المساعد الشخصي الرقمي

مشاهدة النسخة كاملة : فوادفون يوم شافت المواطنين سوو بلبله غيرت الاسعار


الـمـحـنـك
20-02-2009, 02:54 PM
الكل يذكر فودافون يوم الاحد الي راح يوم نزلت لستة الارقام الجديده والي راح تنعرض في المزاد في فندق شرق كان سعر التذكره في اول اعلان لهذا المزاد 2000 ريال قطري ونزل الاعلان في الجريده الرسمي وتم الاعلان عنه ايضا من خلال موقعهم فودافون قطر

ولكن من المتسغرب هو انه تم تغير الاسعار بعد البلبله الذي قام بها عدد كبير من المواطنين
بقولهم هذي بداية النصب في قطر من خلال شركة اتصالات فودافون وهو فالوااقع كلام سليم


وتم تغيير الاسعار وبهذا تصبح الاسعار 500 ريال للتذكره بعد ان كان السعر 2000 ريال


http://www.vodafone.com.qa/go/ar/starnumbers


تحياتي
فارس قطر333
20-02-2009, 03:00 PM
اي والله من البدايه نصب واحتيال

الله يعينها على اللي جاي
qatar.com
20-02-2009, 03:09 PM
هذي بعد والله يبيلها خلوها تصدي
vip8
20-02-2009, 03:54 PM
اي والله ......
iMac
20-02-2009, 03:55 PM
شركة وطنية تذبحنا ولا شركة اجنبية تنهبنا ههههههه

والعائد كلة لشركتنا الوطنية كيوتل

لنتواصل هههههههه

انا كنت متامل خير في فودا فون لاكن مبين انها خرطي

عيل بدال ما يسون خصم الدقيقة اب ٥٥ شدعوة ياخوي نهبة

ندور الرخص وهاذول يرفعون

اقول يازين كيوتل بس
فقط قطر
20-02-2009, 03:58 PM
مافي غير اتصالات...نتمنى تدخل السوق....
شوفوا ايش سوت في فودافون مصر.....
الـمـحـنـك
20-02-2009, 07:50 PM
اي والله من البدايه نصب واحتيال

الله يعينها على اللي جاي




اي نعم الله يعين

شاكر لك مرورك
الـمـحـنـك
20-02-2009, 07:50 PM
هذي بعد والله يبيلها خلوها تصدي



لو سيارات بقول معقوله

لكن اتصالات وكروت وشرائح شلون خلوها تصدي


قصدك اكيد خلوها تذلف


شكرا للمرور
الـمـحـنـك
20-02-2009, 07:51 PM
اي والله ......



شفت شلون
الـمـحـنـك
20-02-2009, 07:51 PM
شركة وطنية تذبحنا ولا شركة اجنبية تنهبنا ههههههه

والعائد كلة لشركتنا الوطنية كيوتل

لنتواصل هههههههه

انا كنت متامل خير في فودا فون لاكن مبين انها خرطي

عيل بدال ما يسون خصم الدقيقة اب ٥٥ شدعوة ياخوي نهبة

ندور الرخص وهاذول يرفعون

اقول يازين كيوتل بس


اقول لك عاد يبون ينصبون وبس ههههه


الله يعين ياخوك
الـمـحـنـك
20-02-2009, 07:52 PM
مافي غير اتصالات...نتمنى تدخل السوق....
شوفوا ايش سوت في فودافون مصر.....



انتمنا ذالك


شكرا لمرورك تحياتي
وسمي2016
20-02-2009, 08:06 PM
ههههههههههههه,,,,,,,,,,,هالكلام ما يمشي علينا

اساسا لم يتقدم احد للشراء بشكل يذكر,,,,و خافوا من الفشيله

وغيروا الاسعار,,,,,,,,,,,,,,الحين بهالاسعار و يمكن يبيعون 25او 30 تذكره
بنت سعادة السفير
20-02-2009, 08:27 PM
الله المستعاان
بنت سعادة السفير
20-02-2009, 08:28 PM
هذي بعد والله يبيلها خلوها تصدي

حاظرين طال عمركـ :victory: << :rolleyes2:
محب للتميز
20-02-2009, 11:28 PM
حاميه حراميه
ذكـــــرى
21-02-2009, 09:11 PM
نفتك من العويا إتيينا المنكسرة افففففففف شهالحالة ياربي ؟؟؟

بس ماقول خلنا على مجنونا لايجينا الأجن منها @@
dewyguy
21-02-2009, 11:35 PM
يا اخواني لم يتغير السعر ،، وللحين بـ 2000 ريال

تأكدوا بأنفسكم من الموقع : http://www.vodafone.com.qa/go/ar/starnumbers
الـمـحـنـك
22-02-2009, 12:57 AM
اخوي مادري ايش نكك لكن انت الي شوف بنفسك تقول الاسعار مثل ماهي شوف بنفسك يا اخي الكريم


وبتعرف شكله للحين عندك على 2000 امسح الكوكيز والفايليز ودش الموقع لانه الموقع تغير بس شكله للحين الكوكيز معلق عندك


تحياتي لك
dewyguy
22-02-2009, 05:54 AM
اخوي مادري ايش نكك لكن انت الي شوف بنفسك تقول الاسعار مثل ماهي شوف بنفسك يا اخي الكريم


وبتعرف شكله للحين عندك على 2000 امسح الكوكيز والفايليز ودش الموقع لانه الموقع تغير بس شكله للحين الكوكيز معلق عندك


تحياتي لك



تم مسح الكوكيز :nice:


اخيرا الاسعار الجديدة ظهرت عندي :victory:
فهد111
22-02-2009, 06:11 AM
انا اول ماقريت إلى منظمة أيادي الخير نحو اسيا وانا حاس انهم نصابين هههههه

أول مره اسمع بهالمنظمه :tease:
غلا قطر
27-02-2009, 01:23 AM
شركة وطنية تذبحنا ولا شركة اجنبية تنهبنا ههههههه

والعائد كلة لشركتنا الوطنية كيوتل

لنتواصل هههههههه

انا كنت متامل خير في فودا فون لاكن مبين انها خرطي

عيل بدال ما يسون خصم الدقيقة اب ٥٥ شدعوة ياخوي نهبة

ندور الرخص وهاذول يرفعون

اقول يازين كيوتل بس

يا جماعة الخير هذا السعر مبدأي وحاطينه بس في فترة التجربه

اول ما تفتح الشركه رسميا بيكون السعر مفاجأه لكيوتل

وانا اقولكم انطروا المفاجأه لما تفتح الشركه

وبتذكرون كلامي ^_*
بوحماني
02-03-2009, 11:08 AM
عمبر اخو بلال
وسلامتكم
hxamad
02-03-2009, 08:09 PM
شكله الواحد يقعدله على كيوتل أحسن له
شاعر المليون
02-03-2009, 08:11 PM
يا جماعة الخير هذا السعر مبدأي وحاطينه بس في فترة التجربه

اول ما تفتح الشركه رسميا بيكون السعر مفاجأه لكيوتل

وانا اقولكم انطروا المفاجأه لما تفتح الشركه

وبتذكرون كلامي ^_*



ممكن تفسير دفاعك المستمر عن فودافون
الزيبق
02-03-2009, 08:42 PM
يود مينونك لا يك اللي اين منه هاي شركه يديده يعني احنا متعودين على الحليب بو قوس والحفاظات بامبرز والعيش بسمتي والزيت عافيه والسياره لاندكروزر والغتره شماغ البسام والله ايعزكم النعال تميمه والتلفون نوكيا والشريحه كيوتل اشلن بالجديد ترى اضيع الميزانيه
Bu-Khalid
02-03-2009, 09:58 PM
والله انا اتوقع كل الخير من هالشركه ..
abda1q
02-03-2009, 10:18 PM
الي ان نشفة ان الاثنين طابخينة والله يعين العميل
مساهم عادي
02-03-2009, 11:00 PM
خاطري اعرف وين اعلانات الشركة..........

المفروض هذه الشركة تسوي اعلانات ضخمة قبل الافتتاح من سنة............

اغلب الادارة في الدوحة قادمة من فودافون مصر.... وعلى فكرة فودافون ماعندها اي فرع اخر في الشرق الأوسط الا في مصر..

فودافون في مصر رقم 3 بعد اتصالات وموبينيل....


وينها وين الشركات الأخرى ...مثل اتصالات وزين...
بو ناصـ ـر
03-03-2009, 12:39 AM
النقطة الرئيسية اللي لازم الكل يدركها .. أن كيوتل وفودافون .. يقعون تحت سقف واحد ألا وهو .. المجلس الأعلى للإتصالات .. يعني هناك جهة هي المسؤولة عنهم . بمعنى آخر لو جات فودافون بتنزل السعر ويكون مغري .. راح يدخل الجلس الأعلى للإتصالات ويقولها سوري .. عندنا كيوتل مو لازم تضربين أسعارها .. والعكس صحيح لو حصل هالشي من كيوتل راح تكون نفس النغمه عليها ..
لأن ببساطة جهة واحدة هي من يدير الدفة ..!
يعني وجود شركة إتصال أخرى غير مجدي .. طالما المسألة صارت تحت جهة واحدة مسؤولة عن الشركتين ..
جهام
03-03-2009, 01:34 PM
ننطر ونشوف وما خفي كان اعظم........
مهندس_قطري
03-03-2009, 02:14 PM
يا جماعة حد راح المزاد مال فودا فون؟؟

هل فعلا اشتغلت خدمة فودا فون تاريخ 1 مارس؟؟

مافيه أي شي مكتوب بالجرايد ولا بموقعهم الرسمي عن ايش اللي صار بالمزاد وانطلاقة فودا فون الرسمية؟!!!

لا يكون تاجلت بعد عشان الأزمة!
غلا قطر
03-03-2009, 03:59 PM
ممكن تفسير دفاعك المستمر عن فودافون

اخوي شاعر المليون

ما عندي تفسير ولا شي

انا موظفه في فودافون

واعرف ومتأكده ان هالسعر مليون في الـ 100 بيتغير وبيكون مفاجأه لكيوتل

انا اول ما شفت السعر كلمت المدير قلتله الحين احنا ننطر نفتك من هالشركه تجونا بأسعار اغلى

وكانت ردة فعلي نفس ردة فعلكم بالضبط

لكن المدير قال لي لا تخافين هذا مب السعر الحقيقي اللي بيكون لكل العملاء

احنا حاطين هذا السعر عشان لما الناس يعرفون السعر الحقيقي راح يكون مفاجأه للناس واهم شي يكون مفاجأه لكيوتل

والسعر الحقيقي الكل راح يعرفه لما تفتح الشركة رسميا في شهر مايو
غلا قطر
03-03-2009, 04:01 PM
انا اول ماقريت إلى منظمة أيادي الخير نحو اسيا وانا حاس انهم نصابين هههههه

أول مره اسمع بهالمنظمه :tease:

يعني لما كيوتل تسوي مزاد للأرقام المتميزه وتتبرع بالعائد ما تكون نصابه

ولما فودافون تسوي مزاد للأرقام المميزه وتتبرع بالعائد تقول ناصابين؟

ولا ريال كان للشركه

كل المبالغ اللي جات راح لمنظمة ايادي الخير نحو آسيا

الا لو عندك اعتراض على هذي المنظمه الله اعلم
ثاني
04-03-2009, 07:57 PM
يابوي خلاص مانبي شركات اتصلات يليتهم يلغون كيوتل وفودافون خلنا نعيش معززين ومكرمين ولا مذلولين ومبيوقين
شاعر المليون
04-03-2009, 08:05 PM
سؤال خارج الموضوع وين التقديم للوظائف في فودافون؟؟؟؟؟؟

وهل في أمكانية لتوظيف القطريين؟؟؟؟؟؟؟؟؟
بومحمد
04-03-2009, 09:31 PM
سؤال خارج الموضوع وين التقديم للوظائف في فودافون؟؟؟؟؟؟

وهل في أمكانية لتوظيف القطريين؟؟؟؟؟؟؟؟؟


اي والله سؤال وجيه وين تقديم طلبات التوظيف ؟؟؟؟؟؟؟
mubarak2000
05-03-2009, 02:22 PM
واللة فودافون الصراحة البداية تعبانة
امير البحر
05-03-2009, 03:14 PM
السلام عليكم ورحمة الله وبركاته

فودا فون .....كيوتل.....فودا فون.... كيوتل

اعتقد ان احنا قاعدين نتكلم وبس ا
يقول المثل المصري ياخبر بفلوس بكرة يبأ ببلاش

اعتقد ان الاسعار راح تكون مقاربة لكيوتل
كيوتل و فودا فون تملك الحكومة فيهم مش معقول بيضاربون بعض و المجلس الاعلى للاتصالات قاعد يتفرج
بس ممكن المنافسة بتكون في تقديم الخدمات

لكن بالنسبة للمزاد سواء زادو السعر أو خفضوه ما يستفيدون هم والمستفيد اياديي الخير نحو اسيا
بس هم يتبرعون من فلوس الشعب
يعني نعمل خير من مال الغير


تحياتي
بومحمد911
05-03-2009, 04:32 PM
لنتواصل لنكون اقرب الى جيوب المشاركين
غناتي1
08-03-2009, 01:21 PM
جبناك يا عبد المعين اتعين - -

لقينا عبد المعين يبي ايبوقنا - - وعلى المكشوف