سؤال عن شركة شلمبرجيه

[امل الحب]

السلام عليكم ورحمة الله وبركااته

ممكن حد يفيدني وين مكانهم بالضبط في الدوحة..؟

واذا في موظفين هناك .. شرايكم فيها بشكل عاام وهل تنصحون بها او لا من ناحية تطوير دوام معاملة ... الخ؟

بانتظار الرد :)

[نبـــــراس]

ما عندي اي معلومه عنها .. ان شاء الله يفيدونج الاعضاء
الله يوفقج يا امل ويسهل دربج دنيا واخره :)

[قطري كشخه]

شنشاط الشركه ومكانها لانه حزات الاسامي تنسي ولكن بالنشاط تنذكر وعشان نقدر انفيدج اختي

[Abu Deeb]

شركة فرنسية اعتقد مجالها في البترول شركة كبيرة حول العالم كخبرة أعتقد أنها يابشمهندسة من أفضل الشركات أحد أصدقائي يعمل بها لكن خذوة برة الدوحه لكن بخصوص الخبرة والتطوير أنصحك بها
وبحاول اعرفلك وين مقرهم بالضبط لأني ما أعرفة بصراحه
والله يوفقك

[Qatar4all]

شركة فرنسيه ونشاطها في البترول ومن أقوى الشركات ولها فروع في كل دول الخليج على ما أظن :... اللي أعرفه دوامهم حيل صعب والريال محسوب حسابه :.. بس من ناحية التطوير للموظف انصح فيها ويكفي اسم الشركه يكون في السيره الذاتيه :...

[dewyguy]

اللي اعرفه انه الشركة في شارع 24 في الصناعية

[المخفي]

شركة شلمبرغيه تعتبر من أفضل شركات الحفر في العالم و مقر فرعهم في قطر يوجد في برج السلام و لكن مواقع العمل متفرقة حول العالم مثل اليمن و نيجيريا و دول أخرى متفرقة و رواتبها عالية جداً و تهتم بتطوير موظفينها كثيراً و لكن يعيبها أشتراط المتقدم لها أن يكون أعزب و جو العمل جو فاسد حيث يحدثني صاحب لي كان يعمل في الشركة ان بعض اللقاءات تكون في البار و الشركة تشجع على الفساد و الأختلاط حيث أن صاحب الشركة يهودي

[سداوي&مدريدي]

شنو شركة شلمبرجيه :eek5:

اول مره اسمع عنها :omen2:

شكلها شركه المانيه

[بوخالد911]

Sorry

no idea


all the best

[OutLaw]

الشركه هذي عالميه والي انا اعرفه عنها انها شركه ممتازه و لي صديق كان موظف عندهم

وياريت بس اعرف شنو الي تبي تعرفه عنهم بالضبط انا الي فهمته منه انها شركه تهتم في موظفينها واسرهم بشكل كبير ومشكلته وياهم كثرة السفر هذا الي خلاه يطلع من عندهم
بس ياريت افهم منك تبي تستفسر عن شنو بالضبط على اساس اقدر اسئله وافيدك

[حالي الذوق]

Schlumberger شركة شلمبرجير
شركه فرنسيه تختص بمجال البترول والغاز سوا حفر او صيانه او اختبارات للأبار بعد وقبل الحفر
شركه ممتازه وما عليها كلام بس شغلهم صعب وخاصه في المواقع سوى للمهندسين او الفنيين المناوبه قد تستمر لمدة 36 ساعه متواصله وبدون نوم. الا في حالات الشفتات وتعتبر نادره.
اذا شغل ادراري فشبها باي اداره تختص بمجال البترول دوام 8 ساعات يوميا

في دورات خارجيه وداخليه مستمره للموظف.

موقعهم اعتقد وكما ذكر dewyguy بان موقعهم شارع 24

[خــطــافــ]

مشكلتهم انه المكان مش مضمون

يعني مش شرط في قطر

لازم التنقل في المواقع التابعه للشركه في كافة انحاء العالم

[GPC]

السلام عليكم ورحمة الله وبركااته

ممكن حد يفيدني وين مكانهم بالضبط في الدوحة..؟

واذا في موظفين هناك .. شرايكم فيها بشكل عاام وهل تنصحون بها او لا من ناحية تطوير دوام معاملة ... الخ؟

بانتظار الرد :)

برج السلام على الكورنيش

[شقردي]

والله ماقصرو الشباب كفو ووفو لكن اللي اعرفه عنها شركه تبع حفر الابار البترول ولها فروع كثيره في اغلبية البلدان وراوتبها عاليه وتطور موظفينها بالدورات ولكن للاسف مالها تقاعد يعني اذا بتكسبي منها خبره فقط وراتب لكن ماتصلح الا لشاب اعزب لان اغلبية اعمالها خارجيه او اذا انتي حابه تشتغلي فيها في الاداره

[امل الحب]

شكرا لكل الي جاوبوا..

جزاااكم الله خير..

انا رحت الانترفيو وتحسفت بصراااحة.. طريق صعب من قلب اول شي..

ثاني شي قالي الوظيفة لازم تنزلين حقول :)

قلت له سوري انا ياية على اساس مهندسة كمبيوتر.. المهم وبين اثر الازمة الاقتصادية عليهم وان مايبون توظيف مكااتب وووالخ..

محاولة الاقناع بنزول الحقول البحرية مانفعت مع ان اعطى امثلة على عمانيات واماراتيات..

وانتهى برفضي نزول الحقل :)

كل الشكر لكم