المساعد الشخصي الرقمي

مشاهدة النسخة كاملة : اعتزال (لاعب)


الوجبه
22-02-2009, 08:53 AM
بسم الله الرحمن الرحيم

والله ما ادري كيف ابتدي بالموضوع .. كل يوم طالعين لنا في البلد بحاجه جديده في الصرف

والتبذير .. يعني المواطن (يزعق) باعلى صوته من الغلا غير هذا عيون الناس كلها على قطر

في ظل (انهيار) الاقتصاد العالمي يشوفون قطر تنظم مهرجان اعتزال للاعب خدم في المنتخب

فتره بسيطه وكلها في بطولات (محليه) حتى في تمثيل المنتخب مثلها في بطولات مجلس

التعاون .. ممكن سوال بسيط

ايش الجدوى من مهرجان اعتزال اي لاعب في قطر ..

هل وصل الاعبيين لمستوى انهم يساهمون في وصول المنتخب لكاس العالم حتى ينعمل لهم

اعتزال ..

الاعب اللي انعمل له مهرجان اعتزال (يلعب) ابلاش قبل ولا ينصرف له راتب شهري ..

بالنسبه للاعبين في الانديه الاخرى اللي ما عندهم امكانيات كيف يعملون مهرجان اعتزال و

كيف بيقدرون لاعبينهم ..

الاعب هل هو اقوى من النادي يفرض عليهم شروطه ..

وهل (قدر) الاعب بلده ووصل ناديه او منتخبه للبطولات العالميه حتى يتم عمل مهرجان

اعتزال له (وتقديره) ..

كم المبالغ المصروفه لمهرجان الاعتزال .. في حال استدعاء نادي او منتخب عالمي ..

يا اخوان ..

القدم لعبه جماعيه مش فرديه عشان يتكرم فلان وعلان .. لعبه تعتمد على الجماعه

يعني اللي معتزل (لحاله) ما يقدر يعمل حاجه بدون الفريق (كامل) .. انا مش عارف سالفه

الاعتزال ما اشوفها الا في الخليج بس .. يعني شفنا لعيبه عالميين كانت لهم بصمه

واضحه في القدم وخاصه في الهجوم وساهمو في وصول فريقهم لكاس العالم ومن ثم

احراز الكاس .. اما في الخليج اذكر لي لاعب ساهم في وصول الفريق لكاس العالم او مركز

متقدم ..

اتمنى من بعض الانديه انها تترك (البذخ) واذا عندهم فكره انهم يفكرون في مهرجان

اعتزال فاتمنى انه يلعب طول حياته (ابلاش) او مبلغ رمزي ..اما تنصرف لهم مبالغ شهريه

غير علاوات الفوز في بطولات (داخليه) غير المطالب الخاصه من سيارات وتفرغ من العمل

واراضي وطلبات خاصه .. ودلع .. وبعدها انا بعتزل ابغي النادي الفلاني ...

على فكره النادي

الفلاني اوروبي او مصري او غيره .. بس عليك الحسبه ..

سوال للمسئوليين ..

قطر عندها ازمه اقتصاديه ولا ما عندها .. وازمتها على من بالضبط ..

وسلامتكم
::.Silent.::
22-02-2009, 09:01 AM
قصدك اعتزال جفال اللي ماله اي داعي ..

يا ناس العبوا مع منتخب خليجي وانتهى الموضوع

شنو راح نستفيد من دعوة ميلان والنجوم الكبار

ومعروف نادي ميلان انهم يجون الصبح ويرجعون بنفس اليوم بالليل على طائره خاصه

بـــــ ....... مليون يورو .. طبعا اللي فاضي يقعد يحط الرقم



الله المستعان في ديره ابتدى يختفي فيها الامان
الوجبه
22-02-2009, 09:06 AM
في اكثر من لاعب لعبو في كاس العالم .. ما شفنا لهم اي مهرجان اعتزال .. والله اللي صحيح يستاهل

في لاعب برازيلي اسمه (زيكو) هذا الاعب يا اخوان يوم عمل الهرجان حضرو الاعبيين بدون دعوات .. ونشوفه الامن مدرب .. هذا للي خدم صحيح ..

لكن لعيبتنا من( يعرفهم ) بصراحه من يعرف مبارك مصطفي او جفال راشد او غيرهم والله محد درى عنهم .. هل بنشوفهم مدربيين بعد الاعتزال .. ؟


صرف مبالغ ضخمه على الفاضي .. وبدون نتيجه
شاي كرك
22-02-2009, 09:13 AM
انا بصراحة لا افقه بمثل هالامور بالتحديد بس على طاري نادي السد .. هالنادي يعرف شلون يدبر أموره في الفترة الأخير بالتحديد ..

يعني .. دعوته لإسي ميلان الايطالي لم تأتي من فراغ .. وحسب ما سمعت انه مسوي خطة تسويقية لجني ارباح أكبر من الخسائر المتوقعه من المهرجان ، مثلاً : " مجهز كبائن خاصة للـ vip بمبالغ كبيرة تقدر بالآلف ، تذاكر باهظة الثمن ، دعاية الشركات أثناء المهرجان ، وغير الدعاية والصيت اللي ما تقدر بثمن ووووو ..

وفعلاً النادي قاعد يتحرك تحركات " ايجابية بعكس الأندية الأخرى " ..

فإذا كان الموضوع بهالطريقة فإن الامر يدخل في مجال ما يسمى .. " مصادر دخل المنشأة" .. :)

ومشكور أخوي على الموضوع
هتـان قطر
22-02-2009, 09:13 AM
معك حق اخوي الوجبة..ومادام الميزانية مفتوحة ومسموح لهم

يخيطون ويلبسون من مال الشعب ..بدون حسيب او رقيب ..ليش ما يسوون..؟
الدوحه%
22-02-2009, 09:14 AM
والله انك صادق ياخوي
لكن في فتره من الفترات اعتزل لاعب كوره طبعا واللي مادرى عنه من لعيبتنا ,,
لكن الجرايد ماكانت تسكت ان وين مهرجان الاعتزال حق فلان اللي لعب ومثل قطر
كأن الموضوع واجب وطني...
انا معاك ان الموضوع تبذير وبذخ على الفاضي
تقبل مروري
عنيــــد
22-02-2009, 09:17 AM
شوف يا عزيزي ..

هي ارزاق من الله ،، يعني اتذكر في حفل اعتزال يوسف الثنيان في السعودية ،، نفس الشي جابوا له نادي فالنسيا الاسباني ..

كان الاتفاق حسب ما سمعت كالآتي :

عضو شرف راح يتكفل بجميع التكاليف المترتبة على مهرجان الاعتزال

و مقابل ذلك له :

حقوق النقل التلفزيوني مع الاعلانات في المباراة ..

و اللاعب له :

الجوائز و الهدايا المقدمة له من كبار اعضاء الشرف و الشخصيات المرموقة و جماهير اللاعب ..


-------------------------

بشكل مختصر ..

الشغله مافيها خساره على حد .. هو مهرجان رياضي و التكاليف تغطيها حقوق النقل التلفزيوني ،، و السد يقدر يعوض المبلغ من خلال العوائد و ممكن يتنازل عنها لصالح اللاعب الخلوق جفال راشد ..

و اللهم ارزقني و ارزق مني :tease:
الألماسي
22-02-2009, 09:18 AM
يعني .. دعوته لإسي ميلان الايطالي لم تأتي من فراغ .. وحسب ما سمعت انه مسوي خطة تسويقية لجني ارباح أكبر من الخسائر المتوقعه من المهرجان ، مثلاً : " مجهز كبائن خاصة للـ vip بمبالغ كبيرة تقدر بالآلف ، تذاكر باهظة الثمن ، دعاية الشركات أثناء المهرجان ، وغير الدعاية والصيت اللي ما تقدر بثمن ووووو ..

وفعلاً النادي قاعد يتحرك تحركات " ايجابية بعكس الأندية الأخرى " ..




اخوي شاي كـرك . .

صباحـك ورد :)

الكبينه بــ 10 الاف ريال . .
المنصه الرئيسيه 1500 ريــال . .
وغيره و غيره من الأسعار . .
اقلهـا 250 ريـال خلـف المرمى . .

وكـل هـ الفلوس ستذهب لحساب اللاعب جفال راشد . . :)

هذا ما صرحـّوا فيه الجماعه بنادي السد . .
الشعال
22-02-2009, 09:23 AM
يقولون مبارك مصطفى زعلان يبي نادي كبير في مهرجان اعتزاله
شاي كرك
22-02-2009, 09:23 AM
اخوي شاي كـرك . .

صباحـك ورد :)

الكبينه بــ 10 الاف ريال . .
المنصه الرئيسيه 1500 ريــال . .
وغيره و غيره من الأسعار . .
اقلهـا 250 ريـال خلـف المرمى . .

وكـل هـ الفلوس ستذهب لحساب اللاعب جفال راشد . . :)

هذا ما صرحـّوا فيه الجماعه بنادي السد . .



ياليتك اقتبست ردي بالكامل عشان البعض ما يقول ان " كرك" قاعد يغرد خارج السرب ..




انا بصراحة لا افقه بمثل هالامور بالتحديد بس على طاري نادي السد .. هالنادي يعرف شلون يدبر أموره في الفترة الأخير بالتحديد ..

يعني .. دعوته لإسي ميلان الايطالي لم تأتي من فراغ .. وحسب ما سمعت انه مسوي خطة تسويقية لجني ارباح أكبر من الخسائر المتوقعه من المهرجان ، مثلاً : " مجهز كبائن خاصة للـ vip بمبالغ كبيرة تقدر بالآلف ، تذاكر باهظة الثمن ، دعاية الشركات أثناء المهرجان ، وغير الدعاية والصيت اللي ما تقدر بثمن ووووو ..

وفعلاً النادي قاعد يتحرك تحركات " ايجابية بعكس الأندية الأخرى " ..

فإذا كان الموضوع بهالطريقة فإن الامر يدخل في مجال ما يسمى .. " مصادر دخل المنشأة" .. :)

ومشكور أخوي على الموضوع




ومع ذلك شاكر لك توضيحك .. :)
الألماسي
22-02-2009, 09:28 AM
ياليتك اقتبست ردي بالكامل عشان البعض ما يقول ان " كرك" قاعد يغرد خارج السرب ..



ومع ذلك شاكر لك توضيحك .. :)


لا تصيـر حســّـاس . . ما قصدت إني أخليـك تغرد السـرب . . بس كانت جزئيه من ردك اللي ابي ارد عليـها و اقتبستها . .

خلاص أسفـوون . . :)
الوجبه
22-02-2009, 09:30 AM
ممكن احد يعطينا كم المبلغ حق المنتخب الاوربي .. نشوف الحسبه كيف تطلع .. لاني ما اعتقد ربعنا

شاطرين في جلب منتخب عالمي بدون (خسائر)
شاي كرك
22-02-2009, 09:31 AM
لا تصيـر حســّـاس . . ما قصدت إني أخليـك تغرد السـرب . . بس كانت جزئيه من ردك اللي ابي ارد عليـها و اقتبستها . .

خلاص أسفـوون . . :)




لا " والله " بالعكس .. سعيد جدا بمداخلتك .. ووحشتنا صورة معرفك ..

بس باعتقادك .. الاموال كللللللللللللللها راح تكون في رصيد جفال ؟؟ ما اعتقد :)
سداوي&مدريدي
22-02-2009, 09:31 AM
انا بصراحة لا افقه بمثل هالامور بالتحديد بس على طاري نادي السد .. هالنادي يعرف شلون يدبر أموره في الفترة الأخير بالتحديد ..

يعني .. دعوته لإسي ميلان الايطالي لم تأتي من فراغ .. وحسب ما سمعت انه مسوي خطة تسويقية لجني ارباح أكبر من الخسائر المتوقعه من المهرجان ، مثلاً : " مجهز كبائن خاصة للـ vip بمبالغ كبيرة تقدر بالآلف ، تذاكر باهظة الثمن ، دعاية الشركات أثناء المهرجان ، وغير الدعاية والصيت اللي ما تقدر بثمن ووووو ..

وفعلاً النادي قاعد يتحرك تحركات " ايجابية بعكس الأندية الأخرى " ..

فإذا كان الموضوع بهالطريقة فإن الامر يدخل في مجال ما يسمى .. " مصادر دخل المنشأة" .. :)

ومشكور أخوي على الموضوع



وتأكيدا على كلام أخوي شاي كرك

حياكم

http://qatarshares.com/vb/showthread.php?t=241101
الوجبه
22-02-2009, 09:57 AM
سداوي اخوي .. ممكن المبلغ اللي تم فيه جلب النادي .. كم بالضبط .. بما ان المنتدى هذا اقتصادي :)

نبغي انحسبها شوي
الألماسي
22-02-2009, 09:59 AM
إسي ميـلان لا يقل عن مليونين يورو = 9 مليون و 400 ألف ريال قطري :nice:

الحسبه تقريباً للتذاكر راح تكون اربع ملايين و نص ريــال قطري :nice:

بمعنى راح يبقـى لك تقريباً = 4 مليون و 900 ألف ريال قطري . .

لا تنســى النقـل التلفزيوني للقنوات الرياضيـّــه . .

و لاتنسى رعايه كيوتل لهـ المباراه بما انها الراعي الذهبي لنادي السـد . .

و لاتنسـى الدعايات بالملعب . .


يعني منطقياً " العمليّه مربحه " نوعاً ما :)


بس الشئ اللي يضيّق الخلق ان فيه ناس على قد حالهم و حابين يشوفون ميلان Live و مايقدرون و السبب سعر التذاكر العالي . .

نادي الهلال السعودي يوم جاب مانشستر يونايتد بـ مليون و 800 يــورو مؤخراً كان عارض التذكره تقريباً بــ 50 ريــال و ماكانت بــ 500 :nice:



Forza Milan

D:
الوجبه
22-02-2009, 10:09 AM
ممممم خلك واقعي .. ايش 10 مليون .. اعتقد المبلغ يفوق ال 10 بكثير



كم اندفع حق اي سي ميلان حق حجز بس .. يعني اترك عنك المبلغ المتفق عليه .. انا اعتقد فيه مبالغ

للوسيط وللنادي وللحجز امور كثيره ..
الألماسي
22-02-2009, 10:14 AM
ممممم خلك واقعي .. ايش 10 مليون .. اعتقد المبلغ يفوق ال 10 بكثير



كم اندفع حق اي سي ميلان حق حجز بس .. يعني اترك عنك المبلغ المتفق عليه .. انا اعتقد فيه مبالغ

للوسيط وللنادي وللحجز امور كثيره ..


قلت لك يا الوجبه

إسي ميلان ما أعرف كم بالضبط أخذ من نادي السد . .

بس By Logic الهلال السعودي مؤخراً كان جايب مانشستر يونايتد بمليون و 800 الف يورو فقط " اللعب " . .
السعر غير شامل لحجوزات الفندق + الطيران + المفاطيح . . إلـخ

ميلان تقريباً ماراح يقل عن مليونين يورو و لا تتوقع المبلغ أكثر من ذلك لأن هذه الأسعار التقريبيه لأغلب الأنديه . .
FG
22-02-2009, 10:17 AM
الصراحة هذا اللاعب يستاهل

اتذكر واحد طرح موضوع كاتب فيه ليش مايكرمون اللاعبين القطريين المعتزلين

وأنا خاطري أشوف الميلان لايف بس ياليت اتقولون لي وين تنباع التذاكر ؟
الزعفراني82
22-02-2009, 01:44 PM
يستاهل جفال و اداره النادي عارفين شيسوون و الهدف من الاستضافه هو تكريم اللاعب و بنفس الوقت تسويق التجاري و الغير التجاري للنادي و الدوله خصوصا تسويق السياحي و الاعلامي لدوله قطر و هذي احد الطرق و انا اشوفها مناسبه خصوصا نادي اي سي ميلان فيه نجوم و الصحافه و الاعلام بشكل عام راح يلحقونهم بكل مكان

اذا وايد مهتم بالمصاريف و مال العام انصحك تروح تحاسب اشغال و بعض الهيئات و الوزارات
تحياتي و تقديري
شاهيناز
22-02-2009, 01:47 PM
يقولون مبارك مصطفى زعلان يبي نادي كبير في مهرجان اعتزاله

راضوه خلاص

بيجبون له المنتخب المصري
بوحارب
22-02-2009, 01:51 PM
راضوه خلاص

بيجبون له المنتخب المصري

http://www.qatarshares.com.qa/data/208/211/storm_692150740_682443703.gif
Nasser2006
22-02-2009, 01:53 PM
يستاهل بوراشد والزعيم مب غريبة عليه تكريم لاعبينه وبوراشد كل عمره في الزعيم ويستاهل.
مالي ومال الناس
22-02-2009, 02:05 PM
يستاهل جفال و اداره النادي عارفين شيسوون و الهدف من الاستضافه هو تكريم اللاعب و بنفس الوقت تسويق التجاري و الغير التجاري للنادي و الدوله خصوصا تسويق السياحي و الاعلامي لدوله قطر و هذي احد الطرق و انا اشوفها مناسبه خصوصا نادي اي سي ميلان فيه نجوم و الصحافه و الاعلام بشكل عام راح يلحقونهم بكل مكان

اذا وايد مهتم بالمصاريف و مال العام انصحك تروح تحاسب اشغال و بعض الهيئات و الوزارات
تحياتي و تقديري

اشم ريحة تملق اكثر من اللازم :con2:
الزعفراني82
22-02-2009, 02:09 PM
اشم ريحة تملق اكثر من اللازم :con2:

ماشاءالله عليك تشم عدل

ثاني شي انا ابديت رايي بكل احترام و اعتقد كل واحد لو يحترم نفسه احسن و افضل للجميع
الوجبه
22-02-2009, 02:14 PM
اخوي الزعفراني ..

انا وايد مهتم مصاريف ومال عام لان مصاريف ومال عام انت عارف وين يروح .. انا اشوف

يروح حق مواطن مو احسن فقير يبي ياكل يبي يشرب علا اساس صحه زينه..

وبعدين اخوي تسويق تجاري ماشي بس غير تجاري هذا شنو يطلع
الزعفراني82
22-02-2009, 02:18 PM
اخوي الزعفراني ..

انا وايد مهتم مصاريف ومال عام لان مصاريف ومال عام انت عارف وين يروح .. انا اشوف

يروح حق مواطن مو احسن فقير يبي ياكل يبي يشرب علا اساس صحه زينه..

الانصاف زين و كلامك عين العقل لكن انت عارف و انا عارف ان حتي ذكر هالموضوع ما راح يغير اي شي بالعكس

ثاني شي اذا نتكلم بصفه خاصه عن مهرجان الاعتزال نادي له اهداف ذكرتها قبل اخوي الوجبه

1: الشهره الاعلاميه قبل اي مكسب مادي و الاداره لها اهدافها التسويقيه

تحياتي لك و تقديري
الوجبه
22-02-2009, 02:20 PM
خيلي خوب . سوري

سلامت راسك زعفراني .. انت كل تقوله صح
مالي ومال الناس
22-02-2009, 02:51 PM
ماشاءالله عليك تشم عدل

ثاني شي انا ابديت رايي بكل احترام و اعتقد كل واحد لو يحترم نفسه احسن و افضل للجميع

اذا لهذا الحد ماتشم الله يعينك :)

احترم وجهة نظرك لكن كلمة (الادارة ابخص) ولا هم ابخص باللي يسوونه اعتبرها كلمة باليه ومالها اي تفسير في قاموسنا الجديد :)

هالكلام كانوا يقولونه اجدادنا من زمان .. لكن الحين كل شي تغير واهل قطر كلهم يشوفون الخطأ ومن حقهم مايسكتون عليه :)

ولو سكتنا عن الخطأ راح نتأخر وايد

عشان هالشكل الغرب متقدمين علينا 250 سنة :)

مع احترامي وتقديري لك
الزعفراني82
22-02-2009, 03:18 PM
خيلي خوب . سوري

سلامت راسك زعفراني .. انت كل تقوله صح


لا ياخوي الوجبه انا انسان و احيانا اخطي ء و شكرا علا مرورك عزيزي

اشوفك هالايام قاعد تتعلم لغه جديده او حتي يمكن تعرفها ما يندري عاد .

تحياتي
الزعفراني82
22-02-2009, 03:23 PM
اذا لهذا الحد ماتشم الله يعينك :)

احترم وجهة نظرك لكن كلمة (الادارة ابخص) ولا هم ابخص باللي يسوونه اعتبرها كلمة باليه ومالها اي تفسير في قاموسنا الجديد :)

هالكلام كانوا يقولونه اجدادنا من زمان .. لكن الحين كل شي تغير واهل قطر كلهم يشوفون الخطأ ومن حقهم مايسكتون عليه :)

ولو سكتنا عن الخطأ راح نتأخر وايد

عشان هالشكل الغرب متقدمين علينا 250 سنة :)

مع احترامي وتقديري لك

اخوي رمز الوفا

والله ياخوي انا فاقد حاسه الشم بعد فتره علاج 9 اشهر من تلف عصبي بقسم الايسر من جسمي فما اشم تبغي الصراحه بس حاسه السمع زادت قوه عندي اكثر من قبل

بخصوص الخطأ عن الصواب فاعتقد لازم نعرف اهداف العمل عشان نعرف نحكم عليه هل هو خطا او صواب اما ما نقدر نعطي احكام اوليه و احنا مب عارفين تفاصيل القضيه سواء كان مهرجان اعتزال او اي شي ثاني لكن طبعا هناك اشياء واضحه ما تحتاج الي تفسير او تشريح

و دائما هناك اولويه للسكوت عن الخطا و الصواب و يا ريت يكون لنا عدم السكوت عن بعض المشاكل الاساسيه تهم المحتمع القطري من مواطن الي مقيم الي حتي زائر .

المهرجان بالاخير راح يتم سواء كان للمهايط او لأي سبب ثاني .

و شكرا علا مرورك العطر اخوي الكريم .
كاتم الاسرار
22-02-2009, 03:42 PM
انا اقووووووول سعر التذاكر يخلونها ويجمعونها لي احسن

يله كل واحد ياخذ نصيبه
مالي ومال الناس
22-02-2009, 03:55 PM
اخوي رمز الوفا

والله ياخوي انا فاقد حاسه الشم بعد فتره علاج 9 اشهر من تلف عصبي بقسم الايسر من جسمي فما اشم تبغي الصراحه بس حاسه السمع زادت قوه عندي اكثر من قبل

بخصوص الخطأ عن الصواب فاعتقد لازم نعرف اهداف العمل عشان نعرف نحكم عليه هل هو خطا او صواب اما ما نقدر نعطي احكام اوليه و احنا مب عارفين تفاصيل القضيه سواء كان مهرجان اعتزال او اي شي ثاني لكن طبعا هناك اشياء واضحه ما تحتاج الي تفسير او تشريح

و دائما هناك اولويه للسكوت عن الخطا و الصواب و يا ريت يكون لنا عدم السكوت عن بعض المشاكل الاساسيه تهم المحتمع القطري من مواطن الي مقيم الي حتي زائر .

المهرجان بالاخير راح يتم سواء كان للمهايط او لأي سبب ثاني .

و شكرا علا مرورك العطر اخوي الكريم .

ماتشوف شر ان شاءالله

واقصد بكلامي الخطأ بشكل عام .. سواء عن هالمهرجان اللي تكلمنا عنه او غيره

يسعدني حوارك والشكر موصول لصاحب الموضوع الوجبه :nice: