اقساط المدارس الخاصة .. والزيادة السنوية ..

[anything99]

لم استلم كتاب رسمي بزيادة الاقساط السنوية من مدرسة اطفالي الخاصة .. ولكن وصلني من بعض العاملين في المدرسة انه ستكون هناك زيادة بما يقارب ال 10% وفوق !!! هل سنكون تحت الامر الواقع في بداية السنة المقبلة كما حصل في هذا العام الدراسي .. وهل يعقل هذا .. لا يوجد بديل اخر واعداد المدارس بكل انواعها لا تستوعب مجموع الطلاب في البلد .. هل ستتقاسم الجمعيات التعاونية والمدارس الخاصة والمجمعات التجارية الزيادة المرتقبة في الراتب !!! لا حول ولا قوة الا بالله ..

[فارس الكلمة]

هل هذه مدرسة أجنبية .. أم مدرسة عربية خاصة ..؟

المبررات كثيرة لزيادة أقساط المدارس .. لكن من يفندها أو يعترض عليها ..؟

[الطيبة كلها]

احنا بعد مدرسه الشويفات عندي 3 بنات يكلفوني قريب50 الف يعني هاي حاله( الدراسة بفلوس)

[anything99]

هل هذه مدرسة أجنبية .. أم مدرسة عربية خاصة ..؟

المبررات كثيرة لزيادة أقساط المدارس .. لكن من يفندها أو يعترض عليها ..؟

اعترضت سابقا لادارة التعليم الخاص على ما اذكر .. وفعلا ذكررولي عدة مبررات .. منها زيادة رواتب المدرسيين .. !! يعني المحصلة مهما كانت الزيادة فلصاحب المدرسة الحق فيها .. ولا اعلم هل هناك من يراقب ويتحقق من كل ما يجري ..

[ANONYMOUS]

من يبي العليا يرقى لها

[فيزيائية]

احنا بعد مدرسه الشويفات عندي 3 بنات يكلفوني قريب50 الف يعني هاي حاله( الدراسة بفلوس)

انا ثنتين بالمها ب50 !!!
احنا ندفع من جيوبنا...
والاجانب اشغالهم تدفع عنهم :omen2:

[OREO]

اقول حق البعض ..اللي ما عنده مهب مجبور يدخلهم مدارس خاصه .. عندكم المستقله و كفايه ..

-------------

اخوي anything99 اللوم مهب على المدارس الخاصه .. اللوم على حكومتي هي اللي قاعدة ترفع الاسعار

سواء بهدم البيوت او دخول الاجانب بالطريقة العشوائيه ..

و بالتوفيق اخوي و الله يكون بعونك ..

[رحال]

الشكوى لغير الله مذله !!!

المواطن يدفع ، والأجانب أماكن عملهم تغطي تكاليفهم !!!

[ROSE]

مادري اذا فيه ضوابط لهالمدارس ولا على كيفهم ممكن حد يفيدنا بهالشي

[الطيبة كلها]

اااااااب

[chillis]

هم يرفعون اسعار الدراسه بس مافي مقابله اي خدمات عدله يعني اغلب المدارس الاجنبيه مافيها مميزات كبيره عن المستقلات الحين مجرد انه يعتبر اغلبه نهب ولا في رقابه من الوزاره ولا شي لو الطفل ايسبوع يتغيب عن مدرسته محد سال فيه انا اقول اغلب المدارس الاجنبيه مو كلها

[سوق واقف]

موضوع جميل

الصراحة أنا أدفع كل شهر لعيالي في الروضة 5000 الاف ريال

حرامية كانت قبل ثلاث سنوات 2000 عقب زادوا 200 والحين بعد زادو وصارت كل طالب 2500 في الشهر
المشكلة تدريسهم حلو للأطفال ونظام بريطاني حلو

[anything99]

هم يرفعون اسعار الدراسه بس مافي مقابله اي خدمات عدله يعني اغلب المدارس الاجنبيه مافيها مميزات كبيره عن المستقلات الحين مجرد انه يعتبر اغلبه نهب ولا في رقابه من الوزاره ولا شي لو الطفل ايسبوع يتغيب عن مدرسته محد سال فيه انا اقول اغلب المدارس الاجنبيه مو كلها

هذي هي النقطة الاساسية في الموضوع.. اي شخص مستعد يدفع مقابل اي تطوير للتعليم من اي نوع بيصب في النهاية في مصلحة العيال .. لكن كل سنة زيادة وما في اي تحسن ملموس .. الله المستعان

[anything99]

مادري اذا فيه ضوابط لهالمدارس ولا على كيفهم ممكن حد يفيدنا بهالشي

نفس السؤال .. !

[بورصجية]

والله وانا كمان
اولادي الاتنين في مدرسة الخليج الانجليزية
وكل سنة بيرفعوا الاسعار بنسبة لا تقل عن 25%
ولا شغلي ولا شغل زوجي بيدفعوا شي
كل رواتبنا رايحه على تعليم العيال
بس في المقابل مستوى التعليم يستاهل

لكن لازم يكون في حد للزيادات دي
ما ينفعش كل سنة زياده على كيفهم
لما يكون ابني لسة ما دخلش اول ابتدائي ومصاريفو اكتر من الـ 20 الف .... حرام داه ولا حلال؟؟
اومال لما يدخل اعداي ولا الجامعة هدفعلوا كام؟؟

لازم يكون للمدارس دي وقفة

[chillis]

انا اقول على كثر الزياده كل سنه ما نشوف مقابل ملموس يادوب يعني والله لو تروح اغلب المدارس تجاريه ميه ميه والتعليم ممكن يكون المنهج قوي بس ما يعطون المنهج بذمه وغير الشغلات الثانيه من حيث كادر التدريس والرحلات المدرسيه قليله انا بذكر وحده من المدارس بحكم انه عندنا يهال فيها الكمبردج مثلا يرفعون اسعار بس خدماتهم زفته الحين صار لنا كم شهر نبي نقابل المديره وللحين ما تشرفنا بطلتها يقولون لنا السبت ويمر سبت ورا سبت وللحين حنا ناطرين مقابلتها وطبعا غير السيئات الثانيه والله انه حالتهم حاله وغير فتح باب المدارس بمواعيد ما تناسب الاهالي يعني الحاله حاله بس سمعت انه من السنه الجايه التعليم الاهلي راح يشدون على المدارس الخاصه وبقوه ونتمنى منهم يعني خدماتهم مو على قد الفلوس الي تندفع

[شيزكيك]

بالنسبه لي عيالي كانوا في الخاص وعقب ما قدرنا نغطي التكاليف والحين هم في المستقله

واحنا ماتدفع لنا الدوله رسوم حق تعليمهم ولا كوبونات

والحمدلله على كل حال

والصراحه مساكين ربعي كل سنه المدرسه توزع عليهم اوراق بزيادة الرسوم وفي بعضهم

داشين جمعيات علشان يوفرون الرسوم


وبعد لاحظت شي ان الطالب المفروض في المدرسه الانجليزيه يكون شاطر ومتمكن من اللغه

ليش ربعي حاطين مدرسين خصوصيين حق عيالهم

[الرايــق]

شفيها مدارس الحكومة يعني؟؟:(
درسنا وتعلمنا وتخرجنا من الجامعة

بس بعد كنت ادفع :secret:

بالتوفيق للجميع

[chillis]

انا اقولك ليش في سببين

1) انه هيئة التدريس مهب شي يجوز

2) في وايد اطفال ترا بالمدارس الاجنبيه ما يمشون مو قلة عقل لا يكون يعني مممكن استيعابه بالمدارس العربيه وايد احسن ترا عن تجربه والله انا رفيجتي ولدها ما مشى بالمدرسه الاجنبيه طلعته يوم راح مستقله صار ممتاز :)

وبعدين المدارس الاجنبيه كلغة انجليزيه يبيلها ممارسه بالبيت وبرا البيت يعني من قراءة قصص لين كتب وجذي

وتخيل الحين بعض المدارس الاجنبيه الصف الواحد فيه 30 طالب وطالبه يعني انت شارد من الحكومه بسبب عدد الطلبه صارت الاجنبيه نفسهم

[سهم ماينزل]

إن شاء الله تعالى تكون هناك ضوابط لهذا الامر