المعروف إنك تاخذ المهر معاك كاش أو بشيك , أما إنك ترسله بهالطريقه !!!!

[الوعب]

المعروف إنك تاخذ المهر معاك كاش

أو بشيك وتسلمه لـ والد المخطوبة

أما إنك ترسله بهالطريقة !!!!

بصراحة شيء جديد

7

7

7

7

7

7

7

7

7

7

7

7

7

7

7



41744

::::::::::::::::::::::::::::::

41745



لا تعليق

[مالي ومال الناس]

الحمدلله على نعمة العقل

[سداوي&مدريدي]

بيتحاسبون عليها يوم القيامه

[Bo jassim]

هههههههههه عجيب

[الجافي]

هههههههههه مسكينة العروس

[شاهيناز]

بيتحاسبون عليها يوم القيامه

وضيف ان النعمه زواله


الحمدلله على النعمه
ونعمه العقل

[Mo0o0oM]

بصراحة انا اشوف فيها اهانة للبنت اذا كان هذا صج مهرها وحاطينه بالطريقة هذي !!!!!!

بس احتمال تكون هالسلة تشكيلة ورق على شكل فلوس يعني يعني مو صج . . :eek5:

[اسعاف]

انا رايت بعض السعوديين يتفننون في تقديم المهر


ومثل هذا الشكل عادي عندهم

ترى هو من كثرة ما عانى من تجميع للمهر طول هل السنين حب يحتفل فيه بطريقة مختلفة

[صقر عربي]

لو عرفواوايقنوا كلام الله ورسوله الكريم سيدنا محمد صلى الله عليه وسلم مافعلو ا الشي هذا

اقل هن مهراً اكثرهن بركه

[قطري كشخه]

اول مره اشوف هالطريقه لكن حزات نشوف طرق انه مثلا يحطون الفلوس في صندوق ذهبي ومزين ..

بس بالنسبه لهطريقه بتهلك العروس وهي تكوي الفلوووس هههههههه شكله حب يشقيها من اول يوم

[واحد 11]

بصراحة حركة حلوة :) عجبتني بس من يقدر يخمن كم المهر:eek5:

[الخير كله]

انا بعد اقول فنتك ...........بس كشخه........

[wqatar]

الحمدلله على النعمه
ونعمه العقل

[khalil966]

الله يعين العروس و اهلها قعدو طول الليل يفردون الفلوس و يكونها ................

بصراحه طريقة بايخه جدا و فيها اهانه للعروس و اهلها و لو انا من اهل العروس البس السله المعرس و اطرده !!

[بنت^البحرين1]

مب حلوة كلش

انا اشوف عندنا وااااايد حركات يسوون ، ناس في صندوق مغلف بورود وناس يحطونها في علبه مزينه وخرابيط

حلاته الفلوس في ظرف وكان الله غفورا رحيما شحقه هالتفنتك واللعبه ماله داعي

[الوعب]

الحمدلله على نعمة العقل


الحمدالله على كل حال ونعوذ بالله من حال اهل النار

[أخت الغالي]

ههههههه ماعندهم سالفة صج ملل ..

[الطيبة كلها]

هذي وحدة سعودية فنانه تسوي الفلوس - الله يعين

[لوردغاليري]

ههههههههههههههههههههه


تضحكون

العالم هابييييييييييييييييين في هالفناتك
بس هالديزاين قديم
انتو ماشفتوااا
باقة الورد بالخمسميات
تخيلو بدال الورد كل خمسميه ملفوفه جنها ورده روز
ومعاها ورد طبيعي

حلو التغير ومايتعاقبون عليه ولا شي احنا سالنا الشيخ قبل خطوبة اخوي احنا مادسناه او قطيناه ع الارض
لا لا
تفتون
ومبروك للعرسان

[بوحارب]

:(:(:(

[الوعب]

ههههههههههههههههههههه


تضحكون

العالم هابييييييييييييييييين في هالفناتك
بس هالديزاين قديم
انتو ماشفتوااا
باقة الورد بالخمسميات
تخيلو بدال الورد كل خمسميه ملفوفه جنها ورده روز
ومعاها ورد طبيعي
حلو التغير ومايتعاقبون عليه ولا شي احنا سالنا الشيخ قبل خطوبة اخوي احنا مادسناه او قطيناه ع الارض
لا لا
تفتون
ومبروك للعرسان


وين الصور

[سهم قوي]

الحمدالله والشكر على نعمة العقل وصدق تخلف والنعمه زواله

[qatar lady]

اخبر هالحركة يسوونها بعض الناس الي ماعندهم سالفة غير الفشااااار والترزرز جدام خلق الله.. كنقوط للطقاقات يوم يغنون باعراسهم ..
@@
بس اذا صارت كحركة للمهر .. فــ.... والا اقول خلوني ساكته

:)

[حقيقه]

خل يستانسون واشفيها يعني
يقدمه لها بأي طريقه
وشنو الاهانه اللي فيها ؟
مافيها اي شيء

[غناتي1]

هاذي واحدة من فناتك اخوانا الاماراتيين

وفيه اللي اكثر وأعبر من هالشئ وخصوصا نقوط العروس

حظظظظظظظظظظظظظظ الطباااااااااااااااااااااااااااااااالات

[الوعب]

هي حركه جديده--------------:tease:

ان كان الفلوس في ظرف او صندوق او مع كافي او ورد هو رايح للعروس

وبتستلمه نقدي نوط ينطح نوط

[jassim_9]

هل الحركة انا شيفها في الدوحة من سنتين كنت في محل الورد وكان واحد يسوي باقة ورد مع خمسينات

[qatari1]

هذه سفاهة ونقص في العقل.

عافانا الله.

[ذوق]

بالعكس طريقه مبتدعه واعتبره ذكــاء .... وحلو الواحد يكسر الروتين

[خالد32]

ماعندهم سالفه
الحين الفلوس شكلها غلط وهي مربوطة باستيك؟
الحمد لله على نعمة الباقي من العقل

[qatar600]

لا يقم بمثل هذه الحركات ، إلا من هم..

محدثي نعمـة..!!

[!قطريـة بنت القمـر!]

اشـوف الحركـة عاديـة ما تستاهل ان نفتـرض انهم سفهاء وبيدخلون النـار احنا ما دشينا بقلوبهم عشان نفترض انها لعب بالفلوس ومجرد استعراض و اهانة للعروس .... اشوفها حركه جديده دام ان الفلوس بتناخذ وقصد المعرس انه يبتكر للعروس شي مميز وكلن على نيته :) .... مب شرط نسوي هالحركات ولكن على الاقل ما نفترض دخول اللي يسونها نار جهنم :telephone: ....