ليش الواحد يخجل من ذكر اسم اخته او امه جدام الناس؟؟

[حبر سري]

السلام عليكم ورحمة الله

والله اذكر من على ايام كنت في الابتدائية وهالفكرة في بالي : ان اكبر عيب ينذكر اسم اي وحدة من الشوفات جدام الناس , مثل الاخت او الام او او او او ....

وبصراحة الحين استغرب , ليش؟
طبعا انا مااقول ان الواحد يمشي جدام الناس ويقول : انا ولد فلانة او اخو فلانة , لكن اذكر موضوع كتبه واحد من الاعضاء الكرام (وبصراحة ناسي من هو) كان يتكلم انه شاف واحد في مكان عام , وحب ينادي زوجته او امه او اخته مادري من بالضبط , ولا عرف شيسوي !!!
يعني الظاهر قام يقول لها : انتي يا.... وقام يخربط بس علشان لايذكر الاسم


مع العلم ان الاولين كانوا يعتزون بخواتهم فيقال:
اخوان روضة (والنعم والسبع انعام ) وكلنا عارفين من هم اخوان روضة

اخوان نورة , اخوان شمة..... الخ



فليش الخجل؟

وارجع واقول انا مااقول ان يتم ذكر الاسم بمناسبة وبدون مناسبة

لكن تصّور انك في الجوازات او المرور او او او .... وتبي تخلّص معاملة حد من هلك , وطلبوا الاسم وفي ناس قاعدين , هل راح تذكره؟ ولا بتطلب ورقة وقلم مثلا علشان تكتبه ؟ او تساسر به الموظف هناك؟؟

[سيدة اعمال فلسطنية]

شوف في اعتقاد انو ازا عرفو اسم الام يعملولك عمل هيك تفكير الناس

[miss-qatr]

شوف في اعتقاد انو ازا عرفو اسم الام يعملولك عمل هيك تفكير الناس


ههههههههههههه ماله دخل اختي

[بوحارب]

بالنسبة لي اشوف انه اسم بنت وماله اي داعي اني اجيب اسم اختي قدام الرجال



والله أعلم ^ ــ *

[حبر سري]

شوف في اعتقاد انو ازا عرفو اسم الام يعملولك عمل هيك تفكير الناس
صراحة اثرتي نقطة غابت عن بالي
وبالفعل كلامج صح ياسيدة اعمال , في ناس تفكيرهم جذيه
الف شكر عالمرور اختي

ههههههههههههه ماله دخل اختي

ياهلا ميس قطر
بصراحة انا اشوف العكس , لان بالفعل في ناس يفكرون جذيه , ولو انهم قلة وعقولهم صغيرة بصراحة لكنهم موجودين

وبعدين وين رايج او تعليقج عالموضووووع؟:anger1::anger1:

[سهم عتيج]

الله يرحم أيام أول..

والدتي كانت تقول لنا ان ابوكم كان ما يرضى اني آخذكم وايد السوق معاي رغم اني متغطية من فوق لين تحت بس عشان محد من ربعه اذا شافكم معاي يقول هذي ولد فلان وشوف الحرمه رايحة السوق بروحها بدون محرم..

والحين بعض الرجال يشترون حق حريمهم سيارات فاخرة عشان الناس تقول ان سيارة زوجة فلان الفلاني كذا وكذا..

سبحان الله انقلبت الآية..

صج اني خرجت عن الموضوع,, بس حبيت اني أشارك وآقول أن الوضع تغير 180 درجة بين اليوم والأمس,,

وياريت الأمر متوقف على ذكر الأسامي والعيب من ذكر اسامي الام او الاخت,, بل الأمر تعدى ويمكن بكرة تنقلب الآية ويصير ممنوع اعطاء اسم الرجل في الأماكن العامة لأنه من الامور الحساسة والخطوط الحمراء في المجتمع :secret:

والله الموفق

[حبر سري]

بالنسبة لي اشوف انه اسم بنت وماله اي داعي اني اجيب اسم اختي قدام الرجال



والله أعلم ^ ــ *

ياهلا بو حارب

لا ماقصدت جذيه
انا ماقلت الواحد يمشي بمايكروفون (او على قولة محمد صبحي كنكة مخرومة:nice:) جدام الناس ويقول :
ياعالم , ياناس انا اخو فلانة مثلا , هذا بيكون مجنون:omen2:

او يحط لافتة على جامة موتره من ورا وكاتب فيها موتر ولد فلانة:rolleyes2:

انا ضربت امثلة , وهذا اللي قصدته

شاكر لك مرورك يابوحارب
شرّفت الموضوع وراعيه

[miss-qatr]

ياهلا ميس قطر
بصراحة انا اشوف العكس , لان بالفعل في ناس يفكرون جذيه , ولو انهم قلة وعقولهم صغيرة بصراحة لكنهم موجودين

وبعدين وين رايج او تعليقج عالموضووووع؟:anger1::anger1:

:weeping:


إن شاء الله باقول رايي بس حبيت أعلق فالأول على اختي سيده :)

[بوحارب]

اهاااا لو مثل ما قلت انت فالمرور والدوائر الحكومية بقول الأسم ولا علي من حد

بعد مب حلوة مسؤول يسألني وش اسم اختك واقوله عيب اقوله حق رجال روح جيبلي وحده اقولها @@

والله يعطيك العافية يالعصبي << من زمان ما قلت لك يالعصبي ^ ــ *

[Ghost]

انا اتشوف انه عادي وما فيها شي من هي ام المؤمنين ومن هن امهات المؤمنين ومن هن بنات النبي صلى الله عليه وسلم ومن هن الصحابيات لا يو جد عيب في ذكر اسم الام والاخت والزوجة اذا اضريت الى ذالك اما بدون سبب هذا هو العيب وما اظن في احد بيمشي ويقول اسم امي كدا واسم الخ وتسلم مواضيع تقاش هادفة

[الفـــارسه]

ما عندهم سالفه يبغون يعرفون اسامي الام والاخت

ليش يجيبون اسامينا لين تهاوشوا مع بعض سبونا باسامينا

[m_taha123]

عيب
اي واحد يقول لك اسم الوالدة او اسم اختك انت تعطيه ؟
تحمل تعطيه

[سيدة اعمال فلسطنية]

ههههههههههههه ماله دخل اختي

تسلملي هال ضحكه بس جد صدئي في ناس هيك تفكيرون :nice:

[a.a.a.qatar]

مثل ما انت قلت اخوي عند الضرورة مافيها شي ومثل ماقال بو حارب يعني اقوله جيب مره اقولها اسم اختي والا اسم امي .......... اشوفه شي عادي لما تستدعي الضروره هالشي مع ان في ناس حتى عند الضرورة يقولك ممكن ورقه وقلم!!!!!!!!!!!!!!!! ما اقدر اسميه تخلف بس هو تربى على هالشي وخلاص هاذي عاداته وتقاليده ولازم الواحد يحترم عادات وتقاليد الناس عشان الناس تحترم عاداته وتقاليده حتى لو كنا بمجتمع واحد بس الثقافات تختلف.
وتسلم على الموضوع.

[Revamp]

راح اتغييير الامور بس انت اصبر شوي.......كل شي راح اصيير عادي...والايام راح تثبت لك

[Scorpion]

طيب دام عادي ممكن اخوي تقولي شو اسم اختك ؟:tease:

[وجه الحقيقة]

السلام عليكم ورحمة الله

والله اذكر من على ايام كنت في الابتدائية وهالفكرة في بالي : ان اكبر عيب ينذكر اسم اي وحدة من الشوفات جدام الناس , مثل الاخت او الام او او او او ....

وبصراحة الحين استغرب , ليش؟
طبعا انا مااقول ان الواحد يمشي جدام الناس ويقول : انا ولد فلانة او اخو فلانة , لكن اذكر موضوع كتبه واحد من الاعضاء الكرام (وبصراحة ناسي من هو) كان يتكلم انه شاف واحد في مكان عام , وحب ينادي زوجته او امه او اخته مادري من بالضبط , ولا عرف شيسوي !!!
يعني الظاهر قام يقول لها : انتي يا.... وقام يخربط بس علشان لايذكر الاسم


مع العلم ان الاولين كانوا يعتزون بخواتهم فيقال:
اخوان روضة (والنعم والسبع انعام ) وكلنا عارفين من هم اخوان روضة

اخوان نورة , اخوان شمة..... الخ



فليش الخجل؟

وارجع واقول انا مااقول ان يتم ذكر الاسم بمناسبة وبدون مناسبة

لكن تصّور انك في الجوازات او المرور او او او .... وتبي تخلّص معاملة حد من هلك , وطلبوا الاسم وفي ناس قاعدين , هل راح تذكره؟ ولا بتطلب ورقة وقلم مثلا علشان تكتبه ؟ او تساسر به الموظف هناك؟؟


عزيزي حبر سري..الاصل في عدم ذكر اسم الام او الاخت..تكريما لها كونها عزيزه على اهلها مب رخيصه ومقامها عالي وهي العز والشرف والكرامه..فتكريما لها صارت مثل الجوهره المكنونه مايتعرض لاي شي منها اي حد حتى لو اسم..هو الاساس تكريم ..
بس الله يهدي الصبيان في سن المراهقه اذا حب واحد يهين واحد يقول اسم ام اللي متهاوش معاه جدام البقيه وهذا قله سنع من البادي بالغلط وكأنه قلل من قيمه وشأن ام الثاني..فيصير هواش ولما تكون هالكلمه لها رد فعل عنيف من الطرف الثاني مع قله عقل اللي حاضرين للهوشه يفكرونها عيب ..والا السالفه لا هي عيب ولاشي..بس الاولى والاصح ان اسم الام والاخت اي اناث العايله لا تذكر لعامه الناس لان محد له حاجه يعرف هذا شي ..الشي الثاني لانها مكرمه ومكانتها عاليه ومايحق لاي كان يقول اسمها لانها عزيزه على اهلها ومن زود معزتها حتى اسمها محشوم ينقال جدام الناس..
والله من وراء القصد

[شاهيناز]

لان مفهوم الرجوله عندنا ناقص
الرجال مايكون رجال اذا ذكر اسم امه ولا اخته ولا زوجته


مع اني ماشوف فيها شئ

[Gold Boy]

مافيها شي لوطلب مني ذلك مثل في دوائر حكوميه او في شي رسمي

بس واحد يستخف دمه ويقول وش اسم اختك جدام الناس مو حلوه اقوله

الا بعطيه شلوتي على خشته :D

حبر سري

لك الف شكر على الطرح الجميل

[لاداعي]

ماقدر اقول اذا تبي بطرش لك اسم أمي على الخاص :telephone:

[وجه الحقيقة]

ماقدر اقول اذا تبي بطرش لك اسم أمي على الخاص :telephone:

:anger1:

[musel999]

اذا المسأله معامله ولا في دوائر حكوميه هذا مافيها خلاف لازم تعطيهم الاسم
لاكن ربعي يعرفون اسامي اهلى واخواتي لا ليش مالهم داعي يعرفون
اللى يقولك وانا اخو فلانه هذي موب اسم اخته مثل اللى يقولك وانا ابو ناصر ولا هو متزوج
وبعدين امك ينقاله ام فلان وخواتك هذولا المفروض محد يدري باساميهم الا لو كان صغار مثل 6 سنين وتحت

[حبر سري]

الله يرحم أيام أول..

والدتي كانت تقول لنا ان ابوكم كان ما يرضى اني آخذكم وايد السوق معاي رغم اني متغطية من فوق لين تحت بس عشان محد من ربعه اذا شافكم معاي يقول هذي ولد فلان وشوف الحرمه رايحة السوق بروحها بدون محرم..

والحين بعض الرجال يشترون حق حريمهم سيارات فاخرة عشان الناس تقول ان سيارة زوجة فلان الفلاني كذا وكذا..

سبحان الله انقلبت الآية..

صج اني خرجت عن الموضوع,, بس حبيت اني أشارك وآقول أن الوضع تغير 180 درجة بين اليوم والأمس,,

وياريت الأمر متوقف على ذكر الأسامي والعيب من ذكر اسامي الام او الاخت,, بل الأمر تعدى ويمكن بكرة تنقلب الآية ويصير ممنوع اعطاء اسم الرجل في الأماكن العامة لأنه من الامور الحساسة والخطوط الحمراء في المجتمع :secret:

والله الموفق
ياهلا والله سهم عتيج
نوّرت الموضوع ياخوي
انا معاك والله ان في أمور كثيرة تغيّرت في المجتمع , لكن القصد طال عمرك مثل ماذكرت وقت الضرورة , هذا القصد

وتشّرفت بك وبمشاركتك

:weeping:


إن شاء الله باقول رايي بس حبيت أعلق فالأول على اختي سيده :)
حياج الله ياميس قطر والموضوع موضوعج

اهاااا لو مثل ما قلت انت فالمرور والدوائر الحكومية بقول الأسم ولا علي من حد

بعد مب حلوة مسؤول يسألني وش اسم اختك واقوله عيب اقوله حق رجال روح جيبلي وحده اقولها @@
وجهة نظر
حياك الله يابوحارب
والله يعطيك العافية يالعصبي << من زمان ما قلت لك يالعصبي ^ ــ *
وجهة نظر
حياك الله يابوحارب
:) تصدق ماشفت الكلام اللي بالابيض الا لما رديت! , ههههههههههههه , حياك الله يالعصبي لان ساعات تعصب بعد:tease:

انا اتشوف انه عادي وما فيها شي من هي ام المؤمنين ومن هن امهات المؤمنين ومن هن بنات النبي صلى الله عليه وسلم ومن هن الصحابيات لا يو جد عيب في ذكر اسم الام والاخت والزوجة اذا اضريت الى ذالك اما بدون سبب هذا هو العيب وما اظن في احد بيمشي ويقول اسم امي كدا واسم الخ وتسلم مواضيع تقاش هادفة
الله يحييك اخوي ghost وشرفت الموضوع
وكلامك على الراس والعين

ما عندهم سالفه يبغون يعرفون اسامي الام والاخت

ليش يجيبون اسامينا لين تهاوشوا مع بعض سبونا باسامينا
هههههههههههههههههههههه
هلا والله بالفارسه
بس اختي اللي يبي يسب على قولتج ممكن يسب باي شي , مهب شرط يعرف اسم حد علشان يسب:)

عيب
اي واحد يقول لك اسم الوالدة او اسم اختك انت تعطيه ؟
تحمل تعطيه
:nice:
تصدق اخبر من زمااااااان كنت دايما اسمع هالكلام , وانا اقول لك اخوي ان القصد مب ان الواحد يمشي ويقول انا ولد فلانة او انا اخو فلانة , انا اقصد بعض الاحيان

مثل ما انت قلت اخوي عند الضرورة مافيها شي ومثل ماقال بو حارب يعني اقوله جيب مره اقولها اسم اختي والا اسم امي .......... اشوفه شي عادي لما تستدعي الضروره هالشي مع ان في ناس حتى عند الضرورة يقولك ممكن ورقه وقلم!!!!!!!!!!!!!!!! ما اقدر اسميه تخلف بس هو تربى على هالشي وخلاص هاذي عاداته وتقاليده ولازم الواحد يحترم عادات وتقاليد الناس عشان الناس تحترم عاداته وتقاليده حتى لو كنا بمجتمع واحد بس الثقافات تختلف.
وتسلم على الموضوع.
يسلم من قال اختي امينة
وياهلابج
وشكرا على الاضافة


راح اتغييير الامور بس انت اصبر شوي.......كل شي راح اصيير عادي...والايام راح تثبت لك
ياهلا العرباوي:nice:
اخوي ريفامب اكيد راح تتغير امور كثيرة نسأل الله ان تكون للاحسن , لكن انا ماقصدت ان الواحد يذكر الاسم في الطالعة والنازلة مثل ماقالوا , ذكرت حالات معينة
وياهلا بك

طيب دام عادي ممكن اخوي تقولي شو اسم اختك ؟:tease:
ماشا الله ذكي
اخوي ممكن تقرا الموضوع مرة ثانية؟ لان العنوان وحده لايكفي للرد:nice:

عزيزي حبر سري..الاصل في عدم ذكر اسم الام او الاخت..تكريما لها كونها عزيزه على اهلها مب رخيصه ومقامها عالي وهي العز والشرف والكرامه..فتكريما لها صارت مثل الجوهره المكنونه مايتعرض لاي شي منها اي حد حتى لو اسم..هو الاساس تكريم ..
بس الله يهدي الصبيان في سن المراهقه اذا حب واحد يهين واحد يقول اسم ام اللي متهاوش معاه جدام البقيه وهذا قله سنع من البادي بالغلط وكأنه قلل من قيمه وشأن ام الثاني..فيصير هواش ولما تكون هالكلمه لها رد فعل عنيف من الطرف الثاني مع قله عقل اللي حاضرين للهوشه يفكرونها عيب ..والا السالفه لا هي عيب ولاشي..بس الاولى والاصح ان اسم الام والاخت اي اناث العايله لا تذكر لعامه الناس لان محد له حاجه يعرف هذا شي ..الشي الثاني لانها مكرمه ومكانتها عاليه ومايحق لاي كان يقول اسمها لانها عزيزه على اهلها ومن زود معزتها حتى اسمها محشوم ينقال جدام الناس..
والله من وراء القصد
هلا والله وجه الحقيقة
اضافة اشكرج عليها والله
وانا معاج ان مافي داعي الكل يعرف اسامي اناث العايلة , لكن انا اتكلم عن مواقف معينة , شفت فيها ناس يتحرجون بشكل قوي جدا من ذكر الاسم , مع ان الموقف يستدعي ذكر الاسم
وهم ناس كبار وجدام ناس كبار , مب يهال يعني

شاكر لج مروروج اختي

لان مفهوم الرجوله عندنا ناقص
الرجال مايكون رجال اذا ذكر اسم امه ولا اخته ولا زوجته


مع اني ماشوف فيها شئ
وجهة نظر ياشاهيناز
ونوّرتي الموضوع


مافيها شي لوطلب مني ذلك مثل في دوائر حكوميه او في شي رسمي

بس واحد يستخف دمه ويقول وش اسم اختك جدام الناس مو حلوه اقوله

الا بعطيه شلوتي على خشته :D

حبر سري

لك الف شكر على الطرح الجميل
الشكر لك اخوي جولد بوي
خير الكلام ماقل ودل
اشكرك عالمرور

ماقدر اقول اذا تبي بطرش لك اسم أمي على الخاص :telephone:
هههههههههههههههههههه
ضحكتني الله يضحك سنك يالاداعي
الله يعطيك العافية وشكرا عالمرور

اذا المسأله معامله ولا في دوائر حكوميه هذا مافيها خلاف لازم تعطيهم الاسم
لاكن ربعي يعرفون اسامي اهلى واخواتي لا ليش مالهم داعي يعرفون
اللى يقولك وانا اخو فلانه هذي موب اسم اخته مثل اللى يقولك وانا ابو ناصر ولا هو متزوج
وبعدين امك ينقاله ام فلان وخواتك هذولا المفروض محد يدري باساميهم الا لو كان صغار مثل 6 سنين وتحت

وجهة نظرك عالعين والراس اخوي موصل
وياهلا

[قطري كشخه]

عادي اصلا انا عمري مانديت الوالده بأسمها دوم اناديها بأم سعود وله ام محمد واذا كنت برع اناديها نفس الشي ..

بالنسبه للأخت اختارلها اسم ام فلان بعد عشان تفتك:nice:

[سهم مديون]

السبب العادات والتقاليد التي اخذناها كابر عن كابر

[بن علان]

ليش الواحد يخجل من ذكر اسم اخته او امه جدام الناس؟؟

الموضوع أكبر بكثير من ذكر إسم الاخت والأم

احنا في قطر عيب عندنا نقول اختي وزوجتي ونستعيض عنها بالرضيعه و الاهل

يا ليت الخجل وقف عند حد ذكر إسم الشوفات إلا تخطاها بمراحل

يعطيك العافيه اخوي حبر سري

[STAR]

وحدة من صديقاتي تقوول انها تعرف وحدة اخوانها حاطين الورقة الصفرا( NOTE) على صورتها في البطاقة الشخصية..!!

[صليب الراي]

وحدة من صديقاتي تقوول انها تعرف وحدة اخوانها حاطين الورقة الصفرا( NOTE) على صورتها في البطاقة الشخصية..!!

هذا التصرف كان موجود لدى الغالبية العظمى من اهل قطر قبل 4 سنين فقط من اليوم
لكن الحين صار التصرف هذا وراه علامة تعجب واستغراب

اعتقد احوالنا تغيرت بشكل كبير و حاد و سريع جدا ماحد كان متخيل امورنا الاجتماعية توصل لهذا الحد من - التطور - على حسب رأي المتفتحين او - التدهور - على حسب رأي المحافظين .

[حبر سري]

عادي اصلا انا عمري مانديت الوالده بأسمها دوم اناديها بأم سعود وله ام محمد واذا كنت برع اناديها نفس الشي ..

بالنسبه للأخت اختارلها اسم ام فلان بعد عشان تفتك:nice:
نفتك؟
هذا السؤال ياقطري كشخة
نفتك من شنو بالضبط؟
:)

السبب العادات والتقاليد التي اخذناها كابر عن كابر
والنعم اخوي
ماقلنا شي
العادات والتقاليد على راسنا من فوق
لكن انا اسأل عن ظروف معينة
وشرايك؟

الموضوع أكبر بكثير من ذكر إسم الاخت والأم

احنا في قطر عيب عندنا نقول اختي وزوجتي ونستعيض عنها بالرضيعه و الاهل

يا ليت الخجل وقف عند حد ذكر إسم الشوفات إلا تخطاها بمراحل

يعطيك العافيه اخوي حبر سري
الله يعافيك اخوي ود
وهذا اللي ابي اعرفه


هذا التصرف كان موجود لدى الغالبية العظمى من اهل قطر قبل 4 سنين فقط من اليوم
لكن الحين صار التصرف هذا وراه علامة تعجب واستغراب

اعتقد احوالنا تغيرت بشكل كبير و حاد و سريع جدا ماحد كان متخيل امورنا الاجتماعية توصل لهذا الحد من - التطور - على حسب رأي المتفتحين او - التدهور - على حسب رأي المحافظين .

لا لا اخوي صليب الراي
مع احترامي لرايك
مهب هذا اللي قصدته
ارجع واقول محد بيمشي في السيتي مثلا وبيقعد يصارخ ياناس ياعالم , انا ولد فلانة , او انا اخو فلانة!!

ان سواها الناس بيقولون عنه مجنون , لكن انا تكلمت عن مواقف معينة , وقس على ذلك

عرفت اخوي؟
شرفني مرورك ياصليب الراي

[حبر سري]

وحدة من صديقاتي تقوول انها تعرف وحدة اخوانها حاطين الورقة الصفرا( NOTE) على صورتها في البطاقة الشخصية..!!

مرحبا اختي جامعة قطر

على فكرة ترى هالتصرف ناس واااااااايد يسوونه

الحين قولي الصورة شي ثاني

لكن انا استغرب والله من اللي يروح كيوتل مثلا يخلص معاملة حق اخته وهو حاط هالاستيكر عالصورة!!
طيب وشفايدة الصورة؟

وطبعا مثل ماقلت ياجامعة قطر هذا تصرف آخر ,

وحياج الله والف شكر عالمرور وابداء الملاحظة

[بيسان]

شوف في اعتقاد انو ازا عرفو اسم الام يعملولك عمل هيك تفكير الناس

:taunt: بصراحة كلامك صح ،،، اناس تفكيرها متخلف اكثر من هيك
بس للتذكير وليس اكثر
ورد بالقران الكريم ذكر اسم مؤنت واحد وحيد وهو

مريم مريم البتول العذراء اشرف نساء الارض
وقد كرمها الله بذكر اسمها في كتابه المبارك

وبالمقابل ، اشارة باشارة الى كل من (زوجة لوط ونوح عليهما السلام في قوله تعالى)
"ضرب الله مثلا للذين كفروا امرأة نوح وامرأة لوط كانتا تحت عبدين من عبادنا صالحين فخانتاهما فلم يغنيا عنهما من الله شيئا وقيل ادخلا النار مع الداخلين "

فما اجمل ان نذكر ونتذكر باللواتي يكن خيراً من النساء وليس فيها عيباً


اما اذا المسألة الواحد يستحي انه يقول هذه زوجتي او اختي لانها تجلب العار،،،، هذا شيء ثاني

تحياتي،،،،

[حبر سري]

:taunt: بصراحة كلامك صح ،،، اناس تفكيرها متخلف اكثر من هيك
بس للتذكير وليس اكثر
ورد بالقران الكريم ذكر اسم مؤنت واحد وحيد وهو

مريم مريم البتول العذراء اشرف نساء الارض
وقد كرمها الله بذكر اسمها في كتابه المبارك

وبالمقابل ، اشارة باشارة الى كل من (زوجة لوط ونوح عليهما السلام في قوله تعالى)
"ضرب الله مثلا للذين كفروا امرأة نوح وامرأة لوط كانتا تحت عبدين من عبادنا صالحين فخانتاهما فلم يغنيا عنهما من الله شيئا وقيل ادخلا النار مع الداخلين "

فما اجمل ان نذكر ونتذكر باللواتي يكن خيراً من النساء وليس فيها عيباً


اما اذا المسألة الواحد يستحي انه يقول هذه زوجتي او اختي لانها تجلب العار،،،، هذا شيء ثاني

تحياتي،،،،


الف شكر يابيسان عالاضافة الرائعة

[الارض]

والله ذكرتني بأيام التدريس كنت ادرس صبيان ولين الواحد غربلني في الصف اقوله والله ان ما قعدت لاعلم الصبيان باسم امك وانا ماعرف اسم امه بس ادري انه بيخاف وبيقعد خخخخخخخخخخخخخخ>>شريره

[بن علان]

اما اذا المسألة الواحد يستحي انه يقول هذه زوجتي او اختي لانها تجلب العار،،،، هذا شيء ثاني


اعتقد المسألة ليست عار ولكن والله أعلم في حال ذكر أسماء الشوفات الخوف من أن يذهب الخيال في اذهان الحضور لذا لا يصح ذكر أسماء الإناث في مجلس الرجال

رأيي صواب يحتمل الخطأ :discuss:

[واحد 11]

اخوي لازم تعرف شيء متأصل لدينا في الخليج الا وهو الحياء اهل الخليج تعودا على ذكر الوالدة او الزوجة والاخت ونعتهم بالأهل,,,ليس خجلا من ذكر اسمائهم بل لان الخليجي عموما لا يتعمق في تفاصيل اهله امام زملاءه..حتى في مناداة كبار السن من المستحيل ان تنادي شايب وتقوله يافلان بل راح تقوله يابوفلان ..وكذلك للعجايز..

مع ان امهات المؤمنيين نعرف اسمائهم وترد كذلك في كثير من الاحاديث

[بوخليفة3]

كل واحد وكيفه ووجهة نظره لان كل واحد حر في اهله
واذا توهق في مكان عام يكتب الاسم في ورقه ويعطيه للموظف او الموظفه وكان الله غفورا رحيما

[غدير البورصه]

المسأله مب خجل ولاكن غيره
الريال القطري وحتى اليهال يغارون على امهاتهم وخواتهم
لدرجة انهم يغارون على اساميهم


الله لايحرمنا من هالغيريه

ولا نوصل للي وصلو له الي يا بالفيت متمدنيين(((كووووول))

[حبر سري]

والله ذكرتني بأيام التدريس كنت ادرس صبيان ولين الواحد غربلني في الصف اقوله والله ان ما قعدت لاعلم الصبيان باسم امك وانا ماعرف اسم امه بس ادري انه بيخاف وبيقعد خخخخخخخخخخخخخخ>>شريره
ههههه
صج شريرة:omen2:

اختي اكيد راح يخافون لان الياهل يتعلم من الصغر ان ذكر اسم الام او الاخت من الخطوط الحمراء , ولا يجب تجاوزها بأي حال
شاكر لج مرورج اختي

اعتقد المسألة ليست عار ولكن والله أعلم في حال ذكر أسماء الشوفات الخوف من أن يذهب الخيال في اذهان الحضور لذا لا يصح ذكر أسماء الإناث في مجلس الرجال

رأيي صواب يحتمل الخطأ :discuss:
حياك الله اخوي ود
وشكرا على ابداء وجهة النظر


اخوي لازم تعرف شيء متأصل لدينا في الخليج الا وهو الحياء اهل الخليج تعودا على ذكر الوالدة او الزوجة والاخت ونعتهم بالأهل,,,ليس خجلا من ذكر اسمائهم بل لان الخليجي عموما لا يتعمق في تفاصيل اهله امام زملاءه..حتى في مناداة كبار السن من المستحيل ان تنادي شايب وتقوله يافلان بل راح تقوله يابوفلان ..وكذلك للعجايز..

مع ان امهات المؤمنيين نعرف اسمائهم وترد كذلك في كثير من الاحاديث
ياهلا اخوي واحد
اخوي انا ماقلت بتعمق
يعني محد مثلا بيذكر اسم اخته وبيقول : والله ترى عمرها كذا وتشتغل في المكان الفلاني وووووووووو .............. !
اكيد لا
لكن انا ضربت بعض الامثلة على ذكر الاسم في مواقف معينة

كل واحد وكيفه ووجهة نظره لان كل واحد حر في اهله
واذا توهق في مكان عام يكتب الاسم في ورقه ويعطيه للموظف او الموظفه وكان الله غفورا رحيما
اكيد اخوي بو خليفة كل واحد وكيفه
لاتتصور ان راح يكون قانون في الدولة مثلا يلزم كل شخص انه يقعد يصارخ جدام الناس ويقول ترى اسم امي فلانة:rolleyes2:

حياك الله وشكرا عالمرور

المسأله مب خجل ولاكن غيره
الريال القطري وحتى اليهال يغارون على امهاتهم وخواتهم
لدرجة انهم يغارون على اساميهم


الله لايحرمنا من هالغيريه

ولا نوصل للي وصلو له الي يا بالفيت متمدنيين(((كووووول))

هلا اختي غدير البورصة

المسألة مالها علاقة بالتمدن
يعني هل اللي يذكر اسامي هله بيكون متحضر مثلا؟
وهل اللي مب ذاكرهم بيكون متخلف؟

انا اتكلم عن مواقف معينة

شاكر لج مرورج اختي غدير البروصة

[ALRAYYAN]

والله انا من رايي ان ذكر اسم الاهل بدون سبب أو على أقل شي ماله داعي وتعتبر من الخصوصيات
ولكن في نفس الوقت مو عيب .. لكن مثل ماقلت مب من أقل شي اقول اسم زوجتي أو أمي أو أختي .. الخ
يعني تعتبر عدم تهذيب منك لما تذكر الاسم على اتفه شي
وممكن على قدر ماتقدر تقول أم فلانه أو أم فلان .. أما اني احكر نفسي واحرج نفسي عشان مانطق الاسم هذا العيب

تقبل مروري فديت خشمك

[thefoox]

بكل بساطه عيب

[حبر سري]

والله انا من رايي ان ذكر اسم الاهل بدون سبب أو على أقل شي ماله داعي وتعتبر من الخصوصيات
ولكن في نفس الوقت مو عيب .. لكن مثل ماقلت مب من أقل شي اقول اسم زوجتي أو أمي أو أختي .. الخ
يعني تعتبر عدم تهذيب منك لما تذكر الاسم على اتفه شي
وممكن على قدر ماتقدر تقول أم فلانه أو أم فلان .. أما اني احكر نفسي واحرج نفسي عشان مانطق الاسم هذا العيب

تقبل مروري فديت خشمك
هلا والله بالريان
مرورك يشرّفني
ووجهة نظرك عالعين والراس

بكل بساطه عيب
شكرا عالمرور

[biz-qtr]

والله انتو يالشباب ما عندكم سالفه بعدين بوحارب الحين لو قلت له مثلا روح ناد لي وحده يعني مب قايله له ان اسم اختك او امك كذا ...... انا ادري انك تعطي مثال فيه ناس يسونها ترى

هالاشياء اندثرت وولت خلااااص

يعني تقول اسم هلك للضروره اوكي بس عاد مب حلاااااوه :)



وياليت تغيرون افكاركم العتيجه :)

تسلم ع الموضوع خيوووووو لاهنت

[حبر سري]

والله انتو يالشباب ما عندكم سالفه بعدين بوحارب الحين لو قلت له مثلا روح ناد لي وحده يعني مب قايله له ان اسم اختك او امك كذا ...... انا ادري انك تعطي مثال فيه ناس يسونها ترى

هالاشياء اندثرت وولت خلااااص

يعني تقول اسم هلك للضروره اوكي بس عاد مب حلاااااوه :)



وياليت تغيرون افكاركم العتيجه :)

تسلم ع الموضوع خيوووووو لاهنت




اختي الكريمة BIZ QTR
والله رايج وكلامج على راسي , لكن تذكري كل واحد له راي ترى , في ناس يشوفون هالشي تقليد منيع صعب الكسر باي حال , وهذا شأنهم , ماضرّوا احد , كيفهم

مع العلم ان رايي من رايج مثل ماوضّحت في أكثر من رد , لكن على قولتج مب حلاوة

شاكر لج مرورج الشيخة
وحياج الله

[قناص الاسهم]

انا ما أشوف ان فيها شي لو ذكرت اسم امي الله يطول بعمرها .. او اختي ربي يحفضها .. بس الاهم من ذلك : من الي طالب الاسم وشنو هدفة من السؤال ؟
يعني لو كان طبيب او محامي او موظف بوزارة اكيد بيكون له سبب من وراء سؤاله عن الاسم لمصلحة ما .. اما اذا كان واحد من الشارع وسألني :
شنو أسم أمك يالطيب ؟
بيلاقي العقال يلعلع على ظهرة لا شعوريا :shy:
لان شي ما يعنية ولا يخصة :nice:

[حبر سري]

انا ما أشوف ان فيها شي لو ذكرت اسم امي الله يطول بعمرها .. او اختي ربي يحفضها .. بس الاهم من ذلك : من الي طالب الاسم وشنو هدفة من السؤال ؟
يعني لو كان طبيب او محامي او موظف بوزارة اكيد بيكون له سبب من وراء سؤاله عن الاسم لمصلحة ما .. اما اذا كان واحد من الشارع وسألني :
شنو أسم أمك يالطيب ؟
بيلاقي العقال يلعلع على ظهرة لا شعوريا :shy:
لان شي ما يعنية ولا يخصة :nice:

:nice:
والله ضحكني ردك ياقناص الاسهم
الله يخلي لك هلك ويبارك فيهم
وهذا الكلام اللي انا اقوله بعد

يعني وقت الحاجة , المفروض الواحد مايتحرّج


لكن مب بدون سبب واحد منيه والدرب : اقول يابو الشباب , شسم امك؟؟
اكيد السؤال غير منطقي

هذا لو سائل عن اسم الدريول ماني بمعطه:nice: