تسجيل الدخول

مشاهدة النسخة كاملة : ثالث ثانوي !!


ام نواف
20-02-2009, 01:52 PM
السلام عليكم ورحمة الله وبركاااته,,


شخباركم اعضاء المنتدى ان شاءالله كلكم بخييير :nice:

من يعيد الثانويه او في الثانويه السنه!!!!!:secret:

بغيت استفسر انا اعيد الثانوييه

وبغيت ملازم واوراااق واذا كانت اوراق السنه يكوووون افضل واحسن
او دلوني على مكان اشتري منهم الاوراق او الملازم بس اهم شي تكون
مضمونه خصوصاً ملازم العربي والجغرافيا والتاريخ والشرعيه:shy:

اتمنى القي رد عنكم

اختكم

ام نواف
بوحارب
20-02-2009, 01:54 PM
الثالث ثانوي ما يبيله الا مراجعة الأمتحانات السابقة وبس

بالتوفيق ام نواف وأن شاء الله الأعضاء يفيدونج
][ الوحيد ][
20-02-2009, 01:57 PM
شوفي دار الشاعر
b4ever
20-02-2009, 02:06 PM
اعتقد اختي ادراة الامتحانات هم راح يفيدونج اكثر
مقابل خياط البحرين فريج الغانم دوار دار الكتب .. بالتوفيق انشاء الله
ام نواف
20-02-2009, 02:15 PM
اوراق دار الشاعر كلها قديمه!! ومادري من المدرس الي مسويها واحسها ناقصه!!

احد عنده اوراق الشرعيه حق الهواري
واوراق جغرافيا وتاريخ لمحمد رجب او محمد رمضان
ام نواف
20-02-2009, 03:01 PM
؟؟؟؟؟؟؟
شمعة الدوحه
20-02-2009, 03:29 PM
اختي ام نواف


عندج الجغرافيا والتاريخ اخذي اوراق محمد رمضان تكون شامله


انا يوم كنت بالثانويه ماخذه من عنده

لو عندي اللحين كنت عطيتج بس صار لها سنوات وعطيتها ناس
ام نواف
20-02-2009, 03:34 PM
انا عندي اوارق العام بس قالولي انها ناقصه واااايد ومايصير ادرس منها :(

واوراق تعبني واااااااايد
شمعة الدوحه
20-02-2009, 03:38 PM
انزين عندج رقمه مكتوب عالاوراق اتصلي فيه

وخذي منه اوراق هالسنه


واذا الاوراق تمللج انا عندي طريقه علشان تفتح نفسج


لوني الاسئله بالهاي لايت

حطي فيهم الوان علشان تقدرين تذاكرين منهم انا كنت اسوي كذا


:victory:
ام نواف
20-02-2009, 03:43 PM
مشكووووووووووره حبيبتي وماااااااااااقصرتي

الحين بتصل فيه وباخذها من عنده

بس تعرفين رقم الهواري ابي بعد اشتري منه ملزمه الشرعيه
شمعة الدوحه
20-02-2009, 04:01 PM
العفو اختي ولووووو


هذا الواجب


بس الشرعيه والعربي انا افضل انج تذاكرين من الكتاب لانه ممكن يجيبون لج اسئله داخليه من الدرس وهني بتتوهقين :(

اللي كنت اذاكره من اوراق التاريخ والجغرافيا بس :victory:

بس لاتنسين اذا فيه خرايط ذاكريها من الكتاب


اذا تبين اي مساعده قوليلي :)
ام نواف
20-02-2009, 04:21 PM
خيتوو انا الكورس الاول درست الشرعيه من ملزمه الهواري والحمدلله جبت 49-50
والعربي نزلت وااايد جبت 70-100

العربي وايد مغيرينه والكتاااب مب نفس قبل مافيه لاشرح ولاشي!!
ام نواف
20-02-2009, 09:10 PM
شرت الاوراق من محمد رمضان على 1000 ريال

وحلفني وتلفني اني ماوزعهم وتم يهدد اذا وزعتهم مافي اوراق مراجعه ولاشي

خخخ مايسوى علي هل اوراق
شيزكيك
20-02-2009, 09:25 PM
شرت الاوراق من محمد رمضان على 1000 ريال

وحلفني وتلفني اني ماوزعهم وتم يهدد اذا وزعتهم مافي اوراق مراجعه ولاشي

خخخ مايسوى علي هل اوراق

بل لهدرجه يحلف علشان ما يخسر يعني يبي الكل يشتري ملازمه


الله يعينكم 1000 ريال وايد

شوفي المكتبه الي في محطة طيبه الاسبوع الي راح كنت فيها وكان بنات يسالون

اذا ابلات التاريخ والجغرافيا عطوه الملازم يصورها


يعني شوفيه يمكن عنده ملازم جديده


والله يوفقكم كلكم وتنجحون بنسب عاليه
مضارب دوسري
20-02-2009, 09:27 PM
ادرسي من الكتاب


يوم كنت بالثانويه ما كنت ادرس من غير الكتاب:nice::nice:
ام نواف
20-02-2009, 09:52 PM
ملازم اهون ماعندي وقت كافي عشان ادرس الكتب

لاني ادرس واشتغل في نفس الوقت!! والله يعين

محمد رمضان ههههه صج ضحكني اليوم بس ولايهمه ماراح اوزع الاوراق ولاشي

الحين بس ابي ملازم عربي وشرعيه
شمعة الدوحه
20-02-2009, 10:27 PM
شرت الاوراق من محمد رمضان على 1000 ريال

وحلفني وتلفني اني ماوزعهم وتم يهدد اذا وزعتهم مافي اوراق مراجعه ولاشي

خخخ مايسوى علي هل اوراق


ههههههههههههههههه والله انه نصاب ماعليج منه :tease:


على وقتي كان يبيعها ب 500 ريال

كانت بنت جيرانا بالثانويه العامه كلمته تبي ملزمتين جغرافيا وتاريخ

اهي ادفعت 500 وانا دفعت ال 500 الثانيه

بس بدون مايعرف

خذت الملازم من عنده على انها لها ووصاها قال لاتوزعينها


المهم نسخت منها الملازم والاصليه تمت عندها

ماعليج منه هذا يهدد بس


اصلا شلون بيعرف انج عطيتيها حد :tease:


صج انه نصاب بس اوراقه زينه :victory: