله يهديهم ويصلحهم

tajirqatari

19-02-2009, 07:37 AM

:omen2::secret::omen2:

عنيــــد

19-02-2009, 07:43 AM

اقدر اقولج الاحساس بالنقص الذاتي

و

النفاق و الركض خلف اللذه الشيطانيه

بوخالد911

19-02-2009, 07:50 AM

مشكورة جدا

والله يصلح الاحوال

مسيوو/ بوخالد911

a.a.a.qatar

19-02-2009, 08:04 AM

تسميته صعبه بس معظم النقاط للحين قليله وان شاء الله بوجود الناس الطيبين واللي يامرون بالمعروف ويقدمون النصائح الطيبه ان شاء الله بتكون غير موجوده
بارك الله فيج امينه

وان شاء الله ما تزيد هالنقاط القليلة
تسلم على المرور يا مناحي السادس عشر

a.a.a.qatar

19-02-2009, 08:05 AM

والله شقول لج ..قليل جدا اللي يمسك العصا من النص..

الله يهديهم ويصلحهم

وجه الحقيقة شكراً على المرور .... بس المشكله الي صايره الحين ان حتى العصا صارو ناس ما تعرف بدايتها من نهايتها .... علشان تعرف وين نصها !!!!!!!!!!!!!!!!!

a.a.a.qatar

19-02-2009, 08:06 AM

:omen2::secret::omen2:

ايه ده يا تاجر قطري................ تحجى عبر عن رأيك!!!!!!!!!!!

a.a.a.qatar

19-02-2009, 08:07 AM

اقدر اقولج الاحساس بالنقص الذاتي

و

النفاق و الركض خلف اللذه الشيطانيه

تدري يالعنيد معظم الناس الي سألتهم خارج المنتدى كان هاي جوابهم نقص في الذات ... بس يا ترى ليش الواحد يحس بنقص في ذاته؟؟؟؟
شاكره لك مداخلتك

الخارجية

19-02-2009, 08:08 AM

كلامج 100% أختي امينه احمد وتسلمين على الطرح الجميل

a.a.a.qatar

19-02-2009, 08:08 AM

مشكورة جدا

والله يصلح الاحوال

مسيوو/ بوخالد911

آمين يارب
مرسي مسيوو بوخالد 911 على المرور

a.a.a.qatar

19-02-2009, 08:09 AM

كلامج 100% أختي امينه احمد وتسلمين على الطرح الجميل

وتسلم على المرور يالخارجيه

doha1

19-02-2009, 08:10 AM

والله ماذكرتي اختي امينة الا الواقع المر اللي عايشينه

عقول سادها السواد وغطاها
عايشين بغفله والله

لو كلن رجع لربه صدقيني مابنشوف هالسوالف

مهزله وانحطاط اخلاقي عند الشباب والشابات

والله يسامح الاباء والامهات ع امهالهم ونظرهم لانفسهم انهم مربين اعيالهم صح

وهم مايدرون ايش اللومي

الله يستر

يارب سامحنا ع خطايانا وخطايا السفهاء منا

اللهم امين

a.a.a.qatar

19-02-2009, 08:16 AM

مبتدئة

19-02-2009, 08:33 AM

[QUOTE=امينه احمد;3739657]7. ظلمني خذاني من بيت ابوي معززه مكرمه ... شفت الويل منه .... مب مرتاحه في حياتي معاه ..... كل يوم ضرب كل يوم اهانات .... شاسوي معاه ...(حامل بالطفل رقم 5 !!!!!!!!!)
QUOTE]

من كم يوم شفت في حدا القنوات عن عايلة مشردة في دولة خليجية
مواطنة وزوجها من جنسية عربية
مااااااااااااا عندهم بيت..عايشين في خيمة في البر.. ما تشتغل.. عايشة على مساعدات اهل الخير
عايشين في خيمة في البر وعندها 8 عيال!!!!!! وكلهم توائم!!!!

ليييييييييييييييييييييييييييييييش تجيبين هالكثر وانتي متلتهة!!!
أكـــــــــــــــــــــــره هالتفكير

a.a.a.qatar

19-02-2009, 08:47 AM

الكنج

19-02-2009, 08:58 AM

صــــراحـــة كلام كله في الصميم....... يعطيج العافية على الموضوع الرائع وبالتوفيق ان شاء الله...

a.a.a.qatar

19-02-2009, 09:01 AM

شاكره لك مروروك يا الكنج

هاجر

19-02-2009, 09:55 AM

في قاموس حياتكم ... شتسمون هالمواقف هذي....

1. أن يتكلم ابني معي في البيت وخارجه بلغة اجنبية ..... ويستعرض عضلات لسانه بهذه اللغه حتى يرى الكل بأن ابني يتكلم بهذه اللغه ؟

حلو إني أعلم عيالي أكثر من لغة وأخليهم يتقنونها ويمارسونها حتى ماينسونها
لكن الأحلى أعزز ثقتهم بلغتهم العربية لغة القرآن وأخليها الاولى على الأقل في تعاملهم معاي بالبيت ومع الأهل :)
ومع الأسف اللي تتحدثين عنه هو الغالب على جيل هذا الوقت سواء مع أهلهم أو مع أصدقائهم وماندري نلوم الاهل أو المدرسة او البيئة اللي عايشين فيها :rolleyes2:

2. هل معنى الوصول للمناصب العليا بالنسبة للسيدات (فئة بسيطه فقط وليس الكل) هو التخلي عن القيم التي كانت قبل بلوغ تلك المناصب ... التخلي عن ... حطة الشيله مثلاً صار الشعر يطلع اشوي اشوي .... المكياج الي كنا نحطه في المناسبات ... صار الحين حق المؤتمرات؟

كما هو الحال بالنسبة للفنانات سبحان الله أول ماتطلع تلاقينها محتشمة وخجولة بس تعدل روحها من عمليات تجميل وتعديل وتقويم ونحت للوجه والجسم والرجيم القاسي إلا وتشوفينها ربي كما خلقتني .. اعوذ بالله
والله يهدي بنات المسلمين والمسلمات ويستر علينا وعليهم آمين يارب

3. التباهي من قبل بعض الرجال بأن لديه أكثر من صديقة ... والله أمس مريت على فلانه قعدنا في المكان الفلاني !!!!!!!!!!!!!!!! ليش انت تتباهى بـ هالشي ... شايف هالشي عدل؟؟؟؟؟؟؟؟؟؟؟
ولا تروحون بعيد يالنسوان حتى احنا فينا الي جذي!!!!!!!!!!! والله امس كلمت فلان لاني تعبانه ومحتاجه حد يسمعني!!!!!!!!!!!!!!!!!!!!! ليش هو الي يسمعج ؟؟؟؟؟ شوفي روحج بالمنظره وتكلمي ... لازم واحد يعني يسمعني؟؟؟؟؟ (لا تقولون مافي !!!! بس الحمدلله فئة بسيطه)

إن لم تستحِ فاصنع ماشئت

4. بيتي لوعه .... مكسر ... غرفتي حالتها حاله (الشباب والبنات) بس سيارتي ........... كشخه آخر موديل ... شاسوي اهم شي كشختي جدام الناس!!!!!!!!!!!!!

من حرص على رضا الناس مات هماً
فأيقنت أني مهما أرد …… رضا الناس لابد من أن أذم

5. انتقد الناس ... واتكلم عن التراث والعادات والتقاليد وعيب ما يصير واحنا واحنا واحنا ... وآخرتها ... حفلات في بيتي .......... وخلط !!!!!!!!!!!!!!! لا واهل بيتي بعد يحضرون؟؟؟؟؟

"يَا أَيُّهَا الَّذِينَ آَمَنُوا لِمَ تَقُولُونَ مَا لا تَفْعَلُونَ. كَبُرَ مَقْتًا عِندَ اللهِ أَن تَقُولُوا مَا لا تَفْعَلُونَ"

لا تنه عن خلـــق وتأتي مثله عار عليك إذا فعلت عظيــم
وابدأ بنفسك فانههـا عن غيهـا فإن انتهت عنه فأنت حكيــمُ

6. اداوم الساعه ثمان ونص واشرد من الدوام الساعه 11 .... وبعدها اصرخ واصيح ظلمتنوني ليش هالظلم .... انا استحق الترقيه وانتوا ما عطيتوني اياها!!!!!!!!!!!!!!!!

من أمن العقاب أساء الأدب :(

7. ظلمني خذاني من بيت ابوي معززه مكرمه ... شفت الويل منه .... مب مرتاحه في حياتي معاه ..... كل يوم ضرب كل يوم اهانات .... شاسوي معاه ...(حامل بالطفل رقم 5 !!!!!!!!!)

أحياناً يكون هروب من واقعها ومن حياتها وظناً منها بأنها كل ماجابت عيال أكثر كل ماكبرت بعينه وكل ماتمسك بها أكثر وهي بقرارة نفسها تدري إنه هذا هو المستحيل بعينه وعلمه :(

8. والله هلي غصبوني اتزوجها وإلا انا ما ابيها .... ما تهتم فيني ... كله هايته في هالمجمعات .... ما تشوف طلباتي ولا تهتم فيني ... كله هات هات هات (طبعاً هالحجي يا جدام الجو الجديد يا جدام الربع) وهي مسكينه تستلف عشان تصرف على عيالها ... راتبها ايش يكفي والا ايش .. ايجار البيت الي هي تدفعه والا صرف البيت والا صرف الي محسوب عليها ريال ....!!!!!!!!!!!!!!

هي مسكينة ماتبي شبح الطلاق والتشتت يطاردها ويطارد عيالها :(
وهو دنجوان عصره فوق شينه قواة عينه :(
اللهم لك الحمد

9. تشوفين الواحد مع زوجته .. قاعدين ايش زينهم .... ليش يعني ... الا الشيطان يلعب براسج وتخربين عليهم ... يا شيخه اوكي هو الي عطاج الرقم ... شايفته متزوج ... ايش تبين فيه؟؟؟؟؟؟ ليش تساعدين في خراب هالبيت... حطي نفسج مكانها .... والله حرام!!!!!!!!!!!
10. تشوفينه يستاهل .... قدره اكبر من قدر ا بو عيالج .... بعد هالعمر وبعد هالعشره بتفضلين واحد قالج كمن كلمه حلوه على زوجج؟؟؟؟؟ عيب مهما كانت المشاكل بينج وبين زوجج ... بيظل هو تاج راسج .. مب ابدي الغريب عليه عشان هالكلمتين ... تراهم بتنقال لغيرج بعد!!!!!!!!!!!!!!!

اللي مافيه خير في أهله كيف ترتجين يكون فيه خير لك :(

وسلامتكم.

تقبلي مروري أختي الفاضلة
ولك شكري وتحياتي
:)

a.a.a.qatar

19-02-2009, 09:59 AM

هاجر ....
اسعدت كثيراً بردك على المواقف .... رد جميل .... واقعي .... منطقي .... عقلاني ....
تسلمين على المرور

um abdulla

19-02-2009, 11:45 AM

شنسميها
شنسميها

سموها تايد :tease:

a.a.a.qatar

19-02-2009, 11:49 AM

شنسميها
شنسميها

سموها تايد :tease:

لا يا ام عبدالله نبي اسم جديد ... خبرج حقوق الملكية وخرابيطها ... مب ناقصين بعد يرفعون علينا قضايا.......... :deal:

sood mhamed

19-02-2009, 11:59 AM

واللة يبيلك بوسة على راسك كلام مثل الدرار

مرتبش

19-02-2009, 12:55 PM

خوش موضوع
اخر فقرتين 9 و10 عجيبين

!قطريـة بنت القمـر!

19-02-2009, 02:07 PM

في قاموس حياتكم ... شتسمون هالمواقف هذي....

1. أن يتكلم ابني معي في البيت وخارجه بلغة اجنبية ..... ويستعرض عضلات لسانه بهذه اللغه حتى يرى الكل بأن ابني يتكلم بهذه اللغه ؟

نسميـها سخافــة :) .... والكل ينقـد على هالاسـلوب لانه يحسسنا انهم متخرعيـن مب شايفيـن خيـر كلها الا لغـه ترى :).... بس قالوها اهلنا اللي عمره ما تبخــر تبخـر واحتـرق :secret: ....

2. هل معنى الوصول للمناصب العليا بالنسبة للسيدات (فئة بسيطه فقط وليس الكل) هو التخلي عن القيم التي كانت قبل بلوغ تلك المناصب ... التخلي عن ... حطة الشيله مثلاً صار الشعر يطلع اشوي اشوي .... المكياج الي كنا نحطه في المناسبات ... صار الحين حق المؤتمرات؟

هي جات على المناصب العليـا .... ولكـن البيئـه اللي تربـت فيها بتلعـب الدور الاكبـر.... ليتهم يدرون ان الشخصيـة واحترام الشخص لنفسه ومدى سعة افقه وعلمـه فقـط الذي يعطي لصاحبـه المهابـة والاحترام من الاطراف الاخرى وليست حركـات (النـص كُـم) ولا المظهـر الخارجي الخداع ....

3. التباهي من قبل بعض الرجال بأن لديه أكثر من صديقة ... والله أمس مريت على فلانه قعدنا في المكان الفلاني !!!!!!!!!!!!!!!! ليش انت تتباهى بـ هالشي ... شايف هالشي عدل؟؟؟؟؟؟؟؟؟؟؟
ولا تروحون بعيد يالنسوان حتى احنا فينا الي جذي!!!!!!!!!!! والله امس كلمت فلان لاني تعبانه ومحتاجه حد يسمعني!!!!!!!!!!!!!!!!!!!!! ليش هو الي يسمعج ؟؟؟؟؟ شوفي روحج بالمنظره وتكلمي ... لازم واحد يعني يسمعني؟؟؟؟؟ (لا تقولون مافي !!!! بس الحمدلله فئة بسيطه)

حدث ولا حـرج بهالموضوع .... وهي تدخل من باب المجاهرة بالمعصيـة للاسف الشديد ....قال النبي صلى الله عليه وسلم : « كل أمتي معافى إلا المجاهرين، وإن من الإجهار أن
يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا
وكذا، وقد بات يستره ربه، ويصبح يكشف ستر الله عنه » .... لا حول ولا قوة الا بالله العلي العظيم ....

هالرابط يفيد هالنوعيـة :
http://majdah.maktoob.com/vb/majdah70658/

4. بيتي لوعه .... مكسر ... غرفتي حالتها حاله (الشباب والبنات) بس سيارتي ........... كشخه آخر موديل ... شاسوي اهم شي كشختي جدام الناس!!!!!!!!!!!!!

مجـرد امراض نفسيـة واهتمـام مرضـي بالنـاس وكلامهم .... وكلام الناس لا يقدم ولا يأخر :) ....

5. انتقد الناس ... واتكلم عن التراث والعادات والتقاليد وعيب ما يصير واحنا واحنا واحنا ... وآخرتها ... حفلات في بيتي .......... وخلط !!!!!!!!!!!!!!! لا واهل بيتي بعد يحضرون؟؟؟؟؟

نفس الفئـة اللي قبلها مجرد شعارات قدام الناس و وقت الصـج كلن يطلع على حقيقته المقيـته :) ....

6. اداوم الساعه ثمان ونص واشرد من الدوام الساعه 11 .... وبعدها اصرخ واصيح ظلمتنوني ليش هالظلم .... انا استحق الترقيه وانتوا ما عطيتوني اياها!!!!!!!!!!!!!!!!

هالفئـه من اكثر الفئـات اللي تبط جبدي :) .... نطاااااااااالب بحقوقنا كقطريين ومن ابناء الوطن و و وو وو وو و و .... وهم لا شهادات سنعه مثل الناس ولا شغل ولا تعب بس تعال احضر العب بالدوام واشرد .... وبعدين !!

7. ظلمني خذاني من بيت ابوي معززه مكرمه ... شفت الويل منه .... مب مرتاحه في حياتي معاه ..... كل يوم ضرب كل يوم اهانات .... شاسوي معاه ...(حامل بالطفل رقم 5 !!!!!!!!!)ر

الحمدلله والشكـر وهالنظريـة قديمه اجيب عيال اربط زوجي :rolleyes2: .... وعقب يبتدي التبجبج لما يعرفون حقيقة هالزوج الجميـل :telephone: .... وين يروحون هالعيال عقب !!

8. والله هلي غصبوني اتزوجها وإلا انا ما ابيها .... ما تهتم فيني ... كله هايته في هالمجمعات .... ما تشوف طلباتي ولا تهتم فيني ... كله هات هات هات (طبعاً هالحجي يا جدام الجو الجديد يا جدام الربع) وهي مسكينه تستلف عشان تصرف على عيالها ... راتبها ايش يكفي والا ايش .. ايجار البيت الي هي تدفعه والا صرف البيت والا صرف الي محسوب عليها ريال ....!!!!!!!!!!!!!!

وهالاشكال ما يملي عينها الا التراب .... ولكن لكل ساقـط لاقــط ....والاكيـد بيحصـل وحده اتجـذب عليه وتقط صواريخ نفسـه نو بروبلم سهالات :nice: ....

9. تشوفين الواحد مع زوجته .. قاعدين ايش زينهم .... ليش يعني ... الا الشيطان يلعب براسج وتخربين عليهم ... يا شيخه اوكي هو الي عطاج الرقم ... شايفته متزوج ... ايش تبين فيه؟؟؟؟؟؟ ليش تساعدين في خراب هالبيت... حطي نفسج مكانها .... والله حرام!!!!!!!!!!!

كمـا تديـن تدان وهالاشكال لو تعرف الحرام والحلال ما بيفكرون يسـرقون اللي عنـد غيـرهم :) ....

10. تشوفينه يستاهل .... قدره اكبر من قدر ا بو عيالج .... بعد هالعمر وبعد هالعشره بتفضلين واحد قالج كمن كلمه حلوه على زوجج؟؟؟؟؟ عيب مهما كانت المشاكل بينج وبين زوجج ... بيظل هو تاج راسج .. مب ابدي الغريب عليه عشان هالكلمتين ... تراهم بتنقال لغيرج بعد!!!!!!!!!!!!!!!

استغفرك اللهم واتوب اليك .... هالعلاقات من ابشـع انواع العلاقات للاسف الشديد .... اللهم عافنا من هالامراض ....

وسلامتكم.

جنج بقلبي يا اختـي امينـه :) .... تسلم ايدينج ع الموضوع الهاااااااام جدا والمميز بطرحه .... واحب اسجل اعجابي بما خطته يداكِ .... ودمتـم سالميــن :nice: ....

الدوحه%

19-02-2009, 02:18 PM

هل في اعتقاادج اختي امينه ان هذي النماذج حااطه الله سبحانه بين عيونها ,, ويمشي على سنه الرسول ؟؟؟!!!!

ماعتقد ,,,,

الله يهدي الجميع ان شالله

تقبلي مروري اختي العزيزه ,,, وفعلا نماذج موجوده عندنا للأسف

a.a.a.qatar

19-02-2009, 08:11 PM

جنج بقلبي يا اختـي امينـه :) .... تسلم ايدينج ع الموضوع الهاااااااام جدا والمميز بطرحه .... واحب اسجل اعجابي بما خطته يداكِ .... ودمتـم سالميــن :nice: ....
تسلمين على ردودج قطرية بنت القمر ... عقل واعي وتفكير سليم في محله ... الله يوفقج

خوش موضوع
اخر فقرتين 9 و10 عجيبين
مشكور على المرور اخوي مرتبش

a.a.a.qatar

19-02-2009, 08:13 PM

واللة يبيلك بوسة على راسك كلام مثل الدرار
مشكور اخوي على مرورك ويعطيك الف عافيه

هل في اعتقاادج اختي امينه ان هذي النماذج حااطه الله سبحانه بين عيونها ,, ويمشي على سنه الرسول ؟؟؟!!!!

ماعتقد ,,,,

الله يهدي الجميع ان شالله

تقبلي مروري اختي العزيزه ,,, وفعلا نماذج موجوده عندنا للأسف

الله يهدي الجميع ..... آمين يارب
مرسي على المرور

العـوا

19-02-2009, 08:16 PM

كلامج على الوتر

حبر سري

19-02-2009, 08:18 PM

عالوتر الحسّاس ماشا الله عليج ياامينة احمد

مواقف واقعية 100% للأسف

وأعتقد مردها كلها لأمراض اجتماعية , نابعة من قلة تربية ودين

قواج الله اختي عالموضوع المهم

a.a.a.qatar

19-02-2009, 08:28 PM

كلامج على الوتر
سلمت على المرور اخوي

عالوتر الحسّاس ماشا الله عليج ياامينة احمد

مواقف واقعية 100% للأسف

وأعتقد مردها كلها لأمراض اجتماعية , ناعبة من قلة تربية ودين

قواج الله اختي عالموضوع المهم
الله يقويك اخوي ... سعدت بمرورك ومشكله الامراض الاجتماعية احس علاجها اصعب من الامراض العضويه .

وحيد-الشوق

21-02-2009, 12:36 AM

7. ظلمني خذاني من بيت ابوي معززه مكرمه ... شفت الويل منه .... مب مرتاحه في حياتي معاه ..... كل يوم ضرب كل يوم اهانات .... شاسوي معاه ...(حامل بالطفل رقم 5 !!!!!!!!!)

ههههه مادري ليش ضحكت من قريت هالفقره :)

موضوع رائع اختي كل الي ذكرتيه صحيح وياما اشوفه واسمع واكثر شيء يقهرني صار الكل يتباهى بالحرام :weeping:

الله يهدي الجميع

والله يعطيج الصحة والعافية

Bin Hood

21-02-2009, 01:09 AM

مشكورة اختي على الموضوع

a.a.a.qatar

21-02-2009, 01:11 AM

وحيد-الشوق/Bin Hood

اسعدني مروركم ومشكورين