@@مكافأة مالية قدرها 5000 ريال لمن يدلي بمعلومات عن.....@@ [الأرشيف]

بويعقوب

18-02-2009, 02:06 PM

ممنوع اللمس

18-02-2009, 02:12 PM

الشيخ مانبي المكافئه نبي الاجر
بس على الاقل رقم السياره حتى لو صار شي يتم الابلاغ ورقمك عالخاص ويمكن اشوفها بمكان او شي ان شاء الله

qatar.com

18-02-2009, 02:15 PM

اخوي بلغ الشرطة ودور لها في سيلين اكيد تلقها هناك

S 350

18-02-2009, 02:18 PM

اشلون اخوي انباقت

::.Silent.::

18-02-2009, 02:19 PM

الله يعوضك ان شاء الله

و مثل ما قال اخوي (( ممنوع اللمس )) نبي الاجر بس والله

و بكره ان شاء الله نتحبل له في سيلين

خلنا نسويها حملة بالمسجات

سطح القمر

18-02-2009, 02:20 PM

بتلقاها في سلين ولا الغاريه وبلغ الشرطه وانشالله اذا شفنها ابشر بعزك وياخوي حنا اهل قطر مانبي مكافئه ولا شي حنا لبعضنا كلنا اهلها ولو انسرق منك شي كنه انسرق منا

بومحمد911

18-02-2009, 02:23 PM

الشيخ مانبي المكافئه نبي الاجر
بس على الاقل رقم السياره حتى لو صار شي يتم الابلاغ ورقمك عالخاص ويمكن اشوفها بمكان او شي ان شاء الله

نفس الطلب

بن علاق

18-02-2009, 02:33 PM

مكافأة مالية قدرها 5000 ريال لمن يدلي بمعلومات عن ... رينو موديل 2007 مواصفاتها على النحو التالي..

اللون ازرق + رنقات 12 + نظام صوت + كاور قليت على الدفرنش الخلفي...

تم سرقتها بالأمس من مغسلة السيارات اللتي بجانب دوار الفروسيه...

بويعقوب في طريقة لايجاد الرينو حتى لو تغير شكلها بس يبيلها وقت لان الحين
الي عنده بطبطه ولا رينو لازم عليه ان يركب رقم للمركبة حالها حال السيارة
والي سرقها ممكن ينعرف في هذي اللحظة لانــــه بيكون من غيـــــر رقــــــــــم
وبإذن الله اذا لقيت هذي المواصفات تأكد انها بتكون في أقرب ادارة أمنية
لان والله الموضوع شدني جداً بس نبي الاجر ولاالمكافأة يابويعقوب

عديم

18-02-2009, 02:35 PM

الله يعقلها عليك وابشر بالفزعه انشاء الله

::.Silent.::

18-02-2009, 02:35 PM

بتلقاها في سلين ولا الغاريه وبلغ الشرطه وانشالله اذا شفنها ابشر بعزك وياخوي حنا اهل قطر مانبي مكافئه ولا شي حنا لبعضنا كلنا اهلها ولو انسرق منك شي كنه انسرق منا

كفــــو والله كفـــــو :nice::nice:

m_taha123

18-02-2009, 02:37 PM

بويعقوب اعتبر منطقة الخريطيات عندي
بس عطنا رقم السيارة حتى نعرفها
وثاني شي انا مابي شي منك ابي ترجع لك سيارتك اوكي
والله يعوضك خير

فتى الجود

18-02-2009, 02:39 PM

لاحول ولاقوة ألا بالله

الله يأجرك خيير

لكن حتى سيلين أو الغارية

هى مب الزرقا الوحيدهفي الدوحة بها الموصفات

اهـم001

18-02-2009, 02:54 PM

لو انا منك بطلع قيمتها من عيون راعي المغسله

معوض خير طال عمرك

ابو ريم

18-02-2009, 02:57 PM

الله يعينك وتلاقيها

نيساني

18-02-2009, 03:26 PM

ان شاء الله تحصلها والله يهدي الحرامي ويردها مكانها

Qtr Denver

18-02-2009, 03:37 PM

مرحبا يالغالي

حنا ياهل قطر يالغالي كلنا حق بعضنا

واحسن حل ياشباب بكره توقفون عند دوار الشاليهات وتتحبلون له

بس يالربع اتمنى محد يوقف الرينو بس الحقوه وشوفوه وين يروح ويوقف وعطو الإحداثية حق اخونا بويعقوب وهو راح يتأكد اذا الرينو له او لا

وان شاء الله الله يقدرنا عليه

ومانقول غير حسبي الله ونعم الوكيل

فمان الله

العقل الحر

18-02-2009, 03:43 PM

تنبيه

ياخوان ترا الحرامي بيغير شكلها بالكامل مثل واحد من الربع سرقوا الى عنده وخلوها 7 الوان !! :eek5:

q6ri_vip

18-02-2009, 03:52 PM

أبشر بويعقوب كلنا اخوان افا عليك بس تأكد وانا اخوك من ربعك يمكن حد غشمرته ثقيله .
انا اتوقع بتحصلها في العنه اللي اتروح لها مجرد توقع .
بس ماكلمت عمال المغسله عن الرينو ؟؟؟؟؟

واذا عندك صورة للرينو حطها عالعام وفالك طيب

حياتي

18-02-2009, 05:41 PM

اخوي انت قدمت شكوى او عندك رقم الموتر الي خذ الرينو عطني

بـن عدوان

18-02-2009, 05:55 PM

المشكلة انه السارق يمكن يغير من شكلها :(

الله يعوضك يااخوي

وان شاءالله مابنقصر

bnb

18-02-2009, 06:00 PM

يا جماعة ليش اكثرت السرقات في الديره

b4ever

18-02-2009, 06:06 PM

يا جماعة ليش اكثرت السرقات في الديره

ما في وازع ديني ..

مليون في الميه يا اخوي راح تحصلها في التشليح ( في الصناعيه ) في السكاريب
الله يفرج همك انشاء الله ..

اسايرها تعاندني

18-02-2009, 06:50 PM

يا جماعة ليش اكثرت السرقات في الديره

تدري من وشو اكثرت السرقاااااااااااات عندنا من اللي لفو علينا من عقب الاسياد

المبرمج

18-02-2009, 06:51 PM

معوض خير أخوي بويعقوب ... المال السايب يعلم السرقة !!!

عموما لوأنك ماخذ رقم الشاصي ومسجله عندك يكون أفضل " الرقم يكون محفور "

يعني صعب تبديله مثل البانشي .

والحرامي أكيد راح يبدل من معالم الرينو علشان ماينصاد !!! أو أبسط شي قطع غيار

مب أول مرة ... معممين على دراجيتن ياماها " رابتر " 2007 تمت سرقتهم في منفذ

أبوسمرة الحدودي .

حسبي الله ونعم الوكيل

البيت بيتك

18-02-2009, 07:38 PM

شبربوش

18-02-2009, 09:23 PM

الله يكون في عونك
طرشلي رقمك على الخاص
وانشاء الله اشوفه باكره في سيلين

بويعقوب

18-02-2009, 10:19 PM

جزاكم الله خير يا شباب ...

صدقوني ان ردودكم هونت علي سالفة بوقة الرينو ... وبخصوص المكافأة .. ادري يا شباب ان

اهل قطر ماتهمهم لفلوس بس شاسوي قلت احط مكافأة في الموضوع ... احس اني كنت مب

مجمع من سالفة البوقه... والشباب اللي اطلبو رقمي ان شاء الله باطرشه لهم على الخاص

واخر شي احب ارد على استفسارات بعض الشباب عن رقم الرينو.. وتبليغ الشرطه.. وكيف صارت البوقه؟؟

الرينو ماعليها رقم والشرطه بلغتهم والبوقه صارت بعد ماصكرت المغسله لأني متعود اني

اقطها عليهم يغسلونها واجي اخذها فليل وامس جيت ابي اخذها ولا الرينو محد..

al7amadi

18-02-2009, 10:24 PM

الله يعوض عليك ياخوي

انشاءالله بتلقاها

jassim_9

18-02-2009, 11:31 PM

اخوي الله يعوض عليك ان شالله

الواحد مايبي يحط في ذمته بس احس ان عمال المغسلة لهم يد في السرقة لانه هذى رينو ومب سهله ان يشيلها واكيد السارق عنده خبر ان تخليها في المغسل

AbdullA-Qtr

19-02-2009, 12:01 AM

مكافأة مالية قدرها 5000 ريال لمن يدلي بمعلومات عن ... رينو موديل 2007 مواصفاتها على النحو التالي..

اللون ازرق + رنقات 12 + نظام صوت + كاور قليت على الدفرنش الخلفي...

تم سرقتها بالأمس من مغسلة السيارات اللتي بجانب دوار الفروسيه...

افا يابويعقوب
حنا مانبي الا سلامة راسكـ
طرش لي رقمك وان الله راد وشفتها بدقق من المواصفات وبتصلك على طول

وامعوض خير يالسنافي

مستثمر 999

19-02-2009, 12:06 AM

الله يعوضك ان شاء الله

لا تنسى تنبه راعي معرض دلة بشارع 10 لانها اكيد بتنباع هناك

او سوق الحاج في المنصوره

xxqataryxx

19-02-2009, 12:07 AM

تدري من وشو اكثرت السرقاااااااااااات عندنا من اللي لفو علينا من عقب الاسياد

:nice:صح الله انسانك فوق العدل:nice:

خذاني الشوق

19-02-2009, 12:11 AM

حسبي الله عليه اللي باقها ليكون بيصبغا في البيت ذي ان حصلت اللي باقها نادني الله يخليك بكفخه تكفخ وان شالله تلقااااااااااها يارب

City Car

19-02-2009, 07:40 AM

لاحول ولا قوة الا بالله

الخارجية

19-02-2009, 08:50 AM

ابشر بالفزعه

ROSE

19-02-2009, 08:55 AM

الله يعوض عليك اخوي وان شاء الله الشباب يعطيهم العافية مب مقصرين

افرح يوم اشوف هالتكاتف الله لا يغير عليكم ان شاء الله

بنت سعادة السفير

19-02-2009, 08:59 AM

دعاء الضالة

سئل ابن عمر رضي الله عنه عن الضالة فقال : يتوضأ ويصلي ركعتين ، ثم يتشهد ، ثم يقول : اللهم راد الضالة ، هادي الضلالة ، تهدي من الضلال رد علي ضالتي بعزك وسلطانك ، فإنها من فضلك وعطائك

الراوي: - - خلاصة الدرجة: حسن - المحدث: ابن القيم - المصدر: الوابل الصيب - الصفحة أو الرقم: 191

لا تنسى ايها العزيز ان ضاع منك شيئا ان تلجأ الى الله و تدعوا بهذا الدعاء .

و كان دعاء لابن عباس رضي الله عنه : اذا كان فى السفر وهو فى الصحراء يقول : يا عباد لله دلونى على الطريق .

abdulla999

19-02-2009, 09:04 AM

اخوي اللهه يعوض عليك
بس شيك مع المحلات الي مختصين في صبغ هالانواع وعتقد انها كم محل
وذا عندك احد في مركز ابوسمرة خله يوصي الجماعة هناك ، ولي سرقها ماضن انه بيطلعها الابعد فترة .
والله يهدي السارق وعينك .

جنيه ذهب

19-02-2009, 09:04 AM

الله يعوض عليك

ومن صوبنه ابشر بعزك صدقني مب متوفق فيها والله بياخذ بحقك ووكل امرك لله

The Vision

19-02-2009, 09:30 AM

الله يعوض عليك ..

مخباط

19-02-2009, 09:45 AM

ابشر بويعقوب حنا لها وانا واحد من الناس من اليوم تلقاني على دوار سيلين
بس لاتهون طرشلي رقم جوالك

غير عنهم

19-02-2009, 12:35 PM

يالربع ليش كثرت السرقات معى العلم ان بلدنا مساحته صغيره ؟؟؟؟؟؟؟؟؟؟
فيه تقصييييييييييير والله يخلف على كل فاقد ضالته خير

عليان قطر

19-02-2009, 12:36 PM

rashid700

19-02-2009, 11:39 PM

اعتقد من وجهة نظري: مادام السياره ما عليها رقم وإنت مابلغت الشرطه أكيد حد من الأمن شافها بدون رقم وإحجزوها في بو هامور
والله أعلم

الجنرال2

19-02-2009, 11:51 PM

أخوي الحين شفت موضوعك يالغالي أمس كنت في محطة التيسير صوب المطار بجانب البريد
وشفت رينو زرقه من غير أرقام لأني شفتها من الخلف فقط وكان في استكرين على ما أظن ممنوع أو دعاية مش متذكر بالضبط هل هي مالتك ؟